فصلية فاطمة والنقيب

البارت السابع عشر

كعدت المغرب رحت غسلت وجهي ورحت للاستقبال
لكيت أحمد بعده نايم ضليت صافنه بوجهه بل ربع
ساعه واكول بقلبي شجابني يمك الدنيه فرفرتني
وذلتني وشمرتني يمك انته هم راح ذلني لو تكسرني
وتتخله عني اكيد راح يتخلى عني قابل اني شصير
منه اني بالنسبة اله لاشي عيوني دمعت من ضلم
الدنيه إليه كمت غسلت وجهي وسمعت أحمد يصيحني
أحمد: فاطمة تعالي
فاطمة:' هاا
أحمد: تعالي نطيني كلاص مي
شفت أحمد كعد واذكرت الصوره كلت لازم اعرف هوه
يحبها بعده لو لا
فاطمة : أحمد ضايج
أحمد: ليش هالسؤال
فاطمة : هسه دكلي ضايج
أحمد: يي ضايج
فاطمة: نلعب لعبه
أحمد: هاي عود كل قوتج لعبه
فاطمة : يي والله حلوه
أحمد: يالعبه
فاطمة : صراحه لو جرائه
أحمد: يلا عمي كومي شوفينا ابداعاتج
فاطمة : خلي اجيب بطل
أحمد: شسوين بالبطل
فاطمة: هيه اللعبه هيج
أحمد: يله علميني شلون تلعب
فاطمة: نفر البطل واذا البطل وكف عليك اني اسئلك
واذا البطل وكف عليه انته تسئلني
اني بالي مو يم اللعبه بس أريد اعرف أحمد يحبها
لو لا فريت بالبطل طلع على أحمد كتله جرائه لو
اسئلك
أحمد:اسئلي عيني سئلي
فاطمة : تمام حبيت قبل
أحمد: هاي بدايتها هيج
فاطمة : يلا جاوب
أحمد: يي
فاطمة :شكم سنه ضليت تحبها
أحمد: لحد الان
اني من سمعت هيج الكهرباء بوجهي طفت
وليش مزوجتها
أحمد: ابويه وامي مقبلوا وابويه جبرني ازوج بت
عمي وطلكتها مطولت يم
فاطمة :هاا اباوع عليه واعصابي رادت تنفجر يلا
فر البطل بعيني باع شلون راح اجذب جذب اباوع
واحجي بقلبي وكف البطل عليه
أحمد: يلا اسئلج
فاطمة : شتريد اسئل اني صريحه واجاوب
أحمد: يلا حبيتي قبل
فاطمة : يي حبيت
أحمد: شنو حبيتي وانتي بلكماط
فاطمة :هههه مضحك تره لا مو بلكماط
أحمد: تشاقين لو تحجين صدك
فاطمة : الصراحة صارت شقه
أحمد:يي بله منو هذا
فاطمة : جوارين بيت عمي اسمه فارس يخبل
لو تشوفه ملامحه وتصرفاته كله على بعضه حلو
وخطبني ٤ مرات بس عمي الحقير منطاني جان اني
هسه يم فارس حبيبي
أحمد:وشنو اني معاجبج
فاطمة : لاعيني عاجبني مثل اخويه وأكثر
من كلت هيج حسيت ملامح الصدمة بينت على وجهه
أحمد: وشلون يصير شكله لهذا فارس
فاطمة : لو اوصفلك شكله منا لباجر ميكفي من جماله
عيونه خضر وشعره اشكره وطوله حلو يعني كامل
مكمل
أحمد : وجان يحبج
فاطمة : ياا اكلك خطبني اربع مرات
أحمد: يي يلا خلي تخلص السنه وروحي شوفي
فروسي مالتج
فاطمة :يي اكيد اول ماروح لبيت عمي اروح اشوف
فارس
أحمد: كافي كومي يلا عابتلج وعابت لعبتج السخيفه
كومي سوي جاي يلا
فاطمة : وشبيك عصبت مكلنه شي تره
اني من شفت أحمد ضاج كيفت كلت اكيد اكو مشاعر
ولو شعرايه تنهز بداخله
نهاية البارت السابع عشر كو تنسون تابعوني وتصوتن
احبكم 😚