.🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
•الجزء مئة وأربعة و ثلاثون.
#حب_الأمازيغية...!
.
"بسباب داك الشخص وبسباب هضرتو لي ضراتك قدرتي تحيد منك خصايل كاتعيب صورتك وقدرتي تتبدل ودير شي حاجة فحياتك".
تعاودات هاد الجملة فمسمع أذنيهاا وهي تتبسم ليه فوجهو مقابلة عويناتها لي كايلمعو بالدموع الواقفة على جفونهااا بعيونو الغامضة نضرتهااا ونطقات بلا ماتفكر فكلامها لمرة خراا.
" شكرا اسيدي ".
كي كملات كلامها قلب راسو عليها محيد عينيه من عينيهااا ...!
فاش كاتجي عينو فعينهاا وكايتقابلو شوفاتو بشوفاتهااا كاينساا عيوبها وسلبياتهاا وأغلاطهاا وأخطائها واي حاجة كانت مخيباهااا كاتولي تبانليه زوينة فيها حيت جماااال عينيهااا خرافي كايزين كلشي فيها...!
جبد تيليفونو ودخل للسيت ديال لاماغك افارتان وجبد الأحذية الأنيقة والراقية ومد ليها التيليفون ليدها.
هي شداتو منو وهو دار امارش للطوموبيل.
كيسر: اختاري السباط لي عجبك وبركي عليه وغايتكوموندااا ....الى زربتي فالطلب غانوصلو معاهم للدار قد قد.
وسسعات عينيها فيه منداهشة من كلامو ورجعات تاتشوف فالتيليفون مامتيقاش...زعما غير تشوف السباط لي عجبها وتبرك عليه وماغاتجي فين توصل للدار حتى تلقاهم جابوه ليهااا؟!
دارت داكشي لي قال ليها وردات ليه التيليفون .
ماحساتش بالطريق حيت كان سريع فالسوقان وكانت ساهية مع جمال شوارع المدينة حتى دغيا وصلو للفيرمة.
قبل مايدخلو للفيلا هو وقف الطوموبيل ملي شاف الكوموند وصلات وتحطات عند الحراااس.... واحد منهم جاب الكرطوونة الكبيييرة فيديه والثاني عاونو فتح ليه الكوفر ديال الطوموبيل وعاونو حتى حطها فيه ورجعو سدوه عاد رجعو فتحو ليه الباب المتكون من جوج فدقات ديال الفيرمة و حرك كيسر اللوطو داخل للفيلا.
نزل ودار هز الكارطونة من الكوفر مدخلهااا وهي طلعات الحوايج لبيتهااا وبدلات حالتهااا ونزلات دايزة نيشان للكوزينة توجد الغدا.
اما هو طلع خدا دوش بالخف ونزل لابس كيطمة صوفية سخونة كحلة سامبل من تريكو وسروال مقجوج بستيك عريض من لتحت وجار بانطوفة كحلة فرجليه...اقتاعد الفوطوي داير رجل على رجل ومسرح يديه فجنابو عليه ...شافها خارجة من الكوزيتة كاتمسح يديها ففواطتها وهو يعيط ليها .
كيسر: هيييه...القروية ....اجي لهنا دغيا.
ماخلاتوش يكملها وبالخف كانت قدامو حانية راسها عاضة على شنيفاتهااا وقلبهاا كايدق فآخر درجاتو كي حسات بلي جا وقت عقابها على جرأتها ووقاحتهااا معاه قبيلة ملي نسات راسها ونسات شكون هي وشكون هو.
كيسر: زيدي علميني شوية فالشلحة بينما طاب داك الغدااا.
#دردشة_وفرفشة..!
غير سمعات كلامو تنفسات الصعدااء والتاقطات انفاسها لي كانو تقطعو فيها بالخلعة...انتاضمات ليها النبضات وارتاحت نسبيا وهي كاترفع فيه راسهاا وكاتقرب ليه بخطواتها.
اريناس(كاتجلس قدامو على الفوطوي المقابل معاه):اشنو بغيتي تعرف اسيدي.
كيسر(ميل راسو): انا غانقول كلمة بالعربية ونتي ترجميها للأمازيغية.
هي هزات راسها بوواخا وتقادات فجلستها وهو رجع شوية القدام كيلا محني حاط مرافقو على ركابيه وشابك يديه.
كيسر: طبلة.
أريناس: طبلة.
كيسر(هز حاجب وحط الثاني): كااس.
أريناس: كااس.
كيسر(قرن حواجبو بين عينيه): طبسييل.
أريناس: طبسيييل.
هنا راسو زند عليه... تهز من انحنائو وررججع عنكْرتو اللور .
كيسر: كرسي.
أريناس: الكرسي
حممر فيها عينيه وهي ترمش ليه بعيوناتها ببرائة وتبسمات ليه خايفاه يتعصب وتاعتها معاه ماتعاودش .
كيسر: واش متأكدة نتي شلحة؟!
أريناس: وحق سيدي ربي المعبود حتى شلحة قحح.
كيسر: ايوا ملي شلحة قحح فيناهيا الشلحة؟ شتك كاتعاودي هضرتي؟!.
أريناس: واراه حيت هاد الكلمات كايتقالو حتى بالأمازيغية اسيدي فهمتي؟.
كيسر: لا مافهمتش ومابقيتش باغي نفهم ....نوضي نوضي حطي داك الغدا درت كلشي فحياتي بقاتليا غالشلحة...لا وشكون باغيها تعلمها ليا؟ القروية ههه ( قهقهة استهزائية) برهوشة عندها شي كيلوميطرات فالحيااااة..... تلات بيا حتى ولات بنت 2007 كاتفلا عليا
أريناس:راحنا ف 2023 تقريبا اسيدي ...يعني عندي 17 لسنة ...ماتبقاش حاقرني وحاقر سنني.
