فرحه:
متوسدة الكاع ابجي وهو بفراشي كاعد لحيله يتفرج عليه ما يسوي شي راح اتخبل شلون بنتي راح تتزوج هذا وتنحرم من كل شي زين جدها ليش هيج يحكم عليها وهي حفيدته حالها حال البقية يحرمها من ميراث ابوها هالنوب هو القانون ويانا ماكو سندات باملاك باسم ابوها كلها كلام والفلوس متداولة بايد عمامها وفعليا كله باسم الجد ...
شلت راسي يوجعني احسه راح ينفجر من التفكير
-اتصرف معد بنتي ما تاخذ هذا المهتلف ابد ما اقبل ابد شنو تنحرم من حقها شلون تقبلون تاكلون حرام
-منو ياكل حرام وزني كلامج هو اصلا لا باسمي ولا باسم مضر شي انت تعرفين اصل الاملاك باسم ابونا واحنا كبرناها وما اظن ابويه صدك يحرمها بس يريدها تبطل وتختار الافضل الها
-يعني هسه شنو
-يعني بنتج هي بكيفها بعد جظها خيرها
-وانت تقبلها تاخذ هذا حتى صلاته مو مثل صلاتنا ...ما كاعد افتهم انتو من شوكت صرتوا تسمعون راي بنية واختياراتها وتنطون لغربة
-فرح اهدي وقنعي بنتج وينج عنها لعد من هيج تخافين عليها
-شنو قصدك انت
-ما اقصد شي يابه تعاي هنا يمي نامي
-انام يمك هذا كل الهامك انت ؟؟؟موو؟؟ هذا الهامك ؟؟؟شكيت ثوبي وكمت اعيط عليه
- موتتني انت شنو من بشر دتشوف حالي
كام لحيله وسد حلكي بقوته
-ولج كافي تخبلتي عاد خل نشوف حلها الولد حافي كل شي ما عنده منين يجيب لبنتج جدها يريد يهججه اصبري
-انت تجذب عليه كلت ارفضه واول واحد بيهم وافقت
-اوافق غير جايبين الي ناس واحرجوني
-علاكة طماطه هي وتنحرج وتنطيها هذا زواج وعمر لو تعاجزت منها وكلت اخلص من حملها
-شوكت متعاجز منجن اني شدتخربطين فرحه بنتج كبرت وهاي شغلة عادية انت كل ما راح يجينا خاطب انت هيج تسوين
-هو هاي هم قسمة ينسكت عليها ودتشوفه مستقتل وراح يقنعكم مثل ما قنعها
-لعد من تعرفين بنتج عدها رغبة بهالزواج يعني مو بهيج اسلوب نبطلها يا فرح
-ليش ما جبرت ابنك ليش فسخ
-شنو صغير واجبره شبيج لخاطر الله فرحه وعدتج اني صح بس لهنا بعد الامر لجدها ورايها هي شنو اجبر ابني اجبري بنتج على شي اول لو جان كدرتي تمنعيه عنها وين جنت غافلة
-ثاني مره تعيدها اني بنتي ربيتها احسن تربية وتعبت عليها وما انصحك تستفزني بهيج كلام تبسمرني وما اسكت لاحد بعد اني
-منو يمج انت ؟؟تره اني لو عندي حجايه احجيها ما اخاف لا منج ولا من غيرج لا تضلين تتحسسين وبعدين هسه انت زوجتي واللي يمسج يمسني ...
