بقاو هاد جوجات كيتحدتو تا كيسمعو فنادية كتعيط لأحلام
خرجو عندها بجوج لقاوها فلكوزينة
أحلام : ماما بغيتي شي حاجة
نادية: اه هبطو الله إرضي عليكم لتحت جلسو مع ناس راه جاو
أحلام : واخا أماما
هبطو لتحت تا كيلمحو فاطمة و صفاء جالسة بداو كيسلمو على ناس تا سلاو و مشاو جيهت فاطمة لي سلمات عليها أحلام بقاو كيدويو مجموعين و فهاد أثناء كانو گاع عيالات لي جالسين عينيهم على فراح لي توترات من شوفاتهم
هبطات نادية سلمات على عيالات و مشات جلسات حدا بنتها و كولشي كيبارك ليها على رجوع سيف الدين تا نقزات وحدة من عيالات
فطومة: نادية على سلامت ولدك
نادية: الله إسلمك
فطومة : شكون هديك البنت تبارك الله أول مرة نشوفها عندك
نادية فهماتها لاش كتلمح: هادي خاطبة ولدي ههههه
فراح و فاطمة تصدمو و تا أحلام كتار مي أحلام عجبها الحال
فطومة: واش بصح و زينة تبارك الله
نادية: لا لا أحبيبتي أضاحكة معاك هادي بنت جارتنا جديدة فاطمة
نعتات لجيهت فاطمة لي كتافات بإبتسامة و فراح لي ماتت بلحشمة
فطومة: تبارك الله هي نجيو أفاطمة نخطبو ههه
فاطمة عرفاتها داوية من نيتها و دارتها ضحك باش متقمعش مي تاهيا جوباتها بجواب لائق
فاطمة: مرحبا لقا حسن منك اختي مي نتوما عارفين بنات ليوم بغاو غير إكملو قرايتهم
فطومة: عندك الحق
سدو على موضوع و دازت لعراضة على حقها و بداو عيالات كيمشيو بقاو غير لي غادي إعاونو نادية فجميع و فاطمة و فراح و صفاء
ما سلاو جميع روينة ديال دار أدم تال 21:00 تقريبا عمرات ليهم نادية أتاي و جلسو فلبيت مجموعين كيشربو أتاي
فراح دارت عند أحلام لي كانت جالسة حداهم
فراح: أحلام عافاك أختي شريبا
أحلام :واخا أحبيبة
ناضت جايبة ليها لماء تا كتلمح أدم داخل شاف فيها و غمزها حركات راسها بلإيجاب و تمات غادا توصلات عند فراح بغات تعطيها لماء و هي تكبو عليها
أحلام: سمحي ليا أختي فراح گعما قصدت
وقفات فراح كتمسح فكسوتها: هانية عادي كتوقع
نقزات نادية : اويلي أبنتي أش درتي
فراح : عادي اخالتي أنمشي لدار و نبدل
نادية: لا أبنتي دبا تعطيك أحلام ما تلبسي
شافت فأحلام: بنتي ديها تبدل حوايجها
يله بغات فراح تدوي تا سبقاتها أحلام
أحلام: واخا اماما
جراتها أحلام تال دروج
أحلام: هانتي طلعي لطبقة لفوقانية أنهبط نجيب ليك حوايج من تحت واخا
فراح : كون أخاليتيني نمشي لدار و نبدل و الله بلا منعدبك
أحلام بدات كتقلب على شي كدبة تقولها ليها تا لقاتها
أحلام: راه لتحت عامر فيه رجال مجاتش تخرجي من قدامهم و زيدي عليها اصلا واخا ميكونوش منخليكش تخرجي لزنقة هاكا يله طلعي هنا جايا و واخة تلقاي باب مسدود راه أحليه حيت مامسورتش
مخلاتش ليها فين تعتارض دغيا كملات جملتها و نزلات لتحت خلات فراح واقفة شافت تا عيات و هي طلع لفوق حلات باب كيما قالت ليها أحلام غير حلات باب نباهرات من ديكور ديال دار متقولش كينة فحي شعبي خلات باب محلول و بدات كتستكشف فدار
لتحت⬇️⬇️
كان داخل بخوطواتو معتادة و تخنزيرتو حرام واش يتفارق عليها لمحاتو احلام و بتاسمات بشر😈
