#رِفان_مع_كاتبة ❤️✍🏻.
تابع مع #سنيورينا ❤️.
رِفان : هل جاء يوم فكرت سنيورينا بالأعتزال ؟
سنيورينا : لعند توا لا
رِفان : شن هي الرواية يلي من رواياتك قريبة من قلبك جدًا وتحبيها ؟❤️
سنيورينا : مسارات حياتنا ستتغير ❤️
رِفان : ثنائي من ابطال رواياتك قرييبين من قلبك ؟
سنيورينا : وسيم وملاك ❤️
رِفان : بطلة من بطلات رواياتك تحسي فيها من سنيورينا ؟
سنيورينا : ههههه كل بطلة نحس فيها شي مني 😁 ، بس ممكن اكثر شي آيه .
رِفان : هل عندك رواية جديدة ؟
سنيورينا : باذن الله في ونتمني اموري تتعدل عشان نبدا فيها قريب❤
رِفان : تقدري تحكيلنا عليها شويه 🙊❤️؟
سنيورينا : والله الافكار موجودة بس نبي انسق ونختار شخصيات بس نعطيك حصريا فيها اكثر من حوار واكثر من قصة وفي بطلين اسمهم انيس وليلي ❤
رِفان : هل حَ نشوفوا سنيورينا تكتب بالفُصحى ؟
سنيورينا : هو موضوع صعب باامانة بس مافي شي مستحيل 🤍
رِفان : اول رواية قريتيها كَ قارئه شن كانت ؟
سنيورينا : كسر الخواطر ، ومنها حبيت الروايات ❤️
رِفان : كاتبة سواء ليبية او عالمية تحبي رواياتها ؟
سنيورينا : نعشق كتابات الكاتبة الليبية ريم محمد ننقنا ماعندش معاها روح ❤
رِفان : بطل غير ابطال رواياتك قصته مأثره فيك ؟
سنيورينا : منجي. في رواية غاليتي 💔💔
رِفان : انجح كاتبة من وجهة نظرك والافضل بالنسبة للجمهور ؟
سنيورينا : شفت ايام كتابات ريم محمد كانت الله اكبر وجمهور كبير يعشقها ماشاء الله ، وفي حاليا ماريا الخمسي ماشاء الله عليها❤️
رِفان : سؤال كان خاطرك ان نسأله لكِ ؟❤️
سنيورينا : ماشاء الله عليك ماقصرتي وربي يعطيك الصحة ❤
رِفان : سلمك ياخيه ❤️
رِفان : كلمه لِ جمهورك او اي شي حابه تقوليه ، المساحه ليك ❤️
سنيورينا : شكرا لكي انتي شخصيا ولصفحتكم و لكل متابعين صفحتكم النزيكة وشكرا لكل متابعيني وكل حد قرا رواياتي وشكراها وتكلم عليها وحتي الي انتقدها مشكور وباذن الله استنوني حنبدا في رواية جديدة قريبا تحياتي سنيورينآ آآ .
رِفان : شكرًا ملوكا تعبناك معانا واسفين لو خدينا واجد من وقتك واستمتعت جدًا بالكلام معاك انسانه راقيه بكل ربي يحفظك وشكرًا مرة تانيه انك وافقتي وان شاء الله نشوفوك كاتبه عالميه قد الدنيا يارب ♥️
سنيورينا : بارك الله فيك وشكرا لكم ع الاهتمام ومتابعة رواياتي وتشرفت بهدرزتنا تحياتي لكي وبالتوفيق لصفحتكم الحلوة❤
___________
و بـ هكِ نكونوا ڪملنا حلقتنا مع الكاتبة الرائعة #سنيورينا ، نتمنالها من قلبي ڪل التوفيق ❤️❤️.
استنونا في حلقة ولقاء جديد مع كاتب/ة جديد قريبًا ❤️
ليلتكم سعيدة ❤️
#رِفان_مع_كاتبة ❤️✍🏻