مرتضى اخذها وطلعوها اني صعدت للغرفة ومريم صعدت وراية وظليت انبش بالغراض اكول اخاف بعد حاطين الكناتير كلبتهن فتشت الغرفة ومريم همين ادور وياية وملكينة شي كعدت عل جرباية وصفنت يعني معقولة تصرفات أحمد كلة من السحر فاطمة: مريم يعني معقولة السحر هيج يغير تصرفات الشخص مريم: لعد انتي وين نايمة يحظي متشوفين أحمد تصرفاتة فاطمة: اخخخ اني شمسوية بحياتي حتى هيج يصير وياية مريم روحي بناتج وحدهم خطية مريم: يي والله والاكل عل نار يلا اني رايحة شتحتاجين بس دكي على وائل زين فاطمة: انشاءالله راحت مريم وظليت صافنة ومادري شسوي كمت نظفت الغرفة مرة ثانية وعلكت قرآن بالغرفة واذكرت الحلم معقول هذا الشي الأسود هوة سحر يعني أحمد مالا ذنب بالديصير اني كاعدة جان تنفتح الباب أحمد اني شفت أحمد كمت من الجرباية داطلع لأن تعبت من المشاكل ومابيه حيل داطلع جان أحمد يجر ايدي حيل ويحضني واني واكفة مجمدة مادري شسوي حظنتة وعيني دمعت مادري مشاعري اتلخبطت مادري اني احبة لو لا أحمد: صدك السمعتة وخرت منة فاطمة: شنو السمعتة أحمد: عل سحر فاطمة: يي زهراء وأم مرتضى مسويلك حتى تكرهني أحمد: وانتي ماقصرتي هججتي ام مرتضى ودمتي زهراء ههههه فاطمة: منو كلك أحمد: مريم سولفتلي فاطمة: شبسرعة لحكت أحمد: سوتي هذا كلة علمودي فاطمة: لاتفرح هواية لو اي احد شفت صاير بي شي ادافعلة أحمد: بس هاي شمسوية بزهراء فاطمة: شكد عيارة كلشي مسويتلها أحمد: يا كلشي ممسوية نقلوها للمستشفى خشمها انكسر فاطمة: تستاهل حتى تعرف بيمن تندك أحمد: بعدج تحبيني فاطمة: ليش منو كلك احبك أحمد: مبين ترة فاطمة: لا ماحبك أحمد: اني اول مشفتج حبيتج بس مردت اكبر راسج فاطمة: لا واضح تحبني من الكتلة أحمد: والله لما كاتلج جان لزمتج ام مرتضى كظت بيج التوبة فاطمة: هاا يعني عود انتة دسوي زين أحمد: هاي فوكاها فاطمة: يي المهم اني رجعت حتى تخلص الشهرين واروح يم امي أحمد: ومنو كلج اني اطلكج فاطمة: ماكو هاذا اتفاق مو بكيفك أحمد: مو هسه اتصافينة لاتخليني اكتلج فاطمة: هااا المن تكتل لعد اني رايحة يم امي أحمد: انوب هاي مين طلعتلنة امج صفح فاطمة: لا تحجي على امي أحمد: هسه عوفينا من امج مشتاقلج فاطمة: وخر ترة ماحبك انتة تدري شسويت بية أريد افتهم اني شسويت حتى هيج تعاملني أحمد: لعد انتي قبل شوية شسويتي وشطلعتي من الغرفة فاطمة: يي خوش حجة وخر أريد انزل جوة أحمد: شبيج هيج كرهتيني ترة والله احبج لج اني الي يركضن وراية البنات تالي متالي تجين انتي تركضيني وراج وفوكاها معاجبج فاطمة: يي معاجبني وخر أريد اطلع أحمد أحمد صافن بوجهي كملت حجي جان يبوسني 🙈 استحيت وخرت فاطمة: أحمد شدسوي أحمد: شنو شداسوي انتي مو مرتي فاطمة: يي ادري مرتك أحمد: بعد شكو يلا عيني كلشي منسوي الا برضاتج أحمد نام عل جرباية وفتح ايدة أحمد: تعالي نامي بحضني وانتي مظيعت فرصة رحت نمت بحظنة وظليت افكر اني اخاف اتعلق بيه ويجب غيري كمت من حظنة ركض وطلعت من الغرفة يعني والله ماعرف شسوي اسمع كلبي لو عقلي كل واحد يكول شي يختلف ظليت حايرة