فصلية فاطمة والنقيب

البارت الخمسون

طب أحمد للغرفة شافني ماكدر احرك نفسي
انطاني العلاج ونزل جابلي اكل بس مأكلت شهيتي
مسدودة مادري شصار بية حتى اللكمة اطلعها من
حلكي تعبت كلش بذاك اليوم المهم كظيتة اليوم كلة
بالغرفة تعبانة ثاني يوم شوية صرت احسن كمت
نزلت جوة لكيتهم بعدهم بيت عمامة لأحمد بعدهم
مرايحين جريت مريم على صفحة
فاطمة: اكلج شو بيت عمامكم مراحوا
مريم: راح يبقون للسبعة هنا لأن اغلبهم محافظات
فاطمة: عزة شلون راح نتحمل هاي الهوسة
مريم: يلا مبقة شي للاربعاء تخلص السبعة ويروحون
انظف واحس جسمي نحلان كلش بالكوه احركة مادري
شصار بية أحمد بالدوام يرجع الظهر والبيت هوسة
كل وحدة تعيط من صفحة راسي راد ينفجر كملت
تنظيف وصعدت ركض للغرفة وذبيت روحي يعني
أعجز افهمكم شكد جنت تعبانة وماكدر اتحرك غفيت
مادري بروحي فزيت من النوم انكلبت على الصفحة
الثانية لكيت أحمد نايم فزيت لحكت على روحي
معيطت فز أحمد باوع علية
أحمد: هاي ليش وجهج اصفر شنو مماكله
فاطمة: لا نفسي مسدوده كلشي ماريد
أحمد: انتي متاكلين وتكولين ليش اني مريضة
كام أحمد من الجرباية
فاطمة: أحمد وين رايح
أحمد: اجيب اكل واجي
فاطمة: والله مجوعانة من اجوع اكلك تعال هنا
أحمد: وشوكت راح أجوعين انشاءالله
فاطمة: يعني شلون اجبر روحي عل اكل
اتمدد أحمد عل جرباية جان يدك تلفونة باوعنة رقم
غريب جاوب أحمد وملامح وجهه متتفسر بس يكول
هاا وايي واني اطخة أحمد شبيك ويأشرلي بيدة 🤌🤌 سد الخط
فاطمة: هاا هاي منو
أحمد: عمج
فاطمة: عمي؟؟ وشيريد
أحمد: طالعلج ورث من ابوج مسجلة باسمج
فاطمة: ورث من ابوية؟ وعمامي شيريدون
أحمد: يريدون يقسموه ينطوج منة ويقسموه على البقية
فاطمة: ليش ابوية كاتبة باسمي لو باسمهم
أحمد: والله مفهمت اليوم راح يجون وافتهمي منهم
فاطمة: شنو يجون وين؟ ماريد اشوفهم دكلهم كللهم
لايجون ولا أريد اشوفهم
أحمد: هسة ارتاحي والعصر نفتهم لاتفكرين هواي
فاطمة: ماريدهم ماريد اشوفهم
أحمد: تمام عمري هسة ادكلهم
أحمد ديدك عليهم
فاطمة: لا لادك خلي يجون أريد افتهم شنو السالفة
أحمد: والله خبلتيني هسة شسوي
فاطمة: كلشي لاتسوي خلي العصر يجون ونفتهم
كمت طبيت سبحت وطلعت احس روحي شوية احسن
نزلت جوه وشفت الهوسة احس راسي راح ينفجر
نزل أحمد
أحمد: يلا الكل يطب للغرفة اجوي عمام فاطمة
كلها طبو اني حطيت شال على راسي وكعدت طبوا
عمامي كلهم ولا كمت وسلمت عليهم
عمي عباس: اشو متسلمين حرامات التعب بيج
فاطمة: يي وينة التعب مو جازيتني وهزمت بتك وانطيتني فصلية بدالها لو اذكرك انتو كلكم مو عمامي
وماتشرف بيكم حرمات انتو اخوان ابوية حرامات
انتو من بطن وحدة بس ادور الدنية ويأخذون بتك
فصلية واتفرج عليكم واضحك كام عمي عباس
يريد يضربني أحمد وكف بوجها
أحمد: مالك حق تضربها هية بعصمة رجال اني احاسبها
مو انتة
عمي عباس: ربيها هلي البلا تربية
فاطمة: الحمدللة ابوية رباني احسن تربية
حجة عمي الثاني: هسة كافي احنة مو بحال مشاكل
احنة اجينة نقسم الورث
فاطمة: ياورث الي تقسموا
عمي: ابوج جان مشتري أسهم بالشركة وحاطهن بسمج
وهسه يلا درينا بيهن
فاطمة: وهذني الاسهم شكد يطلعن
عمي: تقريبا ٥٥ مليون لو٦٠
فاطمة: يي وهسه شنو المطلوب مني
عمي: توقعين على الأوراق لأن الاسهم باسمج حتى
نكدر ناخذ الفلوس ونقسمهن
فاطمة: المن اقسمهن
عمي: كل واحد ياخذ حصته
فاطمة: ليش ابوية جان ابوكم واني مادري ابوي كاتبهن
باسمي عسى ماحركهن شنو نقسمهن ابوية كاتب وصية
كال قسموهن
ظلوا صافنين واحد بوجه الثاني
عمي: احنة ربيناج وتعبنا عليج يعني النة حصة
فاطمة: ربيتوني موو من طلعت من بيتك عمي عباس
مسئلت علية وأخذت مرتك ولدك وانهزمت وهسه
جاي اداعي بفلوس ابوية انطوني الأوراق وربع دينار
