نادية: إوى هادشي لاش بغيتهم
أحلام : أه هكاك إوى لا كان غير هكا هانية منها نيت نتعرفو على هاد ناس جداد مع سلات كلامها لقات راسها قدام باب دار حطات سطولا و كراطة و هزات كفوفها لسما
أحلام : وياربي يكون عندهم شي تيتيز
نادية: أستغفر الله وجهك هداك ولا أش
أحلام : هيهيهي واتي غير ضاحكين
دخلو دار و سدو باب و بداو تسياق مع ضربات 22:30 تا كانو كملو تسياق و دار نشفات جمعو سطولا و داكشي لاخور و رجعو لدار لقاو عمر كيتفرج حطو حوايجهم و جلسو حداه
عمر شاف فيهم: ساليتو
نادية : خوي ليا أبنتي كاس الماء
رجعات شافت فعمر :أه سالينا
عطاتها أحلام ما شربات منو و حطاتهم
عمر: اه إرضي عليكم إوى أش كنتي ناوية تقولي ليا
نادية بدات كتنش عليها بفعل صهد لي كين : أه فكرتيني قررت غدا نطيب و نعيط لجيران
عمر صغر عينيه : و بأشمن مناسبة
نادية زگات من نشان و شافت فيه بنظرة ديال واش من نيتك
نادية: راه بحالا ولدك كان غايب هادي عامين و زيادة
احلام كانت منتابهة لكلامهم غير سلات نادية جملة ديالها دوات: أه متافقة معاك مي سيف مغاديش إيبغي
نادية خنزرات فيها: علاش مغاديش إيبغي مالو غادي هو لي طيب ليا إلا محملش صداع إطلع لفوق تا يمشيو ناس و يهبط أنا لي كنعرف دايرة هاد عراضة و سالينا
عمر: وا لي بان ليك ديريه
يله أتجاوبو نادية تا كيسمعو تيلي كيصوني ليه
💥 عند فراح 💥
طول طريق و هما ساكتين مرة مرة فين كيدويو طاح عليهم الكأبة وصلو لدرب سلطان و بضبط فدرب لغادي إسكنو فيه هبطو من طونوبيل و هز تيلي ديالو صونا لمول دار
مكملاش 5 تواني تا جاوبو طرف الأخور
....: ألو
عبد الله : ألو سي عمر راني وصلت أنا دبا حدا دار(أيه عمر لي علا بالكم 😈)
عمر وقف و نعت نادية بليديه: صافي راه عندك ساروت حل لباب و دخل هانا جاي
عبد الله: واخا يله تاتجي
قطع عمر مع عبد الله و تم خارج
نادية تابعاه: واش وصلو
عمر: اه ياله
أحلام شافتهم غادين وجاها فضول تاهيا تعرف على عائلة
أحلام: تسناوني هانا جايا
مشات لبسات جلابتها لي حطات و مشات تجري
عبد الله حل لباب ديال دار و هي ضرب فوجهو رائحة سانيكروا بتاسم تلقائيا ملي عرف راه سيقوها دار عند فاطمة و بناتو
عبد الله : دخلو تكتاشفو أنا نوقف على هادو يدخلو هادشي
حركو راسهم بالإيجاب و دخلو بجوج و معاهم صفاء
دخلو و بداو يضورو فيها بتاسمو براحة حيت دار عجباتهم و كبيرة من فوق
دارت فراح عند ماماها: ماما كنشم ريحت سانيكروا
فاطمة: أيكونو مساكن ملي قال ليهم عبد الله جايين سيقوها
فراح بتاسمات : أه الله إيجازيهم بالخير
راجع من قهوة داخل لدرب لابس تجاكيطة من فوق حوايجو حيت تحرك لبرد شوي تا كيلفت إنتباهو كاميو فيه رحيل و بضبط قدام دارهم بقا كيشوف تا كيلمح عمر و نادية و تا أحلام لي غادين جيهت دار
عيط بصوت هادئ: عمر
