طبعاً كلش فرحنة اني وأحمد من قرينة التعليقات
والكل يريد تكملة للقصة انشاءالله راح نكملها بس
مو مثل قبل يعني انتو عرفتوا القصة كاملة هسة
راح اكللكم شنو صار وره القصة طبعاً صار علاوي
حياتي كلها جنة اني وأحمد نخاف علية بشكل
من اي شي ومن كام يحبي كمنا نام بالغرفة الجوه
نخاف علية من الدرج لأن مرات انظف واعوفة
بالغرفة اخاف علية لايوكع فنظفنا الغرفة الجوه
شوية متربة لأن ورة مجبت عفتها وصعدت
المهم ام مرتضى جانت كلما تطلع تجيب هدوم لعلاوي
جانت تحبة والكل مصدوم وعلاوي لوكي يضحك
وية الهوا من ايد لايد من أحمد لأحمد لمرتضى يعني
يادوب بس من اغسلة اشوفة ومن نام ومن جان
يشوف أبن وائل يتخبلون اثنيناتهم يلعبون وأحمد
كل ميرجع من الدوام جايبلة علاكة مصاص وحلويات
وحليب يحب حليب فرولة أحمد يجب منة هواية
ومريم خطية ممصدكة بحفيدها الصراحة بذيج الفترة
من جبت علاوي حياتي اتحسنت هواية يعني هوه
تصير مشاكل بيني وبين أحمد بس مو مثل قبل
قبل جنت اتعارك وية ام مرتضى وية سارة وريم هسة
لا علاقتنا اتحسنت الحمدلله وبيتنا صفه من المشاكل
الحمدلله وأم أحمد مرات حتى تنيمنا اني وأحمد يمها
بالغرفة حتى تنيم علاوي يمها عل جرباية حتى فليحة
تحبة وتلعبة المهم حياتي هواية صارت زينة الحمدلله
واستقرينا المهم خليني اسولفلكم على سارة لأن الكل
سئل عليها وسارة من قرأت التعليقات اكلت راسنا
تكول اني مشهورة والكل يحبني والكل يسئل علية
خبلتنة 🤣🤣
المهم بوكتها جان يوم خميس مرتضى طب للمطبخ
جان دنية مغرب وكتها كال
مرتضى.. لحد يطب للصالة صديقي يمي
احنة كلنا كلنالة يي وكاعدين نسولف واني حاطة
علاوي بحظني ورة نص ساعة تقريبا اندكت الباب
البرة طلعت من باب المطبخ فتحتها لكيت سارة
طبت ونزعت الشال مالتها جانت كاوية شعرها وحاطة
مكياج سبحان الله بذاك اليوم جانت مرتبة دائما تجينة
كفشتها طايرة عبالك كلبها علمها 🤣🤣 وسديت الباب مشيت داروح لباب المطبخ
انداريت داكللها لاطبين للصالة صديق مرتضى بيها
لكيتها ماكو وسمعت باب الصالة تنفتحت عزة انهزمت
ركض للمطبخ
ام مرتضى.. شبيج وجهج اصفر منو بالباب
فاطمة.. سارة بس يمكن طبت للصالة
ام مرتضى.. عزة شراح يخلصنة من مرتضى
سارة.. صارت دنية مغربية وضايجة ماعندي شي كمت
كويت شعري وحطيت شوية مكياج ارتب شكلي
وكلت لابوية ودين على بيت عمي ابو احمد ابوية
محجة شي وصلني دكيت الباب فتحتلياها فاطمة
اني دائما افوت من باب الصالة نزعت الشال وطبيت
كعدت عل تخم جان اسمع احم احم باوعت مرتضى
ورجال غريب هنا مادري شسوي حتى الباب تيهتها
انوب اباوع على مرتضى يخنزر علية كمت طلعت من
الصالة ركض طبيت بهدومي من الفشلة وخفت من
مرتضى ركضت ركض للمطبخ لكيتهم كاعدين
فاطمة.. احنة كاعدين طبت سارة تركض وجها اصفر
سارة.. ليش مكتيلي اكو رجال غريب بالصالة
فاطمة.. هوه انتي انطيتني مجال كبل طبيتي
سارة.. والله مرتضى راح يكتلني
فاطمة.. انتي راح تنكتلين احنة راح ناكل رزالة
سارة راحت كعدت ورة ام مرتضى وأخذت علاوي
مني حتى لايضربها
فاطمة.. تتحامين بابني جيبيه لاتجية ظربة
سارة.. اذا شافة بحظني ميضربني
احنة كاعدين جان نشوف مرتضى من الشباك وصديقة
طالع
فاطمة.. سارة راح صديق مرتضى حظري نفسج
سارة.. يمة عفية دافعولي والله بالغلط مادري
اجة مرتضى ودمة فاير يريد يلزم سارة ويكظي
بيها التوبة
مرتضى.. لاتخلي اسب ابوج هسة معجبج اتكعدين
بالصالة الة هسة
سارة.. والله مادري اني من اجي اطب للصالة اكعد
مرتضى.. ياثولة فتحتلج الباب
سارة.. فاطمة
فاطمة.. ياحيوانة
مرتضى.. وانتي الثولة الثانية مكتيلها لاطبين للصالة
فاطمة.. والله داحجي وملكيتها
مرتضى.. والله لما كاعدة وره امي وبيدج علاوي جان
لزمتج موتتج هسة فاتت ثلاث شهور على هاي السالفة
جنة كلنة كاعدين عل غدة جان يطب مرتضى راح
ديغسل ايدة واتاخر وره شوية رجع
