كلهم مشاو لصالون سيف الدين تاجه لطواليط
خرج بعد ما قضا حاجتو ما غيجي غير فواحد خيتي لابسة قفطان جوهرة و طالقة شعرها لي مصبوغ بصفر كلو و صدرها لي معندهاش باين نصو
بنت: ااه سمح ليا مقصدتش
سيف الدين عقدهم و نطق: هانية
بعد منها بغا يمشي تا كيحس بيها وقفات قدامو و بدات كتقرب ليه
بنت: احم بصراحة عجبتيني و مكرهتش نتعرف عليك
سيف الدين جمع قبضة ليديه و نطق: و شكون قال ليك انا عجبتيني
بنت سرطات لقمعة و نطقات: مافيها والو لا تعرفنا
سيف الدين هز ليديه و بين ليها لخاتم: مزوج
دفعها معصب و بغا يدوز مي هي دغيا شدات فيه و قربات منو و شدات فيه من جيهة خصرو جات قريبة ليه
بنت: عارفة مي مافيها والو الى تعرفنا
لا هنا هو صعر بدا كيطلع ليه زعاف و ياله شدها من ليديها بغا يبعدها تا سمعها نطقات
فراح: سيف الدين
سيف الدين بعدها منو بنترة و غمض عينيه بغضب عارفها اتكون فهماتو غلاط: فراح
بنت شافت فيها و بتاسمات بشر و رجعات شافت فيه و نطقات : ياله احبي باي تال من بعد و ندويو تكلم لختك دبا
ديك ساعة بنت دازت من حدا فرح بتاسمات ليها و دخلات لصالون
فراح عينيها غرغرو شافت فيه بحزن ما نطقات بوالو حلات لباب لبيت لي جا حداها و سداتو بساروت ديك ساعة مع اتلفت بان ليها أدم و إسراء و أحلام جالسين مجموعين كيشوفو فيها بصدمة اصلا هي خرجات كانت ناوية تجي لعندهم ملي صوناو ليها ماكانش عند بالها اتلقاوهم هنا و لا تشوف هاد لمنظر
سيف الدين عينيه حمارو مابغاش ايشوفها فهاد لحالة و زائد تا هاد موقف راه كون كان هو كون قتلها سالينا تقدم ناحية لباب و نطق بعصبية : بربي افراح و متحلي لباب تا نفرع ديلمو
هما سمعوه اش قال و بانت ليهم فراح عينيها مغرغرين عرفو قضية فيها إن ديك ساعة أحلام صونات لنادية
أحلام: شوفي بلا الو بلا والو جي دي سيف الدين راه ايدير لينا شوهة هنا
ديك ساعة قطعات معاها خلات نادية ما فاهمة والو
سيف الدين شافها ما جوباتش صعر: فرااح بربي ما تحلي هاد لباب باش نهضرو تا تكون هضرة خرى حلي خلينا نتفاهمو
فراح مجاوباتوش وياله ايخبط لباب كيلقا نادية حداه
نادية برجاء: امالك عوتاني
سيف الدين: لواليدة خلينا مزيانين سيري فحالك
نادية: ياله ريح راه أحلام معاها لداخل غير شوية و تجيبها
سيف الدين : واا لواليدية راه
نادية برجاء: عافا ولدي ياله
سيف الدين تنهد و تحرك مع دخل لصالون ما غتجي عينيه غير عليها هي، و هضرتها سمعها حيت كانت حدا لباب
واحد لبنت معاهم: سكتي هاهوا جاي كيبان معصب
لبنت: ياك قلت ليك باينة مرتو اوى هاني شعلتها بيناتهم
سيف الدين عينيه حمارو مشا جلس فبلاصتو هو و نادية و فخاطرو كيتحلف على هاد خيتي لي ماعرفها منين خرجات
وقفات أحلام و توجهات لعندها :فراح اش واقع
فراح تلفتات لعندها و عينيها غرغرو: والو
جراتها أحلام جلسات ياله جات تجلس حداها دفعها أدم و جا حداها و نطق و ليديه شادين ليه فوجهها
ادم بخوف: مالكي اش واقع ليك واش دار ليك شي حاجة
فراح حركات راسها بنفي
إسراء وقفات و جلسات مقرضة قدامها: اش واقع مالكم
أدم نطق بجدية: فراح قولي اش واقع
فراح سرطات ريقها و نطقات: ملي صونات ليا أحلام كنت جاية و بان ليا سيف الدين جاي شوية تساطحات معاه وحدة و ....
