لـــبوة جــــابـــر⁦

البارت الخامس و العشرين 25

التخطيط للأمور الرائعة احساسٌ
جميل جدًا، ثم مشاهدتها وهيَ لا تحدث

~~⸙~~⸙~~⸙~~⸙~~⸙~~⸙~~⸙~~⸙~~⸙~~⸙~~

# روايه لبوة جابر
# بقلم مـــــــــلاك .
#🐆🖤🚬

~~⸙~~⸙~~⸙~~⸙~~⸙~~⸙~~⸙~~⸙~~⸙~~⸙~~

لبنى ..

..

بعد ما دخلت ايناس العمليه الحمد الله عدت سلامات
و طلعت بعد ساعتين تقريباً من العمليات حولوها  لغرفه خاصه ..

ضليت انتضر فوگ راسها .. الى ان صحت من البنج .. و عين من صحت من البنج .. فضحتنه فضيحه بالمستشفى
يا تسب يا تغلط .. يا تحجي اشكال الوان.

و خطيف فضحت اخوانها عود مامنين بيها و يحجون الها اسرارهم .. و صارت تحجي باسرارهم واحد واحد ..

سيف الدين رايد بت خالته و فضحته .. يوسف حاط عينه على وحده من بنات عماته .. و هم فضحته و هم خطيه نهزمو برة .. و اخوها الزغير صاحب الثمنطعش عام يدخن بالسر هم فضحته .. خطيه هو بالبيت و ما يدرين نفضح هنا ..
.

فضحت اخوها جاسم و عمايله و تعيط و تهذي

ايناس / هذا هذا جاسم راد يموت ابنه  الي ما يخاف الله
هو هو هو و مرته المفلفله .. جان روحو  الطفلللللللللللل

جاسم / خاب ماكو نعال اللطه على حلگه

سحر / حجيها صح يمه لو كلمه الحق تزعج مو جان روحتوو

جالد / يا مرة مو وكتها .. هسه

ايناس / كركم  كرومه حبيبي ..

كرم / هااا ولك

ايناس / كرم حاط عينه على لـ

كرم ركض و سد حلگها و گال

كرم / هذا يخبص ما عليكم بي ..

مؤامل / هاك حشي حلگه گطن خل يسكت

سحر / شووووو وخرو تريد تموتون البنيه وخروو

كرم / ما اوخر غير يفضحنه

سحر / و انت خايف اذا ما هي تفضحك اني افضحك ..

كرم / يمه يمه اششش

..

ضلت  تمسلت ايناس و اخوانها يسدون بحلگها حجت شاطي باطي ....

ضليت انتضر الى ان صحت. و صحصحت طمنت عليها  و امي خابرت اكثر من مرة تسأل عليها ..

من شفتها صارت زينه. ترخصت منهم و تاخر الوقت حيل من الصبح لهسه مشايفه امي و هسه صارت قريب ثمانه بالليل .. .. خاله سحر گالت.

سحر / تسلمين يمه ما عفتي اخيتج ..

لبنى / انتي گلتيها خاله  اختي شلون اعوفها ..

سحر / الله يخليج يمه

لبنى / لا خاله على بختج والله مسويت شي غير واجبي اتجاه اختي و انتو هم اهلي حاسبتكم ..

سحر / اوف يمه شوو تعالي احبج ..

..

رحت عليها بوستني  و بوستها .. و ردت اطلع و صاح عمو خالد .. و گال

خالد / خلي احد من الولد يوصلج .. دنيا ليل خوما ارجعين وحدج و تكسي ميصير

لبنى / لا عمو محاج اخذ تكسي من برة من الگراج و اطلع

خالد / لا تعاندين بابا الوضع مو امان ..  مؤمل يا مؤمل تعال ..

اجه مؤمل

مؤمل / نعم  حجي

خالد / بابا وصل لبنى لأهلها ..مو راح تروح ..

مؤمل / ماشي ياله خيتي تعالي ..

..

طلعنه. نتمشي بالممر و تلگانه كرم من برة .. اجه بيده علاليگ ..

كرم / هااا وين

مؤمل / للبيت اوصلها

كرم / الزم اني اوديها ..

مؤمل / لا لا اني راح اوديها

كرم / مؤمل

مؤمل / كرم

كرم / لا تلح

مؤمل / يولر منايم الليل كله .. جنت خفارة بالمعمل و بعدها  جيت  هنا گبل و صاير طلي من النعاس والله بما انو اخوك مبي شي خل ارجع ارتاح و ما اعوف البيت فارغ بي بس النسوان .. ..

كرم / شلون سوق و انت نعسان باله سويت حادث

مؤمل / لا بيه توالي حظ و بخت بعد  اصل ما عليك ياله في امان الله

كرم / بس نؤمل

مؤمل / خيرها بغيرها ضلع .. ياله خيتي تعالي ..

..

طلعت امشي ورة مؤمل .. و طلعنه للگراج فتح السيارة و اشرلي صعدت .. اليورة و هو صعد .. بمكانه و گال

مؤمل / ترة اني مو الصبي حسن

لبنى / عفواً خويه .

مؤمل / اگول مو السايق مالكم اني تعالي هناا ...

لبنى / لا خويه هيج مرتاحه ..

مؤمل / بس اني لا

لبنى / الدنيا لليل و العالم تحجي اشكال و ألوان  خويه اني اخاف من لسنه العالم ..

مؤمل / همم اي والله حجيج صح .. خليج خيتي اذا مرتاحه ..

لبنى / اي شكراً الك ..

مؤمل / يا هلا ..

..

صار يسوق و طلعنه للبيت ..  الطريق كله التزمت الصمت و هو يحجي و يگول

مؤمل / خيتي نعسان حاجيني باي شي لا انام و نسوي حادث ..

لبنى / شحجي مثلاً ..

مؤمل / اي شي لما نوصل ..

لبنى / همم شلنو الحياة وياك

مؤمل / زي العسل على گولت المصريين ههه

لبنى / الله يسعدك ..

..

سكتت و هو گال

مؤمل / هذا الي الله گدرج عليه .

لبنى / ما اعرف افتح مواضيع و خصه ويه ولد ..

مؤمل / جذابه لعد شلون مصاحبه انس

لبنى / ايناس بنت

مؤمل / بس انتي و امي شوفون هل شي

لبنى / انتو لعبتو بتركيبه عقلها ..

مؤمل / ما ذنبي انااا

لبنى / كلكم  الكم  نفس الذنب تحاجوها غلى انها ولد الى ان طلعتو الرجالي الي بيها

مؤمل / هو بيها رجال من البدايه احنه شعلينه

لبنى / لو تعاملوها بدلع و حنيه اكثر و كياته اكثر جان ضلت بنت

مؤمل / من هو طفل يجي يلعب ويانه. احنه شعلينه

لبنى / باع انتواللسنتكم ماخذه على انها هي ولد ..

مؤمل / طبع الي بالبدن ما يتغير للجفن ..

لبنى / حرام عليكم عدمتو حياتها ..

مؤمل / و داعتج يجي اليوم الي تشوفين انس صار ايناس ..

لبنى / هم زين تدري اسمعا ايناس ..

مؤمل / هههههه اي ادري .. المهم .. وصلنه

لبنى / هءءءء شبساع

مؤمل / حجيتي و ما حسيتي على الطريق و اني جنت اسوق سريع ..

لبنى / شكراً لك  تعبتك وياي

مؤمل / بالعكس احنه الي تعبناك ..