هم جنت قبل زوجتك وباذنك تسمع يسموني ال...الك...تقبل وتغلس هسه فرقت
-لا ترجعين عليه عاد كافي تذبين سمج بيه
-لا ارجع وارجع اذا تريد تتجفى لساني ترفض تكول الهم بنتي واني مسؤول عنها وما انطيها لهذا وتطرده وسهله عندك تره كام يمشي واني تبعته ما اخليه يروح لهناك وما اخليه هم يكعد مرتاح
-اكوم اولي لبيتي احسن ما ابتلي بيج هسه
-على شنو تبتلي بيه شتسويلي تضربني ؟؟؟ اضرب ..وكفت مقابيله احاول استميله بجسمي اللي ظاهر منه هوايه وعيونه فعلا استقرت عليه تأمل تفاصيلي بحسرة وبعدها بساع
-فرحه اني مو غبي تره بالج عن دربي مو ناقصج هسه وحق الله
-موتريدني انت ؟؟
-اي وهاي هسه كمتي تنطين عندج لعبة اني لو شايفتني شنو
-معد لا تخليها تتزوج والله شتريد اصير الك بس امنع زواج بنتي مثل ما تكدر تمشي كلمتك كل مره ليش من وصلت لفرحه تكول ما اكدر
-ابويه مسؤول عنها وهو ولي امرها واليشوفه هو الصح ما راح يذب بنتج بالشارع تره
ابتعد عني ديطلع واني عيطت وراه
-جبان !!
اندار عليه فاتح عيونه باستغراب ورجع الي ..شكلتي ؟؟
خفت منه واجيت اتهرب منه رجعت امشي للكنتور مستعجلة اريد اطلع هدوم اليه ما احس غير باب الكنتور انشالت من مكانها ووكعت مخبل مدري شسوالها اني ختلت ويه الزاوية وهو يريد يوصلني غمضت وخليت ايدي على وجهي احميه منه بس ما وصلني ولاطخني صاير مو مخبل مثل قبل ..فتحت عيني لكيته عاض ايده بقوة متحلف عليه ..اندكت باب الغرفة فتحها بعد ما سمعني كلمتين كانت مسرة ... خايفة مستفسرة عيونها مدمعه
مسرة:اسفة عمو والله بس صوتكم واصل بره والله ميصير يسمعون صوتكم عفيه كافي اني بطلت
هدأ وحضنها لصدره وباس راسها
-يابه ماكو شي ومعليج بينا مشاكلنا ما تنتهي اني وهاي ..اشر عليه يشمر بايده وطلع عافنا اني وبنتي
مسرة:ليش هيج تسوين
فرحه:شمسويه صوجي خايفة عليج لا تضيعين حياتج عبالج العرس بدلة وحلقة وزفة
مسرة:وعمو شعليه ماما هي هاي جزاتها عمي صار سنين حاير بينا اني ما عرفت اب غيره ولا شفت ابويه كل هالسنين واني عايشة بخيره هو وجدو ما قصروا ولا وياج قصر بشي هسه تريدين مشاكل وتريدين منه يوكف بقسمتي زين مو انت عشتي حياة جبر وظلم تكولين تريديني اعيش نفسها ؟؟
-والله عاد عيشي بجبر ولا عيشة فگر
-هسه منو يكول تصير وهلكد عرضة بيها اصلا اني بطلت
-جذابة باجر اذا اجا توافقين
-ماما ليش هالحرب هسه انت عرفتيه لو شفتيه ليش كارهته
-وما اريد لا اشوفه ولا يشوفني عساه لا اجا
-براحتج
تركتني وطلعت واني كعدت الم بغرفتي واحجي على معد لان كسر الباب ...ثاني يوم من الصبح اجا يصلحها لا اني احجي وياه ولا هو ومسرة ويانا تلملم بالغراض هم ما احجي وياها هي هم وبس ادردم عالغرفة ما تحمل بالاخير نطق
-مو هاي صلحتها الج مو كافي عاد تدرمين عليه
