(الفصل الثاني عشر)
فى صباح يوم جديد بداخل كل شخص قرار.
داخل شركة النجار
تجلس هابسى فى مكتب السكرترية وشاردة الذهن .
دلف ليل والقا التحية وتوجه إلى مكتبه:
ليل: صباح الخير اطلبى نسكافيه بلاك بتاعى
هابسي بشرود. ها
ليل: ياريت نركز شويا بقولك اطلبى نسكافيه بلاك وتعالى ورايا
هابسى: حاضر
. .
هابسى لنفسها : بلاك زى اسمك يابعيد .
بعد دقائق أحضرت النسكافيه ودلفت لغرفه المكتب ، ووضعته امام مكتبه .
هابسى: اتفضل البلاك
ليل: معاكى كورس ايطالى صح
هابسى: ايوة
ليل: اتصلى على الرقم دة وحددى ميعاد انهاردة الساعة 8 فى مطعم . . .
هابسى: حاضر
تحدثت هابسى مع صاحب الرقم وتم تحديد الموعد ووفاق العميل الايطالى على الميعاد .
ليل: ها وافق
هابسى: اية ومنتظر حضرتك فى الموعد
ليل: اعملى حسابك تكونى جاهزة وعايز عنوانك عشان اعدى اخدك واروحك
هابسى: لا انا هروح المكان فى المعاد مالوش لازوم تتعب نفسك
ليل: هابسى انتى سكرترتى الخاصة ولازم تكونى معايا وهعدى عليكى فى الميعاد تكونى جاهزة قبل 8
هابسى: حاضر امرى لله
ليل: هاتى عنوانك ورقم موبايلك عشان اتواصل معاكى
هابسى: حاضر عنوانى. . ورقمى. .
ليل: تمام اتفضلى شوفى وراكى اية أة ومن بكرة تبدائي تجهيزات لحفلة عندى فى الفيلا مع مريم دلوقتى مريم هتفهمك تعملى اية وهتكونى معاها
هابسى: حاضر أى حاجة تانية
ليل: لا اتفضلى .
خرجت هابسى بغيظ: هو اشتراني ولا اية .
مريم : مالك خير عرفتى بالحفلة
هابسى: ايوة واحنا مالنا حفلة فى بيتهم
مريم : هههه دى حفلة تخص اختة الصغيرة عشان نجاحها فى الثانوية ولازم نعمل التجهيزات مع مهندس الديكور لازم تكون مشرفة
هابسى: طيب ياختى هكلم توتة اطمن عليها
مريم: وانا هرجع مكتبى تصدقى وحشتينى ههه
هابسى: بجد واخبار الإعجاب عندك عامل اية
مريم : مجنني نفسى ينطق يقول بحبك يقول كرهتك بس يقولى اى حاجة أى حاجة
هابسى: هههه ماشى ياعبدالحليم ههههه
. . قررت الاتصال لتطمئن على أحوال جدتها .
هابسى: توتة قلبى ازيك بتعملى اية من غيرى
طب خدتى العلاج
خلى بالك من نفسك
ماشى طنط منى عندك
طيب سلمى عليها وانا مش هتاخر عليكى ياقلبى سلام
. . .
فى بيت هابسي
منى: دى هابسي ياطنط
فاطمة : ايوة كل ساعتين لازم تتصل تطمن عليا
منى: ربنا يخليكم لبعض ياطنط انتو مالكمش غير بعض
فاطمة : والله يابنتى قلقانة عليها نفسى اطمن عليها قبل مااموت
منى : بعد الشر ربنا يديكى العمر والصحه وتجوزيها وتشوفى كمان ولادها
فاطمة : بس اطمن عليها يامنى مش عايزة غير كدة
منى : هى لسة رافضة الظابط طب حمدى وماشى ماحدش بيطقة دمة تقيل وحشرى زى والدتة لكن الظابط انتى بنفسك بتقولى كويس ومحترم ونفسه يخلى باله منها ويحميها لية بقى رافضة
فاطمة : والله جدع ابن حلال وكمان بيسئل عليا دايما ويكلمنى ويقولى ياتيتةلو محتاجين أى حاجة بلاش تعتبرينى غريب ويفضل يطمن عليه وعلى هابسى نفسه توافق علية
منى : ربنا يقدملها الخير ماحدش عارف النصيب فين
فاطمة : عايزة اوصيكى على هابسى يامنى هى بتحبك اوى خليكى جنبها لو احتاجتلك
منى: هابسى دى بنتى إللى ماخلفتهاش ربنا يحميها ويبارك ف صحتك ياطنط
. . .
