حرام مستباح

الجزء الثاني 12

صرتلك سر بحلك ميتين ماضن بعد تلكاني .

#حرام مباح
#نسرين الاسدي

ملاحظه بنات:
اروجه كلش مريضه خطية ادعولها الي عدهم انستا اكيد شافوا ستوري ملاك وعرفوا الموضوع

والي ما عدهم انستا هذا حسابي ع التيك نشرت الستوري
nsreen_nsreen 1
______________

ياسمين:
مباشرتآ بس رجعنه فروحه من المدرسه رحنه لأم رعد حته تاخذنه لسيد كون يعرف بسوالف العمل ويبطله

خلينه فروحه وتيم يم زينب واخذنه ام رعد ويانه ورحنه

جان بيته بعيد بس كالت هو خوش عراف وهواي ناس يجوله من اماكن مختلفه حته من غير محافظات

دخلنه وجان يمه ناس ضلينه كاعدين بره على ما يخلصون
ومن كثرة الناس الشفتهم موجودين الحجي عنه يمكن صدك

ضلينه كاعدين فوك الساعه وبعده ما وصل دورنه لأن هواي جايين قبلنه

فجئه التفتنه على صوت واحد سلم على عمار

_السلام عليكم شلونك ابو زيد

_وعليكم السلام اهلآ ابو باقر

_شعندك هنا.. اول مرة بحياتي من عرفتك لليوم اشوفك جاي لهيج مكان

_اي والله اني خلصت عمري ما مهتم لهاي الشغلات وبعيد عنها.. بس هي هاي الدنيا دوام الحال من المحال

_اي والله صحيح حقك.. اني هسه شجايبني هنا غير ابني راد يروح مني

_يا ستار.. ليش مو كتلي قبل شهر زوجته شبي لعد

_والله يا ابو زيد النسوان ما ترحم مسويله عمل وصاير ما يطيق زوجته تخيل عروسه بعدها بشهر العسل زوجها بغرفه وهي بغرفه

_لا حول لله.. ليش هيج

_خطية والله هواي تعبت وياه بس هيه بت اصل ما تركته ولا راحت لهلها كالت اتحمل حته لو يصيح علي ويطردني لأن مو بيده

_الله يشافي يارب ويبعد عنكم الشر

_الله يحفظك اخي.. هسه هو داخل ويه السيد واني ضال منتظره.. بلكي الله يلتفت لحاله

شويه وطلع ولد بعده شاب خطية عمره مبين ما يجاوز العشرين بس شنو شكله تعبان وذابل حته مخلي اكبر من عمره
الله يشافي ويساعد زوجته اكيد هسه حالتها ما تنوصف

وصل دورنه ودخلنه عليه.. المكان غريب كله ريحة بخور وصور طلاسم وآيات
ويمه قرآن وكتب هواي دفاتر اقلام وشغلات غريبه ما عرفت شنو هنه

سلم عمار علي وكعدنه كدامه..

كال وهو مخلي عيونه بالكتاب: اساميكم واسامي امهاتكم

كناله الأسماء وراد عمار يشرحله القصة رفع ايده اله وغمض عيونه

شوية وكال: اكو نسوان يردن يخربن بيتكم.. البيت مرشوش بكل مكان وكل ركن.. ما بي ولا مكان نظيف من هذا العمل

قرا شويه وبعدين رجع التفت النه: انتبهوا جايتلكم سالفه كلش جبيرة ويمكن تخسرون.. شي او شخص

عمار: وشنو الي نكدر نسوي هسه

_راح انطيكم بخره تبخرون بيها البيت وشموع وهذا الماي ترشونه بكل اركانه

ياسمين: تكدر تكللنه منو الي مسوي هيج؟
احنه نعرف بس نريد نتأكد

_انتي مسحورة.. ضلي حته اسويلج جلسه

عمار: اعذرني وين تضل؟

_انتم انتظروها بره دقايق وتخلص الجلسه وتكدرون ترحون

شفت عمار تعصب: لا ما تحتاج جلسه وهي الحمدلله ما عدها اي مشاكل.. انطينه العلاجات ماعرف شنو وخل نروح يلا

_براحتك.. بس راح تندمون ولا تكولون انه ما حذرتكم

كتبلنه بسرعه الشغلات الكال عليهن وانطاهن النه

عمار: شكد حسابك...

