سولفلي على روحك يابعد هالروح

بارت 29

                   ((( بقلم الكاتبة رفل )))

          ( سولفلي على روحك يابعد هالروح )

لم تكن خيبة فقط ، إنما كانت صفعة جعلتني أحذر للأبد. "

مريم : هلا حبيبة هلا تعالي كابليني وابجي خيةة راح ابني  سافرر عافني سودة علية يمه حمودي وحدك غريب كعدت ع الكرسي وصارت تبجي ..

فاطمة: خيابه شهيده هيوو انتي هم مابيج حض جكاير ابوج وين ..

فتحت حلكي وحجيت شسوين بيهم ..

ردت بدوون سؤالات كومي جيبيلي جكارة شلون اكابل امج غير لازم اورث جكارة واسوي اجواء كومي عيني كومي.

مريم شالت شيلتها من عيونها وصارت تشهك باوعت لاختها وكالت شبيج خيه ناصبة عليه انتي خلف الله عليج عود انتي بمكان امي واختي الجبيره .  ..

فاطمة : دسمعي ياعيني انتي ليش كاعده تتفاولين على ابنج انتي شفتي شلون صاير عوده لاياكل لايشرب لاينام لايطلع لو بالمقبره لو نايم بالغرفة

خلي ابنج يطلع بلكت ينسى بلكت يتغير بلكي ترتاح نفسيته ..

سودة عليه ليش اني مداشوف ابني يذبل كدامي بس مابيدي شي ماكدر على فراكه ماكدر ياريت لو يطلع لبغداد لاربيل لاي مكان بس مو خارج العراق
ماعرف شيصير وياا ماارتاح وهو بعيد عني..

فاطمة : خايبة وعلي مادري شكلج المهم انتي ابجي هسه وبردي كلبج لبين ماتغدا واشوفلج حل ..

شهد : يااا  لا ماما معليج بيها لتبجين يلا راح اصبلكم غدا هننا ومن يرجعون بابا وعلي اصبلهم وحد ..

خليت الاكل وكعدنه نتغدا انتبهت رزان مفقوده من اجت خاله صار نص ساعه وهي ما الها حس رحت للغرفة فتحت الباب باوعت ماكو احد صحت رزاااان

هم ماكو  صوت  طلعت فوك ماكو نزلت اتصلت ع جهازها شفته يرن بالغرفة استغربت رزان متطلع اذا متحجي وين راحت انتظرت شوي وما اجت صارت فكره جيبني وفكره توديني .

رزان عادتها تحب تشطف وتسكي الورد والحديقه .

للحظة تخيلت راحت تسكي وانتلت بالماطور رجعت
اتعوذت الشيطان وطلعت للحديقة ماكو ولا يم الماطور جيت ادخل للبيت سمعت باب الحوش انفتح .

لتفيت شفت رزان داخلة من الشارع زمخت بيها

ويين جنتي صارر ساعة ادورلج لو حاسة بيج ماما طالعة جان طلعت حركتها بيج  حجت هنا يم الباب دخلت جوا وعافتني ضليت اباوع للمكان الجانت واكفه بيه  عابت هاي اشبيهااا

يلا المهم سلامات مو متاذيه اجا يوكف كلبي من التفكير.

هند : الوو شاهين  شخبارك ..

شاهين : هلا هنوده شو  كاطعه بينا لا اتصال لا لقاء بس لا رجعتي زوجتي ..

هند : لك لا يازواج بس هذا ابوي شاد وياي كلش

المهم جايتك بطلب اتمنى ماتردني.

شاهين: اطلبي عيني اطلبي غالي والطلب رخييص ههههااايي.

هند : دفعت التلفون عن اذني ويعع اشمئزيت من ضحكته المهم ماكو غيرة يحل مشكلتي مجبورة اسوي هيج ..

رديت  اريدك ادبرلي شغلة  حجتلة كلشي ..

شاهين : بس الشغلة هااي بيها خطورة علية وع جماعة ..

هند : بس االفلوس الي راح تستلمها حلوة . 

شاهين ؛ يصير خير اشوف جماعة ونتفق ..

هند : داكلك محتاجة الشغلة اليووم ..

شاهين : ترا اعوفها والله عوفيني بمزاجي لاندمج..

هند : حجت بكلبها حقيررر طاح حظ الوكت الخلاني احتاجك ابتسمت وكتله اوك براحتك حاول تستعجل ومن تكمل المهمة اتصل بيه ودزلي العنوان..

