فصلية فاطمة والنقيب

البارت السادس والثلاثون

أحمد: مو دادكلج ليش مجاوبين شبيج شصاير
فاطمة: ماكو شي أريد انام بااي
أحمد: انتظري خلي ادزلج اغنية سمعيها
فاطمة: مااريد لادز اي شي
دزلي اغنية أحمد صار عندي فضول اسمعها

مادري من سمعتها احس شي تحرك داخلي عيوني دمعت
أحمد: هاا حلوة
فاطمة: اخاف متيهه ددزها لسحر ودزيتها
الي
أحمد: سحر حتى تلفون ماعدها
فاطمة: يي يلا أريد انام
أحمد: مرحت للبيت ترى كبل رجعت للدوام
من قريت الرسالة طرت من الفرح يعني مراح
سحر
فاطمة: يي وليش مرحت
أحمد: مايعجبني اطب للبيت وانتي ماكو
فاطمة: هاا صدكتك
أحمد: انتي شبيج مصدكين بيه وماعندج ذره
ثقة ليس اسوين هيج
فاطمة: ليش اثق بيك مايحتاج مباقيلي شي
واروح انشاءالله
أحمد: يي انتي هذا الهامج شوكت تروحين
عبالك يومية داكتلج واعذبج
فاطمة: مو انته التعذبني تصرفاتك التموتني
الف موته المهم ماريد ادوخ راسك روح
الله وياك أحمد مجاوب شفت كبالي هاي
الأغنية مال شيرين ودخلت عليها

ودموعي صارت عشرة عشرة واشهك وابجي
رنيم متسمعني حاطة سماعة واني متت لحد
متعبت من البجي نمت مادري بروحي كعدت
ساعة بل ٩ كمت غسلت وجهي باوعت بالمرآية
عيوني صايرة حمرة دم ومورمات رحت للمطبخ لكيت مريم مسوية ريوك
مريم: هاا اجيت داكعدج
فاطمة: لا كعدت اروح اكعد رنيم
مريم: لا هذني نحيسات بالنوم خلي من يكعدن
يتريكين
فاطمة: تمام
مريم: هااي شبيها عيونج ليش حمرة هيج
فاطمة: هاا مادري يمكن البارحة كرصني شي
ومادري بيه وصارت هيج
مريم: هسه انطيج عصارة مال عيون
فاطمة: تمام
مريم : يلا تعالي خلي نتريك
حطينة الصينية اجة كعد وائل وحالته حالة
يمسح وجهه وعيوني تلمع يعني مبين جان
ديبجي
مريم: هاا يمه شبيك خوما صاير شي
وائل: لا يمه شكو احد كايلج شي
وارتبك
مريم: لا بس مدري احسك مو طبيعي
اله شوية وراد يبجي يعني صدك حالته تعبانه
مثل حالتي
فاطمة: عوفي للولد براحتة لاتظغطين علية
وائل: شعجب صايرة تعرفين تحجين
فاطمة: هسه فوك مداسكت امك نقهرت حالك
نفس حالي بس شنسوي نكول الحمدللة
وائل: الحمدللة والشكر على كل حال
فاطمة: تعال تريك ميفدك احد غير بطنك
وائل: يي والله صادكة
تريكنة وكملنة شلت الصينية غسلت الاماعين
مال الريوك ورحت المم البيت ومريم بدت
تطبخ بالغده المم بالصالة واشوف وائل
محترك دمة ويراسل بالتلفون ويحجي ويه
نفسة ويدردم
فاطمة: وائل بيك شي اذا تريد احجي اني مثل
اختك
وائل: جر حسرة الخخ شحجيلج
فاطمة: خير شصاير
وائل: احب بت عمتي صارلي ٣ اسنين وكلت
الابن عمي عليها واليوم راح ينجمعون بيت
جدي وراح يعترفلها ويكلهها عود هوه يحبها
وثقت بيه وكتله وهو غدرني
فاطمة: يعني راح يروحون لبيت ام مرتضى 
وائل: يي
فاطمة: زين همه هسه بالبيت
وائل: بيت عمي وابنه فرات هوه الي يريد يعترف قبلي
فاطمة: يعني بيت عمتك بعدهم مجايين
وائل: يي
فاطمة: لاضوج أليوم انته تعترفلها مو ابن عمك
وائل: شلون
فاطمة: بيت عمتك وين
وائل: محافظات بعدهم مواصلين
فاطمة: خلي البس بسرعة وحظر السيارة
حتى توصلني لبيت جدك
وائل: يلا راح اشغل السيارة
رحت لبست الجبة والشال وأخذت تلفوني
فاطمة:مريم راح اروح لبيت اهلج نسيت شي
مهم
مريم: يي بس تعالي عل غده حتى نتغده
فاطمة: تمام
رحت ركض للسيارة ركض
فاطمة: وائل قبل لانروح اكتبلي رقمك حتى ادكلك تجي
وائل: ليش اجي
فاطمة:مو تريد تغترفلها قابل اني اعترفلها بدالك
وائل: يي صدك فاطمة يعني اثق بيج ماريد