-شيفيد التصليح الغرفة انعدمت بابها توطوط من وراك شوفوها وط ..ووووط .. احرك بالباب واقلد الصوت مسرة تباوعلي وتصد وادري بيها السفيهة تضحك عليه واني ميته قهر على غرفتي احبها هو اشتراها اليه من عقدنا محكمة عود صار رجلي وجابلي اثاث
رزلت مسرة ورجعت اشيل ملابس واطلع من الخانه
معد:وين موديه هدومج
-والله ما يعجبني هذا الكنتور اشيلهن بجياس لما يجي راس الشهر اجيب غيره
-عالبيت الجديد
-يا بيت
-بيتنا
-لا عيني اني هنا بيتي اروح هناك شعندي يوميه وصاير عصبي عود وكسرلنا البيت
-ما اصير
-هو انت من كاعك عصبي
-عود الزم نفسي استغفر الله يا ربي ضحك واني دا احجي جديات كلمه مني وكلمه منه تعاركنا مره لخ وطلع يركض ومسرة تباوع ساكتة مو راضية شلون ازعل عمها وهو شتريد يكول تم اخرها هالسالفة
..ما بات يمي لمدة اسبوع كامل كل ما تجي ليلتي ما يجي واشوف سيارته يم بيته القديم اي شكو عليك سائل بيه هو وعنده هناك نسوان اثنين اباوع واطحن بروحي من وراه ما اريده اني بس من حقي يجي يبات ليلتي يمي لان ذنيج الحياية يبسمرن بيه ...انهزم لان اضغط عليه بسالفة زواج مسرة يرفض واللي صار دزوا علينا مره ثاني و جمعونا جدها يكول اسبوع وتجي مشية زلم وهاليومين يجون نسوانهم ...تخبلت مو راضية اني اعترضت سكتني خالو والحمد لله مجيد من سمع معارضتي هم كال موقفه ما كان موافق والخبلني معد هم ساكت عيوني تترجاه يتدخل صاد عني ما يباوع الي ...
دعاء:
بعد هالاسابيع كلها اني ما شايفته التقيت بس ببيت عمتي فرحه صدفة عصبي يحجي على جدو واخوانه شلون يوافقون على زياد من دخلت باوعلي بنظرة خفت من كثر حدتها ورجع كمل كلامه ويه عمو معد لان هو ما متواجد هالايام ومن عرف جدو وافق كلش انزعج هاي نقلا عن مسرة ....
جان معصب ويصيح على عمو معد وعمه فرحه تزيد ناره حطب من تكمل حجيها عن زياد
مجيد:ادري عقلكم وين صدك
اني جنت اريد افوت يمها صاح بيه
-صيحيها خل تجي احاجيها
هزيت راسي فتت جوه لكيتها تبجي وحالتها حاله
دعاء:مو كافي هالبجي عيونج راحن
-شايفتهم شلون متفقين صاروا سلالة الانبياء وبناتهم ميصير يطلعون للغربة هسه وصاروا يدورون ضمانات وحقوق
-كومي احجي وياه يريدج
-عمو مجيد ما راح يقتنع يكره ال.....
-على اساس كاضيها دك ركع هو ...والله هذا عمج مال يقيمون عليه الحد فاسد ويدور براس الناس
-عفيه دعاء احجي وياه انت
-هااا نعم بصفتي منو بالله وشعندي واحجي وياه عمج همجي متخلف كل همه وتفكيره شاغله امر واحد غيره ما يعرف يركض وره كل وحده شريفة عفيفة
بين كلامنا فات هو للغرفة بدون ما يدك بابها تفشلت وخفت يكون سمع شجنت اعد عليه باوع بوجهي بضوجه وحاجاها
-اني مو صحت عليج ليش ما تطلعين
مسرة:عمو جدو وافق اني شعليه
-واني ما اوافق شنو قحط اوادم لو عاجبج البهذلة ولج ساكن بالخيسة نذبج بخيسة الله محمد يرضاها تطلعين منا لل.....
سكتت ما تجاوبهم هي من يلحون عليها بهالمسألة
طلعت وعفتهم يحجون يحاول يقنعها وامها مكيفة لان عمها ضد رغبتها وهي تعرف تأثيره على مسرة وقربه الها تسمع منه ....
