لطفاً ضع نجمه⭐.
"وأرَاك في كُلِّ البِقاعِ كأنما، لا جُرمَ في فلَكِي يَدورُ سِواكَ"
،
في بيت ام سيف
وصلو البيت وفتح لهم دانه وبدأت دموعها تنزل لمن شافت سيف ماسك امها
دانه: يمه وش فيك
ام سيف ابتسمت بتعب: مافيني شي يمه لا تخافين
دانه ناظرت سيف ودلال بعتاب: ليه ماقلتو لي
دلال راحت لها وحضنتها بهدوء: ماحبيتنا نخوفك
سيف: مو وقت الكلام الحين خلي امي تتدخل ترتاح
دخلو يقعدو بالصاله
ام سيف ناظرتهم: ابي اقول لكم شي
سيف: مو وقت يمه الحين لازم ترتاحين
ام سيف: لا يمه جاء الوقت اللي لازم تعرفون فيه الحقيقه
دانه ناظرت سيف ودلال بإستغراب
سيف: سمي يمه
ام سيف حاولت انها تكون قويه وناظرت سيف: انت مو ولد ياسر
،
في بيت ابو فارس
في غرفه رائد كان قاعد يكلم فرح
رائد وهو يضحك: هههه الله يهديك ي فرح
فرح بنرفزه: رائد والله من جد ماقلت شي غلط
رائد بتسليك: طيب طيب ...تصدقي اشتقت لايام زمان لمن كنا نطلع بدون موافقه حد وبراحتنا
فرح ضحكت: اي والله محد كان يدري ومحد يقول لنا لا
رائد بحماس: وش رايك نطلع اليوم
فرح: اليوم؟؟!
رائد: اي انا فاضي مامعاي شي
فرح: اليوم صعب والله
رائد: ليه صعب
فرح: ماادري احس ان فيصل مزاجه معكر اليوم مااعتقد انه يدري
رائد: ها قصدك عشان اللي صار معاه اليوم
فرح: اي مقهور والله
رائد: رغم انك قلتي ان السياره ماتضررت مره
فرح: اي مشعل راح وشافها ومافيها شي بس عاد انت تدري فيصل عنده كل شي عادي إلا سيارته
رائد ضحك: اي ادري اجل خلاص نأجلها
بذا الوقت اندق باب غرفه رائد
رائد: فرح لحظه دقيقه
فرح: طيب
رائد: تفضل
دخل خالد: فاضي
رائد: اي تفضل
ورجع يكلم فرح: فرح برجع ادق عليك بعدين
فرح: طيب
رائد: احبك باي
فرح ضحكت: وانا بعد وسكرت
خالد: ازعجتك
رائد: لا عادي اقعد
جلس خالد ع طرف السرير: ابي اقول لك شي مهم
رائد: خير وش في
خالد: شوق
رائد بخوف: وش فيها
خالد: مافيها شي خليني اكمل كلامي
رائد تنهد براحه: اشوا طيب كمل
خالد: شوق جتمي امس
وقال لرائد وش اللي صار
،
في بيت ام سيف
سيف فتح عيونه ع وسعهم بصدمه
دلال: وش قاعده تقولين يمه
ام سيف: انا كنت متزوجه واحد قبل ابوكم ي بنات
دانه بصدمه: كنتي متزوجه قبل ابوي يمه
ام سيف: اي جبت منه سيف ولمن ولدت اخوكم الثااني
الكل بصدمه: اخونا الثاني؟؟؟؟!
ام سيف: اي كان معاكم اخ ثاني بس مات
وحكت لهم كل اللي صار وع الرساله اللي شافتها
سيف اخذ مفاتيح سيارته وجواله طلع
،
بيت ابو فارس
خالد يحكي لرائد اللي صار
" كان منسدح ع السرير واندق الباب وتعدل بجلسته
ودخلت راسها شوق: ابيك بموضوع
خالد: تعالي
شوق دخلت وجلست على السرير: جيت بكلمك عن شي يخص رعد
خالد: شفيه رعد
شوق: رعد ما يجلس بالبيت ابد و٢٤ ساعه طالع مع اصحابه ومايرجع الا بوقت متأخر مره
خالد: ايه بس هو صار كبير ومانقدر نقوله شي
شوق: بس الاشياء اللي قاعده تصير غلط
خالد: طيب ايش اقدر اسوي انا
شوق: تكلم معاه فهمه ان اللي يسويه غلط.. انا الصراحه يا خالد احس ان احنا غافلين عنه مره ما نهتم فيه ولاشي
خالد: ادري
شوق: تصرف يا خالد تكفى خايفه اخوي يروح للطريق الغلط واحنا مب عارفين عنه ولا شي لا عارفين اصحابه ولا عارفين وين يروح ولاشي
خالد: طيب خلاص انا بشوف وبحاول اتصرف "
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
