أحمد طلع جنطة وبدء يلم ملابسه واني اركض وراه
أحمد الله يخليك خلي اروح يم مريم وانته ابقه هنا
المشكله من ورايه انته معليك وشلون تعوف امك
يم ام مرتضى لزمني أحمد من جتفي وكال
أحمد: فاطمة اني اصلا قبل ليموت اخويه ردت اهج
من البيت مات اخويه ومكدرت وهسه أريد اخلص
واخلصج تعبت من مشاكلهم يوميا متناكرين وامي
مره مكرمه حتى حجي متكدر تحجي ومريم يمها
يلا لمي هدومج
فاطمة: ماعندي هدوم
أحمد: روحي شوفي مريم جابتلج الهدوم
رحت على مريم كاعده بالمطبخ شافتني كامت
مريم : هاا شكال أحمد
فاطمة: ميقبل قافل الا يطلع من البيت
مريم : خلي يطلع احسن ميتخبل
فاطمة : اكلج مريم جبتي الهدوم
مريم : يي صدك نسيت من وره المشكله هذني
اخذيهن
فاطمة :شكرا حبيبتي ماقصرتي الله يحفظلج بناتج
صعدت فوك على أحمد لكيته ديحجي بلتلفون
كمل كال
أحمد: هذني الهدوم
فاطمة : يي
أحمد: يلا حطيهن بلجنطه دنروح
فاطمة: ماعندي شي البسه حتى اطلع
أحمد: ماعندج جبه تلبسيها
فاطمة : لا ذبيتها
أحمد: ليش
فاطمة : لأن عمي الحقير اشترالي الجبه ماريد كلشي
منه
أحمد: روحي اخذي من ريم
فاطمة :لا ماريد هيه تتخبل مني أنوب تنطيني جبه
ماريد ماخذ منها شنو ماعندي كرامه
أحمد: بس علكيفج ام كرامه هسه اجيبلج جبه
بس لاتبجين
راح واجه جايب جبه كتله هاي منين
أحمد: من رنا لاتخافين مو من ريم عيني ام كرامة
كرامتج متسمحلج
يحجي ويضحك يي لعد شعبالك شنو هيج مبينه
اني ماعندي كرامه
أحمد: اعصابج عيني دنشاقه وياج
يلا لبسي بسرعه دنروح يلا
فاطمة : لبست الجبه وكلته كملت
باوع عليه صفح
أحمد: والشال
فاطمة: اني مو محجبه
أحمد: محجبه مو محجبه مادام على ذمتي تلبسن
حجاب
فاطمة : يلا أنوب حجاب مين اجيب حجاب
أحمد : لاتسويها سالفه عنتر روحي على مريم
وهبه تنطيج
نزلت على مريم كتلها عفيه مريم عندج شال زايد
خطيه مريم جابت شال وانطتني ماعرف البس
الشال بس حطيته صعدت على أحمد لكيته مبدل
وديلبس الحذاء شال الجنطه وكال يلا امشي نزلنه
راح باس امه واني هم سلمت عليها خطيه يعني
حتى صوت مينسمعلها وراح سلم على مريم وانطاها
مصرف وكالها دير بالك على امي واني هم سلمت
عليها وطلعنا اني وأحمد ركبنا السيارة وحرك السيارة
اني ساكته وهوه ساكت محجه اي شي مشه تقريبا
نص ساعه اقل النص طبك السياره وكال يلا نزلي
كتله وين كال هاي شقتنا الجديده نزلت باوعت
عليه كتله هاي شبسرعه لكيت شقه
أحمد : هاي مال صديقي مسافر وخالها يمي
فاطمة : هاا
صعدنا العماره فتح أحمد الشقه تخبل وامثثه
نصدمت هلكد حلوه تخبل طبيت اول مرحت طبيت
للغرفه جانت اكو غرفه وحده طبيت للغرفه بيها
جربايه نفرين كبل شمرت روحي عل جربابه حتى
منزعج الجبه نمت كعدت باوعت عل ساعه بل ٩ بليل
كمت عطشانه ريكي يابس طلعت للاستقبال ماكو
أحمد رحت للمطبخ هم ماكو دكيت باب الحمام هم
ماكو خفت كلت يعني معقوله عافني هنا
نهاية البارت الرابع عشر شنو توقعاتكم أحمد يعوف
فاطمة وحدها لو لا تصبحون عل خير بااي