انطاه الفلوس وطلعنه بسرعه وبس ركبنه السيارة حرك ع السريع

وكل الطريق هو معصب يريد ينفجر.. هسه انه شحجاني استغفر الله

_____________

مروه

اني طحت قبل لا تضربني السياره .. نزلو لبيها وجتي لبنيه تركض لزمتني من ايدي وتحجي بخوف هيه ولرجال لوياهة

: خويه شبيج تعورتي ناخذج للمستشفى

: حبيبتي كومي تأذيتي بله خلي اشوف

مسحت وجهي بأيدي وهزيت راسي بـ لا وبلكوه تطلع لحجايه مني ' م.. مابيه شي

بسرعه كال لرجال : انتيي مو زوجة عباسس؟؟؟

رفعت راسي ماميزته منو ولا عرفته ..هزيت راسي اي .. كال : خويه اني صديقة بهاء .. كومي كومي خلي اوصلج لبيتكم شطلعج بهذا الضهر وشبيج

' خلي ناخذها للمستشفى احسن

بهاء: يلا ساعديها خلي تصعد بالسياره..

صعدتني البنيه وكلت بصوت ناصي : خويه وصلني لبيت اهلي الله يخليك .. مابيه شي

بهاء: للتأكيد خويه هاي المستشفى مو بعيدة

مروه : لا الله يخليك والله مابيه شي.. اصلا ماطختني السياره.. وصلني لبيت اهلي..

هز رأسه مامقتنع .. وصلوني للبيت وامي فتحت الباب .. ماسمعتهم شحجو طبيت للغرفه وكعدت بالزاوية ابجي مصدومة بالصار وياي شحجي شكول.. عباس اذا عرف شنو ردة فعله ؟؟!!

______

زينب..

واكفة بالمطبخ وي خالة نسوي كيك ، رعد ومروه مااجو بعدهم .. اندك الباب وراحت خالة ..

دخلت مروه سريع ودخلت للغرفة .. استغربت وسمعت صوت ولد يحاجي خالة : حجية اني جنت طالع فجأه طلعت كدامنه

ام رعد : يمه اسم الله وخو ماتعورت

: لا خالة مابيها شي واصرينه عليها ناخذها للمستشفى ماقبلت ..

ام رعد : تفضلو يمه خلي نضيفكم شي

بهاء: مشكورة ام رعد .. نترخص..

خلو وراحو واجت خالة دكت الباب ومروه ماتقبل تفتح ..

ام رعد : يمه خابري رعد كليله مروه رجعت

خابرت رعد وگتله وهوا مهبوط لان رايح لاگي الباب بيتهم مفتوح ومحد بي تخبل .. اجه بسرعه وكال : شلون تطلع لوحدها مو تدري زوجها مايقبل شبيها مانتضرتني؟

زينب : حبيبي اهدء البنيه مدري شبيها اجت وجهه اصفر وعيونها حمر .. وبهاء ومرته جابوها لان عرضت بطريقهم

فتح عيونه مصدوم : شنووو وشبيها هسه خو مامتعوره

زينب : لا .. وكايلتلهم مابيه شي مااحتاج مستشفى..

راح دك الباب وكال بهدوء: حبيبتي مروه .. فتحي الباب شبيج خويه

ردت بشهيك : م..مابيه ع..عوفني

زينب : حبيبي خليها شوي واني احاجيها .. بالكوة اقتنعوا هوا وخالة وراحو كعدو .. دكيت لباب وحاجيتها ماقبلت ترد بس تبجي هبطتني .. خاف متعرضلها احد شي ..

زينب : مروه الله عليج فتحي الباب

فتحت الباب وعيونها حمر ومورمات دخلت وكتلها ' شبيج ولج احجي

مسحت وجها : مابيه شي .. تعاركت وي عباس

زينب ' جذابة ..

رجفت شفايفها ورجعت تبجي .. بعدني ماحجيت ودخل رعد بيده التلفون : مروه عباس يريدج..

مروه : استغفرالله..

اخذته من رعد وانطيته الها .. وخلينه وطلعنه .. وشوي وسمعنه صايحها بالتلفون !!

