انتقام هز قلبي

الفصل الثامن والثلاثون

حكايتى عادية زى أى شاب مقبل على الحياة حبيت واتجوزت ملك كانت كل حياتى بنحب بعض فوق الخيال ماحدش عمرة زعل التانى غير طبعا المشاكسة العادية إللى بتحصل بين أى اتنين وبتكون من الحب مش اكتر وبعد شهور عرفت ان ملك حامل مش قادرة اقولك كانت فرحان ازى ان هشوف حتة منى ومنها بعد تسع شهور كنا طيرين من السعادة بنعد اليوم بالساعة والثانية عشان يشرف حتة مننا تكون شبهنا وتكمل عيلتنا الصغيرة وبعد تسع شهور شرفت عشق بنتى كانت شبهنا احنا الاتنين مازعلتش حد فينا واخدة من ملامحنا وملك أختارت اسمها اول ماعرفنا انها بنت قالت هتكون عشق يوسف عشان انا بعشقك وشرفت عشق وحياتنا بقت احلى واحلى وكان كل يوم فى حب وسعادة ونتمنى عشق تكبر وتحبى وتمشى وتجرى والحياة كانت ماشية عادية وطبيعية جدا وعشق بقى عمرها سنتين  وخرجنا نتفسح كلنا وملك طلبت ايس كريم نزلت من العربية اشترى واتاخرت شويا جالى تليفون من بابا ملك شكلها احست بتاخيرى مسكت عشق ونزلت مع العربية وجاى تشوفنى بس القدر كان اقوى منى ومنها وهى فى طريقها ليا عشق سابت اديها عشان تجرى عليا وملك حاولت تمنع عشق وانا بجرى عليهم وفى لحظة لاقيت مراتى وبنتى غرقانين فى دمهم على الطريق مش كنت مصدق نفسى ومش عارف اتحرك ولا اعمل اية فضلت حاضن فيهم ومش مستوعب وجات الاسعاف وانا ماسك فيهم مش عايز اسيبهم وعرفت يومها انها نهاية حياتنا من يومها جالتى حالة صرع زى إللى حصلت امبارح وانتى ساعتينى ورفضت اعيش فى بيت اهلى فضلت هنا فى فيلتى إللى عشت فيها اجمل أيام حياتى وماحدش عايش معايا بيجى حد ينضفها وبس باكل عند اهلى او فى الشغل او مابكلش عادى وحياتى هنا يمكن بابا فاكر لم اتجوز هتغير بس حياتى فعلا مستمرة بس على امل ان اقابل مراتى وبنتى ورافض الجواز انا اسف انى كنت سبب فى انك تسيبى ليل بس غلطة هانى لازم تتصلح تعالى معايا اوصلك بيتك مع جوزك بس الاول اجيب الورق من بابا وهانى انا هتصرف معاه بنفسى عشان استغلك واستغل طيبة بابا وخوفو علية واستغل تعبى انا هسوية على نار هادية واتفرجى انتى بقى علية
هابسى بفرحة : شكرا بجد ربنا يخليك انا فرحانة ان لسة فى ناس مخلصة كدة زيك لسة متعلقة بالحب الحقيقى الأشخاص بتموت لكن الحب بيفضل عايش ومش بيموت وفرحانة بخلاقك انك مش بتستغل المواقف زى هانى التهامى
يوسف : هغير هدومى واروح بيت بابا وبعدين نروح عند ليل ماشى
هابسى : اوكية بسرعة بقى
يوسف : هههه حاضر
. .
صعد يوسف وغير ملابسة ونزل عند هابسى .
يوسف : انا جاهز يلى بينا
هابسى : يلى
وصل يوسف إلى منزل والدة :
يوسف : خليكى هنا هجيب الورق واجى بسرعة
هابسى:  حاضر
.
دخل يوسف المنزل
يوسف : بابا بابا
ام يوسف : حبيبى عامل اية
معتز : خير ياحبيبى العروسة عجبتك
يوسف : بقى حضرتك تعمل كدة عشان اية انا سعيد بحياتى كدة لية مش عايزين تصدقو دى حياتى وراضى بيها ازى حضرتك تقبل انك تظلم انسانة مالهاش أى ذنب غير ان هانى يبق خالها هانى باع بنت اختة عشان الفلوس وبس دة ندل وجبان ولازم تفصل الشراكة إللى بينا وانا مش هقبل حياة الناس تدمر بسببى ارجوك فين الورق إللى يثبت جوازى عايزة لازم ارجع الحق لاصحابة
معتز : انا ماعرفش ان بنت اختة مش موافقة هو قلى انها تعرف وموافقة صدقنى يابنى
يوسف : انا عارف ان هانى اكيد لعب عليك لعبة انا عارفك كويس يابابا بس هانى دة لازم يتزل ولازم يوقع كفايا دعم فية بقى
معتز : الحمدلله ان التحويل لسة ماتمش انا هوقف التحويل والورق اهو دة كل الورق هو قالى مظبوط مش مزور والمحامى عاملة بتاريخ قديم بس
يوسف: تمام يابابا لازم نخلص من الشراكة دى بقى
معتز : انا مش هقبل بية بعد غشة وخداعة لية
يوسف : هوصل هابسى وهطلع على الشركة مش عايز اشوف هانى سلام
معتز بحزن : سلام يابنى
. . .