عودات ليهم كولشي حيت فراح ماجاتش تال لخر لا راه حضرات من لول
فراح مسحات دموعها و نطقات: اوى صافي لكمالة راكم عرفينها
إسراء نطقات مغددة: بنت لقحب*ة اش كانت لابسة
أدم خبط ليها فمها و خنزر: صلحي فمك
إسراء بعصبية : وعاجبك هادشي لي دارت فراح
نقزات أحلام نطقات و هي معصبة: فراح اش كانت لابسة
فراح دلات شفايفها و نطقات: لابسة قفطان جوهرة فلحمر و شعرها صابغاه بصفر
إسراء نطقات مقاطعاها: بنت مينة هديك راها بطرونة انا نعرف ليها
ياله وقفات جلسها أدم بجهد: ريحي نتي تبتي
أحلام غمزات إسراء و تا لاخرى ما جوباتش طمرات
أدم شاف فراح و بدا كيمسح ليها دموعها شكون لي قال راه غير حب لي يخليك تخاف على شخص لي كتبغي لا راه كينين علاقات و روابط خرى ،غير بين جوج كيبغيو بعضياتهم كيكون مجموع گاع دوك روابط، بحال دبا أدم راه فراح حاطها فواحد مرتبة بوحدها مكيحملش ايشوف دموعها كيحقد كيبغيها ديما تكون ضاحكة راه ملي كيسمع مقلقها سيف الدين كيحقد عليه بلمزيان إقدر إخسر معاه و مكيهموش مهم إيشوفها كضحك حيت قدر إيشوف براءة ديالها وشحال هي بريئة ماشي بحال اكتر لبنات لي كيعرف و زائد بحال كيزيد إتعاطف معاها حيت ملي حضر لموت ديال باها و شافها كيف نهارت بحال الى واعد راسو يكون جنبها و هادشي قدرات إسراء تشوفو و تميزو من معاملة ديالو معاها و حيت عارفاه شحال كيبغيها و عارفة فرااح مزيان اش كتسوى داكشي لاش مستحيل تغير منها دايرة فبالها انا فراح ختو و معاه فلحالة مدنية هادشي باش مايغرهاش شيطان شي نهار و تبدا دير خاوية فعامرة
باسها ادم فحنكها و نطق: و دبا علاش كتبكي ياك شفتيها هي تلاحت عليه و هو قمعها
فراح دلات شفايفها و هي كتشهق: ماعرفتش ما مابغيتهاش تقيصو و صافي علاش قاصتو حرام عليها
سالات هضرتها بدات كتبكي
هما بتلاتة شافو فبعضياتهم و طلقوها تكرشخو بضحك هي شافتهم كيضحكو مسحات دموعها و نطقات بصوت مغنغن
فراح: علاش كضحكو
أحلام كتمسح دموعها لي طاحو بقوة ضحك: هههه لا نتي بزااف شفت تا عيت عمري شفت بحالك
أدم جرها عنقها و نطق: ههه بعدو ليا من فراح اش فيها لا غارت على راجلها
إسراء كضحك: هههه غيرة مزيان فهمناها و دموع لاش
فراح هزات كتافها: ماسوقيش مي لاش قاصتو
أحلام و قفات و وقفاتها معاها و بداك كتمسح ليها دموعها: ياختي الى بقا فيك لحال اجي عنقيه و فقصي لينا لعديان نتي گاع
فراح شافت فيها بحزن: لا مابغيتش ندوي معاه
ادم بتساؤل: وعلاش
فراح بطفولة: حيت خلاها تقيصو
أدم بتاسم و وقف حداها جر ليها حناكها و نطق: لا نتي ماعرفت كيف غاديري تكبري هادشي لي فكرشك و نتي خاص لي يكبرك
فراح بحزن: دبا انا صغيورة
إسراء ضرباتو: لا غير كيضحك معاك ياله نخرجو دبا قبل لا يعاود إيجي
فراح اومأت ليها و خرجو مجموعين غير دخلو فراح شافت فيها بانت ليها كتستهزء غير بعينيها شافت فراح فأحلام و إسراء لقاتهم كيشوفو فيها تاهما
نطقات إسراء فودن أحلام: بروجولة الى ماريشتهاش دبا راه مايجينيش نعاس
أحلام تاهي نطقات فودنها: ماتخافيش انا معاك اجي جلسي تا نقول ليك اش انديرو
دخلو لبنات جلسو فبلايصهم و فراح بقات واقفة كتقلب على بلاصة خرى حيت مابغاتش تجلس حداه ياله هزات راسها ماتجي عينيها غير فعينيه لي كيشوفو فيها بحال شي أسد توترات و حدرات راسها
سيف الدين كان جالس و كيشوف فلباب و رجليه كيهز فيها بعصبية بغا غير امتى تدخل شوية تا بانت ليك داخلة مع لبنات و أدم بقا كيشوف فيها اش ناوية تختارع لي غير هزات عينيها حس بقلبو ضياق عليه نفس مابقاتش بغات تطلع كيشوف فعينيها حمرين و مغرغرين عرفها كانت كتبكي نطق بينو و بين نفسي