___

مروه : خليت التلفون على اذني وصاح طرشني : احترررررك عمجج الف مره اقندرررر اتصلللل وين جنتييييي

مروه : لااا تصيح

عباس : واشك حلكج هممم

مروه: لا تصيحح كله منك كللهه منكك ليشش تزوجتك انه كلهه منككك تروووح وماتسئل عنييي

عباس : شبيج تخبلتييي شنو هذا الحجييي

مروه : طلكنيييي طلكنيييي ماريدكك

عباس : شلون رح اكفر بيججج

مروه : لا تكفررر ولا شي طلكنيييي انت ماتحبنيييي تعوفني وتروححح ماتفكرر تكووول وين اعوفهااا

عباس : بت الجلب وين عايفج بالشااارع

مروه : لاااتغلطط كله منييي وافقتت اتزوووجك بس تجييي طلكنيييي.

عباس : باجر جاييي وانعل......

مروه: ضل يغلط ويفشرر سديت التلفون بوجهه وشمرته .. زدت بالبجي والغصه خانكتني .. هوا شعلي بس طلعت حركتي بي .. للمغرب وره الأذان طلعت من الغرفة.

كالت امي: ها مرواي يمه شخيرج خوفتينه عليج ..

ابتسمتلها ورحت غسلت وجهي ورجعت يمهم حضنت امي وبستهه بخدها : مابيه شي يبعد عافيتي يانفسي انتِ

رعد : شبيج مروه حبيبي احجي لا تخبليني

مروه : مابيه شي

رعد : مروووه ماجاي اشاقه وياج احجي شبيج .. زوجج يروح لشغلة ومأمن انتي يمنه تالي ترحين مدري شيصير تخليني فاهي گدامة ماعرف شحجي

مروه:, حشاك رعد شبيك .. بس اني لوحدي وشفت.. شفت بزونة سوده خرعتني طلعت اركض بره وماشفت بس سياره كدامي..

رعد : بزونه؟؟؟ بزونه تسوي كل هلشي بيج

ام رعد: شبيك يمه تدري بيه تتخبل من البرازين من صغرها مو نوب بحدها وسوده .. اسم الله الزهره ام الحسن يبعد امج ..

خلت امي راسي بحضنها وضلت تقرالي آيات قرآنية وتنفخ على وجهي عبالها صدك مخترعة من البزونه ..

لليل اجن ملاك وساره وياسمين يمنه .. يسولفن واني صافنه بالي مو يمهن

ملاك : هيووو ولج شبيج اروجه ماتخاف من البزون وانتي ضليتي تتراجفين

فرح : حته اني مااخاف منها احبهه

ساره : شبيج مروه

مروه : بنات اني... شوفن مادري شلون احجيلجن

ياسمين : شصاير احجي بلكي نساعدج

زينب : هاا يعني طلع عباس معليه وانتي نهديتي عليه طلكني وانت ماتحبني

ملاك : اووبا طاحت براس عبيس .. ولكم هاي من تضوج ابتعد عنها مية متر وثلاثه احتياط خاف تحول عليه ..

مروه : انجبي مالي خلكج

ملاك : حبيبتي أروجة مو تتعلمين من خالتج قلة الادب

مروه : ولا تتعلمين الجفصات من امج

ضلن يسولفن وضيعت الموضوع ماحجيت .. افكر بباجر من يجي عباس شكله شسوي ! اضم عليه وماگله؟ زين اذا سمع من غيري شراح يسوي رح يذبحني خبل هذا .. لا لا مروه مو مال اضم عليه اي اگله احسن شي .. زين واذا تخاربو هوا وعيسى! منو يكون السبب اني اكيد .. افف يالله لا تحيرني..

ياسمين ' اي ساره شخبار مرت اخوج

ملاك : تصحيح الحية العد اخوج

ساره: هههه عفيه .. والله فلاح كلش محتار اخوانها يگلوله رجعها ماعدك غيرها ولا هيه عدها غيرك .. انت ماتخلف وهيه قابلة مستحيل تلگه وحده تقبل بيك وانت عقيم

زينب : استغفرالله شنو لعد رحمة الله وين ؟ شلون تفكر هاي الناس .. الارزاق بيديهم شنو

ملاك : اي والله ومنو گال التحاليل مضبوطة .. خلي يروح لغير دكتور ويعيدهن ..

