فصلية فاطمة والنقيب

البارت التاسع والعشرون

أحمد: والله تعودت انام هنا من انتي ماكو
فاطمة:يي وهسه اني موجوده يلا كوم نام
بالاستقبال
أحمد: والله ماكوم لو تنكلب الدنيه ميعجبج
نامي بره
فاطمة: احمدددد كوم أريد انام
أحمد: اني هم أريد انام معليه تريدين تنامين
هلا بيج وفتح ايده
ضربته بالمخده وكمت رحت للاستقبال تمددت
عل تخم بس يكسر الضهر منمت ظليت اباوع
تلفزيون متت من الحر وأحمد نايم عل تبريدد
الله يقبلها رحت للغرفة لكيت أحمد نايم طلعت
فراش وفرشت ونمت كعدت على صوت الجرس مال باب شفت أحمد كام رجعت
دانام سمعت صوت مو غريب عليه كمت فتحت باب الغرفه لكيت ابو احمد واخو مرتضى لبست حجاب وطلعت رحت للمطبخ
سويت جاي وطلعت كعك وحطيت بالصينه
وطلعت لحكت على نص الحديث
ابو احمد: هاا أحمد يعني اني بعدني بحيلي
وعفتني علمود هاي الزعطوطه اذا اكبر شسوي
فاطمة: يازعطوطه منهم بله
أحمد: فاااطمة وخنزر عليه
ابو أحمد يباوع عليه يريد ياكلني بسنونه
ومرتضى ولا يم الحجي كاعد يشرب جاي
وياكل كعك
أحمد: والله انته ابويه وعلى راسي بس ام
مرتضى تسوي مشاكل عوفنه هنا مرتاحين
ابو احمد : يعني يابويه اني شكم يوم باقيلي
بهاي الدنيه وانته عايفني وحدي
أحمد: يابه خلي ام مرتضى تجوز مني ومن
مرتي يله وتعتذر مني ومن مرتي
باوعت على أحمد مصدومه ام مرتضى وتعتذر
ابو احمد : تعتذر منك بس من هاي متعتذر
أحمد: لعد مارجع
ابو احمد: خلي اشوف الله كريم
أحمد: يي شوف براحتك
ابو احمد باوعلي صفح وكامو راحو
أحمد رجع للغرفه دينام
فاطمة: أحمد يعني صدك ام مرتضى تعتذر مني
أحمد: غصبن ماعليها
فاطمة: يي طبعا تعتذر مني واذا معتذرت اموتها
أحمد: بس علكيفج عيني روحي صبيلي جاي
فاطمة: مااا أريد انام كافي انته نمت كومه
أحمد: كتلج تعالي نامي بحضني مقبلتي
لج وسفه وحده ترفض تنام بحضني هذا
الحظن اكو بنات ميتات عليه
فاطمة: بس علكيفك توك كروز
أحمد: تره اكوم ادفرج يعني توم كروز احله
مني
فاطمة: يروحلك فدوه بس كوم خلي انام
أحمد:ماكوم
احنه كاعد تنعارك دك تلفون أحمد باوعت
مكتوب نوره باوعت على أحمد وجهه كام
ينطي الوان
فاطمة:منو نوره
أحمد:صديقه قديمه
فاطمة: هاا صديقه قديمه موو
عفته وطلعت من الغرفه طلع أحمد
أحمد: شبيج كتلج صديقه قديمه
باوعتله بكل برود
فاطمة: وانته ليش دتبررلي اني شنو بالنسبة
الك خدامه مؤقته مباقيلي شي واروح راح
اشوف كلشي واسكت لاتخاف مراح احجي
أحمد: فاطمة  لاتكبريها تره ماعندي شي وياها
فاطمة: حبيبي عندك شي وياها ماعندك اني
شعليه بيك شتريد تروح تسوي سوي داحجي
دك التلفون مال أحمد
فاطمة: روح جاوب عل حبيبات ظل بالهن
عليك
راح أحمد بالغرفه ظل يحجي بل غرفه بس
مسمعت شي طلع أحمد