يوسف : معلشى اتاخرت عليكى
هابسى : لا عادى
يوسف : فين بيتكم
هابسى:  فى المهندسين فيلا النجار
. .
فى غرفة ليل يشعر بفرحة بعد أن سمع صوتها يعلم انها بخير ويتنفس بارتياح
. .
بعد دقايق يدق جرس الفيلا والجميع موجود لم يغادر احد حتى العرسان موجودين فسامر لا يترك اخية فى محنتة ويرحل
. .
فتحت سمية بقلق الباب
ودخل يوسف ومعة هابسى
نزل ليل على صوت جرس الباب فقلبة يدلة انها زوجتة ونزل بسرعة
والجميع بحالة اندهاش
الجميع بفرحة:  هابسى
ليل يحتضنها بقوة : هابسى وحشتينى وحشتينى وحملها من فرحتة ودار بها
سامر:  ايوة ياعم وانا إللى سايب عروستى دة انا لسة عريس بردو وقاعدة هنا عشان اخاد بخاطرك حس بينا طيب
انزل ليل هابسى بفرحة : ماحدش قالك تفضل هنا انت ومراتك بيتك بيتك ياشاطر
سامر : بقى كدة نمش يعنى
شوفتى ياماما بيطردنا ازى طب نسلم على هابسى طيب
سمية : حبيبتى انتى كويسة
نور ومريم يقبلوها بشوق:  واحشتينى كنا هنجنن عليكى
هابسى : انا كويسة الحمدلله
جهاد : حمدلله على السلامة
عز : قلقنا عليكى الحمدلله انك بخير
هابسى : ليل اقدملك يوسف جوزى ههه
يوسف : ولا اعرفها دى بتتبلى علية
ليل:  يسلم على يوسف : اهلا بيك اتفضل اقعد
سامر: يقعد فين دة ضرتك ياخويا ههه
ليل:  سامر اسكت انت
يوسف : انا مقدر حالة الخوف والقلق إللى انتو كنتو فيها بسببى بس اقسم بالله ماعرف حاجة عن الموضوع نهائى ودة كل الورق إللى هانى عملة بس انا اعرف انة مزور ومافيش أى اثبات من الصحة ومافيش جواز قايم اصلا  دى لعبة عملها على بابا عشان يستغل اسمة وفلوسة وشركتة بس هانى دة تعبان وبيلعب من تحت لتحت بس خلاص قرب يوقع
عز : تقصد ان بيتجار فى الممنوع مثلا
يوسف : ومش اى ممنوع دى بدرة يعنى هيروين يعنى اعدام باذن الله وواخد الشراكة مع بابا اسم كدة بيدارى وراة اعمالة السودة بس فى شحنة داخلة عن طريق المينا وهو صاحب الشحنة دى بس لسة ماعرفش امتة الوصول بس هعرف بطريقتى
عز : حلو اوى انا رائد شرطة وممكن تبلغنى أى جديد
يوسف : تمام اكيد طبعا المهم بنتكم عندكم وكويسة والورق اهو ياليل قطعة بنفسك ولا موثق ولا حاجة انا اتاكدت من الشهر العقارى واضح ان كان بيضحك عليكو وعلينا المهم انها بخير ورجعتلكم عن اذنكم انا بقى
ليل:  مش عارف اقولك اية غير ربنا يحميك يارب
سمية : ربنا يكرمك ويسعدك يارب
ليل:  شرفت واى حاجة انا تحت امرك
يوسف : دة شرف ليا ولم اوصل واوقع التعبان هبلغكم
عز : خد دة ارقامى وهنظبط مع بعض
يوسف : تمام مع السلامة
ليل:  مع السلامة شرفت ونورت
.
ليل بفرحة : الحمدلله تعالى معايا
هابسى : على فين
ليل:  بعدين تعرفى بس تعالى
سامر : نعرف الاول حصل اية
عز:  يوسف دة طلع جدع اوى
هابسى: اوى اوى
ليل : لا والله
هابسى بابتسامة : اة والله هههه بتغارى يابلاك ههههه
الجميع : بلاك ههههه والله لايق عليك
ليل:  انا بلاك
هابسى: مش ليل يعنى سواد وسواد يعنى بلاك ههههه خلى قلبك ويت بقى
الجميع : ههههه
ليل:  بقى كدة ماشى