لطفاً ضع نجمه⭐.
لا تغمض رموُش عينك ودي أَبْحِر بك ،
في بحر عينك هنا حلميّ و ترحاليّ
،
اتجهه وسام لمصدر الصوت وشاف انها رهف وراح عندها ومنزله رأسها وقاعده بالأرض
وسام بهدوء: رهف
رهف رفعت رأسها وعيونها كلها دموع: .....
وسام قرب لعندها: شفيك عسى ماشر
رهف: .....
رهف استوعبت انها بدون غطاها وجت بتقوم وطاحت وزاد بكاها
وسام بخوف قرب منها زياده: وش فيها رجلك
رهف والدموع بعيونها وبصوت مبحوح من البكاء: مو قادره اقوم
وسام مد يده له عشان تقول
رهف بتردد مسكت يده وقامت
وسام سندها عليه ووداها لين الكرسي: لسى توجعك
رهف تبكي بصمت: اي
وسام مسح دموعها بهدوء: خلاص لاعاد تبكين
رهف مسحت عيونها وصارت تتطالعه
وسام شافها تتطالعه وضل يناضرها
أخيراً استوعب انها بدون حجاب وبسرعه صد عنها وجاب لها جاكيته: تغطي الحين بتصل لأمي تجي تأخذك
رهف بإرتباك بعدت عيونها عنه: اوك
وسام اتصل لأمه وقال لها تجي تأخذ رهف جت ام وسام وأخذت رهف
ام وسام تذكرت انها تبغى شي من وسام ورجعت
،
عند وسام سرحان ويفكر قطع تفكيره صوت أمه وهي تناديه
ام سلطان: وسام
وسام بفهاوه وبدون تركيز: رهف
ام سلطان: انا امك موب رهف
وسام انتبه: هلا يمه.. كيف رهف الحين؟
ام سلطان بدون مقدمات: تحبها
وسام بإرتباك: الله يهديك يمه لا
ام سلطان تغمز له: بس عيونك تقول شي ثاني
وسام بتوتر: وش هالكلام يمه.. رهف بحسبة اختي
ام سلطان: بس ماهيب اختك... لاتنسى انها بنت عمك وانت أولى فيها من الغريب
وسام تنهد
ام سلطان قعدة جنبه ومسكت كتفه: شفيك يايمه في شي متعبك
وسام: متعبني التفكير
ام سلطان: تفكر فيها
وسام هز رأسه بهدوء
ام سلطان: يعني تحبها
وسام: ماادري احبها أو لا.. يوم اشوفها انسى الناس كلهم واحس ان محد واقف قدامي غيرها ويوم اناظر عيونها احس قلبي يدق بشكل موب طبيعي وكأنه بيطلع من مكانه اخاف عليها من نسمة الهواء ودي احطها بعلبه واسكر عليها ومحد يناظرها غيري.. خذت كل تفكيري يايمه
ام سلطان تضحك عليه: كل هذا شايله بقلبك ولسه تسأل إذا تحبها أو لا.. أبشرك ياولدي طحت ومحد سمى عليك
وسام: يعني هذا حب
ام سلطان بإبتسامه: ايه.. الحب يسوي كذا وأكثر
وسام تنهد بإبتسامه
وسام جاب لأمه اللي تبغاه ودخل المجلس عند جده وأعمامه والشباب
فهد بهمس لوسام: كل هذا مكالمه
وسام بنفس الهمس: لا بس امي كانت تبي أغراض وجبتلها
فهد: ناظر جدي شوي ويقوم يأكلك
وسام فيه الضحكه بس ماسكها: الله يهديه جدي يبينا ٢٤ ساعه قاعدين فذا المجلس
تركي دخل المجلس..
تركي: السلام عليكم
الكل: وعليكم السلام
تركي: إلا ماودكم نروح المزرعه كم يوم نغير جو
رائد: اي والله من زمان عن المزرعه
الجد: أجل جهزوا أنفسكم بعد بكرة رايحين
نواف: ليه مو بكره
الجد: في شغلات مهمه بالشركه لازم نخلصها
ابو راكان: شرايك يبه نعزم ابو مهند وعايلته يجون
تركي بنفسه (الحمدالله جات منه)
الجد: ايه قول له
ابو راكان: أجل بتصل اقول له
راكان تأفف بضيق وعزيز وتركي انتبهوا له واكتفوا بالصمت
تركي: يلا وانا بروح ابشر البنات
وراح تركي يكلم البنات واستانسوا
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
