لطفا ضع نجمه ⭐.
- " ذلكَ اليوم نَظرتُ إلى عَينيكَ بعُمق ، ومُنذُ ذلكَ الوقت وأنا عَالقة."
،
بعد مرور اسبوع
ماكان فيه شي مهم يُذكر..
،
بيت ابو نايف
نزلت من الدرج وكانت توها قايمه من النوم
نور وهي تمسح عيونها بكسل: يالله صباح خير مين داق هالوقت
ام نايف : اي صباح الله يهديك وراحت تجاوب ع التلفون
ام نايف : الو
المتصل : هلا ام نايف كيفكم
ام نايف : هلا والله باام صقر الحمد لله نسأل عنكم عساكم بخير
ام صقر : الحمد لله بخير
ام نايف : دوم يارب
ام صقر : والله ياام نايف بغيت اكلمك عن الموضوع حق نور وصقر
ام نايف قامت من مكانها بعد ماشافت نور تناظرها ودخلت الغرفه
ام نايف : عفوا طولت عليك بس كانت نور عندي مابغيت اتكلم جمبها
ام صقر :عادي
ام نايف : كلمتي صقر ولا لسى
ام صقر : لا ماكلمته وانتي كلمتي نور
ام نايف : لا
ام صقر : اجل الحين انا ابي اطلب منك يد بنتك لولدي صقر
ام نايف: والله الساعه المباركه بس اخاف صقر ما يتقبل الموضوع اما نور انا بقنعها بطريقتي
ام صقر: لا تخافين احنا ادرى بمصلحتهم
ام نايف : اجل انا بكلم نور
ام صقر : تمام الله يكتب لهم اللي فيه الخير
ام نايف : آمين مع السلامه
ام صقر : الله معك
ام نايف بعد ماسكرت الخط جلست تناظر الجوال وبنفسها : والله ماادري اللي قاعده اسويه صح ولا غلط بس كله لمصلحتهم وطلعت
شافت منسدحه فوق الكنب وتطقطق بجوالها جلست ع كنبه منفرده : يمه نور
نور اعتدلت بجلستها : هلا يمه
ام نايف : الحين اتصلت لي ام صقر تطلب يدك لولدها صقر
نور والصدمه طاغيه عليها: يمه انتي تدرين اني ابغى اكمل دراستي وماابي اتزوج
ام نايف : بس يمه هاذي سنه الحياه والدراسه بتكملينها وانتي ببيت زوجك
نور : ماابي اتزوج
ام نايف بعصبيه: موب كيفك
نور: اجل بكيف مين يمه بتغصبوني يعني
ام نايف: انا ابي مصلحتك
نور: بس انا ادرى بمصلحتي.. بعدين انتي تدرين اني ابي ادرس بألمانيا
ام نايف: يا تتزوجين صقر والا مافيه سفر لألمانيا
نور: انتي كذا تغصبيني على شي انا ماابيه والزواج مو لعبه يايمه
ام نايف: هو عشانه مو لعبه انا وافقت على صقر وادري انك بتكونين مرتاحه معاه وصقر بيسعدك
نور: انا موو مواافقه
ام نايف: اجل مافي سفر لألمانيا
نور: بس يمه
ام نايف تقاطعها: فكري بالموضوع
نور بزعل تطلع غرفتها
،
بيت ابو فيصل
الساعه4 العصر
كانو كلهم يتقهون ويسولفون بمواضيع مختلفه
قطع كلامهم جوال ام فيصل
ام فيصل: الوو
......: السلام عليكم معك ام فراس
ام فيصل: وعليكم السلام هلا والله
ام فراس: هلا بك اخذت رقمك من ام عبد العزيز
ام فيصل : اهاا
ام فراس : عظم الله اجرك ياام فيصل
ام فيصل : اجرنا واجركم عظيم
ام فراس : بصراحه ياام فيصل انا كنت ابيك بموضوع صح ان مو وقته الحين بس اخاف تروح مننا
ام فيصل : خير ياام فراس
ام فراس : ياام فيصل انا ابي بنتك فرح لولدي فراس
ام فيصل : والله هاذي الساعه المباركه بس الشور شور البنت
ام فراس : عادي خذو راحتكم حنا مو مستعجلين
ام فيصل : ع خير ان شاء الله
ام فراس :يلا الله معك
ام فيصل : في امان الله
ام فيصل سكرت منها واللتفتت لعيالها والابتسامه شاقه الحلق
تالين : يمه وش فيك مبتسمه
ام فيصل : تعرفون ام فراس
البنات : لا
مشعل : اي انعرف ولدها فراس
فيصل : قصدك فراس خوي عزيز
مشعل : اي
فيصل : وش تبي
ام فيصل : الحين اتصلت تطلب اختكم فرح لولدها فراس
فرح بصدمه : انا
ام فيصل : اي يمه وش رايك
فيصل : فراس رجال ماينعاب
فرح : بس انا توني صغيره
ام فيصل : عاد ...
