سولفلي على روحك يابعد هالروح

بارت 35

                        ((( بقلم الكاتبة رفل )))

           ( سولفلي على روحك يابعد هالروح )

خليني علبالك من تروح بعيد

وخل روحي التحبك دوم فرحانة

اني لغيبتك ماحاسب احساب

بس حاسب للمحب الصعب نسيانة

وانت تدري الشجر بالورك يامحلاه

لكن شحال الي ذبل واليبسن اغصانة ..

رزان : كاعدة والتلفون بايدي  جا على بالي مهيوب

دخلت لبروفايلة شفتة نشط عاد اني ما اتفاهم بسرعة 

خليت الجهاز يشكل ع لايكات حته يرد اعرفة يغلس مرات

شفتة دخل للمحادثة .

بسرعة اتصل  كامرة

عزااا هسه دنطيني مجال اعدل نفسي شكو مستعجل ..

عاد سديته بوجها وتصلت صوت .

حجيت الوو .

رد  شكوو خير منو ماتت شصاير عمتي فاطمة بيها شي .

ضحكت ضحكة قووية شكو انت اشبيك ماصاير شي

بس حته ترد بسرعة ..

مهيوب : الله يطيح حظج فززتيني من نومتي كل بالي بيكم شي ..

هههههه لااا اطمن المهم صح النوم .

مهيوب : كعدت وفركت عيني نزلت التلفون من اذني ورجعت باوعتله والله هذا بروفايل طرزان . 

بس مو اسلوبها ابدد

رجعت تلفون وحجيت أنتي منووو 

رزان : اني رزان منوو يعني ليش كم وحده تتصل بيك كل يوم .

مهيوب : والله هواي بس عوفج منهم من وين جايج الاسلوب الحلو والحنية مخابرتني شترردين

اني رجال متحرم ماحب هل سوالف وابن عالم وناس وشيوخ 

اذا حابة تتقدميلي تفضلي للبيت ..

رزان : عزززا   اني اتقدملك لييش شكو شصار .

شسالفة خاف بعدك نايم   .  

شوو اصحى .

مهيوب : لااااا صاحي الحمدلله بس امي ماتقبل بنات يتصلون بيه بليل وحته كلتلي الي تحبك تجي من الباب مانحب سوالف الشباك .

رزان : خل اعدل كعدتي واردلك دقيقة ..

مهيوب : ايي تفضلي .

رزان : احم احم  شووف استاذ مهيوب .

قاطعني .

مووو شووف موو شوف اسمع اني ماجاي اشوف انتي اتصلتي بية صوت اني خابرتج  كامرة حته اشوف حقيقتج بس اعرفج مالحكتي تلبخين بليل .

هسه اشبيك دسمع اشكد مليق عابت . 

مهيوب : لجج احترمي مو هسة كتلج اسلوبج متعدل

طلعت نعسان  وطرزان عمرة ماراح يتغير .

عقدت حواجبي نفرزني كلش .

حجيت واللهي صووجي احجي وياك واني ماا اتصلت لسواد عيونك اتصلت بشغلة بس لوو تموت ماراح اكوولك .

مهيوب : لالااا گولي شوو گولي ..

رزان : لااا ما اگول أبد ويلا  باي وبعد للتراسل ولا تخابر .

مهيوب : على فكرة اعرف شنو تردين تكولين .

رزان : عقدت حاجبي معقولة يعرف بسالفة عمر وشهد اني ردت اكولة يخلي عمر يبتعد عن شهد لان جاي اشوفه كل يوم يوكف بشارع من تمر للمدرسة

واكف كدامها .

ايي شنوو تعرف احجي والله اني من زمان ردت احجيلك بس استحيت ماعرف شحجي . 

مهيوب : لااا تستحين من يمي يجوز اني هم اريد اكلج نفس الشغلة .

رزان : معقولة عمر الحقير حاجي شي لمهيوب لالاا ما اتوقع  بس قلقت هذا شيخربط 

اي مهييوب تفضل احجي .

مهيوب : تريدن تكوولين احبك موو ؟

رزان : عزززااا هذاا بالة وين رايح عبالة اريد اعترفلة

ارتبكت كلش ماعرفت احجي ضاع مني الكلام .

ثبتت السالفة من ارتباكي هوا انا صح احبة بس مستحيل افكر اتصل بيه واعترفلة . 

مهيوب : هممم شوو سكتي صحح موو درتي تكولين احبك .

يااربي هسه ااذا اسد الخط بوجهة همم راح تثبت علية الجريمة شسوي هففف والله استاهل

شكو متصلة بهليل بالرجال .