نزلت جوة وشفت وائل وياة رجال غريب اول مرة اشوفة سئلت ريم جان تكول هذا ابو وائل معرفتة لأن اول مرة اشوفة كعدت بالمطبخ اجة وائل للمطبخ وائل: عمة لعماج لا جاي لا كهوة هيج ماعندج ضيافة فاطمة: لا والله عندي ضيافة بس هذا بيت جدك تريد تعال سوي بيدك يي صدك شعندك جاي وائل: وانوب تطردني من بيت جدي فاطمة: لك لا موهيج قصدي شعجب وائل: جيت دحاجيهم حتى نخطب افراح فاطمة: يي بيها الخير انشاءالله وائل: انشاءالله لعد خالي أحمد وين فاطمة:نايم أحمد: هاا اكلج هاي شمسوية بزهراء فاطمة: كلشي مسويت وائل: يي بس مدغدغتها خشمها مكسور فاطمة: وانتة شمدريك وائل: غير رحت وياها للمستشفى فاطمة : وشكو دتروح وياها وائل: غير خالي مرتضى راح على أمة واني وصلتها للمستشفى فاطمة: وشنو هلواكة الزايدة وائل: اعوف الابنية تروح وحدها فاطمة: يي لعد راحت وحدها للسحارة متعرف تروح للمستشفى وائل: هسة عوفينا من هاب السالفة اخاف ابو افراح ميقبل فاطمة: شبيك اتفائل شوية وائل: لج متفائل بس اخوها ميحبني اخاف يحرك ابوة ويرفض احنة دنحجي جان ينزل أحمد وائل: هاا خالو شكلك صباح الخير لو مساء الخير أحمد: انجب لك وانتة شنعدك جاي شعجب وائل: ليش محسسيني اني اجيكم بس بامصالح أحمد: يي وشعندك جاي غير افتهم وائل: أريد اخطب أحمد: وهاية منية الامها داعية عليها وائل: لا خالوا محبيتها منك امها داعيتلها اصلا أحمد: هسه غير نعرف منية وائل: افراح بت عمتك أحمد: هاا يي بالخير شوكت تروحون تخطبوها وائل: بعدهم بس أكثر شي الخميس أحمد: يي الله يوفقكم انشاءالله وائل: تسلم خالوا انتة اول واحد تجي بقراءة الفاتحة أحمد: انشاءالله كومي سويلي اكل فاطمة: شسويلك أحمد: اي شي فاطمة: تريد الا اي شي مشوي لو مكلة أحمد: عود شنو دتحششين فاطمة: يي اني شمدريني شتريد كلي شتريد واسويلك أحمد: ماريد راح اطلع اتغدة برة فاطمة: صدك اخذني وياك أحمد: وين اخذج فاطمة: عليك الله ضايجة حباب أحمد: راح اصعد ابدل نص ساعة وانزل اذا مكملتي اروح واعوفج وهنا صعدت ركض لغرفة ريم أخذت هدوم وريم متحجي تخاف أخذت فستان اسود وبية ورد أحمر وشال ابيض وحذاء ابيض وحطيت مسكرة وحمرة حمرا بس مطوختها يعني هيج بسرعة ماريدها تبرز اذا بينت أحمد يمسحة ولبست الحذاء وركض نزلت جوة وأحمد بعدة منازل صعدت مرة ثانية فتحت الباب لكيت أحمد هم لابس قميص اسود وديدكم فاطمة: عوفه اني ادكمه الك أحمد: الخير ومدت ايدة فاطمة: هههه أحمد: احتركت عشيرتي على هلضحة فاطمة: هاا شو اني خلصت قبلك يلا خلصت شوكت نروح أحمد: انطيني مجال اخلي عطر فاطمة: ليش غيرت العطر مالتك أحمد: مغيرتة بس عجبني استخدم هذا العطر فاطمة: بلة شوية اشوف اسمة أحمد: كلمات فاطمة: بس هذاك ريحتة اطيب أحمد: شلون عجبني هذا فاطمة: يي خلص هذا وارجع عل قديم أحمد: انشاءالله فاطمة: يلا أحمد خلي نروح راح أظلم الدنيا أحمد: يلا نزلي اجيب السويج واجي نزلت ركض رحت بالكراج انتظر أحمد يفتح السيارة نزل أحمد واباوع علية اكول معقولة اني الماعندي ازوج هيج رجال حلو صح هوه مرات سوالفة اتضوج بس جمالة