لطفاً ضع نجمه 🌟
-أخبر عيناك إنها ضوئي وقمري ، ولاتُحل إلا لي..♥..
.
بعد مرور شهر...
بيت ابو فهد تحديدا غرفة ليان
كانت جالسة على سريرها وفجأه تدكرت دفترها وان صارلها شهر ما كتبت فيه شافته على الطاوله واخذته وجلست تكتب اللي صار مع لها خلال هالشهر
" ماادري كيف نسيتك من بعد ماصار لي هذاك الموقف ما عاد صرت افكر في شي ثاني الزبده ...الشهر اللي راح صار فيه اشياء مهمه ومن اهمها ...
ان ميس وراكان اخيراً سوو ملكتهم وباقي اسبوع لزواجهم
ونوف مع تذكيرنا لها باشيائها اللي تحبها واماكنها المفضله و و و الخ رجعت لها الذاكره والحمد لله ..
وفيه شي مره مستغربه منه وش صار مع رائد وفرح وخلا علاقتهم مع بعض مو زي قبل حتى عيونهم داخلها كلام كثير عجزت افسره
ومستغربه كمان من كيان وكيف تأقلمت معانا وتعودت علينا
اقدر الحين اقول ان عائلتنا اكتملت بوجودها وبس هذي اهم الاشياء اللي حصلت معانا "وبعد ما خلصت تكتب صارت تقلب صفحات دفترها ووصلت لعند الصفحه اللي بعنوان " قائمة حُبي "
والصدمه كانت لمن قرأت الحب العاشر والاخير :زياد
وجلست تقرأ الاسم مليون مره عشان تستوعب لما استوعبت اللي مكتوب مسكت ع راسها وصارت تفكر
ليان بنفسها :معقوله شاف الدفتر وفتحه ..اي اكيد ولا مين اللي بيكتب الاسم ياربي الحين وش بيقول عني بنت مو كويسه وكاتبه اسم جاء اولاد ولا بعد كاتبه قائمة حبي اصلا انا الغبيه اللي فكرت بهالفكره ولا فيه احد يكتب قائمة حبه ..وربي اني غبيه وببقى غبيه ...بس فيه شي محيرني ليه كتب اسمه اصلا من وين يعرفني عشان يكتب اسمه لازم اعرف باقرب وقت
'
وبنفس الوقت ..
بيت ابو فارس في غرفه رائد
كان منسدح على السرير قاعد يفكر بوضعه هو وفرح ذي الايام وهل اعترافه لها انه يحبها صح ولا غلط حس بتأنيب الضمير وهي كانت تعتبره مثل اخوها وهو هدم كل شي لما اعترف لها قرر بعد صراع بين قلبه وعقله وبالاخير غلب قلبه عقله و دق عليها
مع كل رنه يسمعها كانت نبضات قلبه تزيد كرر اتصاله لها اكثر من مره بس ما كانت تجاوب فحس بإحباط وسكر جواله وحط راسه ع المخده لعله ينام ويرتاح من التفكير
'
اما عند اللي كانت تطنش اتصالاته وتفكر كيف طاوعه قلبه يكسر العلاقه الحلوه اللي كانت بينهم وظلت تفكر لين غلبها النوم ونامت
'
صباح يوم جديد
قامت من النوم وهي مقرره انها تفاتح امها وابوها بالموضوع اللي كانت تفكر فيه امس
اخذت شور سريع ونزلت تحت ولقتهم كلهم يتقوون جلست بهدوء كعادتها : صباح الخير
الكل :صباح النور
ام نايف :نور يمه فطرتي
نور :لاتوني قايمه
ام نايف نادت الخدامه وخبرتها تجهز الفطور لنور
نور: يمه يبه في موضوع ابي اكلمكم فيه
ابو نايف: خير يابنتي
نور:انا اقررت ادرس في الخارج
الكل منصدم من هالقرار المفاجئ
ابو نايف : انا ماعندي بس لازم يكون معاكي احد
نايف : بس مافي حد بيسافر معاها
نوف بإستغراب : بس وش سبب هالقرار
نور : انتي تدرين ان انا ابغى ادرس طب و الدراسة بالخارج اقوى بكثيييير
نواف: طيب انتي وين تبغي تروحين
ابو نايف: طيب وش رايك تسافرين مع عبد العزيز
نور : ليه عبد العزيز بيرجع بريطانيا
ابو نايف : اي كلمني امس بدر ان اتواصلوا معاه فيه اوراق مهمه لازم يخلصها
نوف : بس يبه عبدالعزيز ماراح يطول هناك
نور : اصلا انا ابغى اروح المانيا
ابو نايف: طيب اعطيني فرصه افكر
قامت نور بهدوء وباست راس ابوها : ربي لا يحرمني منك
ابو نايف ابتسم لها: ولامنك ياروحي
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