أحمد: كومي حظري روحج دتجي ام مرتضى
تعتذر دنروح للبيت
فاطمة: تعتذر هناك من عندي ماريد هنا
أحمد: وشنو الفرق
فاطمة: أريد تعتذر كدام الكل
أحمد: لاتسوين سوالف مال زعاطيط
فاطمة: اني زعطوطه معليك أريد تعتذر مني
هناك بالبيت
أحمد: يي كافي طبله اذاني راح تنزف من وراج
دك على ابوه وطب للغرفه حجه وكمل وطلع
أحمد: كومي يلا لمي هدومج دنروح
باوعت عليه وكمت دالم هدومي
أحمد: طلعلي جنطه ولمي هدومي هم
فاطمة: خلي نوره تجي تلملك هدومك
أحمد: اهووووو الله ياخذني ويخلصني
فاطمة : شدعواك عيني من تسوي سوالف
عوجه متكول الله ياخذني
أحمد؛ غلطه ومتنعاد
فاطمة: واني شعليه حبيبي حاسب نفسك
أحمد:اخخخ الله ديعاقبني بيج
فاطمة: واني شعليه حبيبي اصلا اني
الله ديعاقبني بيك
لميت هدومي وكملت ولبست الجبه والشال
وانتظرت أحمد يلم هدومه كمل أحمد وطلع
انطاني الجنطه
أحمد: هاج شيليها
فاطمة: خلي نوره تشيلهن
أحمد: استغفرلله ربي
عفته ونزلت انتظرت يم السياره نزل فتح
السيارة صعدت وره أحمد مكعدت بالسيارة
أحمد: وليش متكعدين ليكدام شنو اني السايق
مالتج
فاطمة: هذا مكان نوره
أحمد: الله يموتني ويخلصني من عرفت نوره
فاطمة:' الله ياخذك ويأخذ نوره
أحمد: شكلتي
فاطمة: كلت الله يحفظ نوره
أحمد:الله ياخذ نوره
فاطمة: آمين
حرك السياره وظل الطريق كله يباوع بالمراية
ويستغفر
فاطمة: شبيك تستغفر كدامك نوره
أحمد: اهاا ربي على هاي المصيبه
وصلنه للبيت نزلنه اني وياه طبينه جوه
ولكينه كلهم كاعدين بالصالة حتى بيت عمام
أحمد كلهم جايين ومريم وجهالها
كعدت واباوع عليهم ويباوعون من وره خشمهم
ابو أحمد: احنه مايصير نبقى هيج احنه عائله
وكلب على كلب ميصي  سبب تافه يفركنه
وفاطمة مباقيه يمنه هواي باقيلها ٧ أشهر
وتروح باوعت عليه مصدومه يعني حتى
حاسبلي شكد باقيه يمهم
أحمد: لحد يدخل بفاطمة شوكت تروح ترجع
ولحد يحاسبها على شي اعتبروها موموجوده
والي اسمعه يندك بيها الله وكتبها عليه بلغتكم
والله لو حتى ام مرتضى تره ميصيرلها خير
زين سمعتوني
ابو احمد :يي يابه سمعنه
أحمد: يلا خلي ام مرتضى تعتذر
وأم مرتضى منزله راسها مسويه روحها بريئه
وهي حيه تلدغ وضم راسها
كامت ام مرتضى باست أحمد من راسه
واعتذرت منه واجتي عليه باستني واعتذرت
مني
ابو احمد: هاا أحمد هسه رضيت
أحمد: يي يابه رضيت
كمت طلعت من يمهم لأن محد طايقني وكلها
تباوع صفح رحت شفت ام أحمد كاعده بالغرفه
تقره قران كعدت يمها وهيه تقرأ قرآن ظليت
صافنه عليها واذكرت امي وكمت ابجي حطت
ايدها على راسي وحطيت راسي على رجلها
وكامت تقرأ قرآن واني ابجي .
نهاية البارت شكرا لدعمكم تريدون اطبكلكم
بارتين لو انزل واحد واحد اكتبولي رئيكم
لأن كلش يهمني رئيكم احبكم باااي 💜