حلات لباب بانت ليها واقفة لابسة طريكو فلباج حد مرفق خاشياه فسروال جلد كحل طالع تال كرشها و سندالا فلون طريكو وهازا تاهيا ساك فلحكل و طالقة شعرها و حداها مريم لابسة ميني بوط سماطي فلحل و سروال توب عريض فلبيض و مخطط بلكحل و گري طالقة شعرها و دايرة نايڤية و هازا ساك تاهي فلكحل و ماكياج شوية باين فراح حشمات فبلاصتها
سدات لباب و سلمات عليهم عرفاتها أحلام على مريم و تمشاو خارجين من درب
حتا نطقات أحلام: كنت ناوية نقولها لأدم إوصلنا مي تفكرت خاصك تمشي فطوبيس باش تعرفي طريق و نوامر لي غتركبي فيهم
فراح بتاسمات ليها و عجبها لحال حيت فكرات فيها: لا عادي أصلا أغلب لوقت كيديني بابا
ياله كانت أدوي فراح تا كيسمعو مريم غوتات دارو عندها مخلوعين
أحلام : مالك أش واقع
مريم: ناري أختي واحد تيتيز منقوليكش كيف داير ياله ناوية تكمل هضرتها تا كتحس بواحد دقة من عند أحلام
مريم: أوتش تي مالكي
أحلام : واش من نيت مك خلعتيني
فراح غير كضحك على هاد جوج لي عجباتها صداقة ديالهم
بعد حرب لي دارو فطوبيس أخيرا وصلو لافاك ياله بغاو إدخلو تا كيسمعو صوت فران ديال موطور بجهد كولهم دارو إيشوف أش واقع تا كيبان ليهم شاب عندو 24 عام داير كاسك كحل مغطي ليه وجهو لابس تيشور فلبيض و سروال تجين و سبرديلة بيضة حيد لكاسك و حرك راسو و دوز ليديه على شعرو شهب و لي طويل شوية عندو لحية خفيفة بدا كيدور عينيه خضرين تاجات عينو فعين أحلام بتاسم ليها إبتسامة خفيفة و دور راسو هبط من موطور و تم داخل لافاك من مشيتو تعرفو عاجبو راسو و مبعصص
أحلام بقات مصدومة بداو كيدويو معاها دريات مي هي مكيناش فهاد عالم تا حركاتها فراح
فراح: مالكي أأحلام
أحلام : هاء ااا لا والو
مريم صغرات عينيها: بسم الله عليك تي مالكي
أحلام ساهية : احححح شحال بوگوص
مريم دوات بزربة : تي منين جاه زين شوف كي داير
أحلام شافت فيها : لا والله تا زوين
مريم ميقات فيها : قولي و الله تا مبعصص
أحلام دارت عند فراح : فراح بلا كدوب قولي كي جاك
فراح حشمات : صراحة بين و بين هو زوين و لكن جاني متكبر
أحلام دارت عند مريم: شتي قالت ليك زوين
قاطعاتها مريم : وقالت ليك مبعصص
مقاطعهم غير صوت أنثوي نطق
.....:سمحو ليا نسولكم
دارو إيشوفو شكون تا كيلمحو بنت سميمرة فعمرها 21 سنة دايرة زيف فلباج و قميجة فلبيض حد ركبة و سروال تجين و سندالة عالية فلبيض عينيها عسليين و مشفرين حجبانها مقادين فمها صغيور و منفوخ فوق منو خالة حدا نيفها فجيهة ليسر عاطياها منظر مثير فورمتها زوينة عندها كل حاجة فبلاصتها
أحلام: مرحبا سولي
.....: ختي واش بادين دفيع حيت بغيت نتقيد و بانو ليا سادين لداخل
دريات تصدمو نطقو دقة وحدة تا خلعو درية: سادين
أحلام و مريم طارو خلاو فراح مصدومة شافت تاعيات و نطقات
فراح: هيهيهي مديهاش فيهم راه أنساونا