تسناتو تا طلع و عيطات على أدم و تبعوه هو لي كان طالع فدروج وصل لطبقة ديالو كيبان ليه باب محلول عقد غوباشو كثر ماهي معقودة دخل بدون ميدير لحس
فهاد لأثناء كانت داخلة لواحد لبيت لي لقاتو محلول دخلات ليه كتشوف تصميم عجباتها بزاااف هاد دار تصميمها راقي وقفات كتشوف لبيرو تا كتحس بشي حد من موراها عند بالها أحلام بغات تخلعها وهي دور بجهد مع دارت مع تخبطات مع صدرو نتوما أشمن صدر كنقصد حيط تا كانت أطيح مي شدها من خصرها و زاد قربها ليه تا ولا راسها عند صدرو و صدرها محاك معاه
ريحتو دخلات مع نيفها كيف شماتها عرفاتها ديال راجل عضات على شفايفها بإحراج و وجها تزنگ بغا إطرطق هو لي كان كيحس بيها توترات من تقفقيفا لي شداتها و كتحاول تبعد مي هو عاد مزيرها عندو كتر تا طلعات راسها لي غير طلعاتو تلاقاو عينيهم مع بعضياتهم لي شافهم بحالا شاف ليل بظلامو و توضر فيه مبقاش قادر إبعد عينيه من عينيها بحال شي مغناطيس هي لي لعكس ديالو غير شافت فعينيه معرفاتش علاش ركبها لخوف و شكل ديال غوباشتو لي لحد الأن مزال مفكهاش هبطات عينيها. دغيا و هو عاد تحرر من سحر لي تلقا عليه من عينيها هبط عينيه كيتفحص وجها من شفارها نيفها حنيكاتها لي غير عضات على فمها بانو غمازات دياولها هنا هو صافي معرفش علاش كيحس بلحرارة طالعة معاه هي حولات تبعد منو مي والو و هو غارق فتفحص وجها كيسمع شي حد حنحن تلفت كيلقاها أحلام لي عينيها مرة كطلعهم فيه مرة لا بقوة حشمة تخيلات موقف ديال فراح فديك لحضة شافت ففراح لقاتها كترجاها بعينيها تفكها من هاد الورطة
نطق بصوت رجولي فيه بحة دخلات لمسامع ديال فراح: أش بغيتي
أحلام توترات و ركباتها لخلعة و ندمات علاش دارت هاد خطة بحال هكا
أحلام: هو أنا كيف شتي بصراحة
سيف الدين: نطقي دغيا ولا خرجي
فهاد أثناء فراح گعما يأسات بمحاولة باش تخرج من قبضة ديالو مي هيهات معامن هي
سيف الدين عصباتو مخلاتوش بخاطرو دار شاف فيها و خاطبها
سيف الدين: غاترساي بيديك ولا نقطعهم لمك
فراح ركباتها لخلعة و زگات كتعرفو لجماد ياكو إوى بحال هكاك ولات فراح
أما أحلام صافي بولا لي بقات ليها مطلقاتهاش: هو فصراحة بغيت فراح
بتاسم بجنب فمو بالكاد تقدر تشوفها ملي عرف سميتها تمتم بصوت خافت غير مسموع: فراح
باقي نظر ديالو على فراح و نطق: سيري هايا أتبعك
أحلام و فراح تصدمو خصوصا فراح لي عينيها غرغرو بهاد موقف لي تحطات فيه كتشوف برجاء فأحلام مي احلام معندها مدير ليها هي براسها إلى ساق ليها لخبار هي مولات لبلان يقطعها
سيف الدين نطق بصوت عالي شوية: واش مسمعتينيش أش قلت
أحلام: هاااء أااه. واخا
تمات غادا تا كتسمعو قال
سيف الدين : سدي لباب موراك
فراح صافي مسكينة ولات كطلب أباش ربي يفكها منو
أحلام خرجات و سدات لباب تا كيتم جاي عندها أدم و كيقلب بعينيه
أدم: فيناهيا فراح
أحلام مزال شداها قفقافا: لداخل
أدم بتساؤل: و علاش مخرجتيهاش؟؟؟
أحلام شافت فيه: على هو خلاني
أدم وسع عينو بصدمة : كفاااااش