ساره: مايقبل معاند وميبس راسه يكول مستحيل اروح واعيد التحاليل ويكلي الدكتور انت ماتخلف مستحيل تصير آب .. ماريد اعيد وجعي

ام رعد: خطيه يمه الله رحمته واسعه ومايخلي عبده وبعدهم ماصايرلهم هواي من تزوجو هاي ناس ٢٠ سنة وهاي ١٢ سنة وخلفو

ساره: الله كريم خالة ..

______

ياسمين:

بعد ما شغلنه البخور والشموع ورشينه البيت مثل التعليمات الكالهن السيد
الحمدلله ضل عمار من يدخل للبيت ما يختنك منه ورجعت حياتنه طبيعية شوي شوي

وخابرت وائل وكتله على السوته منار بالبداية ما صدك بعدين كلي راح يأدبها وماعرف شنو
وثاني يوم فاجئني من كلي خطية ضاحكين عليها ما تدري بي سحر
عبالها بخرة عاديه وتريد تجيني وتعتذر مني ومن عمار وتبوس ادينه حته نسامحها

كتله ما يحتاج احنه مو بالبيت راح نروح للزيارة وهذا الصار
ولأن عمار وعدني ياخذنه للزيارة حته اروح لأمي وابوي الله يرحمهم

شاف هذا الوقت المناسب وانه دخلت بالسادس كال لازم نروح قبل لا ادخل بشهري ومادام حصل وقت فراغ

جهزنه نفسنه وجهزت للجهال ملابس خفيفه لأن جان الجو حار

صارت طلعتنه بليل حته الفجر نوصل واول ما طلعنه توجهنه للنجف

التفتت لفروحه وتيمو فدوه لنومتهم

جانت فروحه مخليه راسها ع الجام وتيم نايم على رجلها بعد حيلي..

عمار: حياتي اني اكول اول ما نوصل نروح للمقبره حتى بعدين نآجر فندق نسبح ونغير ملابسنه ونروح نزور شرايج انتي

_اي حبيبي خوش فكره.. لو تدري شكد مشتاقتلهم

_حقج يروحي بس انتبهي على نفسج انتي حامل وماريدج تتآذين.. وفروحه وتيم اذا شافوج ينقهرون

_لا حبيبي لا تخاف بس راح اكعد يمهم واسولف وياهم شويه واكلهم يعذروني لأن تآخرت عليهم واوعدهم من تجي بنتي اجيبها واجيهم

_يا بعد گلبي.. هلمرة راح نخلي الزيارة غير شكل وخلي تيم وفرح ينسون نفسهم.. وما نرجع بيوم لو يومين راح نضل اكثر ونروح لبغداد همين

_ان شاء الله حبيبي

سكتنه شوي بعدين التفتله وكلت: اكول

_كولي حبي

_ترى انه احبك

_نشعة حياتي واني اموت عليج والله

_بس انه احبك اكثر مو لو مو مو

_مو مو.. لأن اني اكثر

_لا انه

_كتلج اني لتعاندين

ضلينه نسولف ونضحك لحد ما وصلنه للمقبرة اشترينه شوية شغلات لفروحه وتيمو ياكلونهن على ما نروح للفندق
ضلوا بالسيارة وشغل عمار سورة ياسين و نزلنه للمقبرة اخذنه ويانه مي ورد وتقدمنه

وصلت لأمي وابوي وهواي حجيت وياهم وبجيت لأن جنت مشتاقتلهم
بعدين قرينالهم الفاتحه ورجعنه للسيارة وعبرنه على الفتحه الي بيها ابو واقاربه وهم نزلنه شويه قرينالهم الفاتحه

بعدين طلعنه حته نأجر فندق نرتاح شوي ونطلع نزور

ياسمين:
جانت زيارتنه كلش حلوة وهواي تونسنه ورحنه لأماكن بغداد اول مرة اشوفهن
لأن اصلآ ما داخلتلها هاي اول مرة وشفت جسر شادين بي هواي علوگه
ما عرفت شنو سببهن ومن سألت عمار كلي علمود حادث الزوار

بس كلت من ارجع انزل ستوري واسأل البنات منو تعرف شنو قصة هذا الجسر وليش الناس تشد بي بس كون ما انسى هه

خلصنه خمس ايام وجانت احلى ايام وتمنيت نعيدها
جان عمار يريد يخلينه اكثر بس شغله ما يكدر يآخره
ورجعنه للبيت

____
مروه

الصبح واليوم سبت عطلة عد زينب .. طلع رعد يجيب ريوگ .. والساعه ب٧ واني ماخذت عيوني نوم ..خايفه من جية عباس ادري بي رح يجي .. اندك باب البيت حيل .. خفت وعرفته هوا ..

