و بصح نيت لي أحلام شافتها تعاطلات عليها و هي طلع لسطح بان ليها نشير شافتو ناشف و هبطاتو و دقات عليها والو محلاتش صونات ليها كتسمع تيلي فدار قالت إمكن غير فطواليط و هبطات و بقات كتسنى وجدو لغدا و طلعات تعيط ليها والو ماكينش جواب و هنا هي بدا كتشك و كتخاف معرفاتهاش فين مشات نادية تاهيا غير بلحيلة مشات عند فاطمة تشوف ياكما عندها ما بانتش ليها و بدا كيطلع معاهم صح تسانات أحلام تا وصلات ديك 16:30 و هي تصوني لأدم قالتها ليه لي هاد لأخير كان جالس مع إسراء تا قفز مخلوع و خلا تا إسراء كتر منو وصلها لدار بلا عقل و رجع لدار حل ليهم باب ديال طبقة خايف لا تكون سخفات ساعة كيلقاو غير ريح هنا أدم فكر إعلم لبوليس و تاصل بيوسف لي هاد أخير عيا يشوف شي حاجة والو عياو هو و أدم خارجين لزنقة كيقلبو بلوطو و مشكيلة تا باش إيشوفو موطور ديال سيف الدين و يقولو راه معاه مايمكنش حيت هاد لموطور جديد موطورو لاخور خلاه فلفندق هنا تزاد معاهم زايد اوه 18:30و مزال ما بيناتش و ماكين لي خايف بزاااف قد جوج أشخاص لول ادم لي كيحس هو حامي ديالها و لواصي عليها كان خاصو يحميها و تاني شخص هي أحلام هادي ما فكرات لا هاه لا هاه فكرات غير لا وقاع الله إحفض شي حاجة اش غيدير سيف الدين راه ايقتلهم ماكاينش تخرشيش سيدة ماكنتش فخبارها راه أخت لي منوضين عليها قيامة راه فحضن ذيب
هي فهاد اللحظة ماقاداش تفيقو كتشوفو ناعس براحة و زائد خافت لا تفيقو و يخنزر فيها هي كتموت غير ملي كيخنزر خلي عليك ملي كيغوت ولا يهدد شافت تاعيات و لقات ساعة وصلات 19:45 و أكيد غيكونو تخلعو عليها حطات ليديها صغيورين فوق من كتفو كتفيق فيه بشوية بلا مدوي مي شافتو متحركش و هي تنطق بصوت خافت و حنين
فراح: سيف سيف الدين
جوج عيطات كانت كافية تخليه يعقد حواجبو و هو ساد عينيه شوية و بدا كيحل فيهم بشوية و يرجع يسدهم تاحلهم بمرة فصدرها هو هنا عرف راسو فين و علاش كان مرتاح هاد راحة كلها تا راه هو حدا محبوبتو شاف فيها و غوباشتو معقودة بلعات ريقها بتوتر و نطقات
فراح: احم ر راه مشا ل لحال خا خاصني نهبط
هو هنا ما تكلم ما والو تحنى باسها ففمها قبلة سطحية و ناض عاقدهم لكوزينا خلا قهوتو توجد و مشا لحمام غسل وجهو و رجع كيقلب عليها بعينيها ملقاهاش عرفها اتكون باقا فلبيت و بصح هي. ملي ناض و قفات قدات ناموسية و جلسات مقدراتش تخرج تا يقولها
هو خدا قهوتو شرب منها و ماجا فين يكملها تا سمع تيلي ديالو نطق بصوتو لباح
سيف الدين: فراح جيبي معاك تيلي
هادي هي عادتو مكيدوش ملي كيفيق من نعاس تا كيشرب قهوتو حيت كيفيق خاصر(مي ميبقاش فيك لحال تا فراح كتار منك🙄)
فراح سمعاتو أش قال ناضت جيهة كوافوزة هزات تيلي ديالو و تمات خارجة و بلا متشوف لإسم ماجات فين تعطيه ليه تا كان قطع خداه من عندها و جرها تا هي جات فوق من ركابيه دور ليدو على خصرها ياله جات تنوض و هي موسعة عينيها تانطق بصوت باين عليه جدية
سيف الدين: تنوضي نگرضهم ليك
و بلهلا يطريه لها بقات گالسة تا هو مدواش تا كتسمع تيلي كيصوني
هو شاف شكون و هو يجابو
سيف الدين: ألو
يوسف بتوتر جالس لتحت حداهم بعد ما بززات عليه أحلام يصوني ليه: احم لباس
سيف الدين عرف إن فلموضوع: اش كاين
يوسف شاف فأدم لي كيهز رجليه بتوتر دار ليه حركة بحاجبو زعما بين لينا حنة يديك
يوسف سرط ريقو: ااا هو بصراحة
سيف الدين بجدية: يوسف بلا تقح*بين اش كاين