اتصير مشكلة من وراية
فاطمة:انته معليك خليها علية
وائل: يلا هيه خربانه خربانه
حرك السيارة وائل وصلنة للبيت الي منشفته
مشفت خير
نزلت وكلته لوائل روح ومن ادكلك تعال
وائل: والله خايف تسوين دكه ناقصة بيه
فاطمة: اذا صار شي مأكول انته مشترك ويايه
بالجريمة صدك وائل شنو اسم الابنية التحبها
وائل:' أفراح
فاطمة: هاا تمام يلا روح
وائل: يله طبي بسرعة
طبيت للبيت شفت وحده جبيره كاعده بالمطبخ هاي اكيد مرت عم وائل لأن اني مشايفتها
سحر: شرفت الخاتون
فاطمة: اشرف شوكت مايعجبني حبيبتي
سحر: والله ليشوفج يكول عروس جديده ميكول فصلية
فاطمة: يي والله مجذبتي صدك اني عروس جديدة
سحر: هااا شنو يعني صار شي بينج وبين أحمد
فاطمة:حبيبتي أسرار زوجين انتي شعليج
بيه والله حلوه ظلت صافنه مرت عمهم الجايه
خطار صعدت لغرفتي سبحت بسرعة وحطيت
مكياج وسرحت شعري عالي ونزلت جوه باوعت بالصالة بسكوت ماكو احد جديد
جاي يعني بعدهم مجاين الحمدلله
طبيت للمطبخ سمعت شغلة ياريتني مسمعتها
مو راح يجون بيت عمت أحمد ام افراح
وجايه ويها بت عمه لأحمد الي جانت مزوجته
اسمها زهراء طبيت للمطبخ وحده كامت تغمز
للخ
سحر: والله عمي أحمد ياخذ رغبته ويشمرهن
بعد يمفيدنا
فاطمة: اذا أحمد هيج شكو لاطشتله
سحر: منو لاطشله عيني اني لو انتي
فاطمة: اني مرته ياويلي عليج انتي
سحر: مو مرته فصلية
فاطمة: انكتبت على ذمتة لو لا شبيج سلابيحج
طلعن كدامج
مرت عم أحمد: شنو هلجسارة انتي منو منطيج
مجال هيج تحجين بثقه
فاطمة: والله أحمد كال اي واحد يتعدالج دوسي برجلج وفوتي
مرت عم احمد: خلي يجي أحمد واكله
فاطمة: أحمد بالدوام شيجيبه
سحر: ياا عود انتي مرته متدرين راح يجي
فاطمة: ادري بس نسيت
صعدت للغرفة واحس عيوني كامت طلع شرار
اخخ أحمد ميبطل من هاي سوالفه
فتحت التلفون لكيت وائل دازلي رسالة
وائل: فاطمة خالو أحمد راح يجي
فاطمة: بعد وكت عيني عرفت من الحية
والله بعيني أحمد إذا مخبلتك بعيني متكلي
راح تروح بيت اهلك علمود تشوف زهراء
طوخت المكياج وشعري سويته ذيل حصان
عالي وشعري طويل ولبست دشداشة لون
عنابي والله بعيني تريد تشوف سحر وزهراء
اله اسوي الشوفة سم نزلت جوه اندكت الباب
رحت ركض فتحتها عبالي أحمد بس طلع بيت
عمته فتحت الباب طلع كبالي رجل عمته
ظرب صفنه بوجهي
فاطمة: اتفضل عمو
رجل عمته: ها يي يي
دخل وراه ولد جيير يطلع اكبر من وائل يعني
يطلع ٢٣ سنة هيج ظرب صفنه واني بس أريد
اشوف زهراء الي جان مزوجها أحمد احلا
مني لو لا جانت بذاك الوكت ماجذب عليكم
الغيرة كاتلتني بس أريد اشوفها طبت عمت
أحمد سلمت عليها
عمت أحمد: منو انتي يمه اول مره اشوفج
فاطمة: مرت أحمد خاله
عمت أحمد: هاا
طبت افراح بنيه بكدي حلوه وهادءه طبت
المصيبة زهراء باوعت عليها مسلمت عليها
زهراء: تعرفين اني منو
فاطمة: لاو الله معرفتج منو
زهراء: اني زوجة أحمد السابقة
فاطمة: هاا إنني الجنتي تسوين مشاكل
زهراء : وانتي منو كلج
فاطمة: لاحبيبتي محد كلي فوتي العالم دتباوع
فاتت وتباوعلي صفح غميتها 🖐 وفتت
كل اشوية اروح للمراية واعدل بنفسي وعيني
على افراح اخاف تروح منا منا ويلزمها ابن
عمها ويعترفلها قبل وائل ومبينه فقيرة يعني
مو صاحبة مشاكل اندكت الباب وصارت هوسه
بالمطبخ زهراء نزعت الجبة وفتحت شعرها
سحر راحت عل مرآية تعدل بنفسها والمطبخ
هوسه عرفت أحمد اجه طب طفل من الصالة
صحته كتله منو اجه كال عمو أحمد كعدت بالمطبخ مردت أحمد يشوفني لأن ميدري