لبنى / تعبناججججج. بنت اني

مؤمل / ههههه  اعتذر اللساني ماخذ ..

لبنى / مصار شي .. ياله عن رخصتك

مؤمل / هلا

..

نزلت من السيارة .. و جيت اطب و سمعت صوت صفارة ورليه نداريت و جان حمزه يصوفر و يصفك ..

وگف بعيد و گال

حمزة / هااا لج طالعه تبياته ..

لبنى / كلمن يشوف العالم بعين طبعه انت هم  طالع

..

اباع عليه خنزر  عليه .. ما هتميت اله

حمزة / لج گحـ** هو هذا مستواج ..

لبنى / و انت شنو الي يقذف باعراض العالم شنوو شنسمي غير زنديق و ديوث و العياذ بالله ..

حمزة / عليمن لج ..

..

اجه مخنزر عليه و يمشي بتجاهر و لابنه صار مينفتح ..

قبل لا يصل سمعت صوت اكووو شي .. نداريت و جان واحد من التوم .. و بيده علاگه  جاي من الاسواق يمكن

حمزة / لا حبيبي ماكو شي بس جاي نسأل اللهت كم سؤال

حمزه گال هيج و طفر واضح انو خاف من هذا  اللوح الخشبي ..

.../ شرايد هذا

لبنى / ولا شي  هيج واحد ادبسزز يذب بحجيه كل مرة

... / همم شيحجي

لبنى / حجي طالع نازل ..

.. / همم. لا ديريله بال .

لبنى / و هو كذلك ..  المهم شكراً

.. / مسويت شي

لبنى / لا خلصتني منه جان ضل يبخ سم هناا

گلت هيج و نداريت  .. و فتحت الباب  و طبيت و سديت الباب ورايه ..

رحت على باب المطبخ اخخ احس سنه مشايفه بيتنه مو نص نهار ..   وصلت باب المطبخ نزعت حذائي يم الجزامه و غسلت رجليه و ادبه على الصونده و طبيت للبيت ..

اجتي امي عليه و اشرت الها لا تتقرب لأن جنت بمستشفى ...

سلمت من بعيد و طبيت للحمام ركض قبل لا تشوفني تفاح و تلزگ ..  طبيت سبحت و امي جلبت اليه ملابس الله شگد حلوو ردت اغفه جوة المي البارد من التعب ..

..

بدلت و طلعت و تلگتني امي تسأل ..

رحمه / هاا ولج شلونها البنيه

لبنى / الحمد الله عدت العمليه على خير و سلامه .. و طلعت  بخير ..

رحمه / الف حمد و شكر ..

لبنى / اي الحمد الله ..

رحمه / انتي شلونج

لبنى / تعبانه كلش كلش ..

رحمه / الله يكون بعونج يمه ..  ياله سهلي شعرج و اني اسويلج لگمه تاكليها

لبنى / لا تعبين حالج گلاص جاي و صمونه كلش كافي ..

رحمه / اي اي ياله مشطي ..

..

گعدت امشط شعري .. و امي راحت للمطبخ ..

كملت و اجتي هي بيدها صينيه .. جانت خاله قوري الجاي و كلاصات اثنين و صمون و جبن ..
خلت الصينيه و گعدنه اني و هي صبتي چاي و هي هم ..

صرت اكل و هي كاتفت تشرب چاي بصفي ..

لبنى / تفاحه وين

رحمه / نامت خطيه ضلت ضلت تنتضر و نامت بالتالي على نفسها

لبنى / يمه بنيتي مشتاقه الها حيل

رحمه / تشتاگلج العافيه .. بنيتي انتي

لبنى / والله اني هم نعسانه و أساساً مالي طاقه اداوم باجر ..

رحمه / اذا ما عندج شي لا داومين ..

لبنى / و هو هم هيج ..

..

ضليت اسولف ويه امي و  رجلع شلت الصينيه للمطبخ غسلت الماعين الي بيها و الگلاصات .. و رجعت .. بوست امي و. ترخصت منها و طبيت  للغرفه .. شمرت روحي على الجربايه. و غفيت و ما حسيت على شيي ..

..

و ثاني يوم رحت على ايناس اني و امي و تفاح اجتي وجد يمها ..

ايناس صارت احسن ولا عبالك مسويه عمليه تلعلع على الرايح و على الجاي ..

..

و مرت هيج الايام .. و حسيت بشي مختلف بامي .. سألتها شكوو .. و گالت حايرة بهم الدين الي اخذته من ام جهاد ..

سألتهم كم الدين و گالت اخذت منها خمسميه الف ..

گلت الها سهله تنحل على الراتب ننطيهم الها حتى لو دفعات ..

امي گالت مو خجلانه  منها  كل ما اطلب شي تجي تركض تنطي و هي طلبت شي ما صخيت انطي الها

لبنى / شطلبت ليش منج

رحمه / هيج سالفه ..

لبنى / سالفه جهاد مو.

رحمه / شمدريج هاا

لبنى / وجد گلتلي

رحمه / و انتي شتگولين

لبنى / يمه شگول ماخذ اثنين و يريدني الثالثه. ما اريد اهجم بيت احد و اخلي الناس تحقد عليه .. و أساساً ما مفكرة بالزواج  هسه و منا لوقتها الله كريم ...

رحمه / اني هم گلت الها نفس  حجيج .. هسه .. بس هي صارت تتعذر و تگول الولد ذبحني من شافها بعرس بيت ام حسام و هو لازگ عليه و اريد اطلع من خطى و گتله ما تنطيها الك.. بس هو يلح اله احاجيج و يسمع الرفض باذنه ياله يگطع نفسه ..

لبنى / يمه اذا حاجتج نوب گوليلها لبنى ممفكرة بالزواج ابد ..ولا راح تفكر ..

رحمه / يمه تدرين من اشوفها استحي ولا مرة مديت ايدي لاحد .. بس شسوي العوز يمه و الراتب ما جاي يكفي ..

لبنى / ان شاء الله تنحل ..

رحمه / ان شاء الله يمه ..

..

ضليت احجي ويه امي .. و رجعت گمت .. بدلت و لميت غراضي و طلعت ..  للكليه .. وگ فت انتضر كرم يم الباب ..

شويه و اجه كرم هو و ايناس .. و طلعنه للكليه ..

و ما احجيلكم عن الكليه صرت اتهزم من هاي البنيه .. اگضيها اتختل اخاف تشوفني .. يمه والله شكلها يخوف ما انسى خزرتها الي ذاك اليوم من رزلتها .. ما بيه حيل
تروح تگول الهم عن مكاني و يجون ياخذوني  الله يبعدنه و يحفضنه. من هاي الشكولات ..

..

خلص الدوام بين المحاضرات و سوالف البنات ..

و طلعنه و رجعني كرم هو و ايناس للبيت طلبت ينزلني يم الاسواق حتى اخذ. كم شغله وياي للبيت .. کرم گال انتضرج گتله لا لا روحو هو هذا وينه البيت .. اتمشه عليه تمشي ..

راحو .. و اني طبيت للاسواق سلمت على عمو ابو علي ..

و اخذت لبن و حلويات لتفاح و كم شغله نواقص للبيت و اخذت مواد كيكه عيد ميلاد امي .. اريد اسويلها كيكه ..

لبنى / شگد الحساب  عموو

ابو علي / خليها علينه عمو

لبنى / لا لا تسلم عمو

ابو علي / عيونج السلامات عمي خليها والله

لبنى / والله ترة بعد ما اجي منا اخذ شي اذا متاخذ فلوس مني ..