رديت بكلمات متعثرة انت اشبيك بابا اشبيك شنوو حلمان مستتحيل اكوول هيج غير سالفة والله .

مهيوب : لعد ليش ارتبكتي وماعرفتي تردين .

رزان : لاا ما ارتبكت وهاي رديتلك شكو بعد يلاا تصبح على خير ..

مهيوب : دقيقة شنوو تصبح على  خيرر وين رايحة .

هه اشبيك شنو وين رايحة انت شكوو ...

مهيوب :شنوو اني شكو انتي موو  جيتي كعدتيني
من نوومتي وتردين تنامين .

طبعا انام لعد اضل مكابلتك .

والله اذا ماا انام ماتنامين سعمتي شنوو كلت ..

رزان : لااا ماسمعت  ويلا بااي سديت التلفون بوجهةة وطفيت نت وخليت راسي ع المخدة ورجعت اذكر خبالة بسس من كال ردتي تكوولين احبك حسيته وااثق معقولة

واضح علية احبة ليش اني شنوو حااجية هوا محد يعرف هالشي بس شهد ..

معقولة شهد سووتها بية بس لالا  مستيحل شهد ماتحجي اعررفها.

والله كلشي اتوقع خل اكوم اسألها عدلت كعدتي ولميت شعري  بعدين ذكرت ساعة 2 وششهد شبعانة نووم .

ضربت كصتي بايدي لااا صدك صايرة ثولة على كولة خالة فاطمة . 

رجعت تغطيت وخليت راسي ع المخدة وبعدهاا ماحسيت بشي .

( يوم المهر )

رزان : والله كااسرة خاطري شهد لاتريكت ولاا تغدت صار المغرب وهي ماتقبل تخلي شي بحلكها كاعدة ع جرباية وصافنة بالفراغ وشعرها نازل على وجها واكتافها  وعيونهااا حمررة كلش اعرفهاا باجية شهد بس تزعل اوو تبجي تتغير ملامحها 180 درجة

والله مااا اريد اخليها تروح للمهر وتنقهرر بس لازمم تشووفة شلوون خانها لازم تشوفه شلون فرحان لازم تحقد عليه حته

تكدر تنسى حته تقووى .

توجهت للكنتور صرت اقلب بالملابس .

طلعتلي بنطرون اسوود وبدي اسود وسترى لون جوزي طويلة للركبة .

حجيت وي شهد   تعاي شوفي شنو تلبسين .

رفعت راسها باوعتلي وحجت انتي شوفيلي اي شي .

ابتسمتلها وحجيتت اممم  تردين تلبسين على ذووقي دقيقة هسه اطلعج ملكة وانتي تعرفيني بالذؤق طبعا..

شهد : ايي اعرفج من مهيوب ،،،

رزان : فاتحة الكنتور وجاي اسحب الفستان حجت هيج شهد طخت باليي سالفة مهيوب لتفيت لشهد وجيت

هييي انتي حاجية شي لمهيوب عني .

ششهد : شنوو شحجيت ماحجيت شي وين شفتة اصلا .

رزان : غلصت عيوني وباوعتلها متأكدة والله ااذا سمعت حاجية شي لاتلومين غير حالج .

شهد : لاتسوي خير شر مايجيك ...

رزان : شنوو شنوو  شحجيتي .

شهد : عزة يمكن جفصت   رديت لاااا مو يمج جاي احجي بغير شي..

رزان : مااشي شهد الخبر اليوم بفلوس باجر بلااش يصير خير.

رجعت طلعت فستان

ارزق فاااتح لشهد كلش حلوو مخصر من يم الخصر

ونازل لجوا ركبة يلبس ويا كعب اسود .

خليت شوي مكياج وسويت شعري بل لاوية مال شعر

ولبست   قبعة لميس  ع لون السترة وحذاء على لونهم كللش لاكت الي اللبسة ..

شفت شهد جاهزة وطالعة قبلي .

رحت بست خالة فاطمة 

حجت ما شاء الله ربي يحرسج من  العين طالعة گمر .

عيونج الحلوة خالة حبيبتي يلا احنة طالعين  تحتاجين شي ..

فاطمة : الله وياج ديرو بالكم من الطريق .

رزان : ان شاء الله ما  نتأخر شووي ونرجع .

اخذت ايد نازك الي كانت خابصة دنيتها عبالك هي العروسة ماخلت شي مالبسة وخلتة على وجهةة

حجيت يلااا ست نازك تفضلي .

رفعت راسها وباوعتلي حجت اني احلى منج .

