برك أوس في لفوطوي لي قدام المكتب ونطق بصوتو الجوهري : ممكن نعرف شنو سبب حضوري هنا
بتاسم گاستيو بجنب فمو وكب ليه كاس من لمشروب وعاود عمر الثاني ومدو لأوس (الحوار بالانجليزية)
هز أوس إيديه ✋ بمعنى لا ونطق گاستيو بتلاعب : المقاتل أوسمان موريلي ... من أقوى مقاتلين الشوارع وأكثر شخص كيتراهنو عليه ( ميل فمو ) ممم معدل قتلاك مامرتافعش ولا يمكن هروب باباك مزال مأثر عليك
أوس رجع تكا بظهرو على لفتوي وقال بتهكم : على مابان ليا عزيز عليك تبحث في حياة الناس
گاستيو قهقه بخفة وعيونو كيلمعو باعجاب اتجاه شخصية أوسمان القوية وأسلوبو في الحوار وبالخصوص مابين حتى ذرة خوف على وجهو فكرو فراسو ملي كان صغير .. تبسم بجنب 😏 وقال : الملل ، كيما كتعرف هاد لبلاصة عامرة بالمرضى نفسيين ... فكنحاول ندوز الوقت حتى نرجع الايطاليا ... (تگعد من كرسيه وركز بنظرو على أوسمان ) شنو بالك نطلقو شوية رصاص
غمض أوس عينيه بنفاذ صبر ووقف بعصبية وقال : يمكن طرحت سؤال لي مزال نت مجاوبتيش عليه ... الا مكانش عندك شي حاجة تگولها غنمشي بلا مانزيد نضيع الوقت مزال
گاستيو هز فيه عينيه وبدا كينقر بصبعانو فوق لمكتب وقال بجدية : غتخدم معايا وفي المقابل أي شيء تبغيه غيكون بين ايديك ... وتنتقل من قتال شوارع لدوري الاحترافي أي غتولي من لاشيء لكل شيء ومتنساش هادشي غيساعدك توصل العالمية وفنفس لوقت غتحصل على ثروة كبيرة تخرجك من حياة الفقر
أوس كمش جبهتو بانزعاج وقال : وشكوون قالك أنا باغي نخرج من حياة الفقر ... الحمد لله عاجباني حياتي ومكنتسنى من حتى حد يشفق عليا ولا يقدم ليا المساعدة
گاستيو بهدوء : أنا مكنشفقش عليك تيق بيا أنا أصلا معنديش القلب لي غيخدم ليا الاحساس وغيخليني نحس بشفقة عليك ... ولكن نتا كتستاهل .. شفت فيك راسي وعرفتك نتا لي غتكون المناسب لهاد المهمة ... نتا غير جرب مغتخسر والوا
أوسمان بتسأل : ونتا شنو غايتك من هادشي كامل ضروري مغتكون عندك مصلحة فهادشي
گاستيو هز راسو بالايجاب وقال : أكيد غتكوون غي هو رابح الأكثر من هادشي هو نتا ، نتا غتربح الشهرة والثروة وأنا غنربح الخليفة والثروة
أوسمان بعدم فهم : الخليفة؟؟؟
گاستيو : ممم كنت كنفكر من شحال هادي على لي غيسير الامبراطورية ديالي بحكم أنا إنسان عاقر ومعندوش لولاد فأكيد مغنخليش هادشي يمشي هباءا منثورا ... ملي شفتك أول مرة فوق الحلبة حسييت بلي نتا هو الشخص لي كنت كنقلب عليه ولي غيكمل المسيرة ديالي
أوس ضحك باستهزاء : دابا نتا كتحاول تقنعني باش ندخل معاك لمافيا
گاستيو : ممم وبغيت نتبناك تولي ولدي وخليفتي في رئاسة
ناض أوس وقال بصرامة : جيتي عند شخص الخطئ .. كنتمنى أخر مرة نلمح وجهك (جا ماشي وهو يوقفو صوت گاستيو )
گاستيو : شنو بان ليك نديروا حصة سلاح على ماتاخذ القرار
أوس بجدية : قراري وخذيتو وكنظن راه گلتو ليك
ناض گاستيو من المقعد وقال : غير جرب كنواعدك مغتندمش (وخرج)
دوز أوس يديه على وجهو بتعب وتبعو كيتنهد معرف منين خرج ليه هاد لصقة ... اتجهوا لبلاصة الأهداف والمسدسات على الأشكال والانواع من ورا لفيلا في أخر لغابة جات شوية مخبية على الأنظار ... هز گاستيو سلاح وعطى لاخر لأوس هاد الاخير لي طول فيه شوفة حيت عمرو قاسو بيديه .. بدا كيقلب فيه بيديه وكيعبرو بعينيه للحظة عجبوا لحال وحس باحساس منعش وكأنه كينتمي لهاد العالم ... خرج من أفكارو ملي سمع صوت طلقات نارية متتالية تلفت فيه لقاه مركز على الهدف وكيصوب اتجاهو باحترافية ومتالية بان فحال شي مكينة القتل وبالطبع غيكون وهو حياتو كاملة عاشها في الاجرام والقتل وسفك دم .. على عكس أوس لي كان محتار ومعرفش كيفاش يصوب بشكل صحيح بحكم أنها أول مرة ليه موالف غي بالمضاربات وضرب بيديه مكيستعملش لسلاح بتاتا ومع ذالك نفسو الحارة مخلاتوش يكون أضحوكة قدامو وحاول حتى هو يجيب الهدف ومع أنه كان كيجيبهم مي غير في الهامش ماشي في المركز