ابو علي / عم و انطه لبت اخو ما يصير

لبنى / اي ميصير عمو هذا رزقك ..

ابو علي / اخخ يعمي سوالف ابوج نفسهن عندج الف رحمه على ترابه ..

لبنى / و يرحم نوتاك عمو  مگتلي شگد الحساب

ابو علي / مصرة على الحساب

لبنى / اي

ابو علي / اوف يعمي .. انطيني ( .... )

لبنى / هءءءء

ابو علي / هاا هواي

لبنى / لا بالعكس قليل .. عموو

ابو علي / لا والله هو هذا سعرهن مو قليل .. احسبي الطحين على الف و نص .. و هاي بيض الف و لين بطل بربع اخذتي بطلين و هاي الحلويات الفين  هذا الجبس اثنين بربع .. هاي هي عموو مو قليل ..

لبنى / همم شو احس قيمتهم اكثر

ابو علي / ههههه ادفعي و اطلعي ولج  لو الكل مثلكم يعمي

لبنى / شكراً عموو ..

.

حاسبت و طلعت .. اتمشي على البيت .. و اني على الطريق و صدفت. جهاد يمشي عكس اتجاهي ..

دنگت و مشيت .. و استوقفني هو .. كملت طريقي و هو گال

جهاد / بس كلمتين .. والله ..

وگفت و گتله

لبنى / خير  خويه

جهاد / اخوج يبنت الناس و اني جايج خطابه ..

لبنى / اخي هل موضوع انسااا ..

جهاد / اني جيت من الباب على سنه الله و رسوله ...  شنو عيبي ..

لبنى / ما بيك اي عيب اخويه بس اني ساده هل موضوع

جهاد / نفتحه لاموضوع ماكو شي يضل مسدود ..

لبنى / عفواً..

جهاد / اريد اعرف يبنت الناس ليش متريديني ..

لبنى / عندك مرة و اطفال و اني مو هجلمت بيوت اقبل بواحد مزوج  و اثنين هم ..

جهاد / مالج دخل بيهن .. والله ما اگعدج وياهن بس اقبلي اشتريلج بيت بالمنطقه الي تاشرين عليها وين تريدين اشتريلج ..  انتي و امج  و اشتريلج سيارة ..
و ما اخليج لا تشوفيهن ولا يشوفنج ..

لبنى / خويه انت عبالك هيج تنحل .. و حرگه گلوبهن و لوعه الي يضوگنها  و المداعي الي يدعنها عليه اذا قبلت ترة مو سهله مو كلشي ينحل بالفلوس ..

جهاد / يبنت الناس انتي بس اقبلي و اريد وحده منهن تفتح حلگها و تگول يا رب ..

لبنى / اعذرني ما اقبل. لو تخلي كنوز الدنيا كدامي .. ما اخرب بيت احد ..  على مود رغبتك و شهوتك ..

جهاد / ها هيج  الحجي ..

لبنى / اي نعم

جهاد /  هممم بكيفج بعد .. بس خل يكون بعلمج تاليتج تجين تتوگعين يم رجليه .. و ساعتها اني الي ما اقبل بيج لو صبوج ذهب ..

لبنى / شهل وقاحه

جهاد / جيتج بالعيني و الاغاتي ما قبلتي .. نشوف ..

لبنى / هي هي شتقصد ..

..

مجاوبني ابتسم و اعفني و كمل طريقه .. ضليت اباع عليه و هو راح... شلون صلافه .. لو تقبلين لو يهدد الله و اعلم شيسوي ..

كلها تمشي خلف رغباتها و مصالححها .. ..

عالم مخابيل يباعون على مصلحتهم اول .. يعني مزوج اثنين و ما شاء الله نسوانه مگاصرات بالجمال و هسه هو يدور الثالثه نوب ..  يبوو شوكت اخلص من هل سالفه ..

.........!!!!

بذيج الفترة كل همي اخلص من سالفه جهاد .. اه اه لو قابله بجهاد و منجبه احسن ولا   الي راح يصير دمرت حياتي و خربتها بيدي  ...

.......!!!!

دخلت للبيت و خليت المسواگ و رحت غسلت .. سلمت على امي و نفس الروتين اليومي ..

..

و مرت هيج الايام ..

الى ان. اجه الراتب و جان استقطاع هواي من عنده ..

الي اجني امي شالتهن و انطتهن الام جهاد گوة لزگتهن عليها و ام جهاد تحلف تگول ما اخذهن ما بينه فلوس بس امي متقبل مانيه احد مثلي ..

و مرت فترة دبرنه بيها وضعنه. بالفلوس الي بقت .. امي گالت اقدم طلب بمعامله و اشوف ليش جاي ينگطع هيج من الراتب ..

ابو البيت يريد ايجار. و رسول متحزم النه حزام  على فلوس السحب حيل توازينه هل مرة .. گلت اجرب حضي و ادور شغل بس خوفت اخر مرة موجوده بجسمي ..
لهسها من اغمض اصفن عيونه و صوته يطنن بذني ..

بس لازم اساعد امي اسم الحل دا نطلع من هاي الورطه
الوضع صار حيل صعب ديون امي قررت تفتح مشروع خياطه گالت الخياطه راحت عندنا ويا الراتب هي اساسا عندها ماكينه قديمه قررت تصلحها وتخيط وتبيع اني گلت هم لازم اشوف لي حل يا اشتغل خياطه يا ادور على شغل برا خياط اني ما افهم بيها شوف لي حتى لو شغلت ربه منزل انظف اشتغل بمطعم اغسل المواعين

الفكره براسي انه لازم القى شغل او طلعت مره من الكليه رحت ادور على شغل دورت ودورت الى ان عجزت بس بالاخر لگيت شغله بمطعم نغسل المواعين وكان الدوام من العشره ونص لل 11:30 بالوقت المتبقي ارجع للكليه حتى ارجع للبيت.. ويه كرم و ايناس ..

..

جنت انهزم من البنات و اطلع بوكت المحاضرة الثالثه ..

لگيت مطعم اغسل الماعين و اطلع .. يمكن اشتغلت تلث ايام .. هناك و بلشت سالفه التحرش اول شي يذبون كلام لأن كل الي بالمطعم شباب ..  و اني الوحيده بنصهم

جانت خوفه لا توصف بس شسوي اريد اكسب لگمه الحلال ولو الخمسه و عشرين شسوي بس تنفعنه ..

اول يوم كلهم تفضلي اختي هاج اختي  غسلي ذولي اختي .. ثاني يوم .. لا والله ختلفه السالفه شقاهم و سوالفهم  طايح حظها .. و اني اغلس ..

وراها بلشو من ينطوني الماعين او الغراض يحاولون  يحتكون بيه .. يا يجي من ورايه و يمد ادينه على السنك و اطفر .. و عو يصير يعتذر و مو بقصده .. و بلشت شويه شويه   السالفه مال التحرش يا يذبون كلتم على جسمي يا عليه ..

اني غبيه شوداني هناك بس شسوي الراتب تاخر و نريد نعيش و ما عدنه معيل ..  دريد خكيه جان يدز هسه اله فترة گطع خابر يعتذر و گال بس يصير ادز هسه الوضع يمنه اسوء من يمكم امي عذرته و گالتله يمه لا دز مدبرين العيشه جوة خيمه الكريم ..

..

