سولفلي على روحك يابعد هالروح

بارت 34

           
              ((( بقلم الكاتبة رفل )))

      ( سولفلي على روحك يابعد هالروح )

آيهآ آلنصـيب رفقأ بقلوبنآ فقد آحببنآ بصـدق ☹️💔

شهد : واكفة اغسل مواعين ومندمجة  حسيت باايد تسحبني للغرفة

باوعتلها شفتها رزان زمخت بيها لجج ليشش مو جاي اغسل

حسيت بيها شي غريب ماعجبني وضعها

كلتلي اريد انطيج هاي الدشداشة الحمرة 

وهي جانت حته ماتخليني اشوفها 

عقدت حاجبي باستغراب وحجيت بس ليش تنطيني

حجت مو  هاي الي لا بستها عجبتني نزعيها اريد اللبسها وانتي لبسي هاي . 

اني من غبائي وطمعي بدشداشة الحمرة كمت اخذتها ولبستها ونطيت لخ لرزان تبادلنة رحت وكفت يم المراية  وباوع لنفسي حجيت فديييت الجمال

حته لايكتلي اكثر منج ..

رزان : أي فد شي تخبل عليج بالعافية حبيبتي ...

شهد : عوجت حلكي ورديت شكرا

رجعت صفنت ع المراية واجيب شعري منا واودي منا . 

شوي وسمعت الباب تكسر .

باوعت لرزان وحجيت شكوو ياستار ..

رزان :  عوجت حلكي بمعنى ماعرف بس اني اعرفة مهيوب لان اشرلي بايده معنى بسيطة اوكفيلي .

خليت شهد خطية فرحانة ماتعرف شنو مضموم الها

اجيت اطلع افتح الباب باوعتلها كلتلي حلوة موو

كتلها اي تخبلين شون مو حلوة . 

عاد اني رحت امشي بثقة للباب  اسمعة يندك قوي

واصيح اي اي جينا  ..

وصلت ولزمت المفتاح اخذت نفس قوي وابتسمت وفتحت الباب ..

صار كدامي مهيوب باوعلي من فوك لجوى  فتحت عيني وحجيت بصدمة مهيوب شجابك ..

مهيوب  : منوووو جانت برا ..

رزان : يااااا منو برا محد طلع برا .

مهيوب : بليي هسه شفت وحدة برا لاتخليني افقد اعصابي انتي جنتي برااا .

رزان : يااا شسالفة اني شعندي برا .

مهيوب : شوفي رزان حركاتج هاي ماتعبر علية ترا هاي سوالفي كلها انتي جنتي برا موووو ..

شهد : شصايرر ليش  متعاركين . 

مهيوب : اجت عيني على شهد شفتها لابسة نفس اللبس الشفتة برا  باوعت لرزان يعني موو انتي جنتي برا ..

رزان :  خليت ايدي على وجهي وصرت أشهك انت دائما تتبلى علية انت ليش ماعندك ثقة بيه ليش كل شي يصير متأكد اني السبب .

مهيوب : خلاص خلاص لاتبجين اسف عبالي انتي والله  وانتي شهد ليش كاعدة برا اني مو  حذرت موو كلت انتي ليش ماسمعين الكلام شوكت تكبرين ارتاحيتي هسه من بجيتي اختج 

باوع لرزان بعدها تشهك وحجا  شلون طلابة عمي وعلي عبالي انتي ماعبالي هاي طايحة الحظ  طالعة برا .

رزان : خلص يكفي مو كل مشكلة صير تخليها براسي

عفتة ودخلت للغرفة ابجي هوا اني ليش ابجي ماعرف اني طلعت برا واني الي شافني مهيوب واني الغلطانة بس هم ابجي .

شهد :  واكفة بالغرفة اعدل بالميز سمعت صوت مهيوب يعيط على رزان  عقدت حواجبي هذا اشبي

هسسه راح شرجعة  عفت الي بايدي ورحت اشوف شكو  اول مطلعت صار بوجهي حجيت شصاير صوتكم طالع

شو هذا شافني وركز علية وصار يخوزر   استغفرالله ناقصني اني 

سمعته يكول لرزان يعني مو انتي جنتي برااا .