بقيت كاعده يم عمو معد لحد ما كمل كلام وياها وطلع من غرفتها يظن نفسه انتصر يكول لامها هاي ما تعرف مصلحتها وهسه فهمتها وسكتت بعد يجي ينطرد وتخلص هالسالفة
كمت اريد اروح يمها وكف هو ولحكني
-انت اوكفي خل احجي وياج
-اني؟؟
-امي لعد!!ا باوعي سوالف حب وخرابيط لا تعلميها وفهميها الحياة مو ساعه نريد وساعه بطلنا هاي السوالف مو لائقة والحجي بضهر العالم هم مو حلو عدنا شي نحجي بي ما عدنا نكف لسانه وعيونه همين وسوالف اكبر من عمرجن اخر مره اسمعها منجن انت وياها
حاجاني كدام عمه وزوجها كاعدين فشلني وقهرني عفته ومشيت لان ادري بي سمع كلامنا قبل لا يفوت للغرفة
مررت هالسالفة اول مره ثاني مره دا اريد اطلع للسوك جنت ويه ضياء يكمز كدامي واني امشي على كيفي محتاجة شغلات لنفسي وبابا يقبل مرات اروح لمحلات قريبة اتسوك وارجع
طلعت امشي ما حسيته الا ويايه يمشي استحيت شارع عام وناس تمر واني يعرفوني منطقتنا امشي ويه مجيد ؟انهبطت من مشيته يمي
-شكو شعندك
-شعندي بعد اوصلج وارجعج ما دام رجعتي تطلعين وتطبين
-وانت شعليك بيه
-والله بيه عليج تحلفة الا اخليج تكرهين حتى اسمج اذا ما اخليج تصيحين خلصوني
-شنو هاي تهدد عفيه مجيد امشي منا ما الي خلك ولا حيل احجي وياك منتبه لعمرك ومكانتك لاحكني بالشوارع هالنوب بصفتك منو تمشي وياي باوعلي بطرف عينه مستمر يمشي ويداهر بيه
-رجلج باذن الله واكسر راسج اليابس تروحين للحجي عبالج يخلصج مني والله ما تخلصين مو اني التضحك عليه بنية
سكت شويه ورجع كمل همس بس اذا بنية حلوة عود قابلين ..اي هسه شكلتي
-شكو ؟؟
-اشتريلج حلقة هسه واجيب اهلي واجي المغرب
ابتسم بوجهي واني سكتت
-مجيد بلا هالشقى عيب من الناس ماكو شي يربطني بعد بيك
-فنه اليحجي اترس حلكه تبن بنت عمي وماشي وياها ما ماشي ويه بنات عم احد اني
باوعت اله بعدم قناعة وعرفته ما راح يعوفني كملت دربي وهو بصفي يمشي دخلنا لفرع المحلات ورجعت حجيت وياه
-هاي وصلت كافي يلا روح
-اشتري اشتري يلا فضيني شرايدة وصوتج منا العالم تباوع النا كملوا يلا...ولك ضيو تعال هنا انت هم ينراد الكم حيل
صفنت عليه وكملت مسرحيته حجيت باستهزاء
-تعبناك يمعود
اندار الي واببتسم ابتسامته المعتادة من يداهر
-تعبج راحه تدللين انت يمعودة
مشيت وعفتهم ورايه هو وضياء خل يبتلي بي وكح من نطلع للسوك حيل ضل يخبث وهذا يتعذر من العالم ويلم ويشتري ومجيد يركض وراه ...كملنا مسواك وصلت للدفع وكف كبلي عالميز وخلاني بضهره ويحاسب الرجال مديت ايدي من كال اله شكد فلوس ابو المحل يباوع لوجهه ويرجع يباوع لايدي غلسوو اثنينهم دفع هو وطلع شايل العلاليك ..اني بقيت صافنة وراه ولحكته امشي واحجي عليه ما اريد منه شي دار عليه وجهه وحاجاني بامر
-امشي يلا انت تشلعين الگلب مو هذا ضيو تعب اشو يكول صفاحه توجعه
انتبهت لاخويه صدك حبيبي كامش خاصرته ووجهه متالم هو من يلعب هوايه لو يركض يكوم يشكي منها هاي صار فترة وامي منتبهة اله تريد تاخذه طبيب
دكت اله اساله
-شبيك حبيبي
اجا مجيد يمنا وشاله خلاه فوك كتفه كعده
-ما بي شي هذا الاسد
ومشى شايل العلاكه بالايد الثانية وهذا يضحك متونس فوك جتفه ومجلب براسه اني سكتت من شفت ضياء متونس عليه وهو هم مندمج وياه ورجعوني الطريق كله يعلم اخويه شلون يصير سبع وما يخليني بعد اطلع وهذاك القرد يكوله ما اخليها ومجيد يكوله عفيه واني اجيب الك هدية من تصير رجال
كتله بضوجه
-راح نتعارك مجيد!!
