لُطفاً ضع نجمه⭐.
كل يوم أحبك بشعوُر جديد
وكأن قلبي توه مبتدي فيك.
.
.
.
في قصر ابو طلال
كان الجو عندهم متكهرب ومره خايفين على ميس اللي صار لهم مختفين أكثر من اربع ساعات ويحاولون يدقون عليهم بس جوالتهم مغلقه
ام طلال تبكي: وليد طلال تكفون روحوا دورا على اختكم
وليد كان مرره متوتر بس حاول يبين هادي: يمه الله يهديك اكيد هم الحين بالطريق
ام طلال: ميس قالت إنهم بيطلعوا بس ساعه بس الحين صار لهم أكثر من اربع ساعات والوقت صار مرره متأخر
طلال: خلاص يمه ولا يهمك الحين بنروح ندور عليهم بس اهم شي لا تكلمين ابوي اذا دق
ام طلال: طيب
،
عند راكان اللي حس انه مرره بعد عن ميس وبنفسه: بعدت مره عن ميس اكيد تكون الحين خايفه بما ان المكان مجهور مااعتقد ان في حد الحين ولو مامسك الخط الحين خلاص برجع لها
حاول يتصل وأخيراً مسك الخط معاه ودق على طول لريان بعد خمس رنات رد
راكان: ريان بسررعه تعال كنت بطريقي للبحر بس ضعيت الطريق
ريان بخوف: طيب وينك انت الحين
راكان: ماادري ماادري
ريان: طيب اهدا انت الحين ورسل لي الموقع بالواتس
راكان: اوك... ورسله
،
عند ميس
حست ان راكان وفتحت وانصدمت بشخص ماسك مسدس وموجهه نحوها ومغطي وجهه ويحاول يفتح الباب
ميس توسعت عيونها بصدمه وجت بتصارخ استوقفها صوت الرجال الخشن والغليظ: ان صارختي بطلق عليك
ميس حطت يدها على فمها تمنع شهقاتها ودموعها تنزل بغزااره
الرجال: انزلي بسرعه من السياره
ميس بصوت متقطع من البكاء: بـــ ـس
الرجال حط المدس براسها: مو قلت لا تتكلمين يلا بسرعه انزلي من السياره
ميس نزلت وهي ترتجف: وش تبي مني
الرجال: مالك شغل
طلع السياره ومشى
ميس مصدومه من اللي صار وجلست بالارض تبكي بشكل يقطع القلب وهي لامه رجولها لصدرها
شوي وجاء راكان يلهث من الركض واستغرب اختفاء السياره ومن ميس اللي قاعده على الارض وتبكي
قرب لعندها بخوف: ميس وش فيك
ميس مجرد ماسمعت صوته رفعت راسها له وبدون سابق انذار رمت نفسها بحضنه واتمسكت فيه بقوه وصارت تبكي
راكان كان مصدوم وماهو فاهم شي شوي وصار يمسح على ظهرها بحنان وبصوت خايف: ميس وش فيك
ميس مارضت تجاوب
راكان: ميس واللي يسلمك علميني وش صار
ميس بصوت متقطع من البكاء: جاء وهددني وسرق السياره
راكان: مين
ميس: ماادري بس كان مغطي وجهه ومعاه مسدس
راكان بعدها عن حضنه وبنظرات غاضبه وخايفه بنفس الوقت: سوى لك شي هالحقير
ميس هزت راسها بالنفي: ماسوى لي شي
راكان زفر براحه ومسح دموعها: يلا عادي السياره نقدر نجيب غيرها لكن ميوس مافي زيها ابدا
ميس بجراءه رجعت حضنته: ربي لا يحرمني منك
راكان بادلها الحضن: ولا منك
... : احم احم
ميس بخجل بعدت على طول عن حضن راكان
راكان: مسرع جيت
ريان: ترى لي ساعه بالطريق بس انت عقلك مو معاك
راكان: اقول امش بس الحين الساعه صارت 1:00
ميس شهقت بخوف: اهلي
ريان بغمزه لميس: لا تخافين يامرت اخوي الحلوه كلمت وليد
راكان ضرب ريان برأسه: استحي على وجهك قال حلوه قال
ميس بخجل نزلت راسها
ريان بإستغراب: وين السياره
راكان: انسرقت
ريان بصدمه: كيف ومين سرقها
راكان بتأفف: مو وقتك الحين خلينا نرجع البيت وبكلمك كل شي
ورجعوا البيت
،
بعد اسبوع..
