لطفا ضع نجمه⭐.
"وإن نوى حسك يغيب
خذني معك وغيب بي"
،
في المستشفى
غزل حاطه يدينها بوجهها وتبكي بصمت وتركي ينتظر الدكتور يطلع عشان يطمنهم ع ام غزل وتفكيره عند غزل اللي صار لها مده ماتحركت من مكانها تقدم لعندها وسمع شهقاتها حط يده ع كتفها : غزل
غزل رفعت راسها وعيونها كلها دموع
تركي جلس جمبها ومسح دموعها : ادعي لها ان شاء الله مافيها ألا العافيه
غزل هزت راسها
طلع الدكتور
راح عنده تركي بسرعه : ها دكتور وش فيها خالتي
الدكتور بإبتسامه : مافيها شي بس شويه ارهاق سبب لها الاغماء
تركي : نقدر نطلعها الحين
الدكتور : اي اكيد بس ياليت ماتخلوها ترهق نفسها
تركي : ان شاء الله دكتور مشكور ماقصرت
الدكتور : ماسويت غير الواجب ومشى
تركي راح لعند غزل اللي كانت نايمه من التعب والبكاء
تركي صار يطالعها
تركي بهمس ل غزل : غزل غزل
غزل فزت بخوف : امي امي وش فيها
تركي مد لها المويه حقه وصار يمسح ع ظهرها: بسم الله عليك
غزل ماكانت ملاحظه انه جاب لها المويه حقه اخذتها وشربت وناظرت تركي بعيون رجاء : امي
تركي بأبتسامه : خالتي بخير تقديرين تشوفينها
غزل بفرح: جد
تركي ابتسم: اي يلا روحي شوفيها
غزل كانت تناظر لعيونه بسرحان
تركي: غزل روحي شوفي امك بالغرفه ذيك واشر لها ع الغرفه.. انا انتظركم بالسياره
غزل ناظرته ومشت
وهي تمشي كانت ماسكه قلبها اللي تحسه شوي ويطلع من مكانه من كثر مايدق وبهمس لنفسها: وش فيني قلبي كذا يدق
،
الساعه ١٠:٠٠
رجع من الدوام مرهق وتعبان ماله خلق لاي شي يبي السرير وبس
دخل جناحه استغرب ان الجناح كله ظلام توجه لغرفته فتح الباب ودخل وهي يناظر المكان بإستغراب كان ظلااام وهي النص طاوله عليها شموع منوره المكان وكيكه صغيره
تقدمت وسط الظلام وغنت بصوتها الناعم : هابي بيرث داي تو يو هابي بيرث داي تو يو هابي بيرث داي حبيبي هابي بيرث داي تو يو
ابتسم وضمها بحب : تصدقين من ضغط العمل نسيت تماما ان اليوم عيد ميلادي
قالت بحب : بس انا مستحيل انساه كل عام وانت بخير فروسي وعقبال ١٠٠ سنه يارب
فارس : وانتي بالف خير ياروح فروسك
سحبت يده : تعال
قعدت ع الكنبه الصغيره وقعد معاها شال الشماغ وحطه ع جنب : ياسلام وش هالحركات مااقدر ع كل هادلع
ملاك : إذا مادلعتك ادلع مين يلا قطع الكيكه تر من يوم جبتها وانا اقاوم نفسي لااكل منها واخربها ههههههههههه
فارس : يعني انتي حلا وتأكلين حلا وش تصيرين بعدين اصبري خليني اتمنى واطفي الشموع
ملاك :يلا بس امنيه حلوه مو تتمنى تتزوج الثانيه اعرف حركاتكم يالرجال
فارس : ههههههههههههههههههه والله اللي انتي عنده اتحداه يتمنى مثل هالامنيه
طفى الشموع وقطعوا الكيكه واكلو منها
ملاك : ماتبي تشوف هداياك
فارس باس يدها : والله ياحبيبتي انك احلا هديه من رب العالمين ماتعرفين شكثر فرحتيني من بعد هاليوم المتعب
ملاك : تستاهل عيوني
وقفت واختفت للحظات ورجعت وفي يدها علبتين مغلفتين وحده كبيره ووحده صغيره: تفضل وقول لي رأيك
مسك العلب وفتح الكبيره كانت عباره عن ساعه فخمه مررره
فارس: فديت هالذوق انا وربي جنااان
ملاك: على يدك بتطلع احلا
لبسها وناظر في يده: يا بعد روحي انتي كل شي تسوينه ذوق
ملاك بحماس: يلا شوف الهديه ا للصغيره تراها احلا
مسك العلبه الصغيره وفتحها كانت عباره عن جزمه طفل (اكرمكم الله) طلعها ومسكها وتنح للحظات مو مستوعب: ايش هذا
همست بفرح: أنا حامل
ناظرها وناظر العلبه ورجع يناظرها: حامل
ملاك: هههههه اي والله حامل شفيك
ضحك ووقف بسرعه وضمها ورفعها وصار يدور فيها وهو يضحك
ملاك: هههههههههههههه بس فارس دوختني
نزلها وركض للباب
ملاك: هههههههه وين رايح
فارس: ببشر الكل
ملاك: انتظر بجي معاك ولبست عبايتها ونزلو
كان ماسك يدها والدنيا مو سايعته
شاف امه واخوانه وبنته قاعدين
فارس: عندي لك بشاره يالغاليه.. ملوك حامل
ام فارس تهلل وجهها: الله يبشرك بالخير يمه الف الف مبروك
فارس: الله يبارك فيك
شوق: واااااي وناسه بصير عمه مره ثانيه
فارس: بعدي عنها من اليوم ورايح الدفاشه اتركيها عنك سامعه
رعد : عاد بدينا بالتوجيهات
ملاك : ههههههه تحملو ٩ شهور بس
مسك يدها وغمز : تعالي بس نكمل حفلتنا
ملاك انحرجت مره خصوصا بوجود الشباب وبهمس : فارس بس
فارس مات ضحك عليها
وسن : بجي معاكم
رائد : لا وين رايحه خليهم ياخذون راحتهم
ملاك ناظرت رائد بنص عين : يعني مسوي فيها تبي تحرجني بس مابنحرج وطلعت لسانها له
رائد : اقول اطلعي وراء زوجك احسن لك
ملاك وهي طالعه الدرج وتضحك : مو شغلك
خالد وهو يضحك عليها : شوي شوي بس لاتطيحين
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