صفنت شوي وطخت ابالي  عزااااا بس لا سوتها بيه الحقيرة

اني اعلمج  واني اكول رزان شون صارت كريمة بسرعة .

شوو هذا مهيوب صار يرزل بكيفة اني حته ماكدرت افتح حلكي انسحبت انسحاب تكتيكي 

يا ادبسزز ..

فاطمة : اشبيج جنج عتوي منو الادبسزز .

باوعت وراي شفت خالة نايمة ع جرباية  
حجيت لجج خالة موو بس ادبسزز هاي الحقيرة بنت اختج 

عزاا شسسوت بيه هسه ترزلت بمكانها المفروض مهيوب يكطع راسها لان صايرة خفيفة تسوي مشاكل وتذب براسي .

فاطمة : ترا صرعتي راسي تحجين لو بل كلاص .

شهد : انتي هم علية شوو ضربيني ضربيني لاتستحين 

شالت الكلاص حته تضربني بس والله ثكيل خفت يوكع براسي عادد عطتت لالا راح احجي والله راح احجي .

كعدت حجيتلها هي وامي شو اباوعلهن غصن من الضحك وكفت وتخصرت 

هاااي كلكم ضدي وضحكون بدل ماترزلون ام المصايب . 

مريم : اي والله ام المصايب صيحيلياها  شون تطلع برا كدام العمال شنو ماضل مستحى .

فاطمة : دسكتي سكتي وشكو بيها قابل مباوعتلهم

هي بحوشها وهم بشغلهم شنو هالعقل اشبيج  

شهد : اي خالة انتي دومج صفين وي رزان ضدي .

فاطمة :  شوفي شهيده اني لا اصف وياج ولا ويا رزان ولا ويا الحق اني اصف وي التفكير الي يعجبني

ورزان تفكيرها يعجبني اعرف وين راح توصل ف خلوها براحتها ..

مريم : خليت ايدي على حلكي وحجيت عزااا واني اكول منو جاي يشجع رزان طلعتي انتي . 

فاطمة : ابتسمت وغمضت عيني وهزيت راسي بمعنى اي وطبطبت على صدري  وحجيت تعلومي .

شهد : اي خالة انتي علمي ورزان تنفذ وذبوا براس شهد شعدكم شغل عمل .

فاطمة : اي حبيبتي بس اصير زينة هم اعلمج شسوين لا تستعجلين  شنو هذا الصوت كومي فتحي الباب ..

شهد : طبعا طبعا ماكو غيري بهلبيت شهد اغسلي شهد امسحي شهد فتحي الباب حجيت هيج وسحبت الباب  صار عمر بوجهي فتحت عيني مصدومة حسيت كلبي يريد يطلع من مكانة .

عمر :  رحت اشوف عمتي فاطمة مهيوب كلي خليتها ترتاح بيت عمتي مريم 

ماعرف شلون اروح لهناك وشهد موجودة بس كل اليهمني اطمن على عمتي وهم اكوللها بشغلتي
راح تكمل .

اول ماوصلت الباب سمعت صوتها اي هوا هذا صوت مجنونتي هذا صوت بنتي حبيبتي الي ماحافظت عليها هذا صوت البنت الي كسرتها وفعلا هي تستاهل واحد احسن مني وكفت  ورفعت أيدي دكيت الجرص وتمنيت ما اوشفها او تشوفني واكسر خاطرها

اريد ابعد عنها ارريد انساها اريد تعوفني وتشوف الاحسن مني

واكف انتظر برا شوي وسمعت خطوات ورا الباب

عدلت وكفتي انفتح الباب وشفت گمري الصغير خلف الباب

كانت لابسة احمر ضارب على بشرتها كان شعرها الاسود نازلة خصلاتة

كانت ابتسامتها مالية وجها لكن شافتني اختفت الابتسامة  تغيرت ملامحها من طفلة بريئة حلوة

لا انسانة كبيرة وحقودة وواعية ..

خمس دقايق واحد يباوع بوجه الثاني وكاني اريد احفظ شكلها بگلبي وكانو اريد اضمها بعيوني
بس هيهات كلشي انتهى .