اخر شي وصل الحد ويه جماعه  المطعم  لسالفه ابد مو حلوة ..

توني جيت اغسل الماعين و طب المدير   طلع العمال و گال
مدير المطعم / تعالي اريدج بكلمه ..

لبنى / نعم ..

المدير / تقدمي لا تخافين ..

..

تقدمت خطوتين معدودات .. و خليت مسافه تمان بس گلبي ٠ان يدك بالدقيقه الف ..

باوع عليه من فوگ ليجوه .. و رجع هز راسه و گال

المدير / من الاخير ما احب الف و ادور .. ادخل بالغميج .. الخمسه و عشيرين سشويلج هاا ما تفيدج شرايج بشغل ثاني و فلوس اكثر ..

لبنى / شنو عفواً ما فهمت ..

المدير /. باعي لج من جيتي هناا مبين دورين ..  

لبنى / شدور هاا

المدير / ******* دورين ..

لبنى / هءءءءءء شنووو انت متستحي

المدير / لا تستشرفين براسي باعي عرضي الج .. بالشهر مرة تعالي و الج فلوس تعيشج. ملكه خلال الشهر و كل ما تخلصين تعالي و ادللج ..

لبنى / جان استحيت عود انت رجال بگد ابوي .. عابت لهيج اخلاق .. حتى الشغل هتنا ما اريده شفتني هااا شفنتي. وحده من اخواتك و اشتغل هيج ..

المدير / لججججح لا جيبين سيرة عرضي على اللسانج  القذر ..

لبنى / مثل ما نحرگت على عرضك اني هم عرض غيرك  فهمت لو لا .. حيوانات كلكم عود انت الي بعمر ابوي هيج تطلب مني. كبر كشك ..

..

اجه عيونه حمر عليه .. شمرت الصدريه بوجها
. .

و عفته و طلعت اركض .. من المطبخ
. تلگوني السفله الباقين و دفعتهم و طلعت و اسمعهم يحجون و يضحكون .. و سوالفهم طايح حضها كلها حجي جـ*ـنـ *ـسي ..

طلعت من ذاك المطعم القذر و رحت اركض   الى ان بتعدت ..

ضليت امشي وين ما تاخذ بيه رجليه من غير وجها ثابته مدري ارجع للبيت مدري ارجع  للكليه مدري وين اروح ..

اخر شي گعدت بحديقه .. عامه .. گعدت على المقعد ..

و صرت اذكر كلشي ليش مل ما احاول اساعد اهلي بالحلال يطلع ابن حرام بطريقي و يحاول يخرب عليه حياتي ..

ليش دائماً اصادفهم ليش دائماً يطلعون بس اله .. اريد سبب مقنع ..

ضليت افكر و افكر و دموعي تجري و لزمتني الشهگات. و اخذت حيزها مني ..

صرت ابجي  و اشهگ من دون وعي اناشغ مثل الجهال
ضليت ابجي الى ان حسيت ايد على جتفي رفعت عيوني الي ملاها الدمع .. الشمس بعيني شمس الساعه عشرة و نص ..

ما شفت زين منو .. طفرت كل ضني هذا لحگني ..

مسحت عيوني و وضحت الصورة  و شفت مرة گدامي طمنتني و گالت

.. / على كيفج امي على كيفج خوفتج ..

لبنى / ها اي شويه ..

.. / واضح مو شويه لا تخافين بس من شفتج هيج تبجين ما گدرت ما ادخل .. شبيك اذا ما بيها تدخل

لبنى / كل هم الدنيا بيه يا خاله ..

.. / شو تعالي رجعي گعدي و خل نعرف هل هموم يجوز تنحل ..

..

سمعت كلامها و گعدت بصفها. لمساتها حنونه و صارت تمسح على كتفي و راسي و اني دموعي تجري من دون ما احس على نفسي سردت الها الموقف الي مريت بي  و هي صارت تحجي و تتحسب على صاحب المطعم ..

و جان اغلب كلامها اليه نصائح .. و گالت ابتعدي يمه العراق مو مثل قبل  قبل الغيرة و الحميه .. هسه اغلبهم مصالح ذاك من ذاك الي تلگي  ابن اصل و خوش انسان ..

و ارجع و اگول مو كل اصابيعج سوة ..  ذاك من ذلك ..

امي ابتعدي قدر الامكان عن هيج اماكن ..

لبنى / خاله لعد وين انطي وجي و احنه ايتام و بس نسوان لا معيل ولا شي. .

... / الرب يحلها امي. هو كفيل بكلشي ..

لبنى / ونعم بالله بس تعبت ..

.. / هذا اختبار من الرب الج امي ..

لبنى / شوكت يخلص هل اختبار مو تعبت .. و نهد حيلي ... اريد حل ابو البيت راح يطلعنه. من البيت اذا ما ادفع ..  مسواك و علاجات امي و اختي مريضه كل امراض الدنيا بيها .. اريد يخلص هل اختبار خاله ..

.. / توكلي  و سلمي نفسج للرب ..  و هو يحل كلشي .. من عنده .. زين سؤال ..

لبنى / تفضلي خاله ..

.. / كم كان يدفع الج صاحب المطعم جزاء عملج لليوم الواحد

لبنى / اشتغل من الساعه عشرة و نص الى الدعش و شويه واطلع .. و جان يدفع خمسه و عشرين ..

.. / زين  ماما انطيج سالفه بس لا تفهميني غلط ..

لبنى / شنو. خاله

.. / و الرب هو مو  استنقاص منج او شي ولا فضل ولا مانيه .. بس اني مرة جبيرة .. و اني اشتغل ربه منزل ..
و ادير بيوت اثنين .. الرماتيز و امراض الرئه تعبتني ..
لهذا ما اگدر عليهن اثنينهن  و اريد من يعاوني بيهن ..
عندي بنت. بس مو دائماً وياي  ملتهيه بحياتها و دراستها ..  فه اذا ما بيه ازعاج و استنقاص الج .. تقبلين تكونين وياي تساعديني بشغلتي .. و انطيج الي يرضيج ..

..

ضليت صافنه اباع عليها .. و. هي رجعت گالت

.. / و الرب مو لأن حجيتيلي عن حالج بس اني أساساً ادور احد يساعدني حتى گلت لابني ليوم اشوف احد ..

لبنى / بس

..

قاطعتني و گالت

.. / لا بس ولا شي هاج هذا رقمي و فكري ورديلي خبر ..
و الشغل ميتعب  بيت واحد نسوي اني و انتي .. و انطيج الي يعجبج .. هم احسن من الفرة على المطاعم و استر الج من ولد الحرام .. فكري و رديلي. خبر ..

.

گالت هيج و بوستني و گامت جانت لمساتها حنونه ..

ودعتها و هي مشت .. جانت مرة كلش حلوة رغم انها جبيرة بالعمر ..  تطلع اكبر من امي حتى...

خليت الرقم بالجنطه و باوعت على الساعه ما ضل وقت رجعت للكليه ..

و مناگ لحگت على البنات و ما نكشف سري ..

و بعدها خلص الدوام . و اجه كرم .. و طلعنه للبيت ..

رجعت للبيت كلش تعبانه و مهدود حيلي من الهبطه ..

ساعدت امي كم شغله و تغدينه و بعد الغده رحت نمت من التعب .. گعدت العصر و خطرت بالي الخاله ..
و ضليت افكر و گلت اخابرها و  اقبل مبينه حبابه و ما بيه حيل ارجع للمطاعم
.

.