باوعت من باب الغرفة شفته دخل .. لابس بنطرونه العسكري وتيشرت اسود .. وبوس راس امي وسلم على زينب .. أشرتله امي على الغرفة الانه بيها .. اجه واني اتراجف خايفه منه ومن الي لازم اگوله اله..

سديت الباب وهوا وكف وراه طرق بطرف أصابيعه وكال بصوت ناصي : مريوه ستوج تباوعين فتحي الباب

مروه : شسمه المن اجيت

اخذ نفس وكال : اجيت انعل شيب الخلفج وشيب عنادج وشيب لخلفني لان انطيتج مجال

مروه: تصيح وتغلط مافتح الباب

كال بحده : مروه وحق علي بن ابي طالب روحي بخشمي ومنعول والد والديه فتحي لكح...ب لا ادخل واسحلج سحل

عرفته ضايج .. فتحت الباب.. ودخل وهوا خازرني .. قبل لا يحجي سد الباب ولزمني من زندي وعتني حيل وكال بحده : مرروه شتسميييين صياحجج واكلان النعل وياي بالتلفوون

مروه : ايديي وخرر .. عباس ايديييي شبيك

عباس : وسم لا تصيحين .. عاف ايدي وكعد على طرف الجرباية.. يلا احجي لان مالي خلك وربج اكضج اشك.......

مروه : عباس لا تغلط خليني ارتب حجيي

عباس : احجيلي كلشييي من اول طلعتج وضلتج لوحدج نوب طلعتج لشارع بحدج وانيي محذرررج نوووب سياره بهاء تطيحين كدامهااا وتجين مجلوبه ماتتحاجين

كعدت يمه واخذت نفس : شوف رح احجيلك كلشي بس بروح اهلك تسمع كلشي

عباس : ولجج احجي لا تكفرينيييي

بلعت ريكي وعيوني غورگت ..ردت احجي واندك لباب على كيف وصوت امي : يمه سويتلكم ريوك ماتردون

عباس : الله يخليج ام رعد ماكل ماكل ..

راحت امي والتفتلي .. طلع جكارته وأشرلي أحجي .. بلعت ريكي وشفايفي رجفن خله ايده على ايدي الترجف وكال : لا تخافين مني مروه احجيلي كلشي صار رحمه لأبيج لان الف فكره براسي

مروه : واني ماراح اضم عنك.. شسمه شوف رحت علمود اجيب ملازمي وشغلات اريدهن .. ورعد راح للسوك وكال آمر بيج

عباس : لهنا كلشي تمام.. وبعد شنو ليضوج ؟

رجفت شفتي : اجه ع.. عيسى و..

اختنكت وغصيت بالحجابة موقف صعب عليه من اذكره اختنك وجسمي كله يرجف.. تخبل عباس وهوا يشوفني هيج ..

خززرني وصاح : شببيي نعلان احجيي .. ولجج مرووووه لا تكفررررريني الف سالفه براسييييي

لزمت ايده ونزلت دموعي : الله عليك اهدا و الله
مادري شكلك مادري شووون اااحجي

ضل فاتح عيونه بصدمة وهوا متفاجئ من حالتي كلش .. بلع ريكه وكال : تقربلج؟ سوالج شي ؟

هزيت راسي : لا لا لا والله لا بس كال..كال..

لزمني من زندي حيل وعاط من بين سنونه : شكالللل

غمضت عيوني بوجع وحجين بغصه : كالي احبج....

رخت ايده من زندي وكام واكف.. رفع شعره بيده وهوا محتار مصدوم مصدك مامصدك .. لطمت على وجهي وكلت ببجي : والله والله نفسك مامصدكةة ب..بس ماكدرتتت اضممم عليك...

كمت وكفت يمه اريد احاجي ويهدأ .. راد يطلع وكفت كدامه : ماتروح عباس خنحجي...
دفعني بلكاع وعافني وخله وطلع ركض راح ركب بسيارته مالحكت عليه ..