فى قسم الشرطة
عز : يارب مافيش اى حاجة تقربنى من هابسى اعملها اية بس
وليد صديقة : كلمها اطمن عليها عادى جر ناعم هم البنات كدة تحب الرومانسية والحب
عز : ههه مش هابسى ياوليد
وليد : البنات كلهم والله واسالنى انا
عز : طيب هوينا بقى مش عندك قضية روح شوفها بقى
وليد : ماشى ياعم الحبيب
.
كانت تتابع عملها بالشركة ورن هاتفها: نظرت إلى الشاشه وجدت المتصل .
( حظابط يتصل)
هابسى : غريبة متصل لية
هابسى : الو
عز : الو ازيك ياهابسى عاملة اية
هابسى: الحمدلله خير فى حاجة هى القضية مش اتقفلت
عز : اة بس حابب اطمن عليكى اية هو مافيش بينا غير قضية وبس
هابسى: اكيد طبعا ياحضرة الظابط مافيش ولا هيبق فى
عز : طب لية التشائم دة طيب ادينى امل
هابسى : امل ماتت من زمان ، هو انت ماتعرفش
ضحك عز : ههه ماشى ياهابسى براحتك المهم اطمنت عليكى ولو محتاجة حاجة انا موجود
هابسى: ربنا يسهل مع السلامة
عز : مع السلامة
. . .
بعد ساعات العمل توجة كل شخص إلى منزله
. . .
ليل يستعد لمقابله العميل الايطالى لأجل إتمام صفقة مهمة :
. فى منزل هابسي
هابسى تتحدث مع جدتها وتقص عليها طبيعه العمل وتحاول اقناعها بالخروج ليلا .
فاطمة: عايزة تخرجى بالليل ياهابسى عشان الشغل يابنتى والناس تقول اية
هابسى: تيتة دة شغل واحنا مالنا بالناس انتى عارفة وواثقة انى مابعملش حاجة غلط مالى بقى بالناس
فاطمة : يابنتى احنا مش عايشين لوحدينا فى الدنيا والناس مابطبطلش كلام
هابسى: تيتة سيبك من الناس انا بقولك كل حاجة اهو ودة شغلى ولازم اكون جنب ليل لازم اوصل لهدفى عايزة اعرف اخرة اية شخصيتة اية عشان لم اضربة اضربة ضربة فى مقتل توجع لازم يحس بالوجع إللى جوايا لازم يدوق إللى دوقناة ياتيتة
فاطمة : ماانا مش خايفة غير من انتقامك دة ربنا يصلح الحال ويبين لك الحقيقة واوعى تظلمى حد لازم تتاكدى الاول يابخت من بات مظلوم ولا باتش ظالم يابنتى خليكى فاكرة فى دة ربنا مابيسبش حد يفضل يظلم يظلم ربنا ينتقم منه وهيكون عقابه شديد فى الدنيا والاخرة يابنتى
هابسى: حاضر ياتيتة هسمع كل كلامك
فاطمة : مش ليل هيجى ياخدك ويوصلك انا عايزة اشوفه
هابسى: اقولة تعالى والنبى اصل تيتة عايزة تشوفك الراجل يقول اية
ياتيتة بقولك اية ياحبيبتى انا هدخل انام عشان اكون مركزة فى اجتماع بالليل وانتى ياحبيبتى ادخلى ريحى شويا
فاطمة : بقى كدة ياهابسى انا عايزة اطمن عليكى عايزة اقولة اعتبرها اختك وخلى بالك منها
هابسى : ههههه انتى طيبة اوى يا تيتة ربنا معايا ماتقلقيش