فصلية فاطمة والنقيب

البارت الثلاثون

كملت اسوي أحمد قرآن وباوعت عليه كالت
ام أحمد: الله ظلمج من خلاج هنا
فاطمة: شسوي خاله الحمدلله هذا قدري
ومصيري الله كاتبلياه اني م  هسه انظلمت من
ابوية مات لحد هسه وتعلمت الحمدلله
ام أحمد: يي والله الاب خيمة اذا راح كلمن
يروح بديره لعد امج وين هم ميته
فاطمة: لا امي بس ابويه مات خلصت العده
وتزوجت
ام أحمد: لعد ليش مخذتج وياها
فاطمة: عمامي مقبلوا وهسه محد اجه وكال
بت أخوية ماتت عاشت وكمت ابجي
ام أحمد: اخخ شكد ماعندج اهل بس توكعين
بشده تحسين نفسج مكطوعه من شجره
فاطمة: يي والله الحمدلله والشكر الله ويه
الحق
ام أحمد: ونعم بالله بس أكولج شي ابد لاتبينين
نقطة ضعفج بهذا البيت تره يستغلوج تره ذوله
وحوش ديربالج منهم بتي
فاطمة: لا معليج خاله هالمره اعرف شلون اربيهم سكتت عن حقي هوايه اله اكفرهم حتى
أحمد
ام أحمد: لايمه كلشي ولا أحمد بس هلوليد عندي
فاطمة: لا خاله اشاقه وياج شبسرعه صدكتي
ام أحمد: هههه يمه اني ارتاحيتلج وكاعده
اسولف واضحك صارلي هوايه مكاعده ومسولفه هيج
فاطمة: لاتخافين اني يوميه كاعده عل  كلبج
ماعوفج
ام أحمد: هههه يلا كومي صفطي هدومج
كمت فتحت كنتور ام أحمد
ام أحمد: وين راح تخلين الهدوم
فاطمة: هنا بكنتورج
ام أحمد: لا صعدي خليهن بغرفة أحمد
فاطمة: لا خاله عفيه خلي احطهن هنا اصلا
باقيلي ٧ أشهر واروح
ام أحمد: لا امشي حطيهن بغرفه رجلج
فاطمة: اووف تمام شبسرعه طردتيني
مو جنه نسولف
ام أحمد: يي عدكم غرفة تنامين يمي ليش
طلعت من الغرفة صعدت الدرج فوك اكو
غرفتين غرفه ريم وغرفت أحمد غرفت
ريم مفتوحه الباب شويه وطالعه أصوات
عاليه منها ضحك وسوالف قربت يم الباب
ريم منطيه ظهرها للباب وكاعده بصفها
سارة بت عمها الحيه وبيدهن تلفون وفاتحات
كامره وحتى وجهه للولد شفته ويسولفن
ويضحكن اني كلت هاي الفرصه حرامات
تروح من اديه فتحت الباب عليهن
فاطمة: رييييم شدسوين
ريم : فزت وذبت التلفون هاا هاا مداسوي شي
فاطمة: لعد اذا مسوين شي راح اروح اكول
لأحمد وهوه يتصرف وياج
اني كلت هيج وريم وساره اجني عليه ركض
مثل المحابيل يتوسلن بيه مأكول وشتريدن
انسويلج وظلن يتوسلن بقه بس يبوسون
رجلي
فاطمة: خلي افكر مادري اكول لأحمد لو مأكول
ريم وسارة: لا الله يخليج شتريدن انسويلج
فاطمة: تمام مأكول لأحمد بس شاريد تنفذون
ريم سارة: يي والله شتريدين نسويلج
فاطمة: تعالن يلا صفطوا هدومي بالكنتور
أخذن الجنطه ركض وراحن للغرفه واني
واكفه عل  راسهن لا هذا هنا لا لا هذا منا
وهنا ساكتات ولا حرف واني متونسه داطلع
ثاري بطريقة بطيئه
فاطمة: احس الغرفه متربه لأن مفاتحيها
يلا ريم سارة نظفن الغرفة بسرعة
ريم سارة: يي نظفها ليش منظفها
ريم راحت اتجيب الصطله والماسحة
فاطمة: سارة نزعي البردات ولبسي بردات
جديدات
سارة: يي صار تدللين
ريم مسحت الغرفة وسارة لبست البردات
فاطمة: الأخشاب مال الجرباية متربة جيبن
وصله ومسحنهه وانتي سارة جيبي المبخرة
وبخري الغرفة ماكلكم الغرفة صارت تخبل
نزلت جوه طبيت للمطبخ لكيت مجموعه
مال حيايه نبت العربيد
ام مرتضى: يلا تعالي مدي ايدج بالعشه مو
بيدج حنه
فاطمة: تريدوني اساعدكم تمام رييييم سارة
صحتهم واجويه مثل بيبي
سارة ريم:'هاا فاطمة محتاجتنه بشي حياتي
كله فتحت حلوكها
فاطمة: تعالوا سوه عشه بدالي لأن ايدي ناعمة
وماريدها تصير خشنه
ريم سارة : يي تمام
وماكلكم كلها مصدومه شديصير ابتسمت
ابتسامت الانتصار وطلعت من المطبخ صدك
وين أحمد ظليت ادور عليه ماكو صعدت للغرفه
اتمددت على الجرباية وظليت اباوع بالتلفزيون
اندكت الباب طلعن ريم وسارة
فاطمة: خير تفظلن امر خدمة
ريم سارة: سوينه عشه واجينه دنصيحج خاف
جوعانه
فاطمة: يي قيل لا تاكلن عزلن اكل لأحمد
ريم: عزلتله لاتخافين تعالي اكلي
فاطمة: يي جايه
نزلت وأم مرتضى شافتني كعدت على السفره
ام مرتضى: مدام فاطمة كعدت على السفره
اني ماكعد
فاطمة: يله عساس احنه دنتوسل بيج تعالي
اكلي عليج الله اذا متاكلين انموت انتي راح
تخسرين مو سارة
سارة: يي يي صحيح كلامج كله صحيح
اكلت وشبعت وكمت غسلت ايدي
مرت عم أحمد ام سارة: هاا مناويه تغسلين
اماعين العشه
باوعت على سارة
سارة: اني اغسلهن يمه خلي فاطمة تروح ترتاح
ام سارة: شبيجن اليوم كله تخاف من فاطمة
شنو شايله خرزه
فاطمة: تكدرين تكولين هيج شي
صعدت فوك وتمددت على الجربايه أجتي
الوطنيه ونمت ماحسيت بروحي واني
نايمه احس اكو هوه ديجي بوجهي بالبدايه
عبالي حالم فتحت عيوني باوعت اكو وجه
ديتنفس
فاطمة: اااااأهههههه
أحمد من العطية وكع من ابجرباية
باوعت لكيت هذا أحمد
أحمد: يتلفت ها ها شكو شصاير.
نهاية البارت كل عام وانتو بخير يارب من
العواده انشاءالله وتحقق كل أمانيكم تصبحون
على خير 😴