كسرت حاجز الصمت وحجيت

بس جيت اشوف عمتي فاطمة . 

شهد : حسيت على نفسي وا  وكفتي وشعري طالع

حجيت تفضل خالة جوا .

نزع حذائة ودخل يمشي بخطوات مستقيمة ورجولية كان عطرة الرجولي تارس المكان طولة مشيتة عطرة عيونة ضحكتة سوالفة  نظراتة

شنوو راح انسى وشنسى منه سديت الباب بضهري

ووكفت شوي شفتة يدخل للغرفة الي بيها خالة فاطمة وانسحبت  فووگ لغرفة احمد   يجوز هي المكان الوحيد الي ارتاح بيه لان دائما فارغة ومسدودة محد يدخلها الا اني كل ما اتاذة من شخص ادخلها افرغ حزني بيها واطلع ابتسم مرات اذكر امل شلون جانت تجي للغرفة وتشتري اشياء

وتخليها وتعدل ومرات اذكر أحمد وضحكتة وسووالفة  هاي الغرفة من ادخلها احس امل بعدها عايشة واحجيلها على علاقتي بعمر واشكيلها وتروح ترزلة ويرجع يصالحني هوا يسمع كلامها ويحترمها نفس اخته اخخخ الذكريات تووجع هواي مرات انسى حزنيي من عمر اذكر بس امل واكول الله يرحمها ولا تهنت بفرحها ولا لحكت تفرح بس كلشي قضاء وقدر وهذا  المكتوب مانكدر نغيرة

صرت اتملس الاخشاب بايدي وامشي وصرت افتح الكناتير واشوف كل الفراش والجهاز الجهزتة امل

كان احمد محذرنة مانلعب باي شي يخص حياتة  وغرفتة حته وهو بعيد يتصل ويحذر ممنوع  احد يلعب بالغراض الي عافتهم حبيبتي ذكرى الي

كانت امي دائما تتوسلة حته يرجع وتبجي عليه لاكن ماكو فايدة أسس حياة جديدة هناك لاكن خالية من البشر وهذا هو اليريدة كدر يحققة

بعد نص ساعة ننزلت شفت عمر لسة مارياح وكفت يم الغرفة سمعته يكول يلااا اني اترخص وراي شغل والوالدة تريد تنزل لسوك .

فاطمة : مسهلة يبعد عمتك الله يوفقك ..

الله يسلمج عمتي الغالية بس لازم تحظرين  ...

شهد : عقدت حواجبي وين تحظر شصاير . 

ردت خالتي فاطمة  والله ابني لوو اكدر بعيوني اذا ما احظر  المهر مالتك احظر عقد منو بس والله تعبانة ورجلي مداساعدني .

عمر : زين أجل المهر لبين ماصيرين زينة وتكدرين توكفين على رجلج ..

فاطمة : خايب شمالك تخبلت روح ابني توكل على الله وكمل شغلتك خير البر عاجله

عمر : والله حبيبتي فطوم مايهون علية افرح وانتي مو وياي .

يابعد عمتك حبيبي أن شاء الله ع العرس حبيبي

ماخلي قصرة ..

عمر : أن شاء الله حجية يلا اودعناكم ..

مريم : بحفظ الله حبيبي لو ما فاطمة كاسرة ضهري جان اجيت ساعدت امك

بس راح ادز البنات يساعدوها .

ماتقصرين عمة الله يسلمج .

حبيبي شعدنة كم عمور هسه اخلي رزان تبدل وتروح تساعدككم.

طلعت امي وصلتة للباب واني ضليت واكفة صافنة يعني وافقوا اهلها يعني باجر المهر لهدرجة مستعجل

كلشي انتهى  ماسيطرت ع دمع نزل لحالة .

" يگول سنين ارتب بالسفينة وتالي غيري يصير نوح 💔

مسحت عيوني ورحت للحديقة كعدت شوي شفت رزان كاعدة ع المرجوحة كعدت يمها

صرت اباوع بالفراغ وصافنة اذكر ايام حبنا

باوعتلي رزان وحجت هااا هم رجعتي شنو انتي متوبين خلص انسي غلطةة وانتهت حلم وصحيتي منه كافي .

