رِفان _مع_كاتبة✍🏻🤍
حلقتنا الختاميه مع كاتبه كانت روايتها الاولى من انجح الروايات الليبيه وبالنسبه ليا كانت رقم واحد في وقتها ولتوا واخده هلبا صدى
روايه تعلمنا منها هلبا وتعلقنا بيها هلبا وبكينا على عيشه كلنا اي صح روايه سعاده كاذبه🤍 وحتى في روايه الحب الاعمى الكاتبه تكلمت عليها او بالاصح دخلتها ضمن الروايه في حدث من الاحداث🤍 وهذا يدل على تأثر الكل بيها مش قراء بس🤍
تواصلنا مع الكاتبه من شهر رمضان بس عندها عذر صحي هو يلي خلانا نتاخروا لليوم وكانت كم مرة تتعب خلال الهدرزة كان حوار ممتع جدا واسلوبها خياال الله واحد عليها 🤍
واحنا نتاسفوا لو تعبناها معانا 🥺وادعولها تنوض على خير هي والبيبي🤍
وربي يرزق كل مشتاق🤲🏻🤍
بدينا اللقاء وتوكلنا على الله🤍
رِفان : ڪلنا عارفينك بأسم رتال رتولي هل هو اسمك الحقيقي ؟
رتال : لا اسمي مش رتال رتولي هذا اسم مستعار كنت دايرته علشان كنت في قروبات الجامعه وماكانتش حابه انكون واضحه درت اسم مستعار
اسمي هو ساره السيفي.
رِفان : كم مواليد رتال او خلي نقولوا سارة🤍؟
رتال : 10-3-1993 يوم عيد المعلم.
رِفان :بطول عمرك🤍.
رِفان : سارة من أي مدينة ؟
رتال : نا من مواليد مدينة المرج وحاليا من سكان بنغازي.
رِفان : مؤهلك العلمي ؟
رتال : خريجة جامعه بكالوريوس إدارة اعمال.
رِفان :حالة سارة الاجتماعية ؟
رتال : متزوجه.
رِفان :اكثر شي يفرح في سارة؟
رتال : الحق ابسط حاجه اتفرح فيا ممكن الابتسامه اتفرحني او مكالمة عاديه جدا اتفرحني واهم فرحه عندي رضاء ربي و وماما وبابا وزوجي عليا.
رِفان :اكثر شي يزعل في سارة ؟
رتال : نا زعاله راه بس نظامي مانشيلش الحق ونسامح لكن ماترجيش مني ننسي لان ح انكون حريصه اكتر في معاملتي معاك بعد الزعله.
رِفان : مقولة او جملة تحبيها وماشيه بيها آساس في حياتك ؟
رتال : الحق فكرت في السؤال واجد القيت عندي عرم مقولات الحق بس ماشيه في حياتي اني انكون مسالمه وبيت اسرار ل اكتر ناس ليا واني انكون كتاب ينكتب فيه وماينقرش يعني سرك في بير واطمني من ناحيتي واي قرار ليا في حياتي انقول اول شيء انقوله هل ربي راضي عليه او لا يعني نا خوافه الحق من ناحية الرضاء ربي وهلي وزوجي عليا يعني اندير حاجه ونا مش مقتنعه بها بكل بس علشان خاطرهم مستعده انديرها عادي .
رِفان :شن اكثر شي تحبي اديريه في وقت فراغك؟
رتال : والله كل فتره الحق وعندي شي يعني زمان انحب المطبخ واجد ونقعد انجرب حاجات جديده او مشاهدة مسلسل او قراءة روايه بس توا ماعنديش وقت فراغ واجد والحمدلله .
رِفان : اقرب شخص ليك ؟
رتال : ماما نا ل ماما مش بنت بس نا صديقتها واختها وانحب ديمه اكتساب ثقتها.
رِفان : مدينة خاطرك تزوريها ؟
رتال : نا انحب انسافر ونكتشف الحق بس خاطري انزور خارج ليبيا دبي وداخل ليبيا المنطقه الغربيه بصفه عامه خاطري نبرم فيها كلها.
رِفان :
رتال : ماما وبابا واختي ديمه يدمعو فيا بس زوجي حريص والحاجه يحسبها مية حسبه نين مرات انوخر وانفوت وانقول بلا وجع راس.
رفان : ربي يخليهم لك🤍.
