لطفاً ضع نجمه⭐.
أبيك تدري إني فيك أكتفيت، وأبيك سما مايُوصلك إلا أنا
،
الكل بصدمه: تزوجت
عزيز بهدوء: لا اختي
كنان: نعم وش تقول انت؟؟
تركي: ايوه وازيدك من الشعر بيت تراها توأمك
كنان: لا لا انتو موب صاحين وش قاعدين تخربطوا
ام عبدالعزيز : ممكن توضحون كلامكم ترا مو فاهمه شي... ادري ان كان مع كنان توأم بنت بس ماتت وانا اولدها
عزيز: امم يايمه حصلت خربطه بالأوراق واللي ماتت بنت ام مهند وبالغلط بدلوا بينهم
ابو عبدالعزيز بهدوء: يعني التحاليل تطابقت
ام عبدالعزيز: وش قاعدين تقولون انت وياه مين اللي مات و وش تحاليله
الجد بوقار: ممكن تهدون وتفهمونا السالفه كلها
تركي بدأ يقول لهم من لما اغمى على كيان الين ماطلعت نتيجه التحاليل
والكل منصدم ومو عارف وش يقول
ام عبد العزيز ودموعها تنزل: يعني طول هالمده وبنتي عايشه وانا مو عارفه.. لا لا انا مو قادره استوعب انحرمت من بنتي 20 سنه والحين جايين تقولون لي ان بنتي هي كيان.. اللي كل مااشوفها كنت أتمنى ان يكون عندي بنت زيها والشي اللي يضحك انها هي بالاصل بنتي
اخ بس حسبي الله على اللي كان السبب وحرمني منها 20 سنه
الكل تأثر من كلامها والحريم والبنات صاروا يبكون و وليد أبتسم وابو عبدالعزيز نزلت من عيونه دمعه حاره كفيله بانها توصف شعوره بهاللحظه..
اما كنان من الصدمه اخذ مفاتيح سيارته وطلع يحاول يستوعب اللي صار من شوي وعبدالعزيز بسرعه قام ولحق اخوه
كنان توه بيطلع السيارته وماحس الا بعزيز يمسك يده بقوه
عزيز: اصبر جاي معاك
كنان مارد ودخل السياره ودخل جمبه عزيز وكان الصمت بينهم سيد الموقف..
وكنان كان رايح للطريق اللي يودي للبحر(يعني يُعتبر سفر لان بالرياض مافيه بحر)
و رغم المسافه الكبيره اللي قطعوها ماحسوا بالوقت
،
نرجع لبيت الجد تحديداً عند البنات
ليان: مو قادره استوعب ان كنان بنت عمي بدر
ميس: ولا انا.. ايه وانتي يافجر ليش ماقلتيلنا لما كنتي شاكه
فجر: امم ماحبيت اقول لكم وانا مو متاكده منه
ريم بقهر من اختها صارت تقلدها: اننننننن يعني تركي عادي تقولي له وحنا لا
فجر بضحكه: هههههه قلت تركي اكيد بيساعدني اما انتو مامنكم فايده
فرح: هين يافجروووه انا اعلمك مين اللي مامنها فايده
وقامت تبغى تمسك فجر بس فجر انحاشت وهي تضحك
فرح بغبنه: خلاص ارجعي موب مسويتلك شي.. نسيت انك اكبر مني ولا كان علمتك شغلك
فجر: هههه اشوا اني اكبر منك
الكل: ههههههههه
،
عند عزيز وكنان بالبحر
عزيز: الحين صار لنا ساعتين وحنا هنا وانت موب راضي تتكلم
كنان اكتفى بالصمت
عزيز: شوف انا مثلك انصدمت يوم جاب لي تركي الاوراق.. ماكنت مستوعب ان بعد هالعمر كله تطلع معاي اخت
كنان أخيرا تكلم: انا مو قادر اصدق اللي قلتوه انت وتركي احس نفسي بحلم
عزيز: لا صدّق انت مو بحلم هذي حقيقه لازم نتعايش معاها ونرضى بالواقع
كنان: انا راضي، بس يبغالي كم يوم عشان استوعب واحس فعلاً ان عندي أخت.. امم متى بتقولون لابو مهند واهله السالفه
عزيز وهو متكي بالسياره: والله ماادري هذا الشي اللي شايل همه كيف بعد 20 سنه نجي نقول لهم ترا هذي ماهيب بنتكم تراها صعبه صعبه حيل
كنان تنهد: الله يعين.. يلا نرجع اخاف امي تقلق علينا
عزيز بهدوء: مشينا
وركبوا السياره متوجهين للرياض
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