اخذت الرقم و خابرتها و حاجيتها و گالت عرفت بيج راح تتصلين. عليه ..  ضليت ساكته و هي گالت لا تخجلين الشغل مو عيب يمه اني شتغلت كلشي ولحد الان اشتغل دا أمن لگمه الحلال ..

ضلت تحجيلي و اخر شي گالت تعالي باجر على نفس المكان اخذج من عنده تعالي على الحديقه مقابيل الكنيسه و مناك  و نطلع للشغل سوة .. و هم طلعين بنفس الوقت على مود كليتج... ..

قبلت و سديت الخط .. يا رب يسرها بوجهي ..

جان هذا كل الي ادعي بي ما جنت متوقعه راح تضلم بوجهي من جميع ناحيه و صوب . 

و صدگ ثاني يوم رحت لنفس المكان و اجتي الخاله اخذتني مناك و جانت حبابه لابعد الحدود و لطيفه ..

و يوالفها حلوة ما تنمل .. صعدنه تكسي و وصلنه بيت  حلو كلش من الخارج و اللوانه غوامق كلها .. رصاصي و اسود و قليل النقوش البيضه داخله بتصميمه بس كلش حلو وراقي .. وگفنه مقابيله و هي طلعت مفاتيح دا تفتح الباب و سألتها

لبنى / بيت منو هذا خاله

..  / هذا بيت ابني هسه هو بالشغل لا تخافين البيت فارغ ..

لبنى / هاا حلو

.. / منو البيت لو ابني. هههههه

لبنى / لا اكيد البيت وين شايفه ابنج ..قابل خاله

.. / بعد احلى من البيت .. ههه

..

ابتسمت العا و فتحت هي الباب و گالت تعالي .. طبينه و الحديقه جانت مرتبه كلش حتى الثيل مرصوف رصف ما وحده صاعده عن الثانيه و بيها ورد و حبيتها كلش حلوة
و اكو گراج بي اكثر من سيارة طابگات و اغلبهم مغطايات  ..

مبين ابنها طاگ و شو شيشتغل ..  حتى صرت اخاف خاف المرة تضحك عليه ..

.. / لا تخافين اعرف بشنو تفكرين صدگي نيتي خير وياج
انت بمقام بنتي مريم  حاسبتج ..

لبنى / خاله ام مريم اسمج

.. / لا ام عيسى عيسى هو  ابني الجبير

لبنى / يعني هذا بيت ابنج عيسى

ام عيسى / لا هذا بيت ابني الثاني ج..

بعدها ممكمله .. و صارت عركه مال بزازين اثنين  بالحديقه ..  كشتهم .. و اجتي و گال

مدري مين اجني .. تعالي خل  نطب جوة .. هاا صدگ يمه ابني يتحسس لازم تلبسين كمامه حتى اني البسها من انضف البيت ..

لبنى /ماشي عندي بالجنطه

ام عيسى / خوش وان ما عندج امطيج .. باعي قبل لا نطب يمه ..  هو يتحسس من كلشي لازم كلشي نضيف حتى وان كان البيت نضيف و يلمع لازم تنضفي نوب ميحب البيت مغبر  ابد .. يوميه تتغير الجراجف  و ينمسح البيت من فوگ ليجوه ..    بس تنضيف شغلج الطبخ اني و مو دائماً لأن هو يحب يطبخ لنفسه .. غرفته متصليها خلاص ميقبل احد يطب الها حتى اني ..  هذا كلشي متفقين لو تنسحبين

لبنى / ان كان على التنضيف عادي متعوده اني هم يوميه اغسل البيت من فوگ ليجوة على مود سلامه اختي عندها نقص مناعي ..

ام عيسى / خوما تعانين من مرض يمه ترة هو وهواسي

لبنى / لا لا والله الحمد الله صحتي عال العال

ام عيسى /  لعد تعالي يمه خل نطب ..

..

رحت اتمشى وراها على باب البيت ..  وگفت  مقابيل الباب  و فتحته و گالت تعالي .. اول ما عتبت بهل بيت
و تلگتني ريحه التعقيم و المعطر ممزوجه بعطر رجالي فواح .. جانت الريحه تفحفح من البيت .. هي كبت قبلي و اخذت نفس و گالت فدوة لعطرك الي تارس البيت واضح تحبه حيل لهذا ابنها ..

دورت عيوني داخل البيت جان نضيف نضيف حرفياً يلمع لمع ..  كلشي مصفصف و مرتب على الشعرايه يوو شگد دقيق تريدين كوشه زاله عن مكانها ماكو عبالك  مخيطات ..

و اني صافنه  جان ما احس اله شي اسود طب من بين رجليه .. عطت عيطه بس الله يعلم بيها .. الخاله صارت تضحك و گالت

ام عيسى / يااا نسيت اگولج عن وشق هذا حفيدي ابن ابني .  هههه

لبنى / اسم الله الستار ..

ام عيسى / اني هم ٠نت اخاف منه و ما زلت مرات اخاف منه بس تعودت عليه شنسوي

لبنى / خاله شنو هذا يالله ممبين منه شي غير عيونه الخضر

ام عيسى / صدگي و اعتقدي يغلي بغلات ابنه يحبه حيل حيل هو ربى ..

لبنى / يمه هذا يبقى هنا ميطلع برة ترة اني اخاف

ام عيسى / لا تخافين مياذي احد ولا يقترب من احد هواي مثل طبع ابو ..  اساسا راح يرجع لغرفته ما تسمعيله ثوت هو طلع دا يشوف منو اجه بس

..

الخاله تحجي عن البزون عبالك صدگ ابن ابنها .. ولا كانه خلگ بزون. تحسبه انسان لا و عنده غرفه هم وحده. ولله يالله  يمكن ابنها بي شي .. لا و البزون تگول نفس طبع ابو...

وگف هذا البزون على صفحه ..  و ضل يباع عليه و قلص عيونه تحسه عبالك يفتهم .. من شفته اخذ صفنه عليه گلت راح يطفر عليه ... گمت و رحت جلبت بالخاله ..

باوع البزون علينه و رجع گال ميووو بصوت خشن و مزنجر صوته ..

و عافنه و طب. لوحده من الغرف .  جان الخاله گالت

ام عيسى / مو گتلج هسه يرجع امكانه . 

..

لبنى / بس عزة يخوف و نضراته تخوف ..

ام عيسى / ههههه لا حباب ترة  هسه تحبي... ياله تعالي ادليج على مكان الغراض ..

..

صارت تفتر بالبيت و تشرح اليه عن كلشي كلشي حرفياً شيكرة و شيحب ابنها و گالت ما يحب احد يغير غراضه خلاص من مكانهم .. گالت لو حركتي المزهربه انتبهي على المكان و الزاويه ولازم ترجع نفس ما كانت ترة هو كل دقيق الملاحضه و ينتبه ..

و بلشت  تحجي  عن المعقمات و المنصفات الي لازم استعملهم و طول فتره اني بالبيت ما لازم انزع الكمامه  لأن يخاف من الامراض حيل ..
و حجت عن هواي أشياء

ام عيسى / هذا كلشي .. اكو بعد شي

لبنى / هاا اي

ام عيسى / شنو

لبنى / خوما يتواجد بالساعات الي اني بيها هنا. ترة ما اخذ راحتي بالشغل ..

ام عيسى / لا طمني من هل ناحيه. بالدوام يخلص دوامه العصر قريب الخمسه ياله يصل هنا .. متشوفي ولا يشوفج. يطلع من الفجر 

لبنى / ها اي خوش ..