درية ضحكات بلطافة : عادي تانتيا كتوقع
مدات ليديها و نطقات
...: أنا سميتي إسراء عندي عام لخر بيولوجي و نتي
فراح بتاسمات تاهيا : أنا فراح و تانا بحالك
إسراء: اه متشرفين
فراح: شرف ليا بان ليا نمشيو حنا لافاك نشوفو أش كاين حيت هما عند بالهم كتهضري على لافاك ديالهم
إسراء بإبتسامة: أه يعني هما ماشي بيولوجي بحالنا
فراح: اه هما إيكونومي
إسراء: هكاك ممم واش ندخلو
حركات راسها بإيجاب و مشاو
عند أحلام و مريم لي تا وصلو و لقاوهم حالين بغاو إيدورو عندها إقولو ليها حالين تا كيلقاو غير ريح و هي تخبط أحلام راسها من غبائها هزات تيلي عيطات لفراح لي هاد أخيرة جوبات و قالت ليها راه حلو غادي إقديو غراض و يرجعو قطعات معاها تا كيبان ليها شاب ديال كبيلة متاجه عندهم
أحلام قرصات مريم و دوات بشوية و عينيها فبلاصة خرى
أحلام: مريم خونا ديال كبيلة جاي
مريم تلافتات و هي تلمحو كتفات فقط باش تشوف فيه
وصل عندهم و حنحن بصوتو ونطق
.....: أنيسات واخا تسمحو ليا نسولكم
أحلام شافت فيه لقاتو كيشوف فيها بإعجاب
نقزات مريم بصوت شوية مقحبن: وي مرحبا
......: واش گيشي ديال صحاب ماسطر مغاديش تحل
أحلام شافت فيه بإعجاب : منكدبش عليك مزال موصلناش لديك مرحلة
و بتاسمات ليه
هو قهقه برجولة و نطق: و كنتمنى توصلو ليها
مريم: أمين مغسي
....: احم أنا سميتي ياسين و نتوما
مريم : أنا مريم و هادي صحبتي أحلام
ياسين كيشوف فأحلام بإعجاب لي هاد أخيرة توترات
ياسين: متشرفين
أحلام و مريم: شرف لينا
ياسين بقا مجمع معاهم تا سلاو دفيع و توادعو بعد ما تبادلو نوامر و لتاحقو عند فراح و إسراء لي تاهما سالاو و دريات تعارفو على إسراء لي لقاوها بنت ضريفة و حشومية سالاو جماعتهم و إسراء مشات ركبات فطرام و هما ركبو فطوبيس
(نتعرفو على شخصيات جداد ياسين عندو عام ثاني فماسطر هو ولد لي مفشش بزااف عند واليديه بحكم عائلتو شوية لباس عليها هو ساكن بوحدو عندو برطمة و واليديه ساكنين فرباط .
إسراء هي بنت لي ضريفة و خوافة بزااف مي تصنطيحة كتلبس فوجها 42 ههه لسانها سباب مشاكيلها مي واخا هكاك قلبها بيض تاهيا ساكنة بوحدها واليديها ماتو بحادت سيارة و خلاو ليها دار فين ساكنة دبا و مع عائلتها مكانتش عندهم علاقة مزيانة مع واليديها داكشي علاش مكيسول فيها حد من غير واحد لمرة لي كانت كتجي تجفف لمها دار قبل متموت ممزوجاش و ملي ماتو واليديها جابتها سكنات معاها
نسرين خدامة فبار راقصة ديالو من صغر و هي كتموت على شي حاجة سميتها سيف الدين ملي مشا سيف لقطر تاهيا سافرات مي غير سمعاتو جا جات تاهيا واخا هو عمرو واعدها بشي حاجة و ديما كيقولها ليها مي هي عندها أمل شي نهار يبغيها )
🔥فبلاصة أخرى🔥