مانطي كاموا عمامي صار اعصاب يريدون يضربوني
أحمد: الي يمد ايده على فاطمة ترى ميصيرلة خير
انتوا اجيتوا تتفاهمون وتفاهمتوا يلا رجاءاً ولاتسئلون
على فاطمة وتعبون نفسكم مادام فاطمة يمي يعني
بخير يلا رجاءاً
اخذ أحمد الورقة وطلعوا عمامي
صعدت للغرفة ظليت ابجي جاين علمود الفلوس نو علمودي وأحمد يكلي اني اهلج عوفيهم هلي يولون
واني دموعي تنزل عشرة عشرة
أحمد: كومي بدلي شوية خلي نفتر ظايجين
فاطمة: مابية أحمد إذا اننة ظايج اطلع افتر واتونس
وتعال
أحمد: دكومي يلا اني راح ابدل اذا مبدلتي اخذج بملابسج مال بيت
كمت غسلت وجهي ولبست قميص طويل وكيلوت
قماش اسود ولبست شال بيجي وخذاء بيجي
أحمد كمل ونزلنة
سحر: وين رايحين اخذوني وياكم ظايجة
أحمد: رايحين للمختبر احلل لفاطمة تجين
سحر: لا عبالي راح تطلعون
طلعنة ركبنة السيارة
فاطمة: ليش جذبت على سحر متريدها تجي ويانة
أحمد: هوه اني اتخبل منها أنوب تجي تخرب طلعتنا
فاطمة: ههههه
أحمد: احتركت عشيرتي على هلضحكة
فاطمة: أحمد استحي
أحمد: امووت عل يستحي
شغل السيارة أحمد وظل يفتر بية نريد مكان حلو ننزل
بية ونتمشى
أحمد: ليش منروح للزوراء
فاطمة: صدك أحمد اني بس سامعة بيها مرايحتلها
أحمد: لعد خلي نروح
أحمد لاف السيارة وظل يمشي لحد موصلنة
طبك السيارة بالكراج ونزلنة ظلينة نتمشى وأحمد
اشترالي شعر بنات وطبينا لحديقة الحيوانات
اني اول مرة اروح للزةراء فجنت مندمجة كلش كملنة
من حديقة الحيوانات طلعنة عل الألعاب أحمد شاف
سكت الموت الجبيرة كال الة اصعدها
فاطمة: تريد تموت روح موت اني ماريد
أحمد: لعد خلي نركب الصغيرة
باوعت عل صغيرة يعني مو كلش العلو مالتها كلت
يلا اني كم مرة راح اعيش ركبنة بيها وماكللكم شصار
أحمد ايد حاظني وايد حاطها على حلكي اللعبة تخوف
أحمد لازمني ويضحك علية ومن نزلت منها اتخربطت
واستفرغت ماكلكم شصار بيه
أحمد: يعني معقولة هيج تخافين 🤣
فاطمة: والله تخوف شبيك
أحمد: امشي اركبج ملاعيب مال جهال تناسبج🤣
فاطمة: احمدد ماريد كلشي اركب أريد اتمشى بس
أحمد: يلا كومي خلي نتمشى
اشترينا ازبري ونتمشى اخاف اركب بعد
لحد مظلمت الدنيا
فاطمة: أحمد تعبت خلي نرجع للبيت
أحمد: اوكفي خلي ناخذ صور
رحنة على مصور هناك أخذنا صور وكالوا نص ساعة
يلا تطلع ظلينة نفتر لحد مطلعن الصور
بس كلش حلوات عجبني اخذناهن وطلعنة نتمشى
للسيارة ركبنة وحرك السيارة أحمد وكفنة يم مطعم
أحمد نزل جاب اكل بالسيارة جاب لفات كص وكعدنا
ناكل اني مكملت نص لفة وشبعت وأحمد اخذ فواكه
للبيت واتسوك ورجعنا للبيت ماكلكم وجه سحر من
رجعنة للبيت
سحر: هذا الوكت كلة جنتوا بالمختبر
أحمد: لا والله مرتي حبيبتي كالتلي ضايجة وأخذتها
للزوراء كلشي ولا تطلع كلمة ظايجة منها
سحر: هاا
أحمد: يي يلا حبيبي امشي خلي نرتاح تعبنا
صعدنا فوك وسحر والبقية رادو يموتون مادري ليش
يضوجون من يشوفوني اني وأحمد متصافين هيج
العالم تحسد صعدنا طب أحمد سبح اني لملمت
الغرفة طلع أحمد من الحمام اني طبيت سبحت
وطلعت مابية امشط شعري
أحمد: تعالي اني امشطلج شعرج
فاطمة: هسة تهلسلياه
أحمد: هاا مو عيب لج اني أحمد انطيني المشط ومعليج
فاطمة: يلا هاك شوفني مهاراتك
اشو اول محط المشط انسحلت صفح
فاطمة: اخخ اخخ موهيج أحمد دتنتقم مني
أحمد: شسوينالج بعدني داتمرن
فاطمة: شتتمرن اخ عوفني حتى تمشيط ماريد راح
الفة وانام
أحمد: يلا على كيفي خلي امشطة اني اليوم عاجبني
امشط شعرج
فاطمة: على كيفك مو تسحلني مثل قبل شوية
ظل يمشطلي خصلة خصلة لحد مكمل لفيتة وحطيت
راسي ونمت ومدريت بروحي
وهنا وصلنة لنهاية البارت طبعاً الاخبار تخوف اتمنى
الكل بخير وبرداً وسلاماً على بغداد وباقي المحافظات
انشاءالله تنحل هاي الازمة وميتأذى احد..♡