في القاعه
اليوم المنتظر لميس وراكان
عند البنات الوضع عندهم حوسه
جابوا اربع كوفيرات وحده خاصه لميس والباقي للبنات والامهات
كان الحين دور كيان
الكوفيرا: وش تبغين من تسريحه حبيبتي
كيان: ابيك ترفعين شعري من قدام وتسوينه بف ومن الاطراف فير
الكوفيرا: وش لون فستانك عشان الميك أب
كيان: سماوي وابغى الشدو يكون خفيف
الكوفيرا: اوك
عند ميس اللي كان مرره متوتره ومو مخليه الكوفيرا تشوف شغلها كويس
الكوفيرا: ميس حبيبتي اهدي الموضوع مايستاهل هالتوتر
ميس اخذت نفس: خلاص بحاول اهدا
الكوفيرا: طيب كيف حابه يكون الميك أب
ميس: امم ابغاه خفيف بس يبرز ملامحي
الكوفيرا: وشعرك؟
ميس: دقيقه بوريك وطلعت جوالها وورت الكوفيرا صورة تسريحه حلوه وهاديه
الكوفيرا: اوك... حلو اختيارك للتسريحه يناسبك مره
ميس اكتفت بالابتسامه
،
عند الشباب....
كانو كلهم ببيت ابو راكان
قاعدين با وفاتحين اغاني يرقصون وماخذين راحتهم لان ام راكان والبنات في القاعه
ريان وهو داخل للمجلس وكان ماسك البخور بيده راح لراكان
ريان وهو يرقص بشويش عشان لا يطيح البخور من يده: تبخر.. مين قدك اليوم عريس
راكان: ريان لا تقعد تستهبل على راسي انا اليوم مروق ماابي اهاوشك
ريان: افا هذا وانا جايبلك البخور
راكان بتسليك: تسلم ماتقصر
تركي: يلا انا رايح عند ميس
راكان ناظره بنص عين: كيف تروح هناك وكله بنات
تركي: ترا البنات اللي تتكلم عنهم بنات اخواني
رااكانس كمان لا تروح ماابيك تشوف ميس
تركي: موب كيفك انا رايح عند بنات اخواني واخذ مفاتيحه وطلع
عزيز بهمس محد سمعه غير كنان: يابخته بيروح يشوف ضي
كنان ضربه بكوعه: اسكت لا يسمعك فهد
،
الساعه 7:00 في القاعه
بعد ماتجهزوا البنات نزلوا يستقبلون الضيوف
نور بصراخ: رنيييييييييييييييم وحضنتها
رنيم بادلتها الحضن
اجوا البنات
شوق ضربتها براسها: اص فضحتينا
نور: وجع خربتي شعري
فجر: يلا نروح عند مرت اخوي
وراحوا
،
عند ميس
البنات بصوت واحد وبصراخ: كلللللللللللووووووووووووش
ميس ضحكت على صراخهم
البنات بصوت واحد: مبرووووك
ميس بإبتسامه: الله يبارك فيكم حبيباتي وعقبالكم
البنات بصوت واحد بهبال : اميييييين
،
"كان شكل القاعه كذا👇"
"وفساتين البنات "
اول شي عروستنا ميس كذا كان فستانها
وتسريحتها
كيان
ضي
ريم وفجر
نوف
نور
ليان
لمى
رهف
فرح
شوق
ملاك وبنتها وسن
رنيم
البنات كلهم اجتمعو في طاوله واحده قاعدين يسولفون
رنيم : من جد يا بنات كل وحده طالعه احلا من الثانيه تجننون
البنات بردود مختلفه : تسلمين ، انتي الاحلا، انتي اللي تجننين ،عيونك الحلوه
رنيم : يلا نبي ترقص
فرح قامت : بروح اقول للطقاقه تشغل اغنيه حلوه وراجعه
وراحت
رنيم : بنات وش فيها فرح مو على بعضها
ضي : والله ما ندري صار لها فتره كذا
رنيم باستغراب : ماسألتوها وش فيها
نوف : كل مانسألها تقول ان ما فيها شي
ليان لمحت فرح جايه لعندهم : خلاص بنات فرح جت
وصلت فرح لعندهم : جيييت خلاص الحين بتشغل اغاني ترقص
نور : وليه هذي ما كانت ترقص
فرح : لا احسها بارده
شغلت الطقاقه اغنيه بالبنط العريض
البنات كلهم قامو يرقصون عليها بحماس
.