قطع كلامها جوال مشعل
مشعل : هلا والله رائد
فرح اول ماسمعت اسم رائد نزلت دموعها وطلعت غرفتها
مشعل والجوال بأذنه : وش فيها تبكي
فيصل : خلوها براحتها
رائد : مين اللي يبكي
مشعل : فرح
رائد بخوف : وش فيها
مشعل : تخيل تقدم لها فراس خوي عزيز
رائد بصدمه : من جدك
مشعل : اي والخبله طلعت تبكي عشان كذا
رائد سكر الخط بوجهه ونزلت دموعه مايتخيل ان فرح بتكون لغيره قام من سريره وقف قدام التسريحه يناظر نفسه اخذ عطر ووبقهر رماه ع المرايا وصار يكسر الاشياء بعصبيه ودموعه تنزل ويصارخ : لااااا لااااا فرح لي لي انا وبس مستحيل تكون لحد غيري
تحت عند شوق وخالد اللي كانو جالسين يسولفون شوق بخوف : خالد تسمع
خالد قام بسرعه يجري لفوق : رائد مدري وش فيه
فتح خالد باب غرفه رائد ووراه شوق وانصدم برائد اللي منسدح ع الارض والدم مغطي يده
شوق شهقت بقوه وبكت
خالد راح بسرعه لعنده وشاله : شوق بسرعه البسي عبايتك والحقيني للسياره
شوق قامت بسرعه لبست وهي مقطعه نفسها بكاء وونزل يجري فيه للسياره وانطلقو للمستشفى
وصلو المستشفى
خالد يبكي وبصراخ ارعب الممرضات وهي شايل رائد اللي زي الجثه بيده : دكتووور دكتور اخوي بيموت دكتووووور بسرعه نادو لي الدكتور
الدكتور طلع مرعوب من صوت الصراخ وانصدم لما شاف خالد شايل رائد اللي يده تنزف دم :بسرعه شيلوه للغرفه
الممرضين جو بسرعه وشالو رائد وخلوه الغرفه
خالد ضل يبكي بكاء يقطع القلب وهو يردد اخوي اخوي
وشوق نفس الحاله تبكي بس بصمت
بعد مرور نص ساعه طلع الدكتور
خالد اول ماشاف الدكتور فز بسرعه لعنده : دكتور طمني الله يخليك وش فيه اخوي
الدكتور : الحمد لله قدرنا نوقف النزيف والحين المريض بخير تقدرو تشوفوه
خالد بفرح : الله يبشرك بالخير يادكتور ويعطيك العافيه
ودخل وهو وشوق عند رائد اللي كان منسدح ومغمض عيونه ودموعه تنزل
تقدم خالد وحط يده ع كتف اخوه : الحمد لله ع سلامتك
شوق وهي تبكي : وخوفتنا عليكك ليه كذا تسوي بنفسك
رائد بتعب: الله يسلمكم.. ابي فرح
خالد وشوق باستغراب: فرح؟
رائد: اي ابيها الحين
خالد: ليه
رائد: ابيها وبس
خالد: مانيب مناديها الا لما تقول لي ليه حاولت تنتحر
رائد ودموعه تنزل: فرح انخطبت
خالد وشوق بفرح: جددد
رائد بتنهيده: اي
خالد بتسغراب : طب وش دخل خطبت فرح بمحاولت انتحارك
رائد بقهر وغيض : لان فرح مستحيل تكون لحد غيري مستحيل ورجعت دموعه تنزل
خالد وشوق منصدمين من اخوهم
شوق تداركت الموضوع وهي تمسح ع راس رائد : تحبها
رائد يمسح دموعه وهز راسه بمعنى اي
شوق : وهي تدري
رائد : اي بس
خالد : بس ايش
رائد : بس هي مو متقبلتني
شوق : ليه
رائد : ماادري .. يلا دقو عليها تجي
شوق ناظرت بخالد اللي هز راسه لها بمعنى تدق
شوق دقت ع فرح بعد خمس رنات ردت
فرح بهدوء : الوو .
شوق : هلا فروح كيفك
فرح : الحمد لله بخير كيفك انتي
شوق : مو كويسه
فرح : ليه
شوق ببكاء : فرح رائد حاول ينتحر
فرح بخوف وصراخ : وشو وش تقولين انتي
شوق : اللي سمعتيه
فرح وهي تبكي : الحين وينه
شوق : حنا بالمستشفى ورائد يبيك الحين .
فرح ببكاء : الحين جايه
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