شاهين : ماشي رايح اسبح وبعدين اخابر الجماعة ..

رزان : نزلت راسي وحجيت   مهيوب هذا الشي خاص بيك واباهلك اذا كانت امك حابتها وماراضية على غير وحده ف اخطبها ..

مهيوب : باوعتلها توقعت تكول لا متفيدك هاي توقعت تخلي بيها سبب بس هي كالت اخطبها بكيفك 

اصحى مهيوب اصحى رزان ماتفكر  بيك ولا ممكن اكيد هي معتبرتني مثل اخوها 

سكتت شوي وحجيت هاي هيه راح اخبطها لخاطر امي بس وعلي الا اخليها تتمنى الموت وماتلكا.. ..

تمنيته يرفض كل سوالفي ويكول لااا ما اخطب بس هوا كان مقرر اصلا  

فتحت باب السيارة وحجيت يلا اني اترخص خالة فاطمة يمنه ..

رد مااشي سلمي ع الاهل

الله يسلمك فتت للبيت وماباوعت وراي سمعت صوت السيارة مشت ياريت مامشت ياريت رحت ويا لوحدنه لغير عالم بس هاي قسمة بعد . 

دخلت للبيت شفت شهد كدامي ضلت تسأل مارديت
ما الي خلك للحجي دخلت ماعرف بيه طبع من انقهر اطلع حركتي بالشغل رحت شغلت الغسالة ولميت البيت ومسحته غسلت الحمامات ومسحت الاثاث
مابقيت شغلة 

سمعت الغسالة وكفت اخذت السلة وخليت الملابس

خليت شال  على راسي وطلعت فوك حته اشرهم

ضليت اشر مامنتبها شكو كدامي كملت كلشي وجيت

ع ملابس نازك صغار اشرهم وحد دنكت لسطل ورفعت اخذت الملابس جيت أشرهم شفت واحد ع سطح جيرانة شايل كتاب هووا اتوقع جانت نيته يدرس بس شو صافن هذا اشبي   صار يتقرب من الستار الي بصف بيتنه ضايقنني كلش .

جيت انزل استوقفني صوته وهو يكول . 

انتم متغسلون الملابس بس مره وحده بالشهر..

عقدت حاجبي وباوعلته وحجيت انت صدك متستحي شكوو خال عينك ع اعراض العاالم بعدين خلصت المكانات الا تدرس ع سطح صدك لو كالو الي استحوو ماتوو.

انور :  شدعوه عمي بالعه مسجل واذا خال عيني ف بالحلال خالها ...

رزان : عاد اني ما اتحملت كبل كتله كبر لفك ولف حلالك ..

طبيت وسديت باب السطح ناس متستحي ..

فاطمة : شكوو انتي الثانية ..

ماكو شي هذا واحد زايعته الكاع كاعد يتحرش عشتوا ..

يااا صدك كل الهلا بي اليوم شكلة الخير هواي..

اشبيج خالةة داكلج يتحرش شنو  الخير بالموضوع اصلا راح اكول لبابا يخليه حد ..

خايبة يابابا الي يخليه حد خلي يتقدم خوش ولد انور اعرفه عنده شغل ويدرس هاي اخر سنه جامعةة..

لحظه لحظه منوو انور وانتي شمعرفج بي اني ماحجيت مواصفاته ..

فاطمة : مو اكلج انتي ثولة مصدكيين  مو كتلج اليوم الخير  هواي ببس مافهمتي ..

ياخير خالة اشبيج ..

خايبة هذا مهيوب جاي يسويلي الاشارة مال بيتي وشايفج ع سطح تفترين وانور يباوعلج ونوب شايفة يحجي وياج خابرنيي وكال نزلي طرزان من السطح لا وعلي اجي ادفنها فووك  وهم ضل يهدد

كتله رايحة اصيحها وسديته زرف اذني بس بيني وبينج حسيته غيران ..

شنو شنو عززه بس لا يفكر  عندي شي ويا الولد..

اي خلي يفكر  شكو بيها انور خوش انور وهم اذا مهيوب بنيته شي راح يحجي   

لااا خالة عفية اني معندي هيج سوالف وهذا انور بس اشوفه انوب اكول لبابا خابري مهيوب وكليله

طلعت شهد موو رزان ال ع سطح . 

فاطمة : وشدعوه صرتي ترجفين قابل شنو راح يسوي  بس لا تحبي يمصكوعةة..