.
.
في جهه ثانيه في نفس القاعه
......: يا أم زياد شوفي ذيك اللي لابسه فستان رمادي ماشاء الله عليها تجنن
أم زياد: أي وحده قصدك.. هم ٣ اللي لابسين رمادي
.....: قصدي اللي من شوي قامت والحين رجعت
أم زياد: والله ما اعرفها يا ام فراس بس اعرف الثنتين اللي لابسين رمادي وجالسين جنب بعض هم ليان ولمى أخوهم خويي أبني زياد
أم فراس: اهااا
أم زياد: الا يا أم فراس من وين تعرفين أم راكان
أم فراس: ابد ما اعرفهم بس ابني فراس هو صديق عبد العزيز اللي يصير اخو راكان من الرضاعه
أم زياد: اهاا يعني عبد العزيز اللي تقولين عنه كان يدرس مع ابنك فراس؟
أم فراس: ايوه
*ملاحظه أم زياد وام فراس صديقات من زمان
ويعرفون بعض.
،
عند الشباب في بيت ابو راكان
مقضينها رقص وإستهبال وصوت الاغاني مره عاااااليه
الجد بعصبيه : اقول اهجدو
ريان : لييييييه يا جدي خلينا نتونس هي يوم
الجد : تبي الناس تقول علينا مجااانين
مشغل وهو يرقص : وليه مجانين حنا في عندنا عرس يعني ما في مشاكل
الجد تنهد وهز راسه بقله حيله وسكت
فيصل ناظر مشعل وريان بعصبيه وأشر لهم بيده انهم يعتذرون من جدهم
مشعل وريان راحو بهدوء وجلسو جنب الجد وباسوه بيده ورأسه : السموحه يا جدي
الجد يمثل الزعل صد وجهه عنهم
مشعل وهو يقرب من جده : جدي تكفى والله اسفين
ريان سوى نفس مشعل
الجد بابتسامه : كان بيتكلم قطع كلامه جوال وليد اللي دق
رد وليد ع امه : هلا يمه .... الحين .... يلا حاضر الحين جاي
وليد بتأفأف : اوف يبوني اجيب اغراض
عزيز ضحك عليه
وليد : اقول امش معاي تونسني بالطريق
عزيز : انقلع ماني جاي معك قال ونسني قال
ابو عزيز بعصبيه : عزيز بلا حركات بزران قم روح معاه
عزيز بتكشيره: حاضر يبه
الشباب كتمو ضحكتهم ع شكل عزيز
عزيز ناظرهم : هين شغلكم عندي
ابو طلال: يلا بسرعه روحوا
وليد وعزيز : حاضر
وراحوا
،
في القاعه
البنات كانوا يلبسون العبايات لان راكان بيدخل يتصور مع ميس
ميس بتوتر : بنات كيف طالعه
ريم : ارحمي بحال اخوي بتجننينه اليوم
ضي : انا و انا بنت حقيت كيف عاد راكان
فجر : بس البنت حدها متوتر وترتوها زياده
دخلت عليهم ام راكان
ام راكان : يلا بنات تغطوا راكان الحين بيدخل
البنات تغطوا ودخل راكان
راكان طاحت عيونه ع ميس المنزله راسها بخجل تقدم لعندها وباس رأسها وبهمس : مبروك عليك انا
ميس من كثر الخجل ما ردت عليه