عمر تلفت تا كيبان ليه سيف الدين واقف عاقد غوباشتو كيف ديما و خاشي ليديه فجيبو تماشاو كلهم تا وصلو عندو
عمر: نعام أولدي بغيتي شي حاجة
سيف الدين : أش واقع تماك
عمر تلفت كيشوف فين كيشوف سيف عاد عرفو علاش كيدوي
عمر: دار سفليا كريناها و جاو ناس إسكنو فيها دبا
فأثناء ملي كان داوي سيف مع عمر خرجات فاطمة و بناتها لعند عبد الله
سيف الدين ياله بغا إيقول ليهم صافي هاني غادي لدار هو يحول نظر ديالو لجهة دار ثانية، تا كيلمحها عاطياه بظهر و فورمتها باينة برغم من ملابس ديالها محتشم إلا أنه مامخليش جمال مناطق أنثوية ديالها
سيف الدين : غاسيرو غنتسناكم هنا
نادية : غير سير أولدي ترتاح بلا متعدب
كتافا فقط بتحريك راسو بلا، شافوه ناوي إبقا خلاوه و زادو
عمر حط ليدو على عبد الله تا تلفت
عبد الله بتاسم و سلم عليه : أهلا سي عمر لباس عليك
عمر: الحمد الله الحاج كيوصلتو بعدا
عبد الله : لا الحمد الله مكينش طريق بزاف من هنا لمدينة
عمر: أه عندك الحق
نعت لأحلام :هادي بنتي
غير كملها تحدرات ليه على ليديه بغات تبوسهم تا خطفهم ليها و حط ليديه على راسها
عبد الله : الله إرضي عليك
أحلام كتافات بإبتسامة
كمل عمر كلامو: و هادي مدام
كتافاو غير باش إحركو راسهم لبعضياتهم و كلمة متشرفين تنطقات من فامهم بجوج
عبد الله : بدر وا بدر
تم جاي بدر لقا عمر بتاسم و سلم عليه حيت ديجا تلاقاو
بدر: كيداير أعمي
عمر : لباس أولدي و نت
بدر: بيخير
لمح أحلام و نادية مشا جيهت نادية باس ليها راسها و كتافا إمد ليدو لأحلام
أحلام نطقات ما بين سنانها: تفو قلت إيكون تيتيز و نسيت مقلتش و يكون كبر مني
عبد الله: هدا ولدي بدر
نادية : الله إخليوه ليك
عمر لمح صفاء لاصقة فرجل عبد الله و هو ينطق
عمر: و شكون هاد أميرة
بدر لي كان باقي حدا أحلام نطقو بجوج ب: 1_0 بصوت لي سمعوه غير بجوج شافو فبعضياتهم و حبسو ضحكة أبزز
عبد الله: هادي هي أميرة ديال دار صفاء
بتاسمو كل من نادية و عمر و تحنا هزها و باسها
عمر: مممم أش قالت أميرة تقبل نكون عمها
صفاء بتاسمات : أه و لكن بشرط تجيب ليا شكلاط
قالت هاد جملة خلات عبد الله مصدوم و أحلام و بدر لي حابسين ضحكة على كبيلة لقاو فاش إخرجوها
بدر و أحلام: ههههههههههههه
عمر ضحك: صافي تفاقنا
خداتها من عندها نادية و باستها تا هيا و حطاتها و باستها تا أحلام
هادشي كامل داز على عينين سيف لي فلحظة فاش خلاوه نادية و عمر و أحلام صونا ليه تيلي وتلفت إدوي فيه غافل على فراح لي دخلات مع ماماها سالا مكالمة دار ملقاهاش قلب عليها بعينيه ملقاهاش تعصب و زاد تعصب ملي شاف راسو تعصب حيت غير ملقاهاش بقا واقف كيتسناها تخرج ملي شافها مخرجاتش حك على لحيتو بعصبية ياله كان غادي إمشي تا كيلمحها خارجة و عاطياه بظهر هي و ماماها خشا ليديه فجيبو و بقا مراقبها فواحد لحظة نزل عينيه لرجليها بانت ليه لابسة سندالة و رجيلاتها بيضيين و حميمرين من جيهت قدام سرط ريقو و تم طالع بعينيه من رجليها لراسها و كيتساناها غير تدور