-يا هلا بالعركه هي وينها
وصلت اخيرا للبيت بسلام نزل ضياء وبقت العلاكة بايده مدها اجيت اخذها جرها رجعها اجيت اخذها جرها صرت عصبية عفته وفتت جوه
-تعاي ولج اخذي تعاي ..هااا دعاء تعاي ...طلع اله ضياء جابها وعبر ورايه
مرت يومين والثالث ما شايفته باليوم الرابع تلاكينا بيوم المشية مالت مسرة وزياد ...جان نار ويشتعل وابوه مرزله وساكت على اعصابه بيومها اول مره اشوف وجه لمجيد جديد ما شايفته ؟؟؟
...
مسرة:
بيوم جية النسوان مثل ما متفق عليه من جدي وعمامي ..اجوي هالمره ببيت جدي واحنا رحنا هناك يمهن جدة ام عمو مجيد مستقبلتهن ..امه واخته الجبيرة وبيبي ام كامل ..اول مره اشوفها لامه جانت مره بسيطة وكلش مبين عليها فقيرة ما حجت شي بس من شافتني ضلت تصلي عالنبي وتباوع عليه اكلتني بعيونها وفصلتني تفصال استحيت عبالك هو الكاعد مقابيلي وعيونه تباوع الي
... اخته عبير وجدة ام كامل مستلمات الحجي ..بيبي زين ساكته بس امي ابد ما انطت مجال كومه طلعت اعذار وحجج وحسيت اخته كوه متحملة بس تجاملنا بالسكوت على اسلوب امي اللي تعمدت تسويلها مشكلة والحد لله ما صارت .... زياد كاتب كاع باسمي شي قليل بس كانت كافية ان تكون اسمها كاع ..المهر امي رادت ذهب وحددت وزن الهم وسعركلش ثكيل واني اموت من الفشل بكل مره اتخيله شراح يفكر بينا وشنو ردة فعله بيع وشرا مو زواج صار ...اخته سكتت بس بيبي ام كامل تدخلت وكامت تحجي على امي
-دخيلج ام مسرة هواي هيج منا الكاع ومنا تريدين ذهب الولد مشتريكم ليش هيج تسوون بي هو زياد يتقيم بذهب وفلوس والله ماكو منه اني جايه اخطب اليوم لواحد من ولدي وفرحتي بي عبالك فرحتي بضرغام
فرح:خاله شايفة عدي العشرة هي هالوحدة وما اتنازل عن طلبي ابد الكاع شرط جدها بس اني اريد لبنتي مهر وذهب ومقدم ومؤخر حالها حال هالبنات واحس همين مو كافي ... اذا ما يكدر على هالزواج لا يورط روحه ويورط بنت العالم وياه اذا هو ارمل بنتي اول قسمتها براحته اذا ما يكدر ..كالتها بطريقة تفشل وتقهر اباوع امه واخته كلش تضايقن وواضح ضغط عليهم قوي يتحملونا وامي كلش زودتها واخاف هالايام احاجيها اصلا هي لعمي مهججته لان مدا يطاوعها بسالفة تخريب الزواج ودزت الي عمو مجيد اللي اني هسه وبعد خايفة من ردة فعله اني من يضغطون عليه اطاوعهم بس بداخلي ادري جدي كلمته فوك الكل وهو اطاه لزياد كلمة
