فصلية فاطمة والنقيب

البارت الخامس والاربعون

رجعنة للبيت جفت عل جرباية ونمنا ممتعودين
نطلع لأن احنة من وكت نام المهم كعدنا الصبح لكينة
بيت العروسة يمنا تريد تحظر لبتها شوية شوية
وتريد تشتري فستان للخطوبة وتحضر ويتفقون
وية صالون لأن يريدون عرس وائل بسرعة بسرعة
مادري ليش مستعجلين سوينة ريوك وكعدن البنات
يحفن للعروسة ويرتبنها حتى ثاني يوم تروح للصالون
بس يسون التسريحة والمكياج حتى مطول يمها
كملنة ريوك طبعا البيت كلة علية تعرفون خبصت
العرس وحدة يوكع عليها الشغل كلة يي هية هاي اني
ظليت بس انظف كامت مريم سوت الغدة خلصوا
الغدة مريم اخذت بناتها وراحت تشتريلهن فساتين
ومرتضى اخذ مرتة وراح يشتريلها مرت حمد عدها
فساتين واني اشتريت شوية شوية اكمل بقية الفساتين
بقينة بالبيت بس اني وأفراح وامها ومرت حمد الولد
كلهم طالعين أحمد راح للدوام ومرتضى هم وحمد
همين وائل رايح يشتري ملابس من الكاظمية يكول
هناك ملابس حلوة وأفراح تنتظر وائل يجي حتى
تروح هية وياه تشتري فستان واني كاعد ماعندي
شي رجع أحمد من الدوام غسل وبدل ونام وأفراح
وائل وأم افراح راحوا يشترون ملابس بقينة بس اني
ومرت حمد رجعت مريم محملة ملابس ومشترية
لبناتها فساتين تكفي العرس كلة ومشترية الها همين
ومرتضى هم رجع هوه ومرتة وجهالة وأحمد كعد من
النوم بدل وطلع همين يشتري هدوم وهوه عندة قيامة
هدوم جديدات بس ميقبل وراح صعدت فوك للغرفة
نمت كعدت ساعة بل ٨ لكيت البيت مخبوص هاي التصيح وهاي تكول ام الصالون شغلها مو حلو اووو
كومة حجي وهوسة وراح يسون النيشان بيت ابو
سارة واتفقوا وية وحدة تسوي كوشات مال خطوبة
وهاي السوالف تجي من الصبح تسويلهم واتفقوا وية
ام صالون تروحلها من العشرة الصبح حتى تلحك
تكملها وائل اتفق وية الحلاق يعني انخبصنة كلش
مادري متوازين اني اباوع عليهن كلهن حجزن بالصالون
حتى رنا ورنيم همين راح يسون مكياج واني صافنة
وأفراح متقبل تميش شعرها تكول عل حنة اميشة
وائل يروح ويرجع خطية انخبص يعني لو مخليها
عل خميس الجاي جان على كيفنة احنة كاعدين
ومخبوصين جان يطب عمي ابو احمد
ابو احمد: وائل اذا فاطمة وامك معتذراً من ام مرتضى
اني ماحضر عرسك
باوعت علية هذا شيحجي
مريم: يابة عدنا عرس ابني الوحيد لاتنغصها علينة
فاطمة: هاي فوك ممسويتلنة سحر وهمين نتعذر
ابو احمد: مو هيه زهراء
فاطمة: يي صحيح زهراء مسويتلنة بس منو دلاها
وهيه ام مرتضى شمعرفها بسوالف السحر وشمدليها
بيوت السحارات والله اني بالنسبة الية ماعتذر تريدن
مريم تعتذرين روحي انتي
مريم: وليش اعتذر من وحدة تريد تهجم بيت أخوية
انتة متحس يابة هذا ابنك من لحمك ودمك انتة بحياتك محبيتنا لان بنات الهام بس تحب ام مرتضى
وولدها واني ماعتذر منها لو تموت
ابو احمد: يي خوش اني لااكعد بخطوبة لو بعرس
وطلع من البيت
استغفرللة دافعتة ودازتة علينة
رجع أحمد ومريم سولفتلة
أحمد: هذا شبي ابوية صدك يحجي
صارت بل ١٠ باليل صعدت اني وأحمد للغرفة أحمد
تعبان من الدوام وراح اشترى ملابس وحط راسه
ونام واني نمت بحظنة وظليت اباوع تلفزيون لحد
منمت طبعاً وقتنا التلفون لأن ورانة شغل يعني مو
نكوم بس نغسل ونبدل لا أحمد راح يوصل افراح
للصالون وائل يروح للحلاق وائل من يرجع يجيب
افراح ومريم وبناتها ومرت مرتضى ومرت حمد وأم