ضليت اكل بروحي التفتت لامي : رعد.. رعد.. رعد وينه يمممه

ام رعد: اسم الله شبيج يمه راح رعد للأسواق شبيج شبي رجلج

زينب ' اسم الله مروه شبيج خيه كومي

مروه : ولجج رح رااح يكتله والله يكتله انه شجانيييي وحجيتتت ياربي..

ام رعد: فهمينه شكووو يكتلمن شبي رجلج ولج

مروه : افف ياربيييي ولج زينب خابري رعد رح يوكف كلبيي

زينب : ولج تلفونه هنا.. هسه يجي شبيجج

خمس دقايق تقريباً واجه رعد لاگيته من الباب : رعد الله عليك اخذني اخذني

رعد : حلمانه شبيج تبجين وين اخذج

مروه : لبيتنه الله عليك عباس راح والله يكتله يلا امشينه الله عليك

لبست جبتي شون ماكان وهوا شغل السياره وانطلقنا للبيت بسرعه.....

_
ركب بسيارته وساق بسرعة وهوا مايشوف كدامة .. مصدوم متفاجئ مجذب مامصدك .. صعبة صعبة يصدك هيج شي بسرعه .. بس ماكو شي يخلي مرته تتبلى عليه بهيج شي جبير..

انعادن كدامة كلهن ضحكهم شقاهم ميانتهم مقالبهم .. كض بريك بسرعه ونزل للبيت دفر الباب ودخل .. شاف خالته وعيسى واكفين على نهاية الدرج ..

ام عيسى ' همزين اجيت عباس تعال شوفه يريد يسافر بدون سبب

ماجاوب خالته بس نضراته لعيسى الي توقع هوا عارف وجاي .. بلع ريگه وتقدم عباس بخطوات اله .. اول ماوصله ضربه بوكس طيحه بالكاع .. ورجع لزمه من ياخة قميصة وكاله بحده وعصبية : ولكك نگسس هيجج تسوي شلووون شلوووون

عيسى: خ..خليني احجي الله يخليك

دفره وعاط : الله ياخذنييييي الله ياخذنييييي ولك عساني مييتتت منگبرررر وبايده عضامي ولا شايف هليووووم

عيسى: عبا..

رجع عليه وكتله حيلل بحركة كلب بكسران بخيبة كتله وي كل ضربه يردد ليش ليشش شسويتلك وهيج تجازينييي ولك لو عندييي اخوووو من ابوي وامي ماحبهه وماعزه بمعزتككك

جان عيسى ملتزم الصمت ومايحجي ويردد بداخله هوا يستاهل يستاهل هاي الكتلة جان من زمان لازم ينكتلها ويتسمع هلحجي علمود مايفكر ولو لذره بهذا حبه المحرم والممنوع..

ام عيسى: ولكك عباسسس موووته دعووفه عوفهه شبيكك تخبلتتتتت

عباس : ايييي تخبلتتتتت بس ابنججج ساقططططط نگسسسس يخلي عينه على مررررتي بكل مكووووووده.. يكلها احبجججج ولككمممم شسووويت بحياتي والله يشوفني هيج يوووم الله اكبر عليهه الله ياخذنيييي

شال المزهريه ورگعها بالكاع صارت فلاش.. طلع بسرعه لسيارته اخذ سلاحه ورجع على عيسى خنگه وعيونه بعيونه وبيهن لمعة دمع وعصبية واضحه ..خله السلاح براسه وعاطت خالته

ام عيسى:, لااااا عباس بروحح امك لاااا

مروه
دخلنه والمنظر لشفته يبسني بمكاني عيسى الي وجهه ماينشاف من الضرب وعباس لخانگه ومخلي السلاح براسه ، رعد ركض على عباس وسحبه

رعد : اذكررر الله شبيككك عباسسس

دفع رعد عنه وشمر مسدسه وعاط : ولكمممم كتلهه حلاللل حلالل هذا لنگس .. ماكول غير خسارة ثقتي بيك ..

التفتت لخالة وكال : لخاطر عيون خالتي ماراح اكتلك موت .. بس من هذا اليوم اني اعتبرك متت ودفنتك بيدي .. تف عليك يانگس ياعار الزلم .. وحق ربك الخلقك لو مااخالتي هسه انته تشوف عذاب بحياتك كلهااااا مامتخيله وابو فاضل.. بس رباتّ خالتي الي ماانكرهن ولخاطرهن. راح اعوفك ..

