នៅតាមផ្លូវលើរថយន្តមានសភាពស្ងៀមស្ងាត់ ព្រោះរាងតូចអង្គុយផ្ដេកក្បាលលើកៅអីបែរសម្លឹងមើលទៅអ្វីផ្សេងៗនៅតាមដងផ្លូវមិននិយាយស្ដីអ្វី មួយម៉ាត់ធ្វើឲ្យ Jungkook រឹតតែបារម្ភពីផ្លូវចិត្តរបស់គេ មិនដឹងថាមុនពេលពួកគេបានស្គាល់គ្នា Tae ត្រូវជួបនឹងបញ្ហាប៉ះទង្គិចផ្លូវចិត្តប៉ុណ្ណាទេ ត្រឹមនាយខ្លួន ឯងត្រូវគ្រួសារបង្ខំឲ្យរៀនសូត្រនិងធ្វើគ្រប់យ៉ាងឲ្យល្អឥតខ្ចោះតាំងពីតូចមកក៏មានសម្ពាធណាស់ទៅ ហើយ ចុះទម្រាំតែរាងតូចដែលមានជីវភាពក្រីក្រ ត្រូវខំធ្វើការទាំងយប់ទាំងថ្ងៃដើម្បីរកលុយចូលគ្រួសារ ហើយមានម្ដាយជាអ្នកញៀនល្បែងទៀតនោះ ប្រាកដជារងសម្ពាធលើសគេទៅទៀតផង ។
« Tae ចង់ទៅកន្លែងមួយជាមួយបងឬអត់? » កាលបើលឺសំណួររបស់នាយធ្វើឲ្យរាងតូចងាកមក មើលមុខនាយទើប Jungkook ញញឹមដាក់គេថែមទាំងទម្លាក់ដៃម្ខាងពីចង្កូតឡានដើម្បីចាប់ដៃគេ មកកាន់ថ្នមៗធ្វើឲ្យ Tae ទទួលដឹងភាពកក់ក្ដៅតាម រយៈបាតដៃរបស់នាយ ព្រោះអាចនិយាយបានថា នាយជាមនុស្សទីមួយហើយដែលបានជួយដោះ ស្រាយបញ្ហារបស់គេហើយក៏ជាអ្នកទីមួយដែលជួយលួងលោមផ្ដល់ភាពកក់ក្ដៅដល់គេ ឲ្យគេទទួលបាន បង្អែកមួយដ៏រឹងមាំផងដែរ ។
< ង៉ឺត!! > ចំណាយអស់ពេលជាងមួយម៉ោង ទីបំផុត Jungkook ក៏បើកឡានជូនរាងតូចមកដល់រីសតមួយនៅជាយក្រុងដែលមានសុទ្ធតែដើមដូងខ្ពស់ៗនិងរុក្ខជាតិពណ៌បៃតងផ្សេងៗទៀតដែលដុះពាសពេញបង្កបានជាម្លប់ត្រជាក់គួរឲ្យចង់រស់នៅណាស់ ។
« ពួកយើងចុះទៅ » រាងក្រាស់ញញឹមប្រាប់រាងតូចសឹមបើកទ្វារចុះមកទើប Tae ត្រូវធ្វើតាមដោយគ្មានការប្រកែក ។ បន្ទាប់ពីនោះ Jungkook ក៏នាំគេទៅកក់បន្ទប់ដើម្បីស្នាក់នៅតែម្ដង ។
« លោកប្រុសត្រូវការបន្ទប់បែបណាដែរ? » បុគ្គលិក
« សុំជាបន្ទប់គ្រែមួយមក » Jungkook
« លោក!! ម៉េចមិនយកបន្ទប់គ្រែពីរ? » Tae លើក ចិញ្ចើមសួរក៏ស្រាប់តែរាងក្រាស់ក្រព័ទ្ធដៃអោបស្មារគេមកផ្អឹបនឹងទ្រូងភ្លាម ។
« យ៉ាងម៉េច? ប្ដីប្រពន្ធគេងបន្ទប់គ្រែពីរ តិចគេច្រឡំថាពួកយើងឈ្លោះគ្នាទៅ មិនល្អទេណា៎ប្រពន្ធ
សម្លាញ់ » នាយនិយាយចំៗឲ្យបុគ្គលិកឈរនៅទី នោះលឺហើយអោនមុខចុះញញឹមអៀនជំនួសរាងតូច ឯTaeវិញក៏ខ្មាសនឹងពួកនាងដែរ តែរាងក្រាស់វិញខុសគ្នាគិតតែពីញញឹមរហូត ចំមែនហើយមនុស្សម្នាក់ នេះ!!