العروس وأم أحمد متحب الاعراس والهوسة تتخبل
منهن باركت الوائل وللعروسة وراحت لبيت اختها
أحمد وصلها وبقيت بس اني بالبيت ومن رجعت
لحد هسة اني مداكة على امي أحمد فات للبيت
فاطمة: أحمد
أحمد: هاا
فاطمة: عادي اطلب منك طلب
أحمد: كولي خلي نشوف طلباتج
فاطمة: عادي اعزم امي
أحمد: عزميها منو لازمج
فاطمة: مو عبالي انتة متقبل
أحمد: شنو قابل راح اشيلها فوك راسي
رحت ركض على تلفوني ودكيت على امي
امي: هاا بس رحتى نسيتيني وبعد مسئلتي
فاطمة: والله ماما مشغولة هسه ماما عوفينة من هاي
السوالف انتي معزومة العصر على الخطوبة
امي: خطوبة مال منو؟؟
فاطمة:وائل يصير أحمد خالة
امي: هاا وين العنوان
فاطمة: هسة ادزلجياة بالرسالة
امي: تمام
سديتة ودزيتلها العنوان وأحمد طب سبح باوعت
على الميز مال المكياج والعطور لكيت هذا الماسك
الأسود يشيل الرؤوس السوداء كلت اجيت بوكتك
حطيتة على وجهي ولازم ربع ساعة واشيلة كعدت
انتظر طلع أحمد من الحمام
أحمد: أعوذ بالله هاي شمسوية بروحج
فاطمة: شبيك هذا ماسك
أحمد: راح يصير بية سكر من سوالفج التعبانة
صارت ساعة بال ١ ولا وائل ولا العروس مكملة وحتى
مريم والبقية بعدهم اني طبيت سبحت وطلعت لبست
ملابس مال البيت لأن بعد وكت أحمد جوعان
فاطمة: شتريد اسويلك
أحمد: لا اليوم تعبتي هواية راح اوصي اكل
فاطمة: اذا عاجبك شي كلي اني اسويلك
أحمد:لا راح اوصي
فاطمة: تمام
هاا ونسيت اكللكم ريم راحت وية امها مادري شبيها
مقبلت تبقى
كمت اخذت السشوار وسشورت شعري وكعدت ظايجة
مادري شسوي عاد لميت شعري اخذنالنة غفوة اني
وأحمد كعدنا بل ٢ ونص والعروس ب٣ تكمل عاد كمنة
اني وأحمد اني للملمت كلشي مخليت أحمد حظر
غراظة وأحمد بدل وكمل وراح جاب الكيك والعصاير
وحطهن بيت ابو سارة واني لبست الفستان وسويت
شعري مرة ثانية وليست خطاء كعب أحمد وحطيت
مكياج وفركت شعري وأخذت خصلة منا وخصلة منا
وحطين ماشة صغيرة ومحطيت حمرة اخذت القلم
وياية لأن أحمد ميقبل احط حمرة حمرا لبست الجبة
وحطيت الشال على راسي دافتح الباب جان أحمد
يفتحها أحمد ضل صافن علية
فاطمة: يلا أحمد راح يجيبون العروسة
أحمد: واذا خلي يجيبوها
فاطمة: عفيه أحمد لاتماطل خلي نروح
أحمد: مطلعين منا اذا منتطيني بوسة
بستة من خدة
فاطمة: يلا خلي نروح
أحمد: شايفتني طفل عمرة خمس سنين أريد منا واشر
على شفتة
بستة وظل مجلب بشفتي
فاطمة: أحمد يلا امشي كافي لاتلح
أحمد: اني اعلمج اذا ماخلي شفتج تورم اني من أحمد
فاطمة: أحمد كافي تحجي هيج
نزلنة وركبت السيارة وصلنة لبيت ام سارة وجانوا
الناس جاين وعالكين اغاني وأم سارة مطايقنتي تباوعلي صفح وسارة تسئل على ريم كتلها راحت
وية امها ورة تقريبا نص ساعة طبت العروس وراها
مريم ومرت مرتضى وحمد وبنات مريم والهلاهل
والجكليت ملبست بدلة افراح لبست فستان بسيط
وحلو وكامن يركصن واني اذكرت بعدني محاطة
الحمرة رحت داحط الحمرا بالغرفة جان الكة سارة
كاعدة تبجي وتشهك
فاطمة: شبيج سارة
سارة: هاا لا لا مابية شي
فاطمة: احجي شبيج لاتخافين مأكول لاحد
سارة: فاطمة اني احب وائل
فاطمة: شنو 🙄
سارة: مو تكولين لاحد
فاطمة: لا بس من شوكت انتي تحبي
سارة:من اني اصغيرة
فاطمة: لعد ليش مكتيلة
سارة: مادري بية يحب افراح يعني الاحبة راح يزوج