يوسف جمع هضرتو و نطق بزربة: فراح من صباح ما بانت ماعرافناها فين مشات
سيف الدين شاف ففراح لي متوترة فوق رجليه و ليديه كيلعب ليها بشعرها بانت شبه إبتسامة فجنب فمو مي دغيا محاها و نطق بلهضرة لي يوسف متوقعهاش نهائيا كان كيتصنع يعرعر
سيف الدين: هايا نازلة
يوسف وسع عينيه بصدمة: ااا
ماجاه تا رد من عندو حيت كان قطع و هنا هو عرف راه هو جا لفوق و هي معاه و أكيد حبسها حيت مستحيل تبقا هاد لوقت كلو غتعرفهم ايتخلعو عليها فاق من سهوة ديالو على أدم لي غوت عليه حيت كانو كيسولوه و هو مصدوم
أدم: وا نم داوين معاك
يوسف شاف فيهم: ااا
نادية بإستغراب: بسم الله عليك اولدي مالك
يوسف ضحك بتوتر: هيهيهي لا والو غير عارفين سيف الدين سمع لخبار و بدا كيغوت قال هاهوا غيجي
أحلام بخوف: ياربي سلامة انموت و انا باقة شابة
يوسف غير سالا هضرتو ضار ساهي ومتوتر مقدرش إقولها ليهم حيت يقدر يقللو منها و يفهموها غلاط داكشي لاش فضل إسكت
هو لفوق قطع عليه و خشا راسو فعنقها باسها تا قوساتو حيت بورشها بعد عليها و ضور وجهها لعندو كيشوف فيها متجنبة تشوف فيه
سيف الدين: نوضي راه كيقلبو عليك
فراح هنا شافت فيه و خرجات عينيها عرفات راسها ليوما تشوهر ياله جات تنوض و هي تشوفو حاكمها عرفاتو مزال مسالاش لهضرة شافت فيه بنضرات تساؤل و بلا ميزيد إطول لوقت نطق بصوت باين عليه لجدية
سيف الدين: فراح ماشي راك تزوجتي بخويا ديري ما بغيتي راه الى لقيتك كاديري هاه ولا هاه بربي منعقل عليك تفهمنا
فراح شافت فيه بتوتر: ولكن راه انا دبا محسوبة على ادم
إوى هانتي أبتي أفراح بديتي كطلعي ليه فدم تال هادي منقبلوهاش منك ،سكتات ملي شافتو حمر فيها واحد مولاتي شوفة
سيف الدين ورك ليها على خصرها و نطق بشرار: ماشي أفراح حيت متدخلتش فهاد زواج تركبي ليا فوق ضهري راه نتي و أدم مزوجين غير فلوراق و صافي سمعتي يعني هو ماليه حق عليك و نتي ماليك حق عليه انا لواحد لي عندي عليك حق سمعتي و بلا متخليني ندير شي تصرف ميعجبكش راااني مقاااا*ود افراااح راه مبغيتش نوريك وجه ذيب خليك غير فسيف الدين
فراح هنا ضربات طم كتافات فقط تحرك راسها بإيجاب و عينيها تغرغرو حيت ماشي بيدها تاهيا راه نعسات فاقت لقات راسها مرغوب عليها هاد زواج
هو شافها حزينة و بحال الى هو لي مقلق مبغاهاش تبقا مقلقة هبط باسها فحنكها بوسة خفيفة كإعتدار و نطق بصوت حنين
سيف الدين: ياله نوضي دبا اراحة قلبي
ناضت من فوقو بلخف خافت لا يبدل رأيو دغيا غادا جيهة لباب و هو متبع ليها لعين لطرمة ديالها لي كتحرك معاها مع بيجاما إفازي سرعاتها بينات ليها لاطاي ناضية هبط عينيه لخلخال لي كيتسمع صوت ديالو بقا مراقبها تا ختافات حط ليدو على قلبو و نطق بصوت غامض
سيف الدين: خاصك تصبر باقي تابعاك بزااف
فراح لي هبطات كتجري دخلات لدار كيبان ليها صقيل و عرفات قضية حامضة مشات كتقلب على تيليفونها لقاتو ما بانت ليها غير أحلام غاتفكها من هاد لبلان صونات ليها لقات تيليفونها طافي هنا تنهدات حيت مستحيل تهبط اش اتقول ليهم كنت ناعسة مع خوكم لاخر لا مستحيل وسعات عينيها بفرحة ملي تفكرات أدم مي خافتو لا يكون باقي مع إسراء شافت ساعة بان ليها مشا لحال داكشي لاش صونات ليه و لي ليها ليها
أدم كان جالس و حاط راسو على ليديه تا كيسمع تيلي كيصوني خشا ليدو فجيب جبد تيليفون غير شاف شكون عقد غوباشتو بغضب منها مي دغيا وسع عينيه ملي تفكر أصلا هي نسات تيليفونها اذن كفاش لبلان جاوبها بلفهة