اني هنا طلعن كلهن من المطبخ بس ميكدرن
يطبن للصالة كلها زلم بس اني وأفراح بقينه
افراح:انتي مو مرت عمو أحمد
فاطمة: يي
افراح : اجه روحي سلمي علية
فاطمة: لا عادي خلي يكملون كلهم يلا اسلم
عليه
افراح: ها براحتج
وكفت بالباب مال المطبخ وهنه واكفات يم
باب الصالة حتى يطلع أحمد ويسلمن عليه
طب أحمد ولابس عسكري وسلم على مرت عمه وعلى عمته واستلمته سحر حظنته
وبوستة واني واكفه اكل بروحي وظل يشاقه
ويضحك ويايه وبعدين اجتي زهراء تسوي
روحه مستحيه وتعلب بشعرها وبوسته يعني
هاي العائلة مايعرفون يسلمون باليد لو يحظنن
لو يبوسون طلعت افراح من المطبخ
فاطمة: وين رايحه حبيبتي
افراح: للحمام ليش تريدن شي
فاطمة: لا لا حبيبتي
اجه مرتضى للمطبخ ديشرب مي
ظليت ساكته واباوع على أحمد من بعيد
مرتضى: صدك أحمد اعمى الله ينطي جوز
للماعنده سنون
فاطمة: مرتضى الله يخليك فك ياخه مني
والله مابيه حيلك انته الثاني وهاي سوالفك
مال فساتين بطلها اني مجايه عليك كايلتك
محتاجه هدوم
مرتضى  اخخخ ربي أحمد شايل خرزه باع
شمسوي بيها ودافعله
أحمد شفته طب بغرفته امه وهنا وره طب
اجني الخاتونات
سحر: ليش مطلعتي سلمتي على رجلج
فاطمة: اني وياه عدنه سلام خاص لاتدخلين
صبن غده وحمد ياخذ الاماعين للصالة لأن بيه
زلم محد يطبلها أحمد طلع من غرفت امه
وراح للصالة أنوب صبن غده وكعدن اكلن
اني مكعدت كامن شالن الاماعين والجهال
يجيبون الاماعين من الصالة باوعت على
افراح تتثاوب
فاطمة : افراح نعسانه
افراح : يي والله الطريق طويل ومنت بس
وين انام بهاي الغرفة
فاطمة: ولايهمج تعالي وياية اخذتها للغرفة
مال أحمد هنا محد يصعد يخافون من أحمد
افراح: صدك شكرا انتي مو مثل ميكولون عليج
فاطمة: شسوي كاعده وساكته ويشيلوني
ويحطوني يلا روحي اخذي راحتج وطفيت
الضوء وسديت الباب ودزيت رسالة لوائل
فاطمة: وائل افراح نامت بالغرفة مال أحمد
ومحد راح يوصلها اطمنت هسه
وائل: الله يطمنج هسه رتاحيت
فاطمة: هسه كملت المهمه مالت خلي ابدي بمالتي
وائل: شدتخططين يمصخمه
فاطمة: روح بعدين اكلك
نزلت جوه لكيتهم ديسون جاي
سحر: تعالي مدي ايدج ويانه لو ايدج بيه حنه
فاطمة: واني شعليه اني اكلت لو انتو
زهراء : شكد ممترباية
فاطمة: والله اخر وكت تجين انتي تعلميني
التربية وانتي ليش اطلكتي مو جنتي ترفعين
صوتج على ام أحمد هيه هاي التربية واحد
يعيط ويصيح على مره جبيره
زهراء: الكلج جذاب ميتين مني ويحجن عليه
فاطمة: حبيبتي تره محد ميت حتى يحجي
عليج أحمد كلي
هيه ظلت صافنه طفن الجاي
عمت أحمد: منو ياخذ الجاي وينطي لحمد
فاطمة: اني خاله
سحر: وأخيرا حست
مجاوبتها اخذت الصينيه ومدكيت الباب حتى
انطيها لحمد فتحت الباب ودخلت أحمد
انصدم تعابير وجهه تحجي انصدم لأن ميدري
اني موجوده هنا وانصدم لأن دخلت وكل
الزلم موجوده وبديت اقدملهم جاي أحمد
يخزر يعض شفه واسوي روحي ماشوفه
مرتضى جان كاعد وياهم انطيته الجاي ابتسم
هذا شلون راح الخمه على حلكه رجل عمته
لأحمد ظل صافن بوجهي كملت انطيتهم
الجاي كلهم وطلعت وديت الصينية للمطبخ
وكفت يم الباب سمعت احمد يكول مرخصتكم
عيني اني سمعت هيج عرفته جاي عليه
عادي خلي انكتل اهم شي احرك كلبه
صعدت للغرفة ركض وكعدت بطرف الجرباية
افراح بعدها نايمة وعلكت التلفزيون اسوي
روحي ممهتمه اشوف بالقناواة انفتحت الباب
أحمد
وصلنة لنهاية البارت اتمنى يعجبكم اذا عجبكم
مو تنسون تابعوني وتصوتون للقصة حتى استمر وبأي 💜