لُطفاً ضع نجمة⭐.
يدها تضم الورد والورد مذهول
الله يعين الورد في كف يدها
.
.
قاطعهم دخول البنات
رهف: شباااااب طفش خلونا نطلع
فرح: اي والله
نوف: ودونا على اقرب موول
خالد: ماحنا بموديينكم مكان
فجر: افااا ليه
راكان: انقلعي من هنا
عزيز: شباب لا تصيرون كذا وش فيها لو طلعناهم
فجر: هذا هو الاخو الصح مو مثلك يا راكان
عزيز: الحين مين يبغى يطلع
ريم: كلنا ماعدا نور وميس وليان وشوق
مشعل: طبعا انا وتركي ورائد وريان وعزيز جايين
فرح: اكيد المجانين ما يفوتون الطلعات
وليد بهدوء: وانا جاي
ريان: اخيراً نطقت.. كنت اقول يمكن ما عندك لسان تتكلم فيه
وليد: هيهي ما تضحك
عزيز: يلا روحوا ألبسو عباياتكم
البنات راحوا ومشعل قام..
فيصل: انت وين رايح
مشعل بإستهبال: مو قال نروح نلبس العبايات
الشباب ضحكوا على خبال مشعل
راكان وهو يضرب يدينه ببعض: مافي عقل ابدد
مشعل: خليت العقل لك
بعد ما لبسوا البنات عباياتهم راح الكل المول
،
بالمول ..
توهم بيدخلون
ريم: تراا حنا بنروح نفرفر بالمحلات
تركي: يلا وحنا بنجلس بالكوفي اذا خلصتوا تعالو لهناك
وتفرقوا..
عند الشباب..
بالكوفي
وهم منسجمين بالكلام قطع عليهم صوت بكاء
تركي: شوفوا هذيك البنت قاعده تبكي
عزيز: هي هييي شكلها جايه عندنا
البنت راحت عندهم وهي تصيح
عزيز للبنت: علامك تبكين عسى ما شر
البنت تبكي وما جاوبته
وليد: شنو صاير
البنت: اختي الصغيره ضايعه
وليد: احد قال لك اني مركز شرطه جايه تبلغين!!
تركي وهو يغمز لـ وليد انه يتكلم عدل مع البنت
وليد بتأفف: بتصل على طلال يجيب احد من معارفه يتصرف
ريان يمسك على راسه من وليد اللي ماعنده اسلوب
قطع عليهم صوت بنت صغيره جايه تركض لهم
قالت البنت الصغيره لاختها وهي تناظر وليد: تراني مليت بسك تبحلق فيه كليتي الرجال بعيونك هذا اللي تقولين عليه مزيون يالله كلمك يلاااا عطيني الخمس ريالات
البنت الكبيرة طاح وجهها وتفشلت
ومشت من عندهم وهي حدها مستحيه
الشباب كانوا ميتين ضحك
رائد: البنت طلبت ندور اختها عشان يجلس الاخ وليد معاها
تركي: طبعا تبي تطيحه بس ما عرفت ان وليد ماهو راعي حركات
عزيز: وربي رحمت البنت
وليد كان قاعد يطالعهم بنظرة استحقار
،
بعد ربع ساعه راحوا البنات للكوفي اللي فيه الشباب
نوف: يلا حنا خلصنا
عزيز: والمطلوب
ريم: يعني عجبتك القعده هنا
عزيز بضحكه وهو يناظر وليد: ايوه مره استمتعنا وماودنا نرجع
ضي: خلاااص رجعونا البيت حدّي تعبانه
عبد العزيز بدون اي معارضه: اجل يلا نرجع
فرح وهي تغمز له: هاا اشوف لما كلمتك ضي رضيت
عزيز: اقول انقلعي موب فاضي لهبالك الحين
لمى: اقووولل بلا كثرة حكي خلونا نرجع
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