رزان : باوعت لخالة بننزعاج وحجيت لا احبه ولايمهني وهوا شعلي اطلع احجي اوكف هوا معلي خابري كليله معليك . 

فاطمة : خايبة دوولي من وجهي ذاك الموبايل روحي خابري وكليله اسفة حبيبي ماجنت اعرف أكو احد فوك .

رزان : لا مو حبيبي شنو هالكلام عيب  ولا اخابرة
خلي يولي معلي بيه اني حره بحياتي ..

فاطمة ؛ بس سكتي دوختيني   ..

شهد : هاا اشبيج تكمزين ليطكلج عرك

انجبي انتي اللتهي بدراستج معليج بيه .

لا اشو عدل كعدتها ولفيت شعري وكابلتها شنو خاله شصاير احجيلي معليج برزان ..

فاطمة : سوده عليه شهيده نايمة ورجلج بشمس لا عندج معجب ولا غيران . 
رزان : هههههه والله خالة انتي النايمة ورجلج بالشمس  اجيت اجفص بس تلاحكت الحمدلله باوعت لشهد ضاجت ..

وخالة ملتهيه بالموبايل اشرت لشهد بحواجبي بمعنى شكو ردت ماكوشي

بس واضح عليها الحزن من فتره ملاحظه شهد متغيره كلش حته ماعادت تتصل بعمر نفس قبل ...

شهد : خل ارجع شوي لورا ...

بيوم السابع من فاتحة امل  جنه مسوين ثواب والي تسوك عمر جان ينقل المسواك للمطبخ ويطب ويطلع اني ممنتبه للي جان يصير بوقتها

جنت اني ورزان وببنت جيران مهيوب اسمها  اسراء

ماكان ابالي حيصير هييج ولا عرفت شنو الغاية وليش عمر يدخل ومهتم للمطبخ والمسواك كل ضني حزين ع امل ودا يطلع ثواب على روحها ..

جنت المحه يباوع ل اسراء ويساعدها تنقل الغراض اما اني حته ماباوع بوجهي للحظه شكيت بتصرفهم بس ماكنت بحال يسمح ادقق واربط الامور مع بعض .

عمر :  رزان هاي كل الغراض جبتها شوفي اذا محتاجين شي بعد حته اجيبه قبل الليل ..

رزان : والله عمر ماعرف خلي اصيح خالة فاطمة هي تعرف شنو يحتاج وشنو ناقص ..

تمام روحي سئليها ..

واني وكفت اغسل مواعين .
راحت رزان  وعمر حجه وي اسراء

روحي ارتاحي عيني تعبناج ويانه ..

اسراء : لا خل  اساعد البنات ماعندي شي ..

ورث جكاره وكف يم باب المطبخ وردلها ماشي براحتج بس لتعبين روحج هم عندج دوام ..

جنت منطيتهم ضهري واجلف عقدت حواجبي سوالفهم مو مال واحد ماعنده شي وياها حته يعرف دوامها وخايف عليها ومانتبه لوجودي مانطيته اهمية
لانوو تعبت من تصرفاته بآخر فتره جابها من هند لصديقاته بدوام ونوب اسراء اذا هو ميحس بيه وممخلي الي قيمة ف راح ادوس عليه واعبره مو اني الي ينضحك عليه.

دخلت رزان وخالتي فاطمة شافت المسواك ووصته
ع زيت ومعجون وتمر بعد 

عمر : هسه رايح اكمل مسواك .

طلع  للباب الحوش وصعد سيارته اندرايت اخلي الكلاصات بمكانها اجت عيني على اسراء واكفه يم الشباك تباوعله

حسيت اكو شي غريب باوعت ماكو بس عمر برا معقوله عدهم علاقه بس لالا ما اتوقع هوا ينام من وقت وبالنهار شغل وطلعاته محدوده وين شافها . 

شفت رزان طلعت من باب الاستقبال تركض لبرا صحت هاا شكوو ..

لجج نسيت اكول لعمر يجيب شكر خلص ..

اسراء  : هسه اخابره واكوله ييجيب ..

باوعنه لسراء ثنينه حجيت انتيي من وين جبتي رقم عمر ..

سوت روحها تعزل المواعين وحجت هااا عندي رقمه من زمان ..

عقدت حاجبي وحجيت هاا يعني عادي تحجين ويا شباب غربه ..

باوعتلي وردت بس عمر مووغريب ..

ليش شنو هوا ابن عمج ابن خالج حته مو غريب ..