أحلام : لقيتو ...... و قال ليا هايا تابعاك خرجي و سدي لباب
أحلام عودات ليه أش شافت و أش قال ليها
أدم بتاسم: إذن صدق كلامك صحيح
أحلام شافت فيه ضحكات معصبة: شوف أنا فين و نت فين و دبا كينديرو ليها نخرجوها عنداك غير إيدير لدرية شي حاجة
أدم دار و تم هابط من دروج: متخافيش مغادي يأذيها
هبطو بجوج من دروج و أحلام لقات فاطمة مشات سولاتها نادية على فراح قالت ليها راه فطواليط
أما لفوق عند الأبطال ديالنا لي غير خرجات أحلام دورها لجيهت لحيط و ليدو مزال فخصرها و ليد ثانية حاطها على لحيط مكالي بيها و هبط راسو تا ولا فمو عند جبهتها ونيفو عند راسها مغمض عينيه و كيشم فريحتها بلا ميعيق
فراح كتمنى الأرض تشق و تبلعها ولا هاد موقف كتحس بأنفاسو سخونة كضرب فيها سمعاتو نطق بصوت خافت بحال فحيح أفعى
سيف الدين: اممممم فراح أش جابك لهنا
فراح لسانها تسرط و كتعض فمها بقوة توتر و لحشمة تا كتحس بيه زير ليها شوية على خصرها جوباتو بلا متشعر
فراح دوات بصوت خافت و حنين و مغنغن حيت حابسة لبكية بالكاد تسمع : هو أنا قالت ليا أحلام نطلع لهنا باش نبدل حوايجي حيت تخوا عليا لما
سيف الدين صوتها دخل لمسمع ديالو بحال شي لحن بقا منشوي مع ريحتها و صوتها غير كملات هضرتها حرك ليدي كيدوزها على خصرها بغا يشوف واش كلامها صحيح تا كيقيص بلاصة ساردة ليكانت جيهة كرشها لي لاصقة على ظهرها هو دارها حجة و زيارة منها يشوف واش كلامها صحيح و منها يستكشف لحمها
هي لي حسات بيه كيدوز عليها ليديه و ركبها لخوف مي غير حسات بكسوة من جيهة لي ساردة قاصت لحمها و ليدو محطوطة فوقها رتاحت نوعا ما حيت عرفاتو بغا إتحقق من كلامها
سيف الدين لي حل عينيه و بعد من حدا وجها و بقات عينو عليها كيتسناها تشوف فيه باش إغرق فبحر عينيها عوتاني عاود نطق
سيف الدين: اممممم فين كنتي ساكنة قبل
هي مبقاتش باغا تجاوبو كرهات راسها حيت طلعات هنا
سيف الدين هبط تا ولا فمو عند حنكها لي غير بدا كيدوي شفايفو قاصو حنيكاتها لي حس بسخونيتهم مقارنة بشفايفو و تا برطوبة لحمها
سيف الدين: ما عزيزش علينا نسول شي حد و يخليني بلاكة زير ليها على خصرها تا تأوهات
فراح: اااه ،،ك ككنت ساكنة فلمدينة
سيف معرفش لاش كيحس بسخونية طالعة معاه و هو قريب ليها و زادت كملات عليه ملي تأوهات صافي عينيه تلقائيا هبطو لشفايفها منفوخين منظرهم مثيير كيتخيل كفاش غايكون طعمهم فاق من سهوة ديالو ملي سمعها نطقات
فراح: عفاك واخا تخليني نمشي
سيف الدين مكرهش ميطلقهاش مي خاصو إيخاليها تهبط قبل مطلع مو
زير ليها على خصرها بجهد تا تأوهات و طلعات عينيها تلقائيا فيه هو معرفش لاش دار هكا مي كان محتاج إيشوف عينيها علاش معرفش سها فعينيها لي فيهم لمعة براءة و دموع لي مجموعين فيهم هي صافي بقا ليها شوية و عينيها يوليو شلال حسات بتوتر من نظراتو عضات على شفيفها و هبطات عينيها هو لي تحنا تال عند فمها استنشق ريحتها لمرة لخرى و نطق بصوت خافت
سيف الدين: متبقايش تعاضيهم
يتبع....✏️