ក្រោយយកសោរបន្ទប់បានហើយ ពួកគេក៏ត្រូវបុគ្គលិកជូនទៅរកបន្ទប់ដែលនៅអគារខាងក្រោយតែក៏ចម្លែកព្រោះពួកគេគ្មានវ៉ាលីឬសម្ភារៈអីមកជាប់ខ្លួនដូចភ្ញៀវទូទៅសោះ មានតែសម្លៀកបំពាក់លើខ្លួនមួយឈុតឲ្យគត់ ។
« នេះជាបន្ទប់របស់លោកប្រុសទាំងពីរ សូមឲ្យរីករាយក្នុងការស្នាក់នៅណា៎ » បុគ្គលិកនិយាយរួចក៏ដើរចេញទៅទាំងមាត់ញញឹមរហូតធ្វើឲ្យ Tae ឈរ ក្រោយខ្នងរាងក្រាស់អត់មិនឆ្ងល់មិនបានឡើយ ។
« លោក!! ហេតុអីបុគ្គលិកម្នាក់ហ្នឹងញញឹមរហូត ចឹង? មានឆ្ងល់ដូចខ្ញុំឬអត់? » Tae
« មិនដឹងដែរ សង្ស័យមកពីឃើញបងនេះសង្ហារពេកទេដឹង? » Jungkook និយាយរួចក៏ចាក់សោរចូល បន្ទប់ឯរាងតូចវិញលួចជិនឬកនាយពីក្រោយសឹមចូលទៅតាម តែពេលបានចូលហើយក៏បើកភ្នែកធំៗព្រោះគ្រែមានតែមួយពិតមែន សំខាន់គ្រែតូចទំនងគេងបានតែម្នាក់ប៉ុណ្ណោះ បើបែបនេះតើពួកគេគេងបាន យ៉ាងម៉េចកើតទៅ?
« បន្ទប់ស្អាតគ្រាន់បើ » រាងក្រាស់បន្លឺស្របពេលដើរទៅបើកបង្អួចឃើញទេសភាពដើមឈើជាមួយ នឹងកូនបឹងនៅចំនឹងបន្ទប់គេផ្ទាល់តែម្ដង រួចក៏ងាកមក វិញតែក៏បានឃើញរាងតូចឈរឆ្កឹងនៅមាត់ទ្វារមិន ព្រមដើរចូលមក ។
« Tae កើតអីម៉េចមិនចូលមក? » Jungkook
« លោកធ្វើបាបខ្ញុំ!! » Tae សម្លក់ដាក់នាយ ។
« ធ្វើបាប? » Jungkook លើកចិញ្ចើមសួរទើបរាងល្អិតដើរមកចង្អុលគ្រែបង្ហាញនាយ ។
« គឺនេះអី ជួលបន្ទប់មានតែគ្រែមួយទុកគេងម្នាក់ឯង ចុះខ្ញុំវិញគេងនៅឯណា? ឬមួយក៏ឲ្យគេងលើឥដ្ឋ? » Tae សួរទាំងមិនសុខចិត្ត ស្មានថានាយចង់ធ្វើបាបខ្លួនទើបរាងសង្ហារលឺហើយអស់សំណើចក្នុងចិត្តដើរចូល មកអោនមុខទៅរករាងតូច ។
« មិនដឹងដែរ បើយល់ថាគេងលើឥដ្ឋមិនស្រណុក ក៏...ឡើងទៅគេងលើគ្រែជាមួយបងបានតើស បងមិនចិត្តកំណាញ់ទេ » ជាមួយនឹងសម្ដីលែបខាយ បង្កប់ចិត្តក្នក់ក្នាញ់ នាយក៏ញញឹមហើយប្រិចភ្នែកម្ខាងដាក់រាងតូចព្រោះកំពុងតែព្យាយាមឲ្យរាងតូចទទួល យកគេធ្វើជាប្ដីពេញលក្ខណៈនោះអី ។
< តុកតុក > ភ្លាមៗក៏មានអ្នកមកគោះទ្វារទើប Jungkook ដើរទៅបើកទ្វារក៏បានជួបបុគ្គលិករបស់រីសត ។