عيسى: عباس...

عافه واخذ سلاحه من الكاع وراح طلع.. طلعت وراه لزمت ايده وباوعت بعيونه: عباس

ايده ترجف خلاها عل خدي وكال : رعد اخذ اختك للبيت..

لزمت ايده الي على خدي ورجفته ماهدتت .. وكتله : وياك ا..اروح وياك..

وخر ايده ومشه لسيارته : روحي وي رعد..

شغل سيارته وراح ورعد لزمني من جتفي وصعدني للسياره .. شغل ومشه ومانسمع بس الصياح صياح خالة على عيسى.. حيل بي وابو زايد.. حبيبي هسه شوضعه شنو الخيبة الجاي يحس بيها الله يساعدك يروحي.....

_________

ملاك : جاي اوكل آريج واجاني زيد ضل شوي نوب كال : ملاك مروه وين؟

ملاك ،: يم امي بس يمكن رجع عباس يعني رجعت لبيتهم ليش؟

زيد : ولج هوا راجع من اليوم الفجر وخابرو شباب مارد عليهم نوب تالي مجاوب احمد كلمتين وساده بوجهه.. كلت يمكن متعاركين هوا وياها لوشي

ملاك : مادري ماحاجيت امي اليوم.. وصلني الهم وروح لعباس شوفه.. بس ليش مشغول بالكم انتم يمكن تعبان ونايم

زيد : لا ملاك مو شغلة تعبان .. امشي اوصلج لامج.. واروح اشوف هذا شمصخم..

ملاك : لبست اريج ورحنه .. وصلني لبيت اهلي وبعده بلباب جاي يسلم على امي ودك تلفونه .. جاوب ونوب كال : ها ها خوش جايك جايك ..

ملاك : ها زيد ماتدخل

زيد: لا لا طلعتلي شغلة.. بالج على اريج رايح اني..

بسرعه ركبت سيارتي ورحت المستشفى.. دخلت ورحت للمكان الي همه بي .. دخلت وشفت عباس متمدد على السدية وكانونه بأيده .. واحمد يمه..

زيد : شخيرك عباس شبيك

احمد : جايته نوبة سكر تصدك ؟

زيد : شنووو ! ونوبة السكر ماتجي بدون سبب شبيك ولك

عباس : مابيه شي شبيكم تحسسوني جاهل كدامكم

دخل بهاء وكال : دنجب من الزمك اشكك شك شمسوي بروحك ياما ياما شفنه مصايب ماصار بيك شي شنو لصار وخله السكر يشكل وياك؟

كعد وساعدته انتجه وكال : مابيه شي.. فتحولي الكانونه خلي نطلع

زيد : عباس شبيك شصاير وياك

عباس : ولكم وعلي وزين مني ما متت لان حسيت گلبي رح يوكف مستحيل يتقبل هاي الصدمة..

بهاء: اضن هذا مو لمكان المناسب .. امشو نروح لمكانه؟

احمد : اي يلا ..

مشينه نص ساعه وصلنه مكان بعيد على راگ الشط هذا المكان نحبه دوم نجي بي من نريد نكون بعيدين العالم كلهه ..

كعدنه وكال احمد : ولك حته بهدوم الدوام شسالفه شبيك عبيس؟

عباس: ولكم مادري شحجي والله يعني انه الي جنت كل هاي السنين مامفكر اتزوج وأسس عائلة .. بس من خطيت هاي الخطوة أنجرح منها انكسر هذا الانكسار..

ضلينه ساكتين واحد يباوع للثاني.. معقولة .. لا لا.. شغل جگارته وكمل : وحق ربكم ردت اذبحه بهاي ايدي ولكم ردت اشوفه عذاب بحياته ماشايفه بس اخخ خالتي وكفت بوجهي.. عرضن گدامي تربايتها وخوفها علي أحتوائها الي من فقدت اهلي..

زيد :, عيسى!!؟ شسوه.. وشعليه زواجك بي

ضحك بأستهزاء : ولكم يحبها .... يحب مرتي

احمد : ولك شتحجي انته؟

زيد : شلون..

عباس : اي هذا الشي لخلاني وصلت للموت بي لان ماجنت ماجنت مفكر رح يجي يوم ويفكر بيها بطريقة نگسه.. ولكم اروح مطمن همه يمها مطمن .. تالي انطعن .. ولكم شحجي شكول..