ظاغي والمشكلة يجذب ياهية التجي اجلب باحمد اخوان أحمد صح حلوين بس أحمد احلاهم فتح السيارة وركبت اني وياه أحمد: هاا وين تريدين نروح فاطمة: بكيفك أحمد: تمام أحمد شغل السيارة وظل يمشي وشغل اغاني والأجواء تخبل ورة شوية وصلنة طبينة لمنطقة تخبل وكلها محلات فاطمة: أحمد احنة بيامنطقة شكد حلوة أحمد: احنة بالكرادة فاطمة: أحمد اطبك السيارة خلي نتمشى حباب أحمد: خلي نروح للمطعم وبعدين نتمشى فاطمة: خلي نروح للمطعم مشي حباب أريد اتمشى أحمد: يي بس خلي اطبك السيارة طبك السيارة ونزلنة صدك المنطقة عالم ثاني تخبل ظلينة نتمشى واني صافنة عل المحلات وعلى الخضار البيها وأحمد يباوع علية ويبتسم وصلنة للمطعم والمطعم شكلة يجنن طبينة للمطعم اني مجنت جوعانة أحمد: شتريدن اطبلج فاطمة: ماريد شبعانة أحمد: يي عادي اطلبلج شي خفيف فاطمة: لا والله ماريد معاجبني شي أحمد: تمام اذا عجبج شي كليلي فاطمة: تمام أحمد نزل مشاوي وكعد ياكل ونسولف لحد مكمل وكام غسل طلعنا من المطعم وظلينة نتمشى ونسولف ونضحك جان أحمد يوكف فاطمة: شبيك ليش وكفت أحمد: فاتحين مول جديد تعالي نشوفة اني بحياتي مداخلة مول اول مرة ادخلة وية أحمد المول يخبل وظلينة نفتر بيه أحمد اشترى ملابس وأشترالي ملابس اخذني اكثر شي فساتين مال طلعة وشالات واحذية لأن ماعندي ملابس اطلع بيهن واشتريت فستان لريم وحذاء وشال لأن خطية لبست بملابسها هواية وظلينة نتمشى جان أحمد يفوتني بمحل مثلجات كعدنا اني اخذت بالفواكه وأحمد اخذ بالكاكاو والنساتل باوعنة عل ساعة شفناها ساعة بل ٩ ابد محسينة بالوكت تمشنى لحد موصلنة للسيارة وركبا وأحمد شغل اغاني وبهذيج اليلة جان الكَمر طالع والدنية مظلمة وضوء الكمر واضويت المحلات جانت أجواء تجنن وصلنة للبيت طبينا للاستقبال لكينة ابو احمد ومرتضى وحمد كاعد يحجون بعياط أحمد: هاا خير يابة شكو شبيكم ابو احمد: هوة من شفنا شكولها شفنا خير قصدة علية فاطمة: عمو اني رحت يم امي ليش رجعتوني ابو احمد: والله لو علية فلا ارجعج بس ابو سالم جبرني ابو سالم شيخ العشيرة أحمد: يابة ليش شسوت فاطمة ابو احمد: لا كلشي مسوت بس اتعاركنة وية عمك من وراها يقصد ابو زهراء وهججت ام مرتضى من البيت فاطمة: يعني هسة اني الغلطانة مرتك تندل سحارات ودلت زهراء وست سحر لابنك وهذا كلة هية مغلطانة اني الغلطانة الدافعت على ابنك انتة من شنو الله خالقك تحب مرتك اكثر من ابنك مبين مشتغلتك ومدتشوف شي غيرها ابو احمد كام يعيط ويصيح وهذا يعيط وذاكة يجاوبة عفتهم وصعدت فوك يعني هاي فوكاها اكشف سوالفهن ويضوجون طبيت سبحت وبدلت ونشفت شعري ومشطتة ونمت وأحمد بعدة مصاعد كعدت الصبح لكيت أحمد نايم بصفي والساعة بل ١٠ الصبح جان يدك تلفون أحمد باوعت وائل ديدوك فاطمة: هاا خير شكو من صباحية الله وائل: انطيني خالي وينة فاطمة: خالك نايم وائل: كعدي بعد ساعة ونص نروح فاطمة: وين تروحون وائل: لج راح نروح لديالى لبيت عمتي نخطب افراح فاطمة: مو علساس الخميس وائل:جدي كال اليوم فاطمة: يلا تمام هسة اكعدة أحمد أحمد كوم يلا دتروحون