« អូ៎មានការអីហ្អេ៎? » នាយសួរទើបបុគ្គលិកនោះហុចក្រដាសខិតប័ណ្ណមួយសន្លឹកឲ្យទៅគេ ។
« សួស្ដីលោក គឺអញ្ចេះទេ...ថ្ងៃនេះជាថ្ងៃគម្រប់ខួប១០ឆ្នាំរបស់រីសតពួកខ្ញុំទើបរីសតបានធ្វើកម្មវិធីជប់លៀងអបអរនៅបរិវេណខាងមុខ ជាពិសេសសម្រាប់គូស្នេហ៍នឹងទទួលបានកាដូហ្វ្រីជាច្រើន ថែមទាំង បានស្រាក្រហមមួយដបឥតគិតថ្លៃថែមទៀតផង »
« បានកាដូហ្វ្រីហើយបានស្រាក្រហមមួយដបទៀត មែនទេអ្នកនាង? » គ្រាន់តែលឺថារបស់ហ្វ្រីភ្លាម Tae ក៏ស្ទុះមកសួរភ្លាមឲ្យរាងក្រាស់ងាកមើលរាងតូចឈរក្រោយខ្នងគេ មើលចុះគ្រាន់តែដឹងថាមានរបស់ហ្វ្រី មុខងាប់អម្បាញ់មិញក៏រីកស្រស់វិញទាល់តែបាន ។
« ចាសមែនហើយ បើអ្នកទាំងពីរទំនេរអាចទៅចូល រួមបានណា៎ »
« អូខេពួកខ្ញុំនឹងទៅ!! » រាងតូចឆ្លើយយល់ព្រមមិនចាំយូរសឹមបុគ្គលិកនោះចាកចេញទៅមុននឹង Jungkook បែរមករកគេ Tae ក៏ទាញក្រដាសទៅ មើលទាំងញញឹមបិទមាត់មិនជិត ។
« អូនចង់ទៅហ្អេ៎? » Jungkook
« ប្រាកដហើយ នេះណា៎បានរបស់មិនបាច់ចំណាយលុយច្រើនមានប្រយោជន៍ណាស់ណាលោក ចាំទៅជាមួយគ្នាណា៎ » Tae ញញឹមស្រស់ដាក់នាយដើម្បីជាការយកចិត្តឲ្យគេព្រមទៅតាមខ្លួន ។
« តែពួកយើងគ្មានខោអាវប្ដូរទេ » លឺ Jungkook ប្រាប់ដូច្នោះទើបរាងតូចពេបមាត់បន្តិច ។
« អ្ហឹមពិតមែនហើយ ប៉ុន្តែ...សុខៗលោកជាអ្នកនាំខ្ញុំមកទីនេះខ្លួនឯងទាំងមិនឲ្យខ្ញុំទៅរៀបចំខោអាវនៅខុនដូមុនដូច្នេះលោកត្រូវចេញលុយទិញខោអាវឲ្យខ្ញុំស្លៀកនៅទីនេះទើបបានណា៎ » Tae លើក យោបល់ឡើងឲ្យរាងក្រាស់ញញឹមលើគំនិតឈ្លាស វៃរបស់រាងតូច រកក្រឡាឲ្យនាយជាអ្នកចំណាយរហូតតែម្ដងហើយ ។
« បងខាតទៀតហើយចឹង » Jungkook
« មិនដឹងទេ មកពីលោកខ្លួនឯងតើស អ៊ីចឹងចាំមួយភ្លែត ខ្ញុំចូលបន្ទប់ទឹកសិនចាំទៅទិញខោអាវជាមួយគ្នា » រាងតូចថាផងញញឹមផងសឹមប្រញាប់ទៅចូលបន្ទប់ ទឹកទុកឲ្យ Jungkook ឈរញញឹមនៅត្រង់នេះ ព្រោះបានឃើញ Tae មិនកើតទុក្ខដូចមុននេះ គេក៏ រីករាយណាស់ទៅហើយគ្រាន់តែសង្ឃឹមថារាងតូច នឹងបន្តរក្សាស្នាមញញឹមស្រស់ស្អាតដូច្នេះឲ្យបានជារៀងរហូតផងទៅចុះ ។
To be continued......🌟🌴