زيد : ضل يحجي يحجي وبالكوه لازم روحه والغصه مكسره بصدره .. ضلينه نسمعله .. تالي عصر عيونه وبلع ريكه حلكه ناشف.. جاب بهاء الماي وكال

: امشو للشقه لا تتخربط .. ولا مستشفى هنا ولا طبيب كومو..

رحنه وياه وضلينه يمه بالكوه خليناه ياكل علمود العلاج .. لمن غفه ونام..

بهاء: روحو اني اضل يمه .. اكيد نسوانكم منتضراتكم..

احمد ؛ وانت عساس ممتزوج

بهاء: ولك غير كارهتني..

زيد : خير شسالفتك انت هم؟

بهاء: ولك نسواتها بيه بس اطب للغرفه ركضت تتقيئ خرب أهله من طفل من هسه گطع رزقي ..

زيد : ههههه الله يصبرك

احمد : هههههههه لو كاعد عباس جا سواك تصنيف من يكعد سولفله خلي يضحك عليك

بهاء: تشمت بيه .. ان شاء الله اخت شهوبي تنعل والديك وتكفرك بالجهال

احمد الله يبعدني ههههههههههه

عباس : ولد الزر...ولو خلوني اخمد..

مشه احمد إصبعه على اذن عباس وگله : لا تنام حبيبي انطيني جولة اخيره عفيه

عباس وهوا مغمض عيونه : هسه اكوم اخليج تمشين صفح حبيبتي

احمد : مابيك خير اوي نص جوله توگع صفح

عباس : احمد ولي لا اوديك لسريوه مُغتصب

زيد : هههههههههههه اي هذا عبيس النعرفه مايكسره شي..

احمد : يابه اروح اني اخاف يگوم عليه هذا ويروح شرفي تطلكني مرتي وين اولي

زيد : يلا اني هم وياك اخاف على شرفي

راد يكوم بهاء ورانه لزم عباس ايده وكال : ضلي يمي جا حته انتِ تعوفيني

بهاء: ماعوفك بس اوصل الجماعه للباب خطيه

احمد : مستعجله تطردينه تردين تختلين وياه

زيد : بالج عليه تعبان ونسي

بهاء: بعيوني ولو..

طلع ورانه كتله : بهاء لا تعوفه وافتهم كلشي منه .. اني رح انطي خبر لمرته هوا بالشقة علما يريد يرجع

بهاء: ان شاء الله بعيوني ..

___________

ياسمين:

من بعد ما رجعنه بأيام ضليت اشوف نفسي اتعب اكثر ماعرف ليش
يمكن لأن جانت الطفلة نازله وانه رحت ومشيت هواي

ضليت اكثر وقتي تعبانه وبين يوم ويوم عند الدكتورة

ومنار استغلت هلفرصه ورجعت تجي النه

بس عمار ما يستقبلها كل ما يشوفها هي ع الباب ما يفتحه الها
تضل تدك لحد ما تمل وتروح

وانه هم خابرت لوائل وكتله ما يحتاج تجي بس هيه ولا توب

ضلت حالتي تتعب يوم عن يوم وحملي حسيته ثكيل رغم بعدني بالسابع والدكتورة كلتلي احتمال تصير عندج ولاده مبكرة لازم اكثر وقتج نايمه

ضل عمار يجيبلنه الآكل جاهز وحته بليوم الي هو بي هناك
هم يجبلنه قبل لا يروحلهم

وفروحه بعد حيلي مخليه عينها على تيم وتبدله ومن يهوس البيت هيه تنظفه

كملت السابع تقريبآ وانه على نفس الحالة لحد ما نصحونه بدكتورة ثانية بعيدة عنه بس كالوا خوش دكتورة وقررنه نروحلها

واحنه بالسيارة حسيت الوجع بدا يزود وصار عندي تقلصات كلش قويه

صحت: عمار.. الحگني يمكن راح اجيب

اتلوه كلش وما عرف شيسوي وما نتبه للسيارة الصارت كدامنه

ياسمين: عماااار انتبهههه

غمضت عيوني وجت صورة فرح وتيم ببالي ورددت بگلبي: دخيلك ياربيييي

_____________

نهاية البارت

طويل استمتعو بي ...