أحمد: وين منو يروح فاطمة: راح يروحون يخطبون لوائل كوم وائل دك مبقة وكت أحمد: يي كمنة والله كمنة فات أحمد سبح وبدل واتعطر واتريك واخذ السويج مال سيارة وطلع كلها راحت بقينة بالبيت بس اني وأم أحمد ومرت حمد ومرتضى وريم نسيت انطيها الملابس رحت للغرفة مالتها لكيتها كاعدة تلعب بالتلفون ريم: هاا عندج طلعة فاطمة: هههه لا بس جبتلج هدية ريم: هدية صدوك شنية انطيتها الملابس فتحتهن وعجبنها ريم: ابد متوقعتج هيج عبالي انتي خبيثة فاطمة: هسه انتي كاعدة تمدحيني تسبيني ريم: لا هذا مدح فاطمة: ههههه نزلت ونظفنا البيت وكعدنا وسون غدة واني كاعدة انتظرهم يبشروني بخطوبت وائل احنة كاعدين اندك الباب كمت فتحتها لكيت مريم وبناتها بوستها وطبت كعدت تسولف وتدعي يوافقون لأن وائل يكول لو افراح لو مازوج واحنة كلنا كاعدين ندعي دك علية أحمد ساعة بل ٦ العصر فاطمة: هاا أحمد بشر أحمد: شبشر فاطمة: وافقوا لو لا أحمد: اكيد وافقوا وين يلكون واحد مثل وائل فاطمة: مريييم وافقوا مريم: كلللوووشششش فزيت من هلهولت مريم بس فرحنة كلش لوائل خطية يستاهل عاد اني رتاحيت كمت صبيت غدة واكلت ومريم راحت جابت جكليت ونتظر ابنها اندكت الباب رحت فتحتها وائل وأحمد وكلهم فاتوا للصالة ومريم تهلهل وتشمر جكليت والبيت حرفيا كله فرحان ومتفقين على النيشان والحاضر والغايب وهاي السوالف وراح يسون نيشان بيت عمهم هنا بغداد لأن هناك بديالى بعيدة شوية راح تجي افراح لبيت عمها ونسوي النيشان هيجي وائل جان كلش مستعجل على الزواج والتحضيرات صارت بسرعة بسرعة االنيشان يصادف يوم الخميس وكلها بدت تحضر ملابس فاطمة: هاا ياجذاب وائل: جذاب ليش فاطمة: مو واعدتني تشتريلي فساتين بالعرس مالتك وائل: انتي كلتي وماخذتج فاطمة: يلا أريد فستان مبقة شي للنيشان عكب باجر وائل: صيحي خالي خلي يجي ويانة رحت صحت أحمد بدل وطلعنة ظلينة نفتر من مكان لمكان أحمد لج يابة هذا الفستان حلو واني اكلة لا أحمد: اذا اشتريتي فستان مشلح ومدري شنو انسي عرس وائل فاطمة: اووي أحمد انتة شكد صاير نحيس أحمد: يعني اني نحيس فاطمة: لا مو نحيس يلا أريد ذاك الفستان وائل: ياالله فرجت اكلج ليش متشترين مال عرس لكيدام حتى اخلص فاطمة: لا اريد اشلع كلبكم طبينة للمحل والفستان جانوا ملبسي بالمنكان وشكلة يجنن اختاريتة اسود
Oops! This image does not follow our content guidelines. To continue publishing, please remove it or upload a different image.
نفس هذا الفستان وكدرتة طلع يخبل وحتى أحمد عجبة لأن مستور وائل: هاا عجبج فاطمة: يي وائل: كلللوووشش الحمدللة أحمد: لك كافي منا العالم وائل: دشوف مرتك من العصرية تفرفر بينة وهسة ساعة ب٨ فاطمة: شدعواك غير اخذ شي اني مقتنعة بي وائل: اووي عيني هذا الفى كلة مقتنعتي الا بهذا فاطمة: مو صوجكم لو مفرفرتكم اكثر وائل: شتفرفرينا اهل المحلات عرفونة فاطمة: هههه أحمد: يلا خلي نرجع للبيت تعبان أريد انام فاطمة: يي والله اني هم نعسانة وهنا وصلنة لنهاية البارت مو تنسون التصويت ☆☆☆☆ والمتابعة بااي♡♡
