فصلية فاطمة والنقيب

البارت الخامس والعشرون

فتحت التلفون لكيت رساله من أحمد استغربت
دخلت عل واتساب
أحمد: شعندج كاعده لحد هسه
فاطمة: ليش تسئل
أحمد: شفت متصلة وسئلتج
فاطمة : هاا هسه ردت انام وانته دزيت الرسالة
أحمد: هاا فاطمة أريد اكلج شي
فاطمة: كول
أحمد : اني اعتذر على كلشي سويته وياج
استغربت من اعتذر شبي هذا عنده انفصام
لو شنو
فاطمة:يي
أحمد:لأن تعريف الواحد من يعصب مايشوف
كدامه شي
فاطمة: ضربتني وهنتني كدام رحاب ورحت
عقدت عليها هاي هم ساعات غضب
أحمد: عقدت عليها داقاصدج اني رحاب ناسيها
من زمان وذره حب بقلبي الها ماكو
فاطمة: يي وهسه شنو المطلوب مني
أحمد:رجعي للبيت واطلك رحاب
فاطمة : مارجع اخلص السنة يم مريم واروح
يم امي
أحمد: امج عايشة
فاطمة:يي
أحمد: لعد وينها
فاطمة :متدري اني ازوجت ومعاشية بغداد
أحمد: هاا
فاطمة: يي عني يلا اني اروح وانته هم روح
خاف المدام ربوحه تسويلك مشكلة
أحمد: ختلولي اصلا منايمه يمي
فاطمة :لعد وين نايمة
أحمد: بالاستقبال
فاطمة: وانته وين نايم
أحمد: بغرفتج
فاطمة: يي حافظ عل غرفة لأن بس الغرفه
راح تبقى ذكرى تذكرني كل متشوفها
أحمد: نجبي لج ترجعين وغصبن ماعليج
فاطمة : شتريد مني اني مو مخيسه بطنك
بلجبن وربوحه تعرف تطبخ وتنظف متحتاجني
أحمد: جنت داعاندج شبيج بسرعه تاخذينها
بجديه اكلج تعشيتي لو اجيبلج عشة
هذا شبيه منين نازله عليه الحنيه
فاطمة: لا مشكور اكلت يلا عيني تصبح على
خير
أحمد:وانتي من اهله
طفيت التلفون وظليت افكر بحجايات أحمد
هذا شبي ساعه عصبي ومخبل وساعه حنين
وهادء حطيت راسي ونمت كعدت الصبح
كمت غسلت ولكيت مريم دسوي ريوك
رحت سويت جاي وحظرت الميز والإسكاين
والشكر وكعدنه اني ومريم وبناتها كعدنا
نتريك ونسولف
رنا: ماما سويلنه اليوم كيكه
مريم: خلي الحك عل طبخ اول
فاطمة: اني اسويلج كيكه
مريم:تعرفين
فاطمة: يي لعد ليش ماعرف
مريم: يي لعد انتي تسوين
فاطمة: تمام
كمت اخذت اماعين الريوك وغسلتهن
واني وبنات مريم غسلنه البيت كله وغسلنه
الكراج ورنا غسلت الحمامات وكملنا شغل لزمنه
دور عل حمام اني اول وحده طبيت غسلت
وبدلت ومشطت شعري وتعطرت وعفت شعري
مفتوح شعري اسود وطويل يعني يوصل
فوك ركبه رجلي طلعت لكيت مريم مكمله
الغده مسويه دجاج شوي وتمن صبينا اني
ومريم وصبت لابنها اكل لان ميكعد ويانه
يكعد بالاستقبال وكعدنا اكلنه وكملنه اني
ورنا غسلنه الاماعين اني اجلفهن وهي تغسلهن
بالماي كملنه ونشفنه المطبخ ورنا جابتلي
مواد الكيكه وكعدت اسوي بيها سوينها
بالكاكاو وحطيتها بالفرن ونا غسلت الاماعين
الوصخناها حضرت الكريم وحطيته بالثلاجة
حتى يبرد بين متبرد الكيكه انفشت وريحتها
تخبل عفتها تبرد تقريبا ساعه ورحت طلعتها
من القالب وزينتها وصار شكلها يخبل حطيتها
بالفريزر تبرد حتى العصر نسوي وياها جاي
وناكل بيت مريم الظهر كلهم يروحون لغرفهم
ينامون اني الظهر ابد ميجيني نوم بس قابل
اظل وحدي كاعده رحت للغرفه اتمددت
وفتحت التلفون لكيت أحمد دازلي رسالة
احمد: العصر راح اجي
مجاوبته ظليت اباوع بالتلفزيون سبونج بوب
كلش احبه وظلت يطلعن كارتونات هواي
ظليت كل شوي اباوع عل ساعة صارت بل٤
فتحت الباب مريم
مريم : هاا كاعده
فاطمة :يي منمت
مريم: لعد تعالي خلي نسوي جاي راخ يجي
أحمد
فاطمة: يي تمام
رحنه للمطبخ سوينه جاي وحظرنا استكاين
جان تندك الباب
مريم:روحي فتحي الباب هذا أحمد
فاطمة:لا انتي فتحيها واني اوديله جاي وكيك
مريم: اوفف من عنادج الله يساعدك أحمد
فاطمة: هههه شعدوه اني مو عنودية
فتحت الباب مريم وكعد بالاستقبال طلعت
الكيكة وكصيت قطعتين وحطيتهن بماعون
وصبيت جاي وحطيتهن بصينيه وفتحت
شعري وحطيته وره اذاني اجتي مريم شافتني
مريم:هااا شناويه جلطين الرجال 😉
فاطمة: لا شجلطه قابل شمسويه اني
اخذت الصينه وطبيت للاستقبال.
نهاية البارت مو تنسون تابعوني وتصوتون
الي احبكم بااي