زهراء: صفنت شبيكم صوتكم واصل للصالة ش ماريد ابينلها شنو الصار دفعت أحمد فاطمة: مو اكله لابن عمج ميجوز من سوالفة صارلة ساعة يتوسل بيه يريد بوسة زهراء وأحمد صافنين بوجهي وأحمد من الصدمة حتى ميرمش فاطمة: أحمد يلا روح مو وكت سوالفك هسه أريد اثرم بصل زهراء معجبها الحجي باوعت صفح على أحمد وعلية وطلعت أحمد: عود دتكحلها عمتها فاطمة: عندك مبرر غير هذا أحمد: يي جان طلعتي غير هذا المبرر كبل طفرتي يريد يبوسني هيج اني ملطلط فاطمة: لعد ليش محجيت خليتني اني احجي واذا كتلي اعتذري من اي احد مره ثاني من صدك اسويها لاعبالك اشاقه هيه حياتي شباقي بيها اموت وارتاح عل أقل اروح يم ربي ماانذل أحمد: شنو قصدج يعني اني ذالج فاطمة: لعد شنو تخليني اعتذر من زهراء هاي مو ذلة تقبل اخليك تعتذر من كرايبي أحمد: اكسر راسج شنو اعتذر بابا افهمي اتي رجال مو مثلج انتو بنات بيناتكم تعتذرون فاطمة: أحمد سد السالفة ماعتذر من زهراء لو يبقة اخر يوم بحياتي أحمد: المهم اني باجر مسافر فاطمة: وين أحمد: لاربيل فاطمة: وشعندك باربيل أحمد: عندي كم شغل اسويهن وارجع فاطمة: وشكد راح أطول أحمد: ٥ ايام فاطمة: شدعوه متخلص شغلك بيومين لو ثلاثه إلة خمسة أحمد: متكدرين تفاركيني 😉 فاطمة: لا عيني لايروح بالك بعيد بس كرايبك ماطيقهم أنوب تعوفني وحدي يمهم أحمد: عمة بعينج لج انتي ماعندج احساس فاطمة: وعيني شكايليلك مزوج إليسا أحمد: دسولي جاي انتي مامن وراج فايدة فاطمة: متحتاجني عيني بنات عمامك وعماتك مكفيات وموفيات أحمد: يي صحيح هنه هواية بس ولا وحدة توصل بجمالج فاطمة: شتريد الجاي حلو لو وسط أحمد: صدك انتي مومال احد يحجي وياك عابت صحيح اني بديت ارتاح لأحمد بس ماريد أبين اله حتى لاياخذها نقط ضعف صارت العصرية جان ام أحمد كامت تون من مفلصلها أحمد نزا شاف أمة أحمد: انطي لأمي عبايتها هلي تلبسها داخذها رحت انطيت العباية لام أحمد ام أحمد: تعاي وياية يمة اترجة عليج وامشي اني من سمعت هيج طرت من الفرح صارلي هواية مطالعة رحت لغرفة ريم فاطمة:ريم انطيني فستان مال طلعة بسرعة وياه شال وحذاء ريم: بعد عيني انطيج ملابسي الداخلية فاطمة: ريم مفاضيتلج انتي وتفاهتج فضيني داروح
К сожалению, это изображение не соответствует нашим правилам. Чтобы продолжить публикацию, пожалуйста, удалите изображение или загрузите другое.
انطتني تقريبا نفس هذا الفستان بس لون تفاحي وحذاء ابيض وشال ابيض وبدلت بغرفة ريم ونزلت جوه وراية نزل أحمد أحمد:هاا خير شنو معزومة بعرس فاطمة: لا راح اجي وياكم أحمد: شنو هل لبس روح غيري ولبسي جبة فاطمة: والله معلية هذا الفستان مال اختك تقبل تلبسة بس اني لا أحمد: اختي صخلة محد يعبرها فاطمة: معلية مانزعة هوه احنه من باب البيت للعيادة ام أحمد: الله لايوفقكم راح اموت وانتو كاعد تتناقشون أحمد: يي يمة كومي خلي نروح ركبنة السيارة وأحمد يريد يلزمني ويكتلني بس اني مدرتلة بال ظليت اباوع من الجامة اباوع على أحمد لابس بنطرون كابوي وقميص اسود ومتعطر حتى العمية من تشوفة تفتح باوعت صفح وانداريت أحمد يباوع بالمرآية ويحجي أحمد: شو تباوعين صفح شنو معاجبج فاطمة: هسه اني حجيت كلت انته معاجبني أحمد: نظراتج هيج تكول فاطمة: وانته تقرء النظرات والوجوه ام أحمد: كافي شبيكم زعاطيط بس تتناكرون فاطمة: يوم هوه تحارش اني مو ساكتة سكتي من يمج أحمد: يي صارت بيها لواكة يوم فاطمة: باعي يوم يظوج اذا اصيحلج يوم ام أحمد:معليك لاتدخل