خرجات مع ماماها تا كيلمحوه واقف مع شي ناس وصلو عليهم و خرجو من فمهم السلام عليكم خلاو كل من عمر و أحلام و نادية إيشوفو شكون لمحو فاطمة
نادية و أحلام زاحو نظر ديالهم على فاطمة متاجهة لفراح لي غير شافوها توسع بؤبؤ ديال عينيهم من إعجابهم بجمالها
نطقو دقة وحدة : مشاء الله
قاطع سهوتهم عبد الله لي نطق: هادي مرتي فاطمة
مشات فاطمة سلمات على نادية و أحلام
عبد الله :و هادي هي ملكة ديال داري بنتي كبيرة فراح
فراح لي تزنگو خدودها مشات جيهت عمر بغات تبوس ليه ليديه مي تاهو خطفها و ربت على راسها قائلا: الله إرضي عليك
فراح نطقات بصوت خافت و حنين بالكاد كيتسمع: أمين
مشات جيهت نادية لي غير وقفات حداها بغات تسلم عليها و هي تشد ليها نادية وجها بين ليديها و باسها فخدودها لي منفوخين بعدات و نطقات
نادية: الله إحفضك من عين خالق
فراح بتاسمات بلطافة و تمشات جيهت أحلام لي تاهيا سلمات عليها بالوجه
بقاو كيدويو و أحلام مرة مرة كتهز عينيها كيبان ليها سيف الدين باقي كيشوف ف فراح هادشي لاحظاتو ملي كانت واقفة معاه
بقا فيها و بغات تحقق ليه أمنية ديالو هههه و هي تشد ليدين فراح بشوية و نطقات: ياله ندخلو داخل باش ندويو على راحتنا
مخلاتش لفرصة لفراح باش تجاوبها و جراتها تمات غادا بيها لجيهت دار هاد أخيرة لي غير دارت و هزات عينيها جاو فعينيه ديريكت لي شوفاتو دايرين بحال صقر دغيا تزنگو حنيكاتها و هبطات عينيها و تبعات أحلام
هادشي كامل داز على عينيه لي لاحظ أحلام مرة مرة كتشوف فيه و عرفها دارت ديك حركة بلعاني مي فخاطرو كان شكرها على داك تصرف
كان ملاحظها كيف سلمات على باه و ماماه و كيفاش كتحرك بحال شي فراشة هنا جاه فضول كثر إيشوفها تا كيلمح أحلام جراتها و ضوراتها، لي غير دارت و جات عينيه فعينيها حس بقلبو ضرب بجهد و عض على شفايفو على إثر هاد شابة لي متفجرة أنوثة من راسها تال رجليها مخفاوش عليه حنيكانتها لي تزنگو غير حيت جات عينيها فعينيه و لاحظ عينيها لي فيهم لمعة براءة لي قليل في كيقدر يميزها فشي وحدة و شفايفها لي بحال كرز منفوخين و صغيورين هادشي كلو قدر إلاحظو فهاد ثواني غير دخلات بقا واقف تماك دقيقة كيستوعب هادشي
تمشا بخطوات واتقة جيهة عائلتو لي غير وصل لمحو عمر
عمر: احم سي عبد الله هدا ولدي سيف الدين
عبد الله لي هز راسو و شاف فيه كيلمح شخص عندو هيبة غريبة و رجولتو طاغية
عبد الله: سلام و عليكم
سيف الدين مد ليدو لعبد الله: و عليكم السلام خاصكم لي عونكم
عبد الله لي مد يدو بإبتسامة صافحو: لا الله إرضي عليك
سيف كتافا غير بهز راسو و شاف فباه
سيف الدين : هاني مشيت
أومأ ليه عمر براسو و مشا وخلاهم
يتبع....✏️