غير هز فيها راسو طارت من حداه تجيب الغدا.
#تقلييييد..!
غير حيدات الغطا للطاجين كرشو تقلبو مصارنها وتسمع صوتهاا بالجوع...شمشم الريحة وبلع ريوكُو ناطق.
" طاجين بالحوت؟!"
.هزات راسها بأه وجلسات وهو تبسم بلا مايحس وعض على شفتو السفلية.... قطع الخبز بزرية وطاح فالطاجين عور...ماتسوق ل لاللزعلوك لالحب الملوك كايضرب الدغمة للخاطر ويدوزها بالعصيير وهي غير كاتشوف فيه مبتاسمة بفرحة حيت باينة فيه عجبو الطاجييين ....وقدرات تعرف بلي كايعجبو الحوت.
تغداو فالسكات كيف العادة... جمعات الطبلة ورجعات لعندو لقاتو كايبقشش فتيليفونو ..وقفات حداه وبقات كاتشوف فيه فاللخر قالت ليه.
أريناس: سيدي الى بغيتي...خليني انا نقوليك الهضور بالشلحة ونقولهم ليك بالعربية باش تعرفهم وتفهمهم وتحفضهم.
" الهضور" زعما "الكلمات"...باقا غالبة عليها اللكنة المعربنة...هز راسو بواخا وهي تبدا تقوليه فكلمات امازيغية وتقولها بالعربية وهو كايعاودها غير فعقلو ماراضيش يككررر من وراها فالتالي ناضت طلعات تجمع ليه بيتو وخلاتو لتحت كايبقشش فتيليفونو ومرة مرة كايتفكر الكلمات لي قالت ليه بالشلحة وكايضحك.
سمعها نازلة وناض فتح ديك الكارطونة وجبد منها السبابط لي كايشعشعو بالنقا دالجديد وأمرها باش تقيسهم يشوف كيفاش جاوها.
بالطاعة هزات اول واحد كان كحل كايلمع عندو كعب صغيير خفيف ...لبساتو وتمشات بيه قدامو وهو ربع يد واليد الثانية تايحك بيها على ذقنو وكايشوف فيها بعيون مصغغغرة...شافت فيه مستنية رأيو وهز ليها راسو بالإيجاب.
اريناس:علاش مهزوز بهاد العمووود...فاش شفتهم فالتصاور كان كايصحابليا غير حاطينهم عليه باش يبان مهزوز ؟!
كيسر:مللي ماكاتعرفيش تتمشاي بالكعب العالي علاش كومونديتيه؟.
اريناس: شناهو الكعب العالي؟
كيسر: الطالون.
اريناس: شناهو الطالون؟!
كيسر(تعصصب): العمووووود العموووود.
أريناس: وابسسسيييف بسييييف ...حيت عمري لبست سباط غالي بعمووود مولفة نلبس غييير ميحححي وحللومة والسرفاقة صبيعة .
#مزحة...!
حس بيها قلداتو وهو يحممر فيها عينيه وملامحو تزيرات ناطق.
كيسر:كاتعيبيني؟.
هو صغغغر فيها عينيه وهي بالخوف عينيها حطاتهم فالأرض...فركات صبيعاتها مع بعضياتهم وبلعات الريق الناشف من حلقهاا ناطقة.
اريناس: غير كنت كانضحك معاك اسيد...
كيسر(قاطعها): الالة _ماتتصصصيييش_ معاياا....وشحال من مرة كانقوللليييك فاش نكون _تانساااولي_ معاااك هزي عينيك فيااا..
فششلللها بديك "ماتصصصيش " زعما ماتضحكيش...بالشلحة الزيانية" تاتصااا" هي الضحك وهو بغا يصررفهاا على الضمائر ويركبها فالأمر بزز منها ...خللط بين العربية والشلحة وخررج هاد الحريرة ...........بالشلحة " لاساوالخ" ..هي كانهضر....وهو دار نصها عربية نصها شلحة ورجعها " تانساولي" ....قمعات ضحكتهااا فيها بزربة باش مايتقلقش منهااا وبقاتت حانية راسها ماهزاتوش فيه باش مايشوفهاش باغا تضحك ومزيرة ......هو ماعارفش راسو تعدددا على الشلحة وتكرفس عليهااا ...كان حاني راسو فيهااا ووواضع يديه على نصووو طلعها ونزلهااا ونطق مرة خرا.
كيسسسر: بدلي عليا داك الفرغوووس ديال فرعووون ....!.
هنا سالا معاها ماقداتش تقهر ضحكتها وهي تطلقهاا وجراتها بلا ماتفراني كاتقهقه بصوت عالي حاطة يديها على كرشششها وهو باقي على نفس وضعيتو ببرودة كايشوف فيها مستغرب من ردة فعلها.
كيسر: شنو لي ضحكك؟!.
أريناس: الفرغووووس ههه هههههه ههههه هههههههههههه زعما السباط بالشلحة ...سيدي راك محنتي الشلحة كون سمعوك الأمازيغ الزايان ينكرو أصلهم....(تعمدات تعاود تقلدو) هادااا راه سبااااااط سباااااط اسيدي..... من avartin ولا ماعرت اش سميتهااا الخلصة ديالي الشهرية وماتشريهش ليااا....بسسسسسيف بسسسسيف ههههههههههههههه.
يتبع🍂.
أرائكم فالتعاليق و نجيماتكم حركو ايديكم شوية