ننتقلوا للجزء التاني من الاسئله مش مع سارة وانما مع رتال الكاتبه🤍
رِفان :بديتي تكتبي من 2014 ، ڪيف اكتشفي موهبتك ؟ ، او بِـ معنى أصح شن الشي يلي خلاك تخشي لِـ عالم الكتابة والروايات ؟ ، رغم ان في وقتها ماكنش في كاتبات ليبية واجد ؟
رتال :الحق نا فيا لقطه ومن انا اصغير كنت لما نتفرج علي مسلسل نقعد ننقد ونعطي افكار و هكي ولما خشيت علي الكتابه كنت نقرا في قصص بسيطه وكنت انشوف في اقبال من ناحية الناس.
رِفان :موفقه يارب🤍.
رِفان : تذكري اول يوم ڪتبتي فيه رواية ، كيف كان شعورك وقتها لما لقيتي أقبال من ناس عليها والكل حبها ؟
رتال : هذا اللي شجعني اني نكتب انقول والله روايه بسيطه وفي تشجيع من الناس ولما كنت نحكي كنت نحكي للزوجي كنت نقرا وانقوله شوف تعليقات الناس شوف الاعجاب علي حاجات بسيطه وننقد الحق وهو شجعني قالي اكتبي وعندي لك صفحه وفعلا بديت نكتب.
رِفان : ربي يخليه لك🤍
رتال : نذكر لما بديت نكتب كتبت وانخش علي صديقاتي وانقول حي في روايه سمحه انتبع فيها امشي شوفيها وقوليلي ومن ناس هذوم اختي درتلها تاق وقالتلها شوفي البيج هذا امنزل روايه سمحه ولما قرت كم حلقه شكت فيا قالتلي هذه انتي 😁 صاح لان نفس اسلوبك نكرت بس اكبست الموضوع لان في مواقف واقعيه من واقعنا.
رتال : كتبت بشخصيه مجهوله وباسم مستعار بيش ماحد يعرفني 😁 كنت نكتب وانزل وخلاص وفي اقاربي وصول انهم يحكو عليا قدامي من دون مانقولهم راه انا.
رِفان :وشن كان شعورك وقتها؟
رتال : في اللي شك فيا من اسلوبي ومصطلحاتي ومواقف واقعيه صايره في واقعنا بس كنت ننكر الحق.
رتال : نذكر لما مشيت لهلي مانزلتش حلقه واختي كانت ماسكه فونها وترجا في الحلقه ونا راقده 😁😁 تاني يوم كذلك مانزلتش هي هكي اقتنع قناعه كامله ان نا صاحبة البيج.
رِفان : شن سبب الانكار ماتبي حد يعرفك ولا خايفة من الشهرة.
رتال : مش عارفه شن السبب بذات بس كنت خايفه اكتر شيء من نقد الناس وقالت انشوف روحي ننجح او لا بدون مانقول نا من حبيت اللي تنشهر راويتي مش نا شخصيا.
رِفان : حبيت تفكيرك🤍 بس كيف كان شعورك وقتها وانت داسه حتى على اختك وعلاش؟
رتال : بيش ناخذ راحتي في الكتابه 😁😁 بدون اي قيد منها او من هلي
حبيت انعيش في عالمي بروحي دون اي قيود وصلت قالت لزوجي ماتقرش روايتي بيش ناخذ راحتي.
رِفان : اصلا في ناس لما يعرفوك انتي من يقعدو ايقولو كيف جاتك جراه وتكتبي وهذا مش واقعنا وكلام من هذا فحبيت انخش في عالمي بشخصيه مجهوله ونواجهم لو نجحت 😁😁😁😁وفعلا هذا اللي صار.
رِفان : قرارك حلو ونأيدك عليه و اول كاتبة تقول هكي موفقه 🤍
رتال : مجتمعنا مجتمع مقيد بكل معني الكلمه وبيني وبينك الكتابه تبي خيال واسع وماتبيش قيد الا في حدود عاداتنا وتقاليدنا ودينا
بس نحن كبشر راه نطلعو من طوع عاداتنا ولو بينا وبين انفسنا.
رِاان : السؤال يلي بعده ، من وين تستوحي في رواياتك " الخيال او الواقع ؟ ، وهل قصص رواية " سعادة ڪاذبة" حقيقيات ؟
رتال : رواياتي قاعده َمن قلب الواقع لكن نا نسقتها في خيالي ودرتلها اضافات ممكن هذا اللي سبب نجاحي ان قصه خياليه من قلب الواقع.
رتال : مثلا خذيت فكره اني انخلي البطل مطلق مع ان البطل ديمه شاب وسيم وعايش حياته وفكرتنا علي المطلق شينه حتي لما نسمعو بشخص مطلق انحطو فيه جميع العيوب وايكون غير مقبول في المجتمع يعني تحديت المجتمع وخليت ايحب المطلق كيفه كيف الشاب لان مانندروش علي واقعه.