ام عيسى / ياله نبلش ..

..

بلشت انضف وياها .. او شنضف اذا البيت تقطر نضافه
سوينه الصاله و اباع عليها هي هم كلش دقيقه بشغلها. تمسح التخم و ترتب كلشي و ترجعه مثل مكان اول ما طبينه ..

صرت احفض بكلشي تسوي .. و هي كل ما تشوفني اباع عليها تقابلني ببتسامه حنونه ..

نضفنه الطابق الاول .. ما عدى غرفه وحده جانت مقفوله من حاولت افتحها .. گالت عوفيها هاي غرفته هو مسؤول عنها ..

هزيت راسي و عفتها .. رجعت گالت تعالي على غرفه وشق ..

رحت وراها حانت الغرفه للبزون .. بيها العاب اله و غراض خاصه بي و حتى جربايه بيها .. و السله الي ينام بيها البزون بالزاويه مخلايه .. حرفياً غرفه مال طفل مو مال بزون كلش حلوة .. و مرتبه هم .. البزون جان مدد من طبينه رفع راسه و صار يباع علينه و رجع عدل نفسه و  مد  ادينه و افرج  روس اصابعه و قلص عيونه و جانت نضرته تخوف ..

نضراته .

رحت وره الخاله و جلبت بيها و گلت الها

لبنى / خاله هذا ليش هيج يباوع

ام عيسى / لا تخافين بس بعده ما متعود عليج جاي يحاول يتعرف عليج

لبنى / خاله يا تعرف هو مشوفي يريد ياكلني ..

ام عيسى / هههههه لا تخافين والرب ما ياذي و أساساً شاطر و ذكي .. باعي. 

..

صارت تحاجي بي و طلبت من عنده يهض و يطلع يمه الستار و هو مثل الفهم مدري فهم .. نهض و گام من مكانه و صار يتململ و يثاوب .. رجع گمز عن  الجربايه و طلع برة الغرفه ..  و اني الحجي كله اباع عليه و فاكه حلگي اسم الله هذا بي جن يمكن ..  يخوف يخوف بمعنى الكلمه ..

..

صحتني من صفنتي و گالت استعجلي .. مو عندج دوام
هزيت راسي و صرت الملم وياها و مسحت الرفوف الي داخل الغرفه و رتبتهم .. و مسحنه الغرفه و طلعنه على القاط الثاني حرفياً القاط الثاني من البيت خيال .. خيال

الصاله مالت القاط الثاني بيها رفوف خاصه بمكتبه و بيها اشكال الكتب او آلاف الكتب .. مصفطات حسب التوع و الشكل ..

واضح ابنها يحب القراءة هواي ..  و يتوسط  هاي الكتب كرسي هزاز .. و بصفه طاوله زغيرة و نبته ضليه بصف الطاوله ..

مكتب خشب بالركن  و ستائر ذات لون غامق .. الواحد بس يشوف هل شي ينعس من تلقاء نفسه و يشعر بالسكينه ..

و نوب اني كل شويه صافنه وصحيني الخاله هسه عبالها مشايفه ..

صحيت و صرت اساعد بيها .. اكو تلث غرف فوگ ..  وحده ٠انت مخزن للغراض بس ما مبين عليها مخزن مرتبه بشكل ..  غرفه عاديه لا بيها دعاثير ولا شي .. و الغرفه الثانيه غرفه نوم .. كامله .. و الغرفه الثالثه جانت مقفوله ..  من طلعت خاله ام عيسى. و لگتني يم بابها گالت لا تقربين على هاي الغرفه .. هاي اله و ما يقبل احد يصلها ..

هزيت راسي بس جان تهديدها قوي مو مثل من نبهتني على غرفته الجوة ...

حتى هنا كتلني الفضول شبيها هل غرفه هيج حريصه عليها ..  بالي صار يكتب سيناريوهات هواي .. خاف حابس بنيه بيها معقوله لعد شو ماكو صوت .. يبووو اني و تفكيري ..

...

اه و ما جنت ادري شكو بذيج الغرفه و ياريت ما دريت  شكو بيها ..

..

المهم نضفت البيت ويه الخاله و كملت بساع ..  سوينه كلشي ..  طبخ هي مطبخت گالت ليوم ما يجي للبيت . 

وگفت انتضر على صفحه و هي خلت اكل للبزون و طفت الانارة الزايده و گالت ياله نطلع ..

طلعنه اني و هي بالطرمه سألتها ..

لبنى / ليش خاله انتي مساكنه هناا

ام عيسى /  لا   هاي بس هو هنا اني ساكنه ويه بنتي بغير بيت ..

لبنى / همم و ابنج عيسى لعد وياكم مو

اباع عليها صفنت و دمعت عيونها .. رجعت گلت الها

لبنى / اسفه اذا دخلت  خاله

ام عيسى / اه يمه اه .. لا مدخلتي بس عيسى متوفي من زمان  هو. و ابو ..  و عندي بس مريم الي ..

لبنى / الله يرحمهم خاله و اعتذر اذا فتحت جروح گلبج

ام عيسى / لا يمه عادي ولا يوم نسيتهم .. ياله تعالي ..

..

طلعنه نتمشى اني و هي للباب البرة الي جان يفتح كهربائياً  واضح ابنها هذا غني كلش. لعد ليش محط خدامه ليش يتعب امه ..

بس هي گالت طبعه كلش صعب ..

..

سلمت عليها و جيت امشي و هي صاحت و گالت

ام عيسى / يااا وين رايحه تعابي شو ما اخذتي يوميتج

لبنى / هاا

ام عيسى / هذا تعبج لا تستحين طبي بعيني و اخذيها

..

ضليت ساكته و هي تقدمت عليه فتحت حنطتها .. و طلعت فلوس

لبنى / ياا خاله شدعوه هاي هواي ..

ام عيسى / التنضيف  يختلف عن خسل الماعين و شلعت گلبج  لأن تنضيف هواي و بدقه .. هذا حق تعبج

لبنى / بس والله هواي

ام عيسى / الزمي امي الزمي لا هواي ولا شي .. هاج اخذيهم ترة ازعل عليج و زعلي مو حلو ..

..

سكتت و اخذت الفلوس .. و شكرتها ووارخصت منها .. رجعت صاحت عليه و گالت اريد رقمج  گلت الها مو خابرتج تلگي محفوض يمج .. هي ضحكت و ضربت على راسها ..  و سوتلي باي ..

اخذت تكسي و رجعت للكليه ..

بس شنو جنت تعبنانه رغم هو البيت نضيف بس جنت اباع عليها تجلف وكان البيت مو نضيف. فه اني هم ذبيت روحي و شتغلت حيل ..

..

رجعت للكليه و مر النهار عادي ..

و رجعت للبيت .. و تغديت و بعد الغده اخذت المحاضرات الخاصه بدكتور  احمد الي دائماً يصدف اطلع من محاضرته  حتى اروح للشغل ..  گعدت اقرة بيهم و اراجع بيها ابي ان فهمتهم و حفضتهم .. ..

العصر نضفت بيتنه. و جلفته خوش جلفه ..
رجعت سويت عشى و تعشينه و غسلت الماعين ..  تفرجت على التلفزينو ويه امي و تفاح الي العا كم يوم مو على بعضها تنام هواي ..

..