بيتنا
فاطمة: شسوين مو قسمتج كلشي قسمة ونصيب
سارة: اني ماكدر اشوفة هيج جانت ريم تهون علية
بس هسة حتى ريم ماكو
فاطمة: فات الأوان بعد متكدرين تسوين شي وحتى
لو تكولين لوائل وائل يحب افراح انتي شمدريج تجيج
قسمة احسن من وائل
سارة: ماعتقد اكو واحد احسن من وائل
فاطمة: الله الخلقة مخلق غيرة كومي ركصي وتونسي
الله ضاملج الأحسن انشاءالله
اقنعت سارة وكامت طلعت للاستقبال والبنات يركصن
كعدنا شوية وطب وائل حتى يلبس افراح الحلقة
واباوع على سارة واكفة بالزاوية وحاطة ايدها على
حلكها ودموعها تكت محد منتبه الها كلها تباوع
على وائل وأفراح ويهلهلون وفرحانين رحت جريت
سارة وطببتها للغرفة
فاطمة: سارة كافي راح تفضحينة خليهم يتهنون
سارة: موبيدي والله موبيدي
فاطمة: يعني شلون تبقين طول حياتج هيج ميصير
كل واحد وقسمتة وانتي وائل مو قسمتج كافي لاتعارضين امر الله
سارة: بس اني احبة وماكدر اشوفة يحب غيري
فاطمة: يعني هسة شلون شنو حلها وياج هايهية كافي
الولد مداري عنج منو انتي وانتي كاعدة تبجين علية
سارة كاعدة تبجي وتشهك
فاطمة: لج سارة كافي راح تفظحينة هسه تفوت وحدة
منا وتشوفج وتفكر غير تفكير هسه شنو شلون نحلها
وياج
سارة: مادري شبيها مداكدر اسكت احبة موبيدي
فاطمة: حبتج هية هايها مو بيدج لازم تتحملين الأمر
الواقع كومي يلا غسلي راحت نص الحفلة من وراج
كومي يلا
كامت غسلت وجهاا وطلعنة للحفلة ومريم جرتني
وفرحانة بابنها وجرتني رقصتني والمصورة اخذتلهم
صور أخذوا وية الكل صور وصل السرة لسارة
وائل: يلا تعالي سارة خلي ناخذ صورة
سارة: هاا لا لا ميحتاج
وائل: شنو ميحتاج مفتهمت
جريت سارة وكعدتها بصف افراح وأخذت صورة
جريت سارة
فاطمة: انتي تريدن تفضحين نفسج انتي شبيج بابا
اخرفيتي امشي صعدي لغرفتج لتفضحينة وياج
خليهم فرحانين
صعدت سارة للغرفة شكد جنت اكرها هية وامها بس
موقفها يعني يبجي اليهودي صعبة تحب انسان وهوة
ميدري بوجودك اصلا محد يعرف هذا الشعور بس
الي مجربة الحب مثل اليانصيب يعني انتة وحضك
ياتفوز ياتخسر وأكثر شي بالدنيا يأذي الحب من
طرف واحد يعني صدك صراع بين عقلك وقلبك
قلبك يكولك أعترف وعقلك يكولك لاتحاول مراح
يتقبلك الله يساعدة الي يحب من طرف واحد شي
مستحيل تتخطاة ومتكدر تنساه شي صعب  يعني
صدك وضع سارة يبجي وائل فرحان بخطوبتة ويضحك وسارة تبجي علية الحمدللة الله لايشوف
واحد الحب من طرف المهم ظليت كاعدة يم سارة
اهدي بيها وهية كاعدة تبجي جان تنفتح الباب
فزيت عبالي امها جان تطلع ريم
ريم: سارة سمعت الخطوبة بيتكم خليت أحمد يجيبني
سارة بس تبجي حظنتها وكعدن يبجن يم حسين جنتي
بوحدة صرتي بثنين اهدي بهاي لو بهاي
فاطمة: كافي سارة ترة البجي ميفيدج بشي تريدن
ترتاحين
سارة: يي شنو الحل
فاطمة : روحي اعترفي لوائل بس هوه اول وتالي
راح يزوج افراح بس يعني ارتاحي لاضمين بكلبج
اليوم انتي عايشة باجر لا فا لاظمين شي بكلبج
ريم : ياا عزة العزاج عود تكحلها عمتها
سارة: يي خوش فكرة خلي تخلص الحفلة واحجي
وية وائل
ريم: ياا لج لاتسوينة مشكلة
فاطمة: يلا اني راح انزل واشوف الوضع
ريم: يي اقترحي افكار شيطانية ونهزمي
فاطمة: هاي فوكهاها كلشي ميزر بيجن.
وهنا وصلنة لنهاية البارت مو تنسون التصويت ☆☆☆☆ والمتابعة احبكم وبأي ♡♡