عبير:ام مسرة عيني انت من اول مره اجينا انت ما تنطين مجال نتفاهم وهسه همين اذا ما موافقين كولوا ما موافقين ...اخويه يجيب مو مشكلة هسه كل طلباتج مستعد الها بس غير نوصل حد معقول ؟؟زين تتوقعين حياتها تنسعد هيج... لوهو للذهب والمهر قيمة بعد اذا ما كانت مرتاحه اخويه مشتري نسبكم وصح يمكن مو نفس مستواكم المادي بس تره ما بي قصور خريج و موظف ويشتغل شغلتين غير وظيفته شايل مسؤولية جبيرة وبيتها حيكون بوحدها وحتى ابنه هو ويانا اني وامي
الجدة:كل هالامور شكليات وهو بالنهاية الذهب الهم وهاي من الزينات اخوج يجيب شي يباهي الناس بي يلبس زوجته احسن ما موجود واحلاه
من بعد هالكلام سكتت اخته ووافقت على الكلام مجبرة امه تهدي وجدة ام كامل وحتى جدتي بدت تغير موقفها نسوان عمامي اصلا ما كعدن يمنا امي طردتهن...خلصت الكعدة وطلعن اني بالطرف كاعدة من ديطلعون امه صاحتني وشاورتني باذني
-زياد يسلم عليج حملني والسلام امانة ...ابتسمت خجلت منها م هاي يكول خل يتشرطون بكد ما يكدرون واني هسه اكول حقه يمه كون الله يجعلج نصيبه وزواج الدهر يا رب بوستني هوايه وتصلي عالنبي كل ما اتقرب يمها لو تجي عينها عليه
ابتسمت بوجهها دنكت خجلت منها عبير بوستني وهم حاجتني بلين وكالت يريد يجي الكم وما خلينا اليوم يجي باجر باذن الله هو يجي لجدج امي اباوع الها لو بيدها تملخني وياهن ...
بس راحوا سحلتني لبيتنا تغلط وتدعي عليهم وعلى عمامي وحتى عليه ...شبعتني رزالة لا ما رفضت ودزت على عمو مجيد اشتكت اله وهو راح لجدو متعارك وياه من جديد وجدو طاردهم ...
باليوم اللي بعده اجا هو يم جدو ودز علينا جدو ورحنا وهذا حيكون اول لقاء بين فرحه وزياد
اول ما وصلنا بيت جدي لكينا عمو معد منتظرنا فوتنا للاستقبال مالت البيت الجبيرة ...بنهايتها كاعد هو مدنك وجدو يمه ملامحه هادئة اول ما دخلت صاح
-هلا يابه تعاي هنا يمنا
مشيت بخطوة متعثرة موقف كان الاصعب هاي هي طريقة اهلنا باي زواج يشوفوه العروس وهذا ماشي عند جدو بزواجات محدودة للغربة طبعا لان الاغلب اقارب...
كعدت بجانبه وامي وعمو معد كعدوا شويه بعيد عني ومناك زياد وجايب وياه جدو ابو كامل وبعد صديقه ضراام بس دري وين رايح
الجد:يابه موافقة عالزواج خل يسمعون
هزيت راسي مدنكة كل شويه ارفعه الكي زياد يباوعلي مبتسم الضغوطات اقل وجدو كان متفهم الحال اللي اني بيها بدون ما احجي اله ما خلاها لامي حتى تحجي ...