گاستيو بهدوء : حدر ايديك وركز على الهدف ماشي عليا ...(تلفت لعندو وكمل ) واش فايت ليك هاز سلاح من قبل ( حرك أوس راسو برفض وهو كيشوف في نظرة الغموض لي في عينو اما لاخر عاود نطق ) وفايت شي حد حاطو ليك على راسك
وجه گاستيو المسدس على راسو بخفة شي لي خلا أوس يتصدم وكرد فعل هز سلاح لي في ايديه وجهو حتى هو عليه وعلى وجهو ابتسامة مكر وليگارد وبوريس هزو حتى هما سلاحهم ووجهوه لأوس كحماية لبوص ديالهم اما گاستيو هز حاجبو مبهور بشجاعة وجرأة أوس وعدم خوفو من رجالو لي معمرين الفيلا ومن المفترض مايهزش سلاح في وجهو لأنه ممنوع ولكن عجبو لحال والابتسامة زينات ملامحو بلا مايشعر وزاد اصرارو في أنه غيكون خليفتو وعرف بلي مخطئش في اختيارو ليه
بوريس وسلاحو في ايديه في اتجاه أوس وبنبرة تهديد : من الاحسن تهبط سلاحك ولا راسك غيتفجر
دار ليه گاستيو اشارة بيديه باش يحطو سلاح وهما طاعو أمرو وهبطو سلاح ببطئ وتردد خايفين لايغدرهم أوس ويصدق متيري في رئيسهم في حين گاستيو حتى هو حيد سلاحو من وجه أوس وقال بابتسامة : كنت متأكد منك ودابا زدتي بينتي ليا بلي نتا هو علاش كنت كنقلب هاد المدة كاملة ... نتا كتخليني نمرح (جبد بطاقة من جيبو وعطاها ليه ) هادي بطاقتي غنتسنى بفارغ الصبر اتصالك وموافقتك بانضمامك لأسرتنا
غي كمل گاستيو كلامو وضرب قرطاسة على سلاح لي كان هاز أوس حيت كان مزال موجهو عليه حتى طاح من ايديه ... خرج گارو من جيبو وعاود قال : كنرفع ليك القبعة وكنقدر ليك رفع سلاحك في وجهي الحاجة لي مقدرش يديرها شحال من قواد ... مي متعاودهاش حيت ماشي ديما غنكون ناشط 😉
أوسمان ببرود : كنتمنى حتى نتا متعاودهاش لأنني ماشي ديما كنقدر نشد اعصابي 😉
تحرك بخطوات اتجاه الباب ناوي يخرج حتى سمع گاستيو كيقول : أوسمان ... حارب على قبل راسك وتذكر أن شي قرارات كتغير مستقبل الحياة كلها
مجاوبوش أوس حدو شاف فيه بنظرة عميقة وخرج بحالو وموراه بوريس كيوريه منين يخرج حتى وصلو وشافو دخل للوطو ديالو وزاد مكسيري في طريق عاد دخل ديريكت عند گاستيو لي كان بارك وكيتأمل في طريق لي داز منها أوس حتى وقف عليه بوريس لي نطق : إذا ... استعرتي خليفة ليك في الاخر
گاستيو : علاش ... واش ضراتك شي حاجة
بوريس : صراحة انا...
گاستيو بحدة : بوريس .. من امتى وليتي كتناقشني في قراراتي
بوريس : لا حاشا سيد گاستيو كنعتذر اذا ازعج الامر سيادتكم ... ولكن أنا غير گلت زعما لايسيق باباه الأخبار ويظن بلي حنا ناويين على سوء في ولدو ويصدق شاري عداوتنا ونتا عارف مدى نفوذ رفاييل موريلي والمافيا ديالو من أخطر مافيات العالم
گاستيو : تؤ متخافش ومتنساش أوس شحاال كيكره باباه وحتى الا ساق الأخبار مغيقدر يدير والوا لأنو من حلفائنا ونتا عارف في قانون المافيا ممنوع غدر الحلفاء لبعضياتهم والا العقوبة ديالهم القتل
في سيارة كان غادي منير وعقلو كيرجع في سينتة وكيفكر في كلام گاستيو لي زاد خربق ليه لمخ ... نفض راسو وخدا تيليفونوا كتب نمرة ليلى حس براسو مابقاش قادر يصبر على فراقها كان نااوي يعاقبها ساعة صدق معاقب راسو ببعدها عليه .. توحشها وتوحش يسمع بحة صوتها اللي كيذوبو ولكن للأسف تيليفون كيصوني وهي مكتجاوبش ... وقف لوطو في جنب وعاود كرر الاتصال وحوجبوا ملاقيين بعصبية كان محتاج ليها ومحتاج لشقاوتها ولطفوليتها تنسييه وخا غير شوية من هاد المشاكيل لي تكبو عليه دقة وحدة .. خبط تيليفونو بنرفزة ورجع كمل طريقو وهو كيضرب على لگيدون بعصبية ويسب من تحت سنانو كان نااوي تبردو ساعة زادت شعلاتو
#يتبع
كنبغي نشكر كل وحدة دعات بالخير مع خويا وكنشكر كل وحدة دعماتني وتفهماتني وتفهمات الظروف صعيبة لي مريت منها وصبراات معايا ، الحمد لله من ورا العملية استقرات حالتو ومبقاش في الخطر بفضل دعواتكم ودعوات الواليدين
شكرا بزااااااف 😍
كنتمنى يعجبكم البارت وديرو فوت وكومينت تقولو ليا كيف جاكم لبارت