البنات بصوت واحد : كللللللللللللللللوووووووووووش
ريم : الف الصلاه والسلام عليك يا حبيب الله محمد
البنات : كللللللللللللللللوووووووووش
ام راكان: يلا خلونا نطلع عشان يتصورون
ميس ناظرت البنات بنظرات ترجي انهم مايخلوها لحالها
البنات كتمو ضحكتهم على شكلها وطلعو
راكان صار يتأمل ميس بحب مسك يدها وحس برجفتها : افا تخافين وانا جمبك
ميس بهمس يادوب ينسمع : ماني خايفه
راكان برمنسيه : اشتقت لك
ميس جت بترد عليه دخلت المصوره
المصوره بابتسامه : اوه سوري شكلي خربت عليكم
راكان بادلها الابتسامه : لا شدعوه
ميس بهمس ما سمعه الا راكان :اشوفك طيحت الميانه
راكان شد على يدها اللي كانت بيده: ههههه فديت اللي يغارون
ميس استوعبت اللي سوته ونزلت رأسها بخجل
المصوره : يلا نبدا
راكان : يلا
المصوره : اممم وقفو قدام بعض وحطو عيونكم بعيون بعض وانت حط يدينك على خصرها وانتي حطي يدينك على صدره
راكان مستمتع بالحركات اللي تقول عليها المصوره وميس ميته خجل
،
عند وليد و عزيز
عزيز : يلا ياخي دق على خالتي قول لها اننا برا
وليد : اوك واتصل لها
:هلا يمه ...انا وعزيز الحين برا... يعني وين احط الاغراض.... اوك طيب
عزيز: وش قالت
وليد : قالت أدخل احط الاغراض بغرفه وبتاخذهم الخدامه
،
في القاعه
ام طلال بعد ماسكرت من وليد صارت تلتفت تدور على وحده من البنات عشان تخبر الخدامه تروح للغرفه تأخذ الاغراض من وليد
شافت كيان ماشيه من قدامها: كيان كيان
كيان سمعتها وراحت لعندها : هلا خالتي
ام طلال بصوت عالي عشان تسمعها كيان : كيان يا بنتي خبري الشغاله تروح الغرفه اللي صايره على جهة اليمين.. عشان تجيب الاغراض من عزيز ووليد
كيان ماركزت على اسم وليد بسبب صوت الاغاني المرتفع: حاضر خالتي وراحت
صارت تدور ع الشغاله بس ماحصلتها وقررت تروح الغرفه وتاخذ الاغراض من عزيز
،
عند عزيز ووليد برا
وليد بتأفف: ياليل يعني لازم ادخل أنا.. الله يسامحك يا يمه
عزيز: اقول اهدأ وش فيك معصب
وليد: اووف يلا انا بدخل الحين لا تع
عزيز: اوك
ودخل
،
عند كيان اللي كانت تنتظر عزيز ومنزله راسها تناظر جوالها حست بشخص يدخل ورفعت راسها وهي تقول: عزي....
،
انتهى البارت..
أتمنى يكون أعجبكم..
لا تنسوا تكتبوا بالتعليقات رأيكم بالبارت وكمان أكتبوا أيش احلى فستان أعجبكم.
"أعتذر ع التأخير والاخطاء الإملائيه"
مشآعر مُبَعثره.