كعد كرر عليه الشروط مره ثانية وشدد على العقد يكون بمذهبنا احنا وهو وافق على شروطه كال اله على راتبي من عمامي
زياد:هاي شي يخصها هي ويخص عمامها اني لا رايد فلوس ولا راتب اني رايدكم توافقون بس وحتى قسط كليتها اني اتحمله
ضحك جدو وكال اله يتشاقى وياه
-هاي وين وصلت انت قسط كليتها هذا حصتي لو تريد تشاركني بحصتي بعد
ابو كامل :هاا حجي مو كلت الك الولد مشتري نسبك ومتمني موافقتك
جاوبه جدو باختصار
-واني بعد اتشرف بي بعد السؤال والمعرفة يعذرنا البنية يتيمة وجان واجبي امنها
زياد:بالعكس اني لو عندي بنت او اخت هم تصرفي راح يكون نفسه ادري الاهل خوفهم مشروع ومبرر واليوم بصراحة اجيت ردت اشوفكم واشوف بالدرجة الاولى عمتي ام مسرة والعروس وطلباتهن قبل المشية الرسمية لان اني من بعد اذنكم اعقد بنفس الايام مجهز كل اموري للزواج ....بعد اذنك حجي وبعد اذن عمي ابو راشد
عمو معد اخذنا اني وياها وصاح عليه يفوت للبيت شويه احس انكسر حاجز بذاك اليوم من تقابل هو وامي ...طلعنا بالصالة الثانية واني وهو تارسنا الفرح بس امي عكسنا ...سولفت وياه عالذهب وترتييات المشية وهو عيونه ما فارقتني واني اضحك مشابكه ايديه وامي كل شويه تكرصني بلا ما احس تشوغ روحي
راح وبالجمعه كان اليوم المنتظر قبلها جهزنا فستان بسيط للعقد وفستان ثاني للحفلة لان كالت عبير تلبيس نيشان والذهب وعقد نفس اليوم ...
بهالايام تركتني واخيرا فرحه ملتهية بالضيافة وتجهيزات المشية ولحد هسه ما احسها مقتنعة ولا قابله بس عمي معد كام يحجي عليها ويسكتها من تحجي ....وصار اليوم المنتظر بعد كومه اشهر ومدري شكم مره رفض ..
واكفات اني ودعاء وحوراء بشباك غرفة دعاء نباوع للفرع والسيارات دخلت ترست فرع بيت جدي ونزلوا كومه زلم اغلبهم بالزي العربي وجماعته بالاخير يهوسون وراه وهو من نزل لابس قاط بسيط ومرتب وتلكوه جماعته بالشارع سووله هوسات ودبج واحنا نضحك
دعاء:يا ربي شلون حلو ربي يسعدكم ان شاء الله ويتمم عليكم
مسرة:عمري يوم الج ولحوري
حوراء ساكته وجهها مو مثل قبل لا تبتسم ولا تضحك من يوم خطبتهة لراشد ورغم هي تحبه ورايدته بس ابد ما شفنا بيها فرح قبل نفسه ولا حيويتها القديمة وكأن كل شي اختلف بيها حتى مستغربة وضعها وسالت دعاء مرتين تكول متعاركة ويه راشد يمك لان راشد تاخر بخطبتها وضل فترة ساكت !!
بهالاثناء صعدت النا زهراء اخت زياد تكول يلا تنزل العروس والناس كلها اجتي ....هي جانت جايتنا من قبل ساعتين ويه جدة ام كامل وجانت يمي كاعدة لما تجهزت بس نزلت ويه البنات من نزلوا
نزلت ورايه للبنات ام زياد اول ما فتت بالصالة هلهلت وطشت عليه جكليت بي الضيافة ووالسوالف شويه وصاحوا جيبوا العروس امي ماكو يمي استغربت وانقهرت يعني بهاللحظة تغيب معقول ...اتلفت ما لكيتها كومتني بيبي وفاتوا ويانا عبير وامه وزوجة خالي وزوجة عمي معد ام رنا بغرفة جانبية ببيت جدي بيها بس الشيخ وجدي وزياد وابو كامل وشكم واحد من عمامي ... سألوني مدري شنو وافقت والهلاهل ترست الدنيا
بوقتها كل شويه اخذ فره بالوجوه وينج يمه ليش وحدي انكسر واهسي وانقهرت اعرف بيها مو موافقة وانجبرت بس اني وحيدتها وتدري هاليوم راح يبقى ذكراه طول العمر هي نفسها كانت تسولف الي معاناتها وحزنها ليش تريدني اعيش شي مشابه
رجعوني لمكاني حتى زياد ما انتبهت اله انخبصت روحي وهي اصلا الحفلة ما كانت بسيطة هوايه الحاضرين ...من رجعوني شفتها كاعدة متكتفة كدامي دمعت عيوني ودرت وجهي وكعدت واباوع لجدتي راحت الها لان حست بيه تغيرت وغابت ضحكتي ......
يتبع .....