سرطات لعاابهاا وعضات على شنيفتها التحتانية عينيهاا ويديهااا على صدرو كايتساااراو....كان كايصحابليهاا غايكون عند دوك الرسوومات ملمس وغايكونو حرشيين ولكن لقات راسها كاتقيس غير فلحمووو متحسسة عضلاتو المطراسية جسمووو ....هو بشويييية طلق من يدهاا وهي نساات راسهاا وبقات كاتمررر أصابعهاا على ممرات خصروو الثمااانية من اليمين للشمااال حاسبة روحها كاتلعب فوديااان العروبية ولا حرث الفلاااح علال...عجباتها بنيتو الجسدية الفولاذية كايجيها عامر ومكضضر وفصالتو رجولية بامتياااز...كتافو عرااض وبادرو خارجة و كل حاجة فمكانهاا مستية وعطات لفورمتو فصالة قتااالة.
حنحن بصوتو الحرشش وهي تخطف يدها لعندها بزربة وحدرات منو العييين كاتشوف قدامها...سكتات لعدة ثواني وهي كاتحلل هضرتو...فهمات بلي غير كايححسس بشي شعوور قوي ماتايقدرش يتحكم فيه كايفررغو فلحمو ويحاول يوصل باش كايحسس فيه... عللات فيه عينيها لقاتو ساكت هادئ مميل راسو فيهاا.
أريناس: فهمت...ولكن علاش كاتخوي مشااعرك فصحتك هكا كاتلعب فلحمك وربي غايغضب منك...بَّا الله يرحمو كان قالياا...قتل وتعذيب النفس حرام وربي كايعدب عليه...زعما...واش هاد الرسومات..بغيت نقول الوشامات...ماشي حرام اسيدي؟!.
كيسر(بصراحة مريحة): اه حرااام ..... (سكت شوية) وقتل النفس حرااام...هادشي علاش كانفررغهم فنفسي ماشي فنفوس عباد ربي.
مافهمااتش قصدو وهي تعلي حاجبيها بجوج ورمشات ليه بعويناتها لمرات كثيرة بعدم فهم وهو فهمهاا ورجع حنحن مصففي حلقوو وتكللم بنبرة طايحة خااااترة خلات زغب لحمها يتشوك عليها.
كيسر:كيسسر أريسككو ماعايشش حياتو لراسو...عايشها للناااس...كايفضل يآدي راسو...ومايآديش الناااس.
عطاها بالظهر وتمشا فاتح واحد من بلاكاراتو جبد كيطمة فالنواغ فيها نايك بالبيض وتقيشرات فنفس اللون والشكل والمارك ولاحهم فوق السرير مخليها كاتبررق فعينيهااا مزال مافهمااتش شنو كايحاول يوصل ليها.
أريناس(بتردد وخجل فالوقت ذاتو): مافهمتش اسيدي....كك كيفاش عايش للناس ماشي لراسك؟!.
كيسر: خدمتي هاكاا فرضات عليا.
واخا مافهماتش مرة أخرى...قدرات تعرف بلي خدمتو مهمة بزاااف عندو
ولواحد الدرجة ماكاتوقعش ...تفكرات نهار خسرو ليه وراق مهمييين فالخدمة بسباب القهوة وكان شوية ويقتلهااا بلا مايرحمهااا وهي تنطق.
أريناس(نطقات بلي فهمات):خدمتك....هي حياااتككك.
كيسر(جاوبها بلا مايفكر):والسلاح هو صاحبي.
هناا رفعات جفونهاا معلية فيه عيونهااا كاتتسائل فراسها " ياك قاليها السلاح كايتستعمل للقتل علاش حاسبو صاحبوو؟" كيسر حط يديه على نصوو عرفها عاوتاني مافهمااتوش.
أريناس(بتردد):ولكن اسيدي.........ياك قلتي الكابوس...بغيت نقول السلاااح ...
سكتات ماعرفاتش كيفاش تبني جملتها والحروف تبعثرو على لسانها مبلوعين فحلقها.
كيسر: السلاااح كايخدمو بيه غييير جوج نواااع دالناااس فهاد الكوكب.... النوع اللول هو الأمن
يعني واخا تكوني ماقارياااش وماواعياااش ضروري غاتكوني سمعتي بالبوليس ولالا؟
اريناس(رفعات راسها بالإيجاب): اااه عرفتهم اسيدي...هوما لي كايشدو الناس لي كايتعدااو على الناس فحالهم وكايشفروو وكايقتلووو وداكشي ياك؟!.
كيسر: اه... كايخدمو بالسلاح والرصاااص وكايتسمااو بالأمن عامة حيت كايأمنو الأمان وكايحققو السْلام وكايحميييو الناس.
كي سالا كلامو عضات على اسفل شفتيهااا وتبسمات فوجهو بإعجاااب قبل ماتبدا تطلع وتنزل فيه ...حبس الضحكة حيت فهمهاا وهو يرجع نطق.