ردت  اي احنه تربينا سوا وجيران واهل ف عادي نحجي سوا ..

رزان : شهدد امشي شوفي نازك وين هسه اني اكمل ..

عرفت رزان تريد تبعدني حته لا اسوي مشكلة
بس اني مجنت ناويه اسوي مشكله وي البنت لانو العتب على عمر لو ممنطيها وجه ومنطيها رقمة جان ماصار الي صار ..

بعد شوي رجع عمر واني دالعب نازك بالحديقة 
شافني وحجه تعاي شيلي الغراض طببيها جوا ..

ما اهتميتله رجعت اللعب نازك ..

حجه بصوت عالي موو داحجي وياج اشبيجج .

شلت نازك وجيت ادخل من باب الاستقبال .

طلعت اسراء اخذت المسواك وضلت تتمضحك وتتبتسم عفتهم ومشيت وعمر عينه علية..

اني ماعاتبته ابد ولا انطيته اهتمام لاكن كنت اشتعل من داخلي مرت الايام وصار يتصل ما اجاوبه ويراسل ومارد الا بيوم طالعة للمدرسه  ساعه ٧ ونص  المدرسه قريبة علينه اروحلها مشي .

طلعت من البيت وسديت الباب اجت عيني على سيارته واكفه بفرعنه ..

نزلت راسي ومشيت حسيته اجا بتجاهي صرت امشي اقوا جيت اوكع ..

عمر : صعديي

ماصعد شتريد مني

داكلج صعدي لتخليني انزل اصعدج منا العالم عيب.

عدلت الجنطه وباوعت ع درب وحجيت لازم اسراء
ضربتك بوري..

عاط بيه لججج احترمي نفسج واحجي وياي عدل لا تجاوزين ...

حجيت راح أتأخر عندي امتحان ..

صعدي عندي حجي وياج ..

رديت بس اني ماعندي حجي وياك الله يهنيك وي الي تحبها ..

شنو احبها انتي اشبيج كل ما بالموضوع احنه اصدقاء طفوله مابينه اي شي من الي بالج ..

طكيتها ضحكه بوجها وحجيت مابينكم اي شي عمي انتوو واصلين مرحله بس بقى تعزمون ع العرس

وها عود اعزموني واكيد راح اكون اول الحاظرين..

سمعت صوت تلفونه يرن محطوط ع الكشن الي يمه

اجت عيني لا اراديه ع التلفون شفت اسم اسراء ..

اشتعل دمي فوووك كلشي جاي يكذب ويكول ماعندي شي وياها ..

دمعت عيني وحجيتت هاااا شوف ابن الحلال ع ذكر وبال  روح رد عليها و اياااك اياااك شوفني وجهك

ديربالك كرهتك اني كرهتك اكثررر من الحب الي نطيتك ايا انت متستاهلني وصدك الكال الطيور على اشكالها تقع  راد يحجي سكته وحجيت اذاا بس سمعتني صوتك او فكرت تتصل اوو فكرت تلحكني للمدرسة راح شوف شي ميعجبك  مشيت وعفته واكف بنص الشارع .

من بعدهاا صارر يتصل ويوكف يباوع من بعيد ابد ما اتقرب مني واني دست ع كلبي وحاولت انسىى لاكن
مانسيته هوا جان اول حب بحياتي اني فتحت على حبه بس شكلي فتحت على واحد خاين ..

حسيت على ايدد تطخني باوعت شفتها رزان ..

هااا اشبيج ولج صار ساعه صافنه وعلجتي القلم صاير شي وياج ..

رديت ماكو شي حبيبتي كمت من يمها ورحت وكفت يم شباك غرفة ماما الي يطل ع شارع وباوعت للمكان الي يوكف بيه عمر كل يوم العصر يووكف يم شجره بشارعنه جنت اشوفه من الشباك كل يوم لاكن ما اطلع واخلي يشوفني ..

هديه : ساعة بيش يمةةة

رحمة : يوم ساعه ١٢ ومهيوب ماراجع  موو عوايده كل يوم يرجع ب ١٠ تأخر كلش.

هدية : خااف بيت عماتج تصلي عليه ..

صار ساعة اتصل ماكوو خابرت عمر كال ما اجا اليوم ماشفته وضل يتصل بصدقائة

سوودة بووجهي يمةة وليدي وين راح اممشي خابري عمج خالد يشووف وينه ...

رحمة : صرت ارجف ماعرف شسوي رن التلفون بيