ادم خنزر فيه و نطق: وقت ضحك دبا وا طلقنا دغيا لايكون سيد مات
سيف الدين ديك ساعة اومأ راسو و تم خارج بلا مايتسوق لتاحد و واخة سمعهم كيعيطو ليه ماتكلمش كتافا غير ادم لي جاوبهم بنفي
ادم: بربي و يتبعنا شي حد تا ديك ساعة نتفاهمو
نطق عمر بخوف على يوسف : انا انمشي معاكم
اوما ليه ادم و تم تابعهم عمر خرجو ركبو فلوطو و كسيرا ادم
هما لداخل مغاديش نقول ليكم مخلوعين لا حيت اصلا ما فاقوش من صدمة ديالهم ما كيحسو بتا شعور والو حيت صدمة كانت قوية عليهم
غوتات نادية ملي بانت ليها احلام غيبات و مع غوتة مع اسلام تاهو كسر دنيا بالغوات ديالو و هما كيمشيو و يجيو على احلام تخيلو موقف و روينة، بزز باش فاقت ليهم احلام لي كانت متكية على فاطمة لي جلسات معاهم هاد ليامات تقابل فراح
نطقات احلام و هي كتشهق و كترعد : اش واقع ليه حرام عليهم كون غير داوني معاهم
نطقات نادية و هي دموعها دايزين كتر من احلام علاش ما يدوزوش و هي يوسف حاسباه ولدها بحالو بحال ادم و سيف الدين كتحس بكبدتها تكوات و تا من إسراء و فراح دموعهم دازو حيت راه حاسبينو واحد منهم
نادية: ششش ابنتي ان شاء الله ماغادي اوقع والو
ناضت احلام بغات تخرج و حبسوها و بدات كترطا معاهم باش تخرج نطقات بغواات: وااا حيدو خليييوني نشوووف راجلي ماالو عااافااكم حيدو من قدامي
نطقات نادية لي عنقاتها و كتسكت فيها : ابنتي راه قلبي كتحرقيه ليا كتر ما هو محروق صبري
بزز باش سكتوها و سكتو تا نادية و جلسو ساهين و كيخممو
هما لي غير ركبو نطق سيف الدين بتساؤل : واش عارفو فين كاين بعدا
ادم بتوتر: اه راه كنت داوي معاه فتيلي تا سمعت لغوات
عمر بتساؤل : فين كاين
ادم : راه ليوما كان فرحان حيت راه حجز قاعة لي غادي ادير فيها لعرس و مع قالها ليا مع مابقيتش سمعت غواتو
نطق سيف الدين بعصبية: واطلقنا انمي و لا هبط خليني نسوق انا
ديك ساعة ادم زاد فسرعة تا وصلو لشاريع لي كان فيه يوسف ماغاديش نقول ليكم لقا ليدو و ريح و لا اسعاف داتو لا لا راه حنا فالمغرب تا يموت لواحد و ينوض فيه دود عاد يجيو
غير بانو ليهم جوقة و ناس مجموعة عرفوه تماك نزلو دغيا و بداو كيدفعو فلبشار بزز باش دخل من وسطهم ادم لي رجع خطوة لور ملي شاف حالتو كان وجهو عامر دم ملامح ديالو ما باينينش و تا ليديه و رجليهم كلهم دم
ادم شد فراسو و نطق بغضب: وااش كتسناو فيه يموت عاد تعتقوه و لا كفااش
گاع لي تماك حدرو راسهم تقدم هو بشوية و كلمة وحدة لي فدماغو و لي سمع هي "مات مسكين" تقدم بزز و كيحس براسو تالف ماعارف والو، هبط لعندو و حط راسو على صدرو من جيهة قلبو سرط ريقو و عينيه وساعو ملي ماحسش بنبضات ديالو حط ودنو قدام نيفو والو تا من نفس ما سمعوش و ماكيتنفسش شداتو صدمة لا مستحيل ايموت راه غادي اتسطى ما فيهاش وقف مصدوم شاف فعمر لي نطق
عمر بلهفة: واش باقي كيتنفس ااا
نطق ادم بحرقة و صدمة: لا
و مع ديك لا كان سيف الدين ياله قدر اوصل ليهم مع ليديه لقا صعوبة باش ادوز نطق و هو مخرج عينيه فادم بحال الى كايلومو: اش قلتي
ادم سرط ريقو و نطق بمرارة: مات
هنا تسمعات "الله اكبر" من عند ناس لي كانو طالقين ودنيهم ديك ساعة سيف الدين جا يجري لعند يوسف لاح ادم و هز ليديه كيقلب على عرق لي فيه نبض ديالو سالا و دار نفس شئ فعنقو و باش يتأكد گاع هز صبعو سبابة وخشاه ففمو دار فيه شوية لعاب و حطو ليه على نيفو بقا مدة 30 تانية و تنهد نطق براحة ملي حس بصبعو نشف ليه: راه مزال حي غير تنفس و نبض ديالو ضعيف
عمر عاد تنفس حيت كيف قال ليه ادم لا حس براسو مشا و جا و شداتو دوخة تا ادم حس بروح رجعات فيه ملي قال ليه باقي حي قفز ملي سمعو نطق
سيف الدين بغضب: وا طلقنا انمي اجي دير ليه إسعافات اولية قبل ما يسكت ليه قلبو
و داكشي لي كان مشا ادم لعندو حط ليديه جيهة قلبو و بدا كيدير ليه إسعافات تا حس براسو تجر و ياله ايبلبلها تا كيلقاه ممرض و عاد شاف سيارة إسعافات و ممرضين بعد هو و سيف الدين و عمر بقاو كيتسناوهم مدة تا دارو ليه إسعافات و عاد هزوه ركبوه نطالقات سيارة اسعافات و تبعوها هما
وصلو لسبيطار نزلو مشاو لإستقبال سولو عليه نعتو ليهم تمشاو لجيهتو جلسو فوق لكراسا و بقاو كيتسناو و مرة مرة كيشوفو فلبولة لحمراء شاعلة دازو دقايق و تيليفونات مابغاوش اسكتو كل مرة تيلي كيصوني تا تعصب سيف الدين ملي سمعو عوتاني صونا مشا ديريكت لعند ادم خدا ليه تيلي و جاوب
سيف الدين: و مالنا راه فرعتو لينا كر*نا
نطقات نادية بخوف: اش واقع ليه ياك ماماتش
سيف الدين شاف فتيلي لقاها نادية رجع تيلي لودنو و نطق بجدية: اولا قلنا ليكم تانجيو و نقولو ليكم اش واقع لاش هاد صونيطات كلهم تانيا حنا و مزال ماعرفنا اش وقع ملي انعرفو انقولو ليك تالتا تبقاو تصونيو بربي تا نطفي تليفونات و نغبر لا انا لا ولدك لا راجلك و رابعا و بديني و ما اعبد و لقاكم قلتوها لرشيد يا وجهي عمركم تشوفوه
نادية نطقات بعتاب: ياك اولدي بديتي كتحلف على ميمتك و زيد عليها راه غير قلبي محروق على يوسف راه ولدي بحالو بحالك و زيد عليها خاص باه يعرف تالين اتخبيو
سيف الدين بجدية: راني مقطوووع انادية سمعتي ما تبقاوش تصونيو و حنا سوااءا عاش ولا مات فراه انعلمك لا نتي لا رشيد مي غير تا يخرج طبيب
نادية نطقات بتردد : واخا تاتسالي و عيط
سيف الدين نطق بندم: واخا اميمتي
قطع و عطا تيلي لأدم و مشا جلس كيتسناوه إخرج من عملية
دازو دقائق و ساااعات و عملية مزاال ما سلات وقفو مجموعين ملي لمحو ضو طفا شوية بان ليهم طبيب خارج و كيحيد فلكمامة و كيدير مشية لحمامة مهم مديوش عليا🤦🤣
وقفو عليه و نطق بجدية
طبيب: واش نتوما من عائلة لمريض
نطق عمر بخوف : اه واش هو بيخير ياك باقي عايش
طبيب خشا ليديه فجياب طابلية و نطق بملامح جدية: مانكدبش عليكم بصعوبة باش نقدناه كون ما دارش اسعافات اولية كون فقدناه مي الحمد الله نقدنا الموقف هو دبا وقعو ليه بزاااف جروح لا من ناحية وجهو لا من ناحية ليدو و تا من ظهرو كلا فيها دق بزااف فداكشي لاش خاصو إداوم على واحد سمطة على اقل مدة شهر و زيد عليه ممنوع عليه شي حركات و تقل و تا رجلو تهرسات ليه و اضطرينا نديرو ليه لحديد و ما عرفتش سبحان الله كفاش تا ماتقاسش ليه راسو واخة كان مجروح فيه مي ملي درنا ليه سكانير كان عندو كولشي طبيعي
نطق ادم بإبتسامة: شكرا بزااف مي امتى يمكن لينا نشوفوه
طبيب بإبتسامة: دبا خاصو يبقا تحت مراقبة على اقل 48 ساعة لا يوقع ليه شي مضاعافات و لا يبان شي جرح جديد امكن ليكم تشوفوه غير من برة مي من بعد انحولوه لغرفة عادية لي يمكن ليكم دخلو لعندو
نطق سيف الدين بجدية : شكرا بزاااف ليك ادكتور
بتاسم طبيب و استأدن منهم و تحرك هما بقاو شوية تا بان ليهم مخرجينو و حالتو حالة كلو فاصمة باين فيه واخد دقة صعيبة سلت من لموت كيف شعرة من لعجينة
بقاو متبعين ليه لعين تا داوه لإنعاش و ديك ساعة تحركو ديريكت للوطو و توجهو لدار
وصلو لدار هبط سيف الدين ما دواش مشا ديريكت لحانوت خدا باكية لگارو و رجع لقاهم دخلو و تبعهم
هما مع دخلو مع تكبو عليه كيف نحل شافت فيه نادية و هي تنطق بألم: اش واقع ليه واش هو بيخير
نطق عمر بعد ما تنهد: راه خاصو يبقا 48 ساعة تحت مراقبة و دبا راه بيخير ما كيناش شي دقة واعرة
(مسكين عمر مولف دقات لواعرين كتر من هكا جاه لحديد شي حاجة عادية )
نطقات أحلام بتوتر و خوف: اش من اضرار وقعو ليه دبا
عمر ببساطة: والو غير دارو ليه سمطة لظهرو كلا فيه دق و دار لحديد لرجلو مي الحمد الله راس ما وقع ليه والو
نطقو كلهم مصدومين: لحدييييد
و على ديك لحديد دخل سيف الدين عاقد غوباشتو تدوي معاه ما يعقلش عليك تماشا ديريكت لعند فراح شاف فيها و نطق جوج كلمات و طلع فحلاتو
سيف الدين: هاني فسطح
هي سرطات ريقها عرفاتو لاش طالع لسطح تنهدات و رجعات لعندهم و نطقات : راه لحديد شي حاجة صعيبة اعمي
نطق ادم : راه بالنسبة ليكم نتوما ماشي لولاد سي عمر، مي راه الحمد الله يوسف ما كلاش دقات بزااف
نطقات نادية بلهفة: واخة نشوفو
ادم بجدية: لا خاص تا دوز يومين على اقل راه قلت ليك هو تحت لمراقبة
نطقات نادية و هي كتمسح دموعها: راه تاهو كبدتي و واحد من ولادي راه ما نبغيش ليه لمضرة
جرها عمر باس ليها راسها و نطق: ابراكة عليك انادية طيبتي دوك لعوينات
على بقا شي حد تماك راه غير شافو ديك لقطة كولشي غبر حشمو هما فبلاصتهم واحد لي ماحشمش ولي هو ادم اما إسراء لي تسنطيحة دخلات لطواليط و بتلفتها ما بانت ليها غير فراح جراتها سدو عليهم اما فاطمة لي كانت هازة إسلام و تا احلام دخلو لصالون و جلسو ادم لي شاف تا عيا تنهد و تم طالع لسطح باش يشم شوية لهوا رشقات ليه عليه
وصل بان ليه محلول عرفو ايكون هنا دخل و سد من موراه لباب مامشا لا هاه لا هاه مشا ديريكت لقنت لي كيريح فيه سيف الدين لقاه مرجع راسو لور و عينيه مغمضين ،جوانو بين ليديه و باكية لگارو مليوحة ،جلس حداه خدا ليه جوان من بين ليديه و ياله ايحطو ففمو نطق سيف الدين بصوت تقيل و عينيه باقي سادهم ماشي حيت بغا لا حيت ما قدرش احلهم بقوة داكشي لي كما: ر راه هداك ماشي گارو عادي راه جوان بارمو ها گارو لا بغيتيه
هز ليديه لي تقيلة بزز و خدا باكية لگارو و عطاها ليه شدها ادم بعد ما رجع ليه جوانو و شعل گاروه نفت دخانو و نطق
ادم: مزال ما عفا عليك الله
سيف الدين نطق بجدية: نوينا و شكون خلاك
شاف فادم و نطق: كون ما كميتش كنت انمشي نقتل زا*مل بوه هدا لي ضربو
ادم نطق قبل ماينتر من گارو: و تا نعرفوه بعدا شكون
سيف الدين نطق بغضب واضح: انا عرفتو
ادم بتساؤل: شكون هدا
سيف الدين زير على ليديه و نطق: ياسين
ادم خرج عينيه بصدمة: كفااااااش
سيف الدين ما جوبوش كتافا فقط باش يسكت و ديك ساعة نطق ادم: باااش عرفتي داك زا*مل لي ضربو
نطق سيف الدين و هو كيرجع بدماغو لأحدات
✨فلاش باك✨
بداو كيديرو ليه إسعافات رجع ادم و سيف الدين و عمر لور مخلينهم اديرو خدمتهم تا سمع هضرة ديال واحد تلاتة
شخص 1: ناري هادا ولد حرام لي دارها
شخص 2: علاش
شخص 3: راه كان قاصدها
شخص 2 بتساؤل: و اش عرفك نت
شخص 1: راه حضرنا من لول
و ياله اينطق صاحبو تا وقف عليهم سيف الدين عاقدهم نطق بتساؤل: واش شفتو هدا لي ضربو
سرط شخص 1 ريقو و نطق: شكون نت
سيف الدين بجدية: خوه و لجواب ديالك كيهمني و بزاف
و ياله اينطق قاطعو شخص 3: انا ملي شفتو ضربو سجلتو مي محال واش بان فيه
نطق سيف الدين بلهفة: غير ارى نشوف ممكن
شخص جبد تيلي ديالو و وراه لفيديو سيف الدين بقا كيبطئ لفيديو تا شاف وجهو ،شدو تيلي قبل ما يضور من شاريع ،حقد بلمزيان كتافا فقط باش يلوح ليه لفيديو و يشكر دري و ركب مع ادم ملي شافهم ركبو يوسف فإسعافات
✨اند باك ✨
غير سالا هضرتو و وراه لفيديو شافو تصدم نطق بغضب
ادم: اش غادير بيه دبا
نطق سيف الدين بغموض: دبا تعرف
بقاو مدة ساكتين و كيتكيفو تا دازت مدة و هبطو كل واحد لدارو ناويو اعلمو رشيد
يتبع...✏️
مهم مابغيتش نصدمكم مي راه باقي نهار انحط نهاية هادو اجزاء الأخيرة🚶🙂