اني وبنيتي أحمد: يي صارت بنيتج اني بعتيني موو فاطمة: شبيك تغار عيب انته جبير وحاط عقلك وياية أحمد: لاماغار بس امي تفرق بعيني يمة تدللين فاطمة: يوم عوفي ميت من القهر خطية وصلنة للدكتور ونزلنة أحمد حجز قبل مانروح رحنة لكينة رجال جبير قبلنة انتظرنة طلع وطبينة للدكتور اني وأحمد وأم أحمد وهذا الدكتور ام أحمد صارلها هواية تراجعة تكول خوش دكتور وموجبير يطلع اصغر من أحمد فحصها الدكتور وكتب الها علاجات وطلعنة بسيارة أحمد طبك يم صيدلية ونزل اشترى علاج وصعد والدكتور شوية بعيد عل بيت يعني تقريبا ساعة اله ربع ويه الازدحام احنه ساكتين جان أحمد يحط اغنية
ويباوع علية بالمرآية ويغنيها ومعلي الأغنية وأم أحمد تباوع علية وتضحك تكله شبيك يمة اسودنت أحمد: يي والله يوم وحده سودنتني ومن ورها حتى عقلي صار مو براسي ام أحمد: ليش يمة هيج حلوة أحمد: يمة تخبل وشفتها تخبل فاطمة: كافي شنو هلحجي اني مو كاعدة أحمد: يي نسيت كاعدة ويانة طفلة فاطمة: أحمد اسكت لاتتحارش بيه اذا فتحت حلكي بعد مينسد وكف أحمد السيارة كلنة ليش وكفتة أحمد: يلا نزلوا خلي نتعشة ونرجع للبيت ام أحمد : انتو انزلوا اني ماكدر انزل فاطمة: أحمد جيب اكل وبالبيت ناكل أحمد نزل وجاب دجاج وكص وكباب لأن ماشاءللة ميكفيهم رجعنة للبيت اول مطبيت شافتني فلحية باوعت علية صفح وفاتت وزهراء وسحر اكلني بعيونهم والي موتهم اكثر أحمد حط ايديه على ظهري وصعدنة اني وياة الدرج بس صعدنة الدرج وخرت ايد أحمد ورحت للغرفة ركض قفلتها أحمد: فتحيها بطلي سوالف الجهال فاطمة: ماا خلي ابدل يلا افتح بدلت وكملت وفتحت الباب وطب أحمد نزلت جوه سحر: شرفت المسعدة فصلية وكاشخة طب وتطلع مياخذوني فصلية مثلج فاطمة: والله حبيبتي على نيات اذا نيتج مو صافية ليش لحد الان كاعدة على كلب اهلج زهراء: وانتي هم نيتج مو صافية مو اخذوج فصلية فاطمة: انتي بعينج دشوفين شلون اني مدلله الحمدلله والشكر اني مااطش بأحد همة لازكيلي سحر: استغفرلله فاطمة : يي استغفري حبيبتي باجر وراح حساب وكتاب فرشت السفرة وحطيت الاكل وأحمد صاح اخوانة اجه حمد ومرتة ومرتضى وحدة فاطمة: لعد وين فليحة اصيحها مرتضى: لا متريد شبعانة سحر: الة نكولج متريد تكابلج فاطمة: هوه اني كايمة لأن شبعانة أحمد: كعدي فاطمة اكلي فاطمة: لا ماريد شبعانة مرتضى صيح مرتك خطية خاف جوعانة عفتهم وصعدت فوك ورة شوية صعد أحمد للغرفة بيدة صينية أحمد: تعالي اكلي فاطمة: شبعانة والله ماريد أحمد: تعالي بس اكلي شوية علمودي اكلت شوية وكمت أحمد: كومي حضريلي هدومي كمت حطيت الجنطة عل جرباية وحطيتلة ملابس وأخذت قلم حمرة وحطيتة بالجنطة كلت حتى يذكرني وحطيتله العطر مالتة خلصت سديت السحاب وأحمد وقت التلفون ونام واني ظليت كاعدة منمت لحد مكعد أحمد طب سبح وبدل وحط عطر وعدل ملابسة وشال الجنطة واني جنت واكف جان يحظني ويبوسني من ركبتي أحمد:ديربالج على نفسج احس وجهي راح يصير ازرك من الخجل فاطمة: انشاءالله انته هم لاتخلي بالي جان يبوسني من خدي وطلع اني هنا اباوع على وجهي بالمراية اذا جكيتو وجهي اصدرلكم عصير طماطة تمددت عل جرباية وحطيت راسي ونمت كعدت بل ٩ ونص كمت غسلت وجهي ونزلت سويتلهم ريوك وكعدوا اكلوا وفليحة تشوفني بالمطبخ تروح للصالة تشوفني بالصالة تروح للمطبخ المهم خلصت كل شغلي صارت ساعة بالوحدة طلعت دانظف الكراج واغسله انفتحت الباب طلع مرتضى وهنا وصلنه لنهاية البارت مو تنسون التصويت والمتابعة احبكم وتصبحون على خير 🤎