سيف الدين: بربي و بقات فيك ما نتسماش ديب غاتحاسبي على اي دمعة طاحت من عينيها وهدا وعد ذيب
بانت ليه حدرات راسها عرفها مابغاتش تجلس حداه تحنى لودن نادية و نطق بجدية
سيف الدين: واليدة نوضي جيبي فراح تجلس ولا راه بربي تانقلب ديلمو هاد صالون
نادية شافت فيه ستغفرات الله شافت حالتو لا تبشر بخير وقفات و تماشات لعند فراح شدات فيها و نطقات بإبتسامة
نادية: فراح اي حاجة وقعات بينك و بين سيف الدين خليها تال دار وتفاهمو دبا ديري بحال الى ماوقع والو حيت عارفاه ملي كيتعصب
فراح اومأت ليها متقدرش تخسر ليها و داكشي لاش نيت سيف الدين سيفطها هي من غير ماماها و لا أحلام اما هو لا ناض راه من تماك لدار مايبقاش إعتب هاد صالون
تماشاو بجوج تا جلسو هي جلسات و مشافتش فيه على عكسو هو لي غير جلسات و هو كيشوف فيها و كيشوف شحال متوترة عرفها غير من شفايفها لي كتعض و ليديها لي كتفرك فيهم حط ليديه على كتفها و قربها ليه و نطق
سيف الدين بحب: فراح راه بربي ما قربت ليها راه منقدرش نقرب لشي وحدة من غيرك بلا متفكري دبا تال دار و ندويو
فراح شافت فيه ببراءة مدواتش حدرات راسها هو تنهد كيفكر فهاد لحريرة و عند بالو هي شافت غير لخر و كتظن راه كانو مقربين من بعضياتهم بقا ساكت و كيفكر تا كيسمع لهضرة لي صافي هيجاتو بلمزيان تال هنا مايقدرش إصبر
جالسة نادية تا جات جلسات حداها واحد لمرأة كتبان ضريفة امن وجهها بتاسمات و نطقات
مرأة: سلام عليكم
نادية بإبتسامة: وعليكم سلام اختي
مرأة بإبتسامة: بلا شك نتي مامات لعريس
نادية بإبتسامة: ايه الالة
مرأة: مبروك عليكم و الله إجعل كولشي مبارك و مسعود انا جارة ديال كنتك
نادية: الله إبارك فيك مرحبا تشرفت بيك
مرأة : ربي خليك احبيبة احم سمحي ليا نسولك و ماديهاش مني قلة صواب
نادية بإستغراب: اهاه مرحبا
مرأة بتساؤل نعتات بعينيها لجيهة فراح: هاد لبنت واش بنت
نادية بإبتسامة: ايه بنتي
راه ماشي كدبات ولا شي حاجة مي غير هي كتحسبها بحال بنتها و كتر
مرأة بإبتسامة: بصراحة منكدبش عليك ولدي عجباتو و من كبيلة و هو مصدعني قال ليا نوضي دوي مع مها قلت ليه إصبر تال من بعد قال ليك لا نوضي دبا ،و الى بغيتي راه ماكرهتش نخطبوها من عندك لا ماكان تاحد داوي فيها
نادية سرطات ريقها و شافت فسيف الدين خافتو لا يكون سمعهم و داكشي لي خافت منو وقع بان ليها مزير على قبضة ليديه و عينيه حماارو تقيسو يتفرگع
سيف الدين سمع لهضرة و حس بدمو كيغلي مي ماشي بحال ملي ضرب ليها على ليدها لقا لخاتم ديال زواج مدايراهش لا هنا ولا كلو كيتبخ غمض عينيه باش يتحكم بغضبو مي مقدرش زير ليها على كتفها و نطق بصوت لي باين عليه لغضب
سيف الدين: فين هو خاتمك
فراح دعقها ما حيلتها لكتفها و لا لنبرتو لي ولات عارفاه ملي كيتعصب هبطات عينيها لصبعها و غمضات عينيها تفكرات ملي بغات دوش حطاتو نطقات بصوت متوتر و باين فيه لخوف: ن نسيتو
سيف الدين زير عليها كتر و نطق: واخا
عند نادية لي فاقت من سهوتها ملي سمعاتها نطقات
مرأة: اش قلتي أختي
نادية بتوتر و حشمة: منكدبش عليك اختي راه هي ماشي بنتي هي مرت ولدي و ولدي هو لي حداها مي كنحسبها كتر من بنتي داكشي لاش قلت ليك بنتي
مرأة مرگات تزنگات و نطقات: سمحي ليا اختي كون عرفتها مرت ولدك و الله ما ندوي راه ولدي لي دار ليا حالة
نادية بإبتسامة كتحاول تطمأنها: عادي اختي تانتي ما قلتي كلمة لعيب و كون كنتي عارفة ما غتجيش
مرأة وقفات : سمحي ليا مرة خرى
يتبع...✏️
هاد البنت ادوز ساعة فالجحيم🙂🔪