درتلها راسي وباوعت بعيونها وحجيت ليش اني  شاكيتلج او حاجية شي اساسا الموضوع كلة ميهمني .

.

شهد يكفي ضحكين على نفسج انتي  تكولين شي وعيونج تكول شي طلعي كل الحزن الي بداخلج خلاص شووفي شكلج عيونج وجهج صاير شاحب ملامحج خربانة دراستج هاملتها يكفي عااد ..

شهد : رزان ممكن تعوفيني ماحابة احجي وي احد . 

ايي طبعا حته تتخبلين اكثر من هالخبال بابا اصحي على نفسج هواا حته ماحبج فقط انتي حبيتي وعقلج صار يخليج تتخليين اشياء ماصايرة ..

هناا كلش تأثرت صعدت العبرة بصدري كنت محتاجة اصرخ صرت اضرب أيدي ع المرجوحة حيلل وابجي واحجي بصوت عالي خلاااص خلااص رزان عوفيني خليني اتخبل اي اي اني مخبلة عوووفوني . 

حسيتها قيدت حركتي باديها وضمتني لصدرها صرت اشهك وكانة حظن امي .

رزان اني تعبت اي اعترف تعبت ماجاي أكدر انسا ولا جاي اكدر اطلعة من بالي بهلحالة شنو  اسوي .

رزان : ياارروحي انتي هووا مايستاهل دمعة من عيونج الحلوة اني كلشي اريدة انو تجاوزين عمر وتنسي واني راح اساعدج باهلشي  اول شي لازم تكرهي وتشمئزين منه بهل حالة راح يصير نسيانة سهل ..

رفعت راسي من كتفها وحجيت طيب شلون اكرها .

رزان : اني اكولج شلون تكرهي كومي هسه ندخل جوا ونام تأخر الوقت ..

مهيوب : لك عمر من صدك طاح حظك لك هوا هيج والله رجلي صارت خيط من الصبح واني افتر ادولك قاط تلبسة 

اختار اي شي وفضنا خلي نرجع .

عمر :  مهيوب امشي وانت ساكت بقى هذا المول نروحلة وهاي هيه اخر مول والله بس امشي امشي شثكل دمك ..

لهنا وكافي ادري لو ابوي مزوج ماركضلة هالكثر وهاي بعد بس المهر بالعرس شتسوي بيه

عمر : أمشي وانت ساكت هاك شوف هذا لون مو عبالك حلوو .

مهيوب : اي والله حلو حلوو بس فضني  مو طلعت روحي ..

عمر : لا ماعجبني  اوفر . 

مهيوب : ضربت كصتي بايدي وحجيت اليوم اني اكيد  راح انجلط .

اخخ يمة تعالي كابلييني وابجي على حالي بعدني بعز شبابي وراح اموت يمةةة. 

عمر :  مهيوب كافي عاد ماصار ٦ ساعات من طلعنة  لاتخليني اندم طلعتك وياي ..

مهيوب : لاااا ياااضلم 6 ساعات  6 ساعات واني افتر لاكعدت ولا ارتاحيت  ولا اكلت وحته ماي ما شربت هاي كلها علمود قاط لحظرت جنابك هم لو عروسة طالعة اجهز جان جهزت وكملت ب ساعتين ومشت الزفة بس انت 6 ساعات ما عاجباتك ...

انت تدري بعد ساعتين للمهر واني بعدني ممجهز حالي كاعد افتر وياك فضناااا عادد ..

عمر : ترا اني العريس مووانت خلي افض نفسي هسه .

شهد : واگفة واباوعلة من بعيد وگف بطولة ولابس قاط اسود بسواد گلبة مد ايدة واخذ ايدها بايده

وخلة الحلقة حسيت الكاع تفتر بية لزمت ايد رزان ..

وذبيت ثكلي عليها .

اخير شي اذكرة رزان تكلي . 

رزان : لا لااا لااا شهد لاااا انتي قووية شهددددد..

مشتاقين حبايب  قلبي ❤️