ادم: الو
فراح عضات على شفايفها بتوتر: هانت شوف بلا متعيق طلع لعندي لفوق انشرح ليك كولشي و الله لقسام
أدم هنا شك و تعصب تا كفاش سيدة تا طلعات لفوق و هو هنا من صباح حدو نطق كلمة وحدة: واخا
قطع عليها و تم طالع فدروج و تا حد ما داها فيه كل واحد ملاهي مع شغلو و تفكيرو
دخل لدار كتبان ليه جالسة فصالون كترعد مشا ليها نيشان و شاف فيها بغضب
أدم: فين كنتي و كفاش تا وصلتي لهنا اش هاد لفعايل افراح
فراح وقفات و سرطات ريقها تاني مرة كتشوفو معصب اول مرة كانت فاش قال ليهم عمر على لوصية: هانت هاه غير سمعني راه والله ما بخاطري هو لي حبسني بزز باش هبطت
أدم صغر عينيه بشك من هاد لكلمة ديال هبطت: شكون
فراح تزنگات و بدات كتلعب بصباعها بتوتر: احم سيف الدين
هو هنا وسع عينيه بصدمة و كفاش مفكروش فيها دار كولها قلبوها تال دار ديالو هو مسح وجهو و جلس و جلسات تاهي
ادم: امتى جا
فراح بتوتر: صباح جا و شفتو و وقع سوء تفاهم و ملي حليناه نعس و مخلاني هبطت تا فاق
أدم كيشوف فيها : مدار ليك والو ياك
فراح بدات كتلعب بصباعها و دوات ببراءة: لا غير غوت عليا حيت طلعت لسطح بلا زيف و كان تماك شي حد لي ماشفتوش صافي
سكتات شوية كتفكر و رجعات طلعات راسها فأدم و دوات بحزن: أدم كيبان فيه مهموم بزااف وعيان مقدرتش نسولو مالو
سكتات شوية و كملات: او مقدرتش نسمع انا سبابو
أدم عنقها و كيمسح ليها على راسها من نهار لول عزات عليه بزاااف خصوصا ببرائتها : ماشي نتي سباب و أصلا كولشي غيتصلح واش مكتيقيش بيا
ياله اتجاوبو تا نطق بنبرة مزاح: او بالأحرى مكتيقيش فحبقلبك سيف الدين
هي هنا هبطات راسها بحشومة و ضربات ليه فكتفو: كنتيق فيكم بجوج
بعدات منو و شافت فيها كتحيد گصة على عينيها و نطقات: اش غنديرو فين أنقول ليهم مشيت
هو هنا شاف فيها: خاصنا نفكرو
بقا مدة كيفكر تا ضحك بشر، شافت فيه خلعها
فراح: مالك كضحك هكا
أدم: نيهاهاها لقيتها😈
لتحت كان كيتسلت كيبان ليه تاحد ماكاين فلمراح كولشي فصالون تمشا هو وياها بشوية تا وصلو واحد لبيت جا تحت دروج مسدود بساقطة حلو أدم بشوية و راد لبال لا يجي شي حد شعل ضو كان بيت شوية صغير فيه قراعي ديال زيت و زيتون و خيشات ديال دقيق كان بحال بيت لخزين
دخلات فراح و هو يغفلها أدم و سد عليها لباب
فراح بدات كدوي بتوتر: ادم اش كدير حل راه تال هادي مامتافقينش
أدم قرب لباب و نطق: هانتي سيري تكاي على شي خنشة و ديري راسك ناعسة حسبي لحد 20 و حركي شي حاجة بلعاني و ملي نجيو قولي لهضرة لي قلت ليك لفوق
فراح مافاهمة والو و غير مخلوعة عدوها بلايص لمضيقة : هانت غير حل و نشرح ليك
أدم بنفي: هانتي بداي تحسبي هاني غادا
و داكشي لي دارت بدات كتحسب بشوية كيف طلب منها
هو دخل لصالون شاف فأحلام و نادية: نوضو معايا نشوفو فدار خالتي فاطمة
نادية حاطا ليديها على حنكها: راه شفنا
أدم بجدية: و نعاودو اش خاصرين اللهم نبقاو نعاودو و لا نبقاو مربعين يدينا
سالا هضرتو غمز لأحلام و هي توقف
أحلام : بصح اماما نوضي
مشات فراح لعند نادية نوضاتها و تا يوسف وقف تابعهم واخا هوا عارف اخرتها شوهة لفراح ، تمو خارجين من صالون و هما يسمعو شي حاجة طاحت كلهم تلفتو لجيهة لبيت و هنا أدم بدا فشغلو
أدم: واش سمعتو لي سمعت
نادية بعد إهتمام: اتكون غير قرعة لي طرطقات
أدم تم غادي لجيهة لباب: و الى كان فار فين غنوليو
أحلام سمعات فار رجعات لور: ميمتي لا
يتبع...✏️