غلصت عيني ونزلت مستواها وكرصت خدودها

اكييييد انتي احلى مني غيرر انتي عسل .

دفعت ايدي وصارت تعدل بووجها باوعتلي بغضب

وحجت خربتي مكياجي .

ضحكت ومسحت على خدودها  لا لا شووفي تعدل يخبل

اصلا ما خربان مكياجج .

اخذت ايدها وشهد تمشي وياي

وطلعنة بنص الطريق دك تلفوني شفتة ماما تتصل .

رديت ألو هلا ماما ..

مريم : انتي وينج خواتج وين شو تاخرتوا .

رزان : بالطريق هسه جايين .

مريم : ديلا استعجلي ناززك وياج خوما نسيتيها .

رزان : يووم خل انطيج نازك وكليلها خوما نسيتي

اخواتج جا غير هي تمشي قبلي هاج شوفي ماعرف وين لافت

امشي شهد امشي لزميها راح تفضحنة بالطريق ..

مريم : ديري بالج عليها يلاا شوفي تم العقد وهسه راح يدخل عمر وانتي بعدج تسحلين بروحج .

رزان : اهوو ماما شصار هوا عمر باي وصلت .

شهد : وصلت بابهم سمعت هلاهل لبرا واصلة حسيت كلبي انعصر عيوني دمعت باوعت لرزان ارريد ارجع

ماكدر افووت ..

رزان : امشي ادخلي كدامي ماكو رجعة صار لازم تتقبلين الواقع ..

شهد : بس اني ما اريد اشوف الشفقة بيعونة

وما اريد اشوف اسراء تشمت بية .

رزان : لااا بالعكس حبيبتي راح همم راح يشوفون شهد القوية والي محد يكدر يكسرها . 

دفعتها  ودخلنة للحوش .

شفت مهيوب واكف برا يخابر .

شافنة سد التلفون واجا بتجاهنة

عزااا ذكرت مخابرة البارحه والله فشلة ..

مهيوب : هلااا شجابكم هسه شوو متاخرين توقعت دخلتوا .

شهد : رزان اني راح افوت يمم ماما ..

رزان : لع اووكفي ندخل سوا .  شووهاي دخلت وعافتني ..

ضليت واكفة ومنزلة عيوني ع الارض ولازمة ايد نازك اعصر بيها من تووتر .

مهيوب : كلش حلوةة

رزان : باوعتلة واكف ومخلي ايدة بجيب البطلون

وميل راسه بصفحة ويباوعلي .

حجيت شنو هي الحلوةة . 

باوع بعيونيي وحجة عيونج كلش حلوة .

ابتسمت وصفنت شوي بعيونة وحجيت شكرا ..

اخذت ايد نازك ومشيت وعفتة وراي .

مشيت مسافة صااح باسمي  بنبرة كللش حلوة

ولاوول مرة يكول  اسمي هوا طول عمرة يصيحلي

طرزان  هالمرة غيرر كال رززااان .

وگفت بمكاني بعدين درتلة راسي وكتلة نعم  ..

مهيوب : ابتسمت  وحجيت ممكن بعد ماتخلص الحفلة نحجي .

رزان : ابتسمت وهزيت راسي بمعنى مووافقة ..

شفتة اشرلي باديه بمعنى اوك .

دخلت جوا وجهيي حرارتة تريد تطلع من عيوني

ع كد الخجل والارتباك  وكفت يم البراد اخذت كلاص وشربت  ماي مسحت خدودي .

هايي اشبيه ليش هيج وكانوا  اريد اوكع احم احم اشبيج رزان اثكلي شوي ..

رحمة : يياااا هااي انتي هناا واني ادورلج ..

رزان : اسم الله فززتيني  ..

رحمة : اسفة حبي شخبارررج شوو ماكو كاطعتها من  عدنا فد نوب .

رزان : رحت بوست رحمة وسلمت عليها ..

والله حبيبتي مشغولة هالفترة حيل انتي شخبارج .

رحمة : الحمدلله هففف ممتت جواا خنكة كومة نسوان عازمة اسراء . 

رزان : والله اكوو نسوان هواية جوا شدعوة هوا مهر .

رحمة : والله ماعرف ام عمر هم اخواتها كوومة اجن
صايرة لخ كلت اطلع اشتم شوي هواا اختنكتت ..

رزان : يااا لعد شلون افوت شفتيلي شهد  وماما ..

رحمة : يي شفت شهد جنة واكفين سوا وعمة مريم
كاعدة يم جارتنة وامي .

بهاي الغرفة لخ ..

رزان : لعد خل نفوت امشي . 