مرتضى.. عيني كولوا لعمي ابو سارة يريدون يخطبون
سارة
ام مرتضى.. وانتة شمدريك يردون يخطبوها
مرتضى.. غير صديقي يمة شيبج
ام مرتضى.. وشوكت راح يجون
مرتضى.. العصر
دكينة على ابو سارة وكنالة ومرتضى راح وية صديقة
حتى يدلية بيت ابو سارة حاجين ومكملين ابو سارة
كاللهم انطونة مهلة تفكر ونردلكم جواب الولد صديق
مرتضى ملازم اول
حجوه وية سارة وموصفات الولد يعني عادي مقبولة
جانت هية لحد الان مشايفتة عندة بيت وسيارة
وبيتهم بمنطقة قريبة علينة الكل حجة وياها امها
تكول قسمة زينة حرامات اتظيعها المهم وره اسبوع
سارة قبلت اجوي اهل العريس اتفقوا ومدري شنو
وحظروه للخطبة وسارة تكول ليش العريس مطلب
يشوفني تكول خاف يطلع محلو خبلتنة باسئلتها
المهم حظرنة للخطبة وكلشي والذهب الولد انطة
الفلوس لابو سارة وكالة خلي تشري هية سارة معاجبها
الوضع تكول راح ازوجة واني بعدني مشايفتة
المهم اجة يوم الخطبة وسويناها بيتنا سارة كاعدة
طب العريس وهية مدنكة راسها ومستحية مباوعت
اجة السيد عقدلهم وكملوا وجابوا الذهب ديلبسها
سارة باوعت علية هيج صار وجها حرفياً😳😳
لبسها وخلص وهية بعدها صافنة بوجها
رحت كرصتها من ايدها
فاطمة.. لج شبيج العالم دتباوع عليج ليش هيج فاتحة
حلكج
سارة.. لج هذا نفسة صديق مرتضى
فاطمة.. يي ندري صديق مرتضى شنو المعلومة الجديدة
سارة.. لج لا هذا الي جان كاعد بالصالة واني فتت عليهم
فاطمة.. صدك
سارة.. والله
اخذتلهم صور المصورة وجانوا يخبلون خلصت الحفلة
اخذ رقمها السارة وصارت علاقتهم قوية يكلهها اني
من شفتج طبيتي للصالة ظليت صافن عليج يكلهها
بس استحيت اكله لمرتضى منو هاي وره فترة دكيت
علية وكتلة تذكر هاي الابنية الي كعدت بالصالة
سئلتة عليج مزوجة لو لا مستفسر عليها يلا يكلها
٣ أشعر مكدرت اطلعج من بالي
المهم هسة نرجع علية طبعاً اني من كتبت القصة
أحمد مقراها بس قبل اني اكتبها من خلصتها أحمد
قرأها وصارت مشكلة من وره مرتضى مثل متعرفون
لأن اني مكتلة عليه سواه مرتضى من قرة القصة انصدم وصارتلي مشكلة كلش جبيرة وأحمد تعارك
وية مرتضى واخذني واخذ علاوي وعزلنة بيت وحد
طبعاً بوكتها أحمد تعارك وياية وصارت مشكلة جبيرة
بيناتنة وأحمد خمس أشهر ميحجي وياية ولا يباوع
بوجهي الصراحة مجنت محسبة انو أحمد راح يقرة
القصة وكهرت نفسي لأن كتبتها لأن سويت مشاكل
الية وحجيت وية الكاتبة ردت امسحها بس كالتلي
العالم حبتها وقنعتني بالكلام المهم فاتت ست أشهر
واحنة كاعدين بيت وحدنا وكل واحد بغرفة الي يجمعنا بس علاوي كرهت نفسي وحياتي بذيج الفترة
المهم اجة مرتضى وابو أحمد وحمد واجتي ام مرتضى
ومريم تقريباً الكل ومرتضى اعتذر وكال مو قصدي
ورجعوا للبيت البيت بدونكم ميسوه ومرتضى صالح
أحمد بعد معانات المهم رجعنا للبيت بس أحمد بعده
ميحجي وياية مر اسبوعين وهوه يروح للدوام ويرجع
وعادي مهامتة اني رحت كتلة أحمد شبيك أحمد ترى
مصار شي الرجال اعتذر ليش دسوي هيج
أحمد.. داشوفج حتى بعد مظمين علية شي العالم عرفت شصار بحياتج واني اخر من يعلم
فاطمة.. يعني شكولك بوكتها اخوك يريد يتحارش بية
أحمد.. يي كليلي جان اتصرفت بوكتها
كمت ابجي
فاطمة.. يعني انتة هسة ليش مبقيني على ذمتك طلكني اذا متريدني لو شفتلك وحدة غير اني ميهمني
بس اذا تريد تزوج علية طلكني اول لأن اني متنحط
وحدة على رأسي
أحمد.. ومنو كلج اني اريد اطلكج هاا
فاطمة.. محد كلي بس تصرفاتك تكول هيج
أحمد.. اني دانطيج درس حتى تعرفين من تظمين
علية شي شيصير بيج
فاطمة.. تعلمت الدرس ارتاحيت هسة
أحمد باسني من راسي وابتسم
أحمد.. يي ارتاحيت..
اتصالحنة اني وأحمد بس أحمد هوه شدد علية وعلى
لبسي كام يجيبلي كلابيات عراض وردان وخلاني
البس شال كدام اخوانة من عرف بسالفة مرتضى
غير طريقة لبسي كلها..
وهنا وصلنة للنهاية مو تنسون التصويت☆☆☆☆
والمتابعة وبااي..♡♡