گوة وصلتها للدعش عيوني قفلت فد مرة .. جان گمت و ترخصت من امي .. و رحت شمرت نفسي و  نمت و ما حسيت على شي ..  من التعب .. لو يطگ مدفع على بيتنه ولا احس ..

نمت .. و ما حسيت اله الصبح .. و على الريوگ امي تسولف .. و هبطتني مداهمه الجيش طابين بالليل علينه

و ما اعرف شنو .. صرت اسأل بيها و گالت داهمو كل المنطقه إجراء روتيني .. و سفيان جان هنا وياي ما خلاني وحدي .. و امي مدحت بي هواي ..

ضلت تحجيلي .. عنهم .. و اني احرك بعيوني الى ان سمعت صوت الهورن و طلعت .. على ايناس و كرم ..

و رحنه لاكله و كالعاده اوا محاضرتين و الثالثه اطفر ..

طلعت و خابرت على الخاله و گالت تعالي  لنفس المكان اذا تذكري ..  گلت اي .. و اخذت تكسي ورحت ..

و لگيتها تنتضرني يم الباب مال البيت .  سلمت عليها و هي بوستني و فتحت الباب و طبينه جوة ..

البيت بعده يلمع .. هم طبينه نضف بس هم مجان احد

هي گالت ..

ام عيسى / سوده عليه اجه  سبح و بدل و طلع

لبنى / هو شيشتغل خاله

ام عيسى / بالدوله يمه ضابط ..

لبنى / هاا الله يحفضه الج ..

ام عيسى / تسلمين يمه اشو هو هتى بجازته يطلع راح عليها على امه سليمه ..

..

ضليت افرفر بعينوني منو سليمه منو انتي لعد .. و ضحت علامات الستغراب على وجهي هي ضحكت و گالت

ام عيسى / ادري دوختج اني مو امه اني خالته .. و سليمه هم مو امه. سليمه ربته هو زغير ..  امه متوفيه  اختي جانت و صديقتي لهذا هو مثل ضنايه و احبه مثل ولدي و اعز ..

لبنى / هاا اي الله يرحمها ..

..

والله ما عرفت شگول فترت السالفه عليه ..

دخت هسه هو هذا كم امه اله منو امه بيهم..  ..

المهم خل اكمل الكم .. صرت يوميه اروح انضف البيت ويه الخاله ما عدى يوم العطل الجمعه و السبت ما اروح لأن ما عندي كليه و حجيت الها و هي قبلت بهل ايام ما اجي
.

و صات اروح. حتى مرات تصدف وحدي انطتني المفاتيح مال البيت و جانت  هي تنضف غير بيت  يا عدها صلاه بالكنيسه و ما تجي .. فه يمكن مرتين رحت اني وحدي للبيت ذاك .. مرة نضفت و طلعت و مرة لا. اجه صاحب البيت ..

جنت جاي انضف بالقاط الفوگ .. و  هاي الغرفه المقفوله جانت مفتوحه كتلني الفضول اشوف شكو بيها لأن صار هواي اجي هنا و هي مقفوله ..

عاد گلت اشوف شكو .. فتحت الباب على كيف .. و جانت غرفه فارغه بيها بس سرير بالنص  و ما بيها اي اثاث .. و دورت عيوني داخل الغرفه اكو شغلات  معلگه

بعدني جاي اباع و سمعت صوت جوة .. و صاح ام عيسى انتي هناا ..

اني گبل طبگت الباب .. و عدلت شكلي و صعدت الكمامه ..

و نزلت على الدرج على كيف باوعت هيج و هيج .. ماكو احد .. جيت نزلت اطلع .. وصلت. للباب .. و جان اسمع صوت ورايه .. بمكانج ..

صوت يخوف .. وگفت و ضليت بمكاني ..و ما نداريت .. جان هو سأل

... / انتي منو ..

ضليت ساكته و رجع عاد السؤال و صرت امتمت و من عاط و گلت

لبنى / ع ع عام عامله النضافه ..

... / انتي الي ويه ام عيسى

لبنى / اي اي .. اي ..

../ هممم. اوگفي هسه اجي ..

..

ضليت واگفه و سمعت صوت خطواته بتعدت .. شويه و رجع .. صار يتقدم عليه اسمع صوت خطواته بتجاهي ..

مد ايده جانت بيها جف اسود .. و بيده فلوس و گال

.. / اجرج اليومي

لبنى / شكراً بـ بس اني ويه ام عيسى

.. / بعد من عندي تاخذين لأن جاي تنضفين الي مو الها
اخذي ..

..

مديت ايدي و اخذتهم و دنگت .. هو رجع بتعد و گال

.../ تگدرين تنصرفين ..

..

هزيت راسي و فتحت الباب و طلعت على السريع دون ما اندار و اشوف منو المدير مالتي الجديد ..

طلعت .. من البيت .. گلبي واصل بحلگي يدگ سريع من الخوف .. و الرهبه صوته شگد يخوف ..  عزة  يمه ذكرني بهواي شغلات بس مع هذا حسيت سامعه هل صوت قبل ..
..
..
..
..

و مرت هيج الايام ..  و جنت اروح  انضف و ارجع مرات تجي ام عيسى مرات لا مرات الگه الفلوس على الميز محطوطه .. و يمها ملاحضه زغيرة  بعنوان. اجرج اليومي ..

..

و الغريب بكل. هل بيت شگد الي انضف بي بس  ما شفت شكل صاحبه ولا اي صورة داخل البيت اله .. كل اللوحات
الموجوده لفنانين  معروفين بس ماكو اي صورة اله هو اي صورة شخصيه ماكو ..

ليوم الي ازيد من خمس طعش يوم و ما شفت شكله ..

و الى ان اجه ذاك اليوم الي اشوف بي شكله .. و اتفاجئ بشكله ..

اخر فتره حجيت الكم عن مرض تفاحه و جانت تنام ..

اخذناها اني و امي للمستشفى .. و سوولها تحاليل و دخلناها لطبيب و شاف التقارير و التحاليل و گال الوضع ما يفيد .. و عضلت القلب  عملها كلش بطيئ و تحتاج عمليه على مود .. يضيفون بطاريه كهربائيه للقلب. لأن قلبها كلش  تعبان ..

امي من سمعت دگ و تلطم .. و أساساً ندري من زمان هي
تعبانه و قلبها تعبان و حتى العمليه مالتها على اساس من تبلغ  سن الرشد ياله .. تصير .. بس هسه صار لازم تتقدم
العمليه المشكله ما عدنه فلوس

كل الي جامعيهن ما يكفن  حق طبله مال المستشفى ..

نوب لازم اهلي مو حكومي الدكتور گال اذا حكومي طول شغلتها و حولوها للاهلي اني موجود بمستشفى ( """""") الي بغداد اسويها الها ..

سألنه عن تكاليف العمليه و گال ..

اول شي نفحصها و هناك البروفيسور يشوفها و هو يقرر شتحتاج ..

و منا بلشت سالفتي و معاناتي ..

رحت انضف و بعد يومين ناخذ تفاحه البروفيسور يشوفها. .. و اني جاي انضف افكر شلون. نجمع فلوس كشفيته مو عاد فلوس العمليه ..

و الدكتور گال هذا البرفيسور جاي من برطانيه كم يوم و يمشي اذا فحص بنتكم ربكم حميد لأن مو الكل يحصل مكان و اني حجيت وياه و قبل ..

