فصلية فاطمة والنقيب

البارت السادس والعشرون

اخذت الصينية ورحت للاستقبال أحمد ظل
صافن عليه حطيت الصينية عل طبلة داروح
أحمد: وين رايحة تعالي كعدي هنا
واشرلي بصفه
فاطمة: شتريد مني تره اني وحده غريبه
ومااقربلك واني الي كسرتني عمود المدام
ربوحه شتريد مني خلصت مصلحتك ويه
ربوحه اجيت عليه
أحمد: هاي شبيج اكلتيني بلا ملح
فاطمة: سكتت هوايه بس بعد مداتحمل
أحمد: هاي هيج فاتحه شعرج كدام وائل
فاطمة: لا اصلا ميجي للبيت واذا اجه ينام
هنا اكل الكيك اني سويته
أحمد:ها لعد يمي كلشي مسوين
فاطمة:شوف تره اني داحجي وياك بس ماانسى
اي شي سويته بيه من وره رحاب
أحمد: هم رجعنه لسالفه رحاب يابه بس ترجعين والله العظيم اطلكها مابقيها
فاطمة:تحلم حبيبي مارجع للبيت
احمد: شكلتي
فاطمة: تحلم
أحمد: لا وره التحلم شكلتي
فاطمة: حبيبي
أحمد: يعني اني حبيبج
فاطمة: لا لاتفهم غلط حجايه التنكال يلا اكل
كيك
أحمد: ليش دتلحين حاطتلي شي
فاطمة: لو أريد من اول كتله جان حطيتلك
من البداية
أحمد حظني حيل وكام يبجي باوعت عل
عليه
فاطمة: شبيك احمد
أحمد: تعبان ضغوطات من كل زوايه بحياتي
مداتحمل احس روحي راح اموت
فاطمة: اسم الله شنو هل حجي
أحمد: مداتحمل ابقه بدونج
صفنت بوجها هذه شراب شي
فاطمة:من جنت يمك محمدت ربك عل النعمة
من اجيت هنا هيج سويت
أحمد: بس ارجعي وشتريدين يصرلج
فاطمة: مارجع أحمد تدري السنة يوم يوم
احسبها
أحمد:يعني تريدن تخلصين مني
فاطمة:يي اخلص منك ومن اهاناتك ومذلتك
إليه تخيل انته بمكاني شيصير يبك هاا
أحمد: تمام اني باجر جاي اخذج لمي غراضج
فاطمة:ماجي وياك اذا رحاب بالبيت مدخل
البيت
أحمد: الله كريم
وباس راسي وطلع هذا شبي والله دخت وياه
رحت للمطبخ لكيت مريم دتحظر للعشه
مريم: هاا شصار
فاطمة: باجر راح ارجع
مريم: ورحاب
فاطمة: والله مادري اخوج مدري شبيه
سوينه عشه اني معجبني اكل شبعانه طبيت
للغرفه لزمت التلفون لكيت أحمد دازلي
رسالة
أحمد:طلكتها لرحاب ارتاحيتي لو بعد تأمرين
بشي
فاطمة: يي ارتاحيت لأ كلشي ماريد منك
صدك هسه اذكرت ليش ماكلت الكيكه
أحمد: والله خبلتيني بهل كيكه اجيبلج اني
كيكه
فاطمة: لا عيني كلشي ماريد منك انته اصلا
متاكل كيكتي
أحمد: عمي هسه جايج بالطريق حظريلي
الكيكه بس مو تحطين بيها شي
فاطمة:هههه صدك راح تجي
أحمد: يعني متريدني اجي
فاطمة: لا لا تعال
أحمد:تردين شي
فاطمة: يي خطيه رنيم بت مريم عاجبها
بقلاوة
أحمد: رنيم لو انتي
فاطمة: يي اني
أحمد: غالي وطلب رخيص
يلا حظريلي كيكه اني جاي بالطريق
كمت حظرتله كيك وكاعده انتظره بالمطبخ
اندكت الباب ركضت مثل المخبلة افتحه .
نهاية البارت مو تنسون تابعوني وتصوتون
الي احبكم تصبحون على خير 🤎