فصلية فاطمة والنقيب

البارت الرابع والعشرون

جريت الورقة من مريم قريتها طلع عقد مال
سيد يعني هنا صدك انصدمت احس لساني
انعكد أحمد ورحاب بياوعولي ويبتسمون
مريم : أحمد خلي تبقى يمي لحد متخلص
السنه وانته تزوجت بعد شتريد
احمد: وتخلص السنه وين تروح يعني
فاطمة : يعني انته شايل همي معليك اروح
دار ايتام احجي وابجي
مريم : شنو هل حجي واني وين رحت
باعت والعبرة لازمتني وين رحت بابا عفتني
هنا حتى امي تخلت مني ليش ربي اني شمسويه
مريم : هاا أحمد اخذها
أحمد:اخذيها بس متطلع باب البيت
باوعت على أحمد شعجب قبل
رحت لبست الجبه والشال وأخذت تلث لبسات
وطلعنه اني ومريم اجرت تاكسي ورحنه
لبيت مريم
مريم : جوعانه فطومه
فاطمة : لاشبعت من شفت شكول رحاب
مريم :' هههه لعد روحي بلغرفة نامي
مريم اشرتلي بلغرفة ورحت نزعت ولكيت
بيها جربايتن وبيها تلفزيون اتمددت وظليت
افرفر بالتلفزيون طلعت قناة مال اغاني
جانت طالبة اغنية مال شيرين
قال صعبان عليه وبيطمن عليا
قلولو لسه عايشه وكل شي حلو فعنيا
من سمعتها تذكرت كلمة أحمد من كال وتخلص
السنه وين تروح يعني اني هيج ثكيله عل
كل ودموعي موكفت من البجي نمت ومحسيت
بروحي كعدتني مريم عل عشه
مريم :' يلا كومي تعشي راح يبرد الاكل
فاطمة : ماريد والله مجوعانه
مريم : لاوالله اله تكومين تتعشين ويانه
فاطمة: تمام بس اغسل واجي
كمت غسلت ورحت للمطبخ كعدت وياهم
بس شهيتي مسدوده ماكدر احط لكمة بحلكي
ومريم هيه وبناتها يلحن اكلي واكلي
احنه دناكل دخل وائل وياه أحمد للمطبخ
باوعت هذا شجابه هنا بس لا يريد يكتلي
اني شفته كمت من الاكل
مريم :وين رايحه بعدج مكملتي اكل
فاطمة: لاشبعت ماريد
أحمد: تعالي كعدي داحجي وياج
باوعت عليه يحجي ومو معصب شبيه ليش
يريد يحجي ويايه
كعدت كتله هاا تفضل
أحمد: هاج هذا تليفون الج
فاطمة: الي وليش شنو المناسبة
أحمد: تره الطمج على وجهج خليني اكمل
فاطمة :يي بله كمل
أحمد: وحطيتلج بي رصيد ونزلت واتساب
اخاف تحتاجين شي دكلي
ظليت اباوع عليه صافنه هذا شبي شكو شصاير مصارلي ٣ ساعات من طالعه هيج
تغير
أحمد: شو حتى شكرا ماكو
فاطمة :يي مشكور
كمت داطلع من الاستقبال
أحمد: تعالي وين رايحه سويلي جاي
فاطمة : ليش رحوبه مسوتلك جاي
أحمد: يي والله مسوتلي اني مخليتها لأن
تعبانه ومتكدر
فاطمة : اني حتى لو نايمه بالكبر تكعدني
وتكلي سويلي جاي
رحت شفت مريم بالمطبخ دتسوي جاي
فاطمة : مريم راح تودين لأحمد جاي
مريم: يي ليش تريدن انتي تودي
فاطمة: لا انتي ودي الجاي واني اغسل الاماعين
مريم : تمام
صار الجاي وصبت لأحمد ودته اله 
اني غسلت الاماعين وكملت اجتي مريم
فاطمة : مريم صدك لعد زوجج وين
مريم : يداوم بالجيش يبقى هناك بلداوم
يطول لاتخافين ميجي اول البارحة راح
تقربيا يبقى هناك عشرين يوم لو أكثر لو
أقل لأن مرات يطلعلهم واجب ويطول
فاطمة : هاا اكلج مريم اتبللت أريد اسبح
مريم : يي روحي سبحي هذاك الحمام
فاطمة: تمام
رحت حظرت ملابس وعلكتهن بالحمام وسبحت وكملت ونشفت شعري
مريم: اكلج جيبي تلفونج حتى وائل يدخل
الرمز مال شبكه
فاطمة :مايحتاج قابل شسوي يي
مريم : لا جيبي خلي يكنكلج وائل
انطيتها التلفون أخذته للصاله لأن ابنها ينام
هناك وره ثواني جابتلي التلفون
مريم : هاج عيني
فاطمة : مشكوره مريم ماقصرتي ابد ماانسى
وكفتج
مريم: ياا لاتحجين هيج عيب عليج يا وكفه
اني مسويت شي اصلا يلا روحي ارتاحي
وريحي راسج
فاطمة: يي والله أريد ارتاح
مريم : تمام يلا تصبحين على خير
فاطمة: وانتي من اهله
رحت للغرفه لكيت رنا نايمه واختها الثانيه
نايمه يم مريم لأن ابوها ماكو تمددت عل جربايه
وبيدي التلفون فتحت التلفون ودخلت عل
واتساب بس رقم أحمد بالواتساب دخلت
على صورته وظليت اباوع على طوله وشكله
وشخصيته كله حلو ليش تصرفاته محلوه
حطيت التلفون ودانام اجتي رساله فتحت
الرسالة لكيتها من أحمد.
نهاية البارت شكرا على تعليقاتكم العسل
مثلكم شكد مااكول احبكم قليل بحقكم
ومو تنسون الدعم احبكم بااي 🤎