رِفان: حبييت🤍🤍
رتال : نجك.
اول شخص عرف انك تكتبي في روايات ودعمك ؟
رتال :زوجي بس صارن اشويه مشاكل بيني وبينه بسبب الروايه بدرجه اني طلبت منه معش يقرأ بيش ناخذ راحتي بعدها اختي تعبت معها الحق في البدايه لان تمت تنقد في وخشت بجو انتي غلط بس كانت تدعم فيا اني نكتب بس ماعدلتش عليها وقالتلها بامكانك اتفوتي الروايه وماتقريش بس في ناس تمت تشكرا فيا عندها وهذا اللي خلاها تلتزم بصمت وتقرا وخلاص.
رِفان: ربي يخليهم لك🤍.
رِفان : رواية " سعادة كاذبة " رغم انها قديمة بس تعتبر ( رقم واحد ) في عالم الروايات الليبية ، شن شعورك حول هالنجاح يلي وصلتله ؟ ، وهل توقعتيه ؟
رتال : شعور فوق الخيال الحق ونفتخر بها الروايه واجد نا وصلت ان كنت حلم للناس انها اتشوفني الناس تبي تعرف من الانسانه هذه اللي خذتهم من واقعهم وعيشتهم في عالمها وحبوه والشئ هذا مش غرور هذا فخر بالنسبه ليا والحمدلله
توقعته لما هلبت نص القصه ولما شفت في روايات تمت تاخذ في فكرتي واتقلد فيها انتي بروحك امشي شوفي من بعد رواية سعاده كاذبه اغلبيت الروايات في البدايه متزوجين ومش متقلبين بعض وبعدها ايحبو بعض بمواقف الحياه اللي اتصير بينهم
نا الحق توقعت نجاحها كيف ماقتلك لما مشيت اجزاء فيها واجد بس انها اتكون لتو الاوله هذا ماتوقعتش وهذه نعمه من ربي والحمدلله.
رِفان: حتى رواية ليبيانا خدتني من واقعي مش غير سعادة كاذبة... ان شاءالله بالتوفيق يارب ♥️
وفي نص اللقاء الكاتبه استاذنت تبي تسالني سؤال🤍
رتال : شنرايك في الإجابات والمقابله راضيه عليه وممتعه ولا اهو؟
رِفان جاوبت بكل صدق : اجاباتك حلوة ومن احلى واروع المقابلات يلي درناهم وحبيتك هلباا وحبيت اجوبتك 🤍.
رتال : نجك 😍😍 احرجتيني.
رِفان: نكملوا مع بعض ليش ماوقفتي رواية " سعادة كاذبة" لين سكرتي على 100 جزء هل عدد الاجزاء مهم اكثر من القصة نفسها ؟ يعني عادي اطولي مشاكل واحداث روتينية عشان بس القصة تكمل مية جزء ؟ ، شن كان هدفك من ان الحلقات يسكرن 100 حلقة
رتال :لالا ماكنتش دايره رقم يعني عدد اجزاء نوصله نا كنت نبي القاري ايعيش معي بدون اي ملل وفي نفس الوقت كنت نبيها اتاثر فيه ومش روايه عابره وخلاص وكنت حاطه خطط للروايه يعني مانقدرش انجي في سنه او اثنين انخلي البنات كلهن يزوجن ويمشن في حالهن يعني ماكنت انخلي في سنه او اثنين امعبيه مغامرات واحداث وبعدها انقول خلاص الروايه تمت كنت نبي الروايه اتكون واقعيه يعني سنه فيها حدث سنه امكسده سنه فيها عرم احداث كنت نبي انوصل القصه بمنظور الواقع
وفي نفس الوقت مانقدرش نكتب ومرت سنه او اثنين واندير حدث هكي ح انحسس القاري يقري في خبر وخلاص مش
كنت نبيه ايعش معي الروايه دون ملل.
رِفان: نهنيك فعلا الرواية ممتازة عيشنا معاها بجميع تفاصيلها بلا ملل 🤍
رتال : شكرا حبيبتي🥰.
رِفان : في بداية رواية " سعادة ڪاذبة شفنا العُنف والإساءة للأخت من خوها ، شن رأيك في هالموضوع ؟ ، يعني الراجل يلي يهين في المرأة ومش مقدرها ولا واثق فيهل سواء اخت او زوجة ؟
رتال : ….
استنوننا في التكملة 🤍.
#رِفان_مع_كاتبة