جنت افكر مين اجيب مبلغ الكشفيه الي جان تافه عند البعض. ٥٠٠ الف  بس بالنسبه النه. هواي .   راتب ابوي قطعو نهائي من امي راجعت گالو الها من  زمن النضام السابق ما يحقله. يستلم .. و ضلينه هيج..

امي ما تگدر تطلب من ام جهاد  لأن اجتي بشغلت ابنها اكثر من مرة .. و امي متقبل  اخر فترة شو ام جهاد شالت  خشمها على امي تگول الها انتي ما  تقدريني ..

جاي انضف و. وگعت عيني على فلوس  بالبيت مال هذا الرجال ..و جانت فلوس هواي زين شكو خالهم على الميز
خاف يريد يختبرني .. ابوگ لو لا ..  لو ناسيهم ..

باوعت عليهم من بعيد ..و  وسوس اليه الشيطان ..

بس تغلبت عليه و ما مديت ايدي ..

نضفت و طلعت ..

و ثاني يوم افكر مين اجيب الفلوس سألت البنات عن سلفه او دين محد عنده اهل ايناس زوجو. اخوها الثاني و خطبو للاخ فه اكيد ما عدهم و ما حبيت احرج ايناس

هم جيت انضف و الفلوس بعدها ..  باجر اختي لازم الصبح يم الدكتور و هذا اخر موعد شلون تنحل ..

والله و عاد سمعت وساوس الشيطان و مديت ايدي گلت عود اشتغل يمه بدون اجر الى ان ينسد الي اخذته ..

و ياريت ما اخذت منهم ما توقعت هيج يصير وياي ..

..

سحبت منهم .. و رجعتهم مثل ما جانو .. .. ثاني يوم. خابرت ام عيسى و عتذرت و گلت ما اگدر اجي عندي ضرف و هي تفهمت .. و گالت راح تگول لصاحب البيت ..

اخذت تفاح اني و امي للدكتور .  امي سألت مين الفلوس و گلت الها .. من ريام صاحبتي .. بعدين اردهم الها و سكتت ..

لزمنه سرة اله ان اجه دورنه .. و طببناها .. و فحصوها مجموعه كامله من الاطباء .. و صارو يتحاورزن بينهم بالنگليزي بس جنت افهم كلامهم .. وضع تفاح ما يطمن ..

اخر شي هو هذا البروفيسور ..  فحصها و اخذ نفس و هز راسه. و گال للطبيب الثاني .. عن وضعها و انو ما تتحمل بعد ..

فهمت كلامهم و دموعي تجري ..  اجه الدكتور اخذ امي و اني على صفحه و حجه كلشي ..

و گال

الدكتور / حجيه  الاطباء شافو وضع الطفله و بعد فحوصات و تحاليل تاكدنه من شي واحد .. عضلت القلب ضخها للدم بطيئ  لهذا تحس بخدر و كسل و تنمل اطرافها ..  لو بقه الوضع هيج. حجيه مع كامل الاسف اگولج ما تلحگين الها .. لهذا لازم تخضع جراحه و فوراً هم  اذا بقى القلب  بدون بطاريه كهربائيه يتوقف  وضعها ابد ميبشر بخير ..

..

من كمل كلامه امي صارت تبجي و تلطم و تصيح بسببي  بسببي. موتت بنيتي. كله من ورايه .. اني شابكتها و هي تبجي ..

اجني الممرضات عليها كمشنها .. و حاولت اهديها حتى نفهم شلامن مسوي . 

رجعت تمي تركض على الدكتور .  و گالت اله

رحمه / سويلها عمليه هسه سويلها ..

هو دنگ و گال

الدكتور / مو بيدي التكاليف امنوها ..

امي صارت تبجي .. و گعدت بالگاع تبجي .. و اني دموعي تجري .. هو فلوس الفحص بگتهن دا نوب  فلوس العمليه ..

ضليت صافنه عليه و دموعي تجري ..  نهضت و گتله

لبنى / سويها وعد اجيب الفلوس

الدكتور / والله لو. اگدر جان سويتها بس مو بيدي والله  هاي انضمه .. و قوانين ..
..

وتلله هيج من هيج للانضمه مالتكم حيات بشر تروح و هم كل همهم الفلوس . 

رجعت عليه و گتله شگد. فلوس العمليه ..

و انطاني مبلغ يستحال اجمعه  بيوم واحد ..

امي من سمعت المبلغ صارت تبجي ..   مين نحيب تصيح ..

گلت الها تنحل هسه اشوف البنات ..

..

نومو تفاح بالمستشفى و اذا دبرنه الفلوس باجر تسوي عمليه واذا لا .. تطلع من المستشفى ..

رحت خابرت على. ريم و گالت والله ما عندي. طلبت منها دين و گالت ماكو جوة ايدي .. خابرت على ريام و گالت ما عندي هيج مبلغ بس عندي ربع منه يفيدج ..

و گلت الها اي اي اريده ..

طلبت من امي تبقى يم تفاحه و گلت الها راح اروح الم الفلوس و اجي  بعدين .. امي گالت مين گلت الها حاجيت البنات و راح يجمعون اليه ..  قنعتها اروح و گلت الها .. راح اجيب الفلوس و ارجع و غراض لتفاحه هم ..  لا تخافين عليه بنتج لبوة ترة ..  بوستها و طلعت

و من طلعت ما جنت اعرف راح ارجع هيج ..

رحت على ريام .. و خطيه طلعت للباب محضرة الفلوس من شافتني مستعجله گالت شكو عسى ما شر گلت الها لا ماكو شي .. بس ضرف. لحت عليه و حجيت الها و صرت ابجي و هي سكت بيه  گالت لو عندي بعد جان نطيتج بس والله ما عندي و ابوي قبل فترة  غير البيت و ذب كل فلوسه على البيت الجديد .. اني هم عذرتها و طلبت منها لا تحجي لايناس  لأن ايناس ادري ما عدها ..  و ما اريد احرجها ..

..

رحت من يمها .. و اتصلت بكم صديقه بس كلهن يبجن بوجت الله ..  وين انطي وجهي .. و اني افتر من مكان لمكان .. تدور على دين .. .. اخر شي.  فتحت ٠نطتي اشوف شگد بيها و يه فلوس ريام .. و جان شفت مفاتيح البيت و تذكرت الفلوس. الى هناك .. و گلت اروح اخذهم واذا هو موجود اطلب دين من عنده لأن دائماً يحط اله فلوس زياده على فلوسي و مبين كريم ..

اخذت تكسي و رحت للبيت .  و جانت الساعه بحدود تلاثه العصر ..

طبيت  للبيت و سيارته ما ٠انت موجوده. لعد مو هنا ..

فتحت الباب .. و طبيت للبيت البيت هدوء ..  طبگت الباب. .. و رحت بوجهي على  الميز الي بالصاله ادور على الفلوس .  جانو عليه .. دورت و دورت و ماكو شايلهم صرت ادور بالمجرات .. و جان ما احس اله  .. ......

................؟

ستوب 🥲🫂

هاا شلونه البارت. ٢٥

اعتذر عن الكلمات الجارحه داخل البارت

تصويت للبارت ..

بارت ٢٦ 🔥🔥

انتضرونه يا سكاكر ..

صوتو حتى انزل الكم بارت ..

ياله گلبي ☺️💞

لا تگولون البارت ما بي احداث من ساسه لراسه احداث ترة ..

لبوتنه ..🐆

جابرنة ..🚬

الكاتبه / 😩😩  و جان اليوم الاخير للصور بعد ما اگدر احطهم 🙋🏻‍♀️👍