كيسر: والنوع الثاني هو المجرمييين؟!
اريناس جمعات ابتسامتها وملامح وجهها وهزات بالإيجاب راسها.
أرريناس: هوما لي كايشدوهم االبووليس ياك؟!
كيسر(رفع راسو بالإيجاب): امم حتى هوما تخصصاتهم مختالفة كل واحد وفاش موضضضف... وهوما عكس الأمن و حتى هوما كايخدمو بالسلاااح والرصاااص ...غير هوما كايصفيوهااا للناااس.
هنا تغيرو تعابير وجهها وهزاتها منو الخلعة..رجعات اللور بجوج خطوات وبدات تاني كاتطلع وتنزل فيه وفراسها كاتقول " دابا هو مع النوع اللول ولا
كيسر(شاف فالبلاطو): نزلي هاداا.
هزات راسها بواخا بلا ماتتكلم وهزات البلاطو بين يديها خارجة بيه...سد الباب وراها ورجع يلبس حوايجوو وهي نزلات كاتفكر فكلاموو...كلشي فيه كايجيها غامض واخااا كايهضر ويشرح ويوضح كايبقا غامض....كان صرييح و واضح معاهااا فكل نقطة فوق من كل حرف نطق بيه وحسسها بلي هي ولات قريبة ليه ورغم ذالك باقي واحد الحيييط كبييييير بيناتهمم ....واحد الجاانب كبييير ومهم باقي غامض فشخصيتووو كايخليها تحس بلي كل مااا خطات بخطوة ليه وضنات بلي ولات قريبة ليه.
..كاتلقا راسهاااا كاتزيد تغرقق فسواد العالم ديالو الخاص بيه الكحل المضلللمم لي ماكاتفهم ماكاتقشع فيه...وكاتزيد تتفاجئ وتتصدم بالأسرار والغموض لي فيه.
هي مافضولياااش...ولكن عندها اهتمام بخدمة كيسر وماعرفاتش علاش.
كايجيها مهتم بزاف بخدمتووو وخدمتو هي السباب فقساوة وغموض شخصيتووو...وحتى كلامو اللخر لفت انتباهها وخلاهاا تهتم بسؤال" شناهي خدمتو؟!"
لقات العشاا طاااب بالخف قادات الطبلة وحطاتو وعيطات ل لالة نجمة والسي قادر باش يتعشاااو..خلاتهم دارو بالطبلة وهي رجعات حطات لكيسسسر عشاه وطلعاتو ليه.
مالقاتوش فالبيت وهي تحط ليه البلاطو تمااا ورجعات نزلات تعشاو وتعاونو هي ونجمة جمعو الطبلة والكوزينة وهومااا مجمعااات والحتيت شادات ....فلحضة نجمة انتابهات لأريناس كاتزيف الكيسسااان لي غسلات وهي تنطق
نجمة: علاش كاتمسحيهم ابنتي؟!.
أريناس: كانزيفهم أخالتي باش ملي ينشفو ماتكونش فيهم ريحة الزفووورية...أنا هكا ولفت ندير ليهم فالعروبية.
نجمة: مرات بّااك لي علماتك هاد الشي؟!.
أريناس(حركات راسها بلا وهي مبتاسمة): واحد السيدة من عيالات الدوااار...هه كايعلموني غير داكشي لي غانفعهم بيييه.
نجمة(بحنية): ملي نرجع غانعللللم لبنتي كلشي ...غانجيب ليك أستاذة حتى للدااار تقريك وتوعيييك انشاء الله ماتخمميش وماضربي حساب والو.
اريناس(حركات راسها بلا): بلاش اخالتي راه السي كييسر قاليا غايدير معايا وقيت يبقا يقريني فيييه.
نجمة(خرجات عينيها): كيييسر ولدي قال هكا؟!.
بقات كاتبررق بعينيها فيهااا وأريناس فهمات عليهااا حتى هي اتفاجئات فيه ملي قال ليها غايقررريها فطبيعي حتى ممو تتفاجئ فتصرفو المفاجئ.
نجمة: العجب...ولدي وكانعرفووو مريض.... متوووحد ومعقققدددد ماكايقرب منووو حد والى قرب كايهرررب .... ماكايهضرش والى هضر ماكايطووولش ومعاك نتي كانلقاااه كايعععبررر ويشرح ويبررر ....ماشي من عادتو يسااايس ويعطي الخاطر لشي حد ولا وحدة ولكن نتي كايعذررككك وكايساااعفكك...قاااصحح وصااارم ونتي كايسمح ليكك وكايغفرليك على أخطااائك ....عمري شفتووو شافق ولا مهتم بغيروو ولكن كانحس فحاليلا كاتبقاي فيه......قاااسي مايحن مايرحممم قلبو حجرة ماذوب واخاا بالسوفي تترجم ولكن علاش كايجيني حنين فيك؟؟؟.... ماعندوش مع قوة الصداع والضجيج ونتي واخا هادئة ورايئة فيك شوية دالتخنديشش ملي ماكاتعرفيش شي حاجة ولا كاتغلطي فشي حاجة وواخا هكاك رافد ليك بفعايلك.