رحمة : لاااا دخيلج هسه طلعت مختنكة روحي وحدج ..

رزان : ههههه اوك .

خليت الماي على ميز طعام ورحت دخلت شفتة هسه جاي يلبسها الحلقة وكفت يم شهد .

شووي وحسيت شهد تريد تلزم ايدي اشتغلت الهلاهل

طبعا عمر عندة ٦ خالات وكلهن بعدهن صغار لعبن فلك

بالهلاهل والركص .

اخذت ايدد شهد وحجيت لاااا لااا شههد انتي  اقوا من هيج مستحيل اخليج تنذلين كدامة لجج

اووكفي عدل خلي يشوفج قووية ماعاش الي يذلج

..

شهد : رزان بس طلعيني برااا والله متاذية كلش .

رزان : ماشي تعاي ساعدتها  لانوو كلش تعبت ماعادت تكدر تمشي  ..

اخذتها للمطبخ ورحمة لسة كاعدة ع الكرسي .

شافتنة كامت هاا شكوو .

حجيت ماكو شي بس شهد تعبت شوي اريد اخذها للبيت .

رحمة : يااا   سودة علية شجالج حبيبتي .

رزان : ماعرف اتوقع جاي تتعب بالدراسة ..

رحمة :  ياعمري  شلون حترحون مشي .

رزان : اي والله شسوي احجي واني اخذ جاكيت شهد اللبسها ..

رحمة : زين اجي وياكم ..

رزان : لاا ميحتاج حبيبتي بس عينج على نازك جاي تركص جوا عبالك جايبيها من خالات عمر ..

رحمة : ههههههه اي والله نفس الشي كتلت روحها .

رزان : ابتسمت  وطلعت  للحوش. .

صار  كداميي مهيوب .

مهيوب : هاا وين ببعد وكت .

رزان : شهد شوي  تعبانة وراح  نرجع للبيت وهم مناك خالة فاطمة وحدها .

مهيوب : باوعت لشهد وحجيت سلامت يلاا لعد امشوا اوصلكم بالسيارة .

رزان : لاا ماكو داعي راح نتخطى .

شهد : لاا والله مابية اتخطى روحي انتي اتخخطي .

مشيت لسيارة .

رزان : لجج وجعانة تعااي هسه جنتي جايتج الموتة

مهيوب : له له له  ليش شهد مموتج تجي وي عرسي وين ترحين من الله  .

شهد : غيرر علمودك شنوو نسيت ..

مهيوب : لااا والله ولاا انسى اعررفج كفوو دبرتيها .

شهد : انداريت وحججيت شعبالك ..

رزان : وااكفة مثل الطرش بالزفة ماعرف شكو شنو

هاللغز الي بينهم ..

مهيوب : شفتها لسة واكفة صافنة دكيت هورن  وحجيت يلااا تعاي  تردين تبقين واكفة لصبح هناا.

رزان : عوجت حلكي ومشيت اريد افتح الباب الورا شفت شهد ماددة رجلها ع كل الكشن . 

تخصرت وحجيت هيي سويلي مكان وين اصعد فوك السيارة لو  بجنطة ..

مهيوب : افاااا اني اصعدج بالجنطة لااا والله شوو تعاي هذا مكانج يطبطب ع الكشن الكدام ويحجي .

باوعتله وحجيت لاا شكرا اصعد وي شهد ..

شهد : دفعتها وسديت الباب لا والله محد يصعد وياي صعديي من كدام ..

رزان : بسيطة نوصل البيت لوو لاا 

فتحت اال الباب وصعدت  كانت مشتغلة اغنية تركيا كلش حلوة والجو بارد وحلوو  وضلمة  مشت شوي السيارة واحنة ساكتين ..

صف السيارة مهيوب بابنا شهد نزلت وحجت وهنااا خللص دووري ..

مهيوب : كففوو من شارربج شهوودة .. .

شهد : تخصرت واني واكفة يم جاام وحجيت ترراا اررجع ..

مهيوب : ههههههه حقج علية عمي . 

شهد : يلااا ابوو الهوب شووف شغلك ..

رزان : جيت انزل ذوولي اشبيهم  ..

فتحت الباب  شوو مقفول باوعت لمهيوب حسيت السيارة مشتت

حجيت وووين مهيووب خلل انزل .

مارد  رجعت احجيي مهيوووب مو دا حجي   وياك ووين رايحيين .

مهيوب :  لبيت احلامنااا.

رزان : عقدت حاجبي وحجيت انتت شتحجي .

مهيوب  :  هسه راح تعرفين شنوو احجي ... 

دمتم بخير ❤️