خارج من دار من بعد ما فاق خاسر شرب غير كاس قهوة باش إصحصح لابس تيشورط نص فوقاني بلخضر و نص تحتاني بلبيض و سروال تجين فزرق مقطع من جيهة ركبة تا كيلمح يوسف واقف مع ولاد درب صغر عينيه تا تفكر ليوما جمعة يوسف مكيخدمش تمشا ناحيتهم و غوباشتو ديما عقدها وقف عليهم و نطق بصوتو
سيف الدين: سلام عليكم
شافو فيه دراري تا نطق يوسف: فين أعشيري صافا
سيف الدين : الحمد الله ونتوما
دري 1: بيخير أ ديب
بقاو ساكتين تا نطق دري ليكان شاف فراح فحانوت عقلتو اوى هداك
دري 2 : دراري عرفتو شكون لي سكن فدرب
دري 3: شكون أصاحبي
دري 1: ها 1_0
كولشي بدا كيضحك إلى سيف لي كان كيتكيف بواحد گارو و كايسمع ليهم
يوسف: وا نطق دغيا و نت متخرج لهضرة تا تقتلنا
دري 2: وا بروجولة واحد بياسا سكنات فدرب راه بزاااف واحد طرف أخوتي و صوت منقولش ليكم غير دوات أنا قيمت عالم الله لا بدات كتوحوح احححح منقولش ليكم
دري 1 : ناري أعشيري جاتني لي مكتعلمش فين ساكنة هاد خيتي
دري 2 : تا رايح راه درية دايرة زيف و لبس مستور
سيف الدين رما لگارو و كيتمنى ميكونش كيدوي على هاديك لي فبالو حيت أيصدق غير مقو*دها معاهم
يوسف: وتا غير قول لينا فين كتسكن و هني كر*ك اش مشا ليك
دري 2 شاف فسيف و نطق: راه كارية فدار ديال الديب
ياله كملها تا كيحس بكروشي لوجهو خلاتو إفقد توازن ديالو على إثرها و بدا كيدفل فدم تلاح عليه سيف الدين عطاه وحدة خرى
دراري مفهمو والو و خصوصا يوسف لي كيشوف سيف كان بيخير تا تلاح على دري
دراري بداو كيفرقو مي والو و عيالات كيطلو من شراجم
سيف ناض من فوقو و شدو من كول و وقفو و كلاه مع حيط غوت بصوت زعزع درب
سيف الدين: إحاول إفرقني عليه شي ولد القح*بة أنتفاهم معاه
گاع دراري بعدو منو
دري داخ بقوة كروشيات مسكين حدو نطق بصوت خافت سمعو غير سيف و دراري
دري 2: الديب أش درت
سيف الدين: يا ولد القح*بة هاديك لي كدوي عليها راه درية ديالي
دراري هنا صافي فقدو أمل فدري واش أيبقا عايش مي أجيو تشوفو يوسف لي مصدوم تا كيفاش سيف الدين كينوض إضارب على قبل درية
دري2 صافي تخلع نطق و هو متوتر: والله اخويا الديب ماكنت عارفها تويشية ديالك
سيف الدين عروقو خارجين و عينيه حمرين: و هانت عرفتيها و بربي و لقيت شي زا*مل داوي معاها ولا عليها و لا حتى شاف فيها ولاو بلخطأ تانحو*ي زا*مل بوه و عارفين الديب إلى قرب شي حد لشي حاجة ديالو أش كيدير راه قلاو*يكم نشعل فيهم لعافية
دري 2: و بربي أخويا منقرب ليها و لا نشوف فيها
سيف الدين طلق منو : و دبا أنا غير دويت، و دويت معاكم كلكم ماشي غير هو
سيف الدين ياله دار بغا إمشي تا كيلمحها جاية مع أحلام و كضحك ماعلابالهاش بدنيا و شحال بانت زوينة و هي كضحك هبط عينيه للبس ديالها فهاد لحظة شعلات فيه عافية كتر ما شاعلة و كلام دري كولو فودنو جمع قبضة ديال ليدو و توجه لعندهم
يتبع.....✏️
هههه هاهي البنات شاخضة تفرشيخ 😈 فراح قفراتها مسكينة🤷🙂