واش بصح شي حاجة مبدلة فيه؟!...ولا حنا لي ماقدرناااش نخلييوه يبين هاد الجااانب الزوييين فيييه وجيتي نتي لي عرفتي ليه؟!
كلامهاا فررح أريناس...حسات بتميزززها على غييرررها والحماس رفد قلبهاا..هي حنات راسها ونجمة بعيوون شبه مدمعة كملات كلامهااا.
نجمة: سوا كان السؤال اللول ولا الثاني هو الجواب الصحيح...كاتبقاي نتي السباب...الى هو بصح تبدلات فيه شي حاجة...راه نتي لي بدلتيه....والى كنا حنا لي ماعارفينش نتعاملو معاااه ...راه نتي لي عرفتي ليه....خاصني نشكر صاحبتي حيت نعتاتك ليااا وخلاتني نجيبك لداااري تنوريهاااليااا...ونعم بالقدر سبحان الله .
فتحات ليها درعانهااا وأريناس ترمااات فحضنهاا معنقاااهاا...بواحد الدفئ وواحد الحنانة مجهدييييين زيرات عليها لصدرهااا ضاااممماااهااا...القلب علقلب والمشاعر خدااامة...عيون اريناس تغرغروو وحساات بلي فراقهاا غايجيها صعيب واخا ماشي مدة طويلة باش عارفااها وماشي بزاف باش معاشراااهااا...ولات كاتحس بيها قريبة ليها بزاف وفمتابة مهاا حاطاااهااا.
أريناس:غانتوحشك بزااف اخالتي والله
رجعاتها قدامهاا ومسحات ليها بيديها دمعاتهااا لي تسابقو على خديوداتها الحمرييين العامرين...تأملاتهااا بنظرة حنينة وعيونها حتى هي مغرغرييين غير حابسة دموعهم على طراف جفونها بزز منهااا.
نجمة: أريناس ...سميتك كاتبينك شكون نتي بلا ماتنطقي...كان عندي كلشششي ولكن كيسسر كان كايخليني نحسسس بلي خاصني كلللشييي....داري كانت خاوييية هازها السقيييل والملااال حيت ماكانتحركوووش براحتنااا كل خطوة كانديروها كانضربو حساابها وكانخافو يكون عندهااا أثر ولا ضرر سلبي على كيسسسر....فهمتيني؟! كيسسسر حاكم ومتجبببر وطاغي ومتسسسلللط ...ماكايسمعش لغيرو وماكايهتمش ليه وحد ماكايفرررض رأيو ولا يمشيي كلمتو عليييه....صرامتو وقساااوتو وصلاابة شخصيييتو كانو مشكل كبييييير بالنسبة ليناا حيت ماتانقدرووش نتفاهموو معاااه ...هو ماتقبلناش وحنا ماتقبلناااهش ولكن خاصو يبقا هناا فالمغريييب حيت خدمتو أهم حاجة عندووو وحنا خاصنا نبعدو عليه ونخليوه فراااحتووو نظراً للمشكل النفسي لي عندووو .... نتي بنت وغاتفهميني حيت عارفة بالكبدة ...هو راه ولدي وانا مابغيتش نشوفو مزال على هاد الحااال قلبي عليه كايضرررني...ولكن هو ماكايسمعش منييي وماكايخليش بالي مهني.....ولكن دابا خفاف شوية همييي وإرتاح خاااطري وفرحت حيت فاش دخلتك لداري نورتيهااا وعمرتيييهااا وبدلتي بزاف دالحوايج فيها يقدرو يبانو ليك بساااط وماعندهمش أهمية ولكن تيقيني....نتي دايرة شي حاجة كبييييرة بزاااااف بالنسبة ليا....كيسر ولا كايحاول يتحكم فمشاااعرو وولا كايهضر وشي حاجة فيه كاتغييير وغانمشي وبالي مرتاح من جيهتو حيت خليتك نتي معاااه عارفاك صبارة وحنينة وسكوتية وهادية ماغاتصدعييهش وماغاتعصبييهش... غاتلبي طلباااتو وتصبري لأواامرو حتى نرجع ياك ابنتي؟!( اريناس هزات راسها بالإيجاب)...الله يرضي عليكك اابنتي...غانجازيك على هادلشششي كوولووو غير تسنايني.
اريناس: غاندير اللي فجهدي اخالتي...غير نتي ماتعطليششش عليا وبقاي تسولي فيا.
رجعات عنقاااتهااا لعندهااا وقادر فباب الكوزينة كان كايشوف فيهم سامع ليهم...مرتو كانت على صواب فاش جابت هاد البنية النية للدااار ...دغيا دارت بلاصتها
♥️تتمة بعد 40نجمة♥️