لطفاً ضع نجمه ⭐
"عيناك صوتك وحديثك وابتسامتك جميعها غلبت قلبي وإنتهيتُ بك" 🖤..
في بيت أبو فارس
كانو ام فارس وأبو فارس قاعدين في الصاله يتقهوون
أبو فارس: وين الأولاد يا ام فارس
ام فارس : شوق فوق بغرفتها و خالد ورائد ورعد مو في البيت
أبو فارس : شوق ماردت لك خبر ع الموضوع
ام فارس : لا ماتكلمت
أبو فارس : خلاص بسالها انا
ام فارس : لا ياابو فارس خليها براحتها مالك الا أسبوع من لما كلمتها خليها شوي كمان
أبو فارس : طيب
بذا الوقت انفتح الباب ودخلو رائد و خالد وهم يضحكون
خالد ورائد بابتسامه: السلام عليكم
ام وأبو فارس : وعليكم السلام
رائد راح يقعد جمب وامه وباسها بخدها: كيفكم يااحلا ام بالعالم
وناظر ابوه اللي كان يناظره بابتسامه : وانت لا تزعل ورسل له بوسه بالهواء : وانت اشلونك يااحلا اب بالعالم
الكل ضحك عليه : احنا كويسين
خالد راح يقعد بكنبه منفرده
ام فارس : وشلونك انت يا يمه
رائد : بخير الحمد لله
أبو فارس : كيف الجامعه معاك
رائد وهو ينسدح ع فخذ امه: تعب مره والله
خالد بضحكه: أي من كثر المذاكره أصلا
شوق وهي نازله من فوق : أي مسكين اخوي ما يسيب الكتاب من يده ابدا واجت قعدت جمب ابوها
رائد اعطاهم نظره : اتفقتو علي يعني مااقول غير مالت عليكم
شوق ضحكت : تستاهل
رائد بنظرات استعطاف لامه : يمه شوفيهم
ام فارس : خالد وشوق وش فيكم على اخوكم
خالد ضحك عليه : مااقول الا الله يعين فرح عليك بتتزوج بزر بزر
رائد بهيام وشوق لها : يالبى قلبها بس تصدقون والله اشتقت لها حييل
الكل ضحكو عليه شوق وهي تضحك : صدق انك ماتستحي
رائد بابتسامه : استحي ليه حبيبتي وخطيبتي بعد عندكم مانع وناظر شوق و خالد : انتو الاثنين
شوق بابتسامه: لا حاشى ماعندنا مانع
ام فارس بابتسامه : ان شاء تضلون كذا دائما
رائد : ان شاء الله يارب
أبو فارس : الا وينه رعد
خالد وشوق ورائد كل واح ناظر الثاني بصمت
أبو فارس : وش فيكم تناظرون بعض كذا وناظر ام فارس : وينه رعد
ام فارس بحزن ع حال ولدها : ماادري
أبو فارس ناظر عياله : وين اخوكم
خالد تنحنح بهدوء وناظر ابوه : يبه وسكت
أبو فارس : انطق وش فيك
خالد : يبه انا صار لي فتره مو بهينه ابي افتح الموضوع معاك بس ماامداني
أبو فارس توتر : وش الموضوع وسكت شوي : ليكون صار شي ع اخوكم
خالد : لا ي يبه الموضوع ان رعد صار له شهر مايروح ينام البيت ابدا
أبو فارس بصدمه : نعم كيف مايروح
رائد : مايرجع البيت واذا رجع يأخذ له ملابس ويطلع
أبو فارس بغضب ارعب الكل : وليييه ماحد كلمني من قبل ليييييييه
الكل سكت بخوف
فارس : هد يايبه الله يهديك وانا توني ادري الحين وناظر اخوانه :ليه ما كلمتوني من قبل
رائد بخوف : الصراحه انا ماكنت ملاحظ الموضوع الا لما كلموني خالد وشوق
أبو فارس ناظر الكل : الحين تدقون عليه ابي تشوفون وينه يروح الحين نص ساعه وابيه يكون هنا قدامي
فارس اخذ جواله يدق عليه وشاف ان جواله مغلق ناظر ابوه : يبه جواله مغلق
أبو فارس بعصبيه وهو يناظر عياله :ابيكم تدقون ع كل أصحابه وتشوفون وينه
الكل خاف ع أبو فارس لو يرتفع عليه الضغط
خالد : ابشر يايبه بس انت اهدا الحين بندق ع أصحابه وناظر امه بمعنى طلعيه لفوق
ام فارس مسحت دموعها وقامت : تعال ي أبو فارس ارتاح
أبو فارس ناظرها وقام من مكانه مسكت يده بهدوء وطلعو فوق
رائد : أخاف يرتفع عليه الضغط
شوق قامت من مكانها : انتو دقو ع أصحاب رعد وانا بطلع اعطي ابوي دواه
خالد : طيب وناظر اخوانه :انا معاي رقم ماجد بس
رائد كان يدور بجواله : وانا معاي ارقام فراس وعدي
فارس : طيب دقو عليهم
دق خالد ع ماجد وبعد كم رنه جاوب ماجد :السلام عليكم ....شلونك ماجد .....انا الحمد بخير ... كلنا كويسين الحمد لله ....اقول ماجد عندك فكره وين رعد ....اي لاني ادق عليه وجواله مسكر ... اها خلاص مشكور ... الله يسلمك يوصل ... مع السلامه
ناظر اخوانه : يقول له فتره مايشوفه
فارس : حسبي الله وين راح طيب
رائد : وانا بدق ع الباقيين
دق عليهم وكان ردهم نفس رد ماجد انهم صار لهم فتره مايشوفونه
خالد بتوتر : ابوي لو عرف بيقلب البيت علينا
رائد : أي والله طيب وش نسوي
فارس مسك راسه : ماادري ماادري
خالد : طيب وش رايكم نكلم طلال يشوف وينه
رائد : طيب حنا مو متاكيد انه صار له شي ولا لا وهاذي مو اول مره يختفي فيها أساسا
فارس : أي صح
خالد : اهم شي جدي مايعرف
رائد : بيتعب مره لو عرف
شوق نزلت : ها وش صار
فارس : اعطيتي ابوي الدواء
شوق : أي وش صار دقيتو ع أصحابه
رائد : أي ومحد شافه صار لهم فتره مايشوفونه
شوق حطت يدها قلبها : يارب احفظ اخوي
خالد حط يده بوجهه : احنا وين كنا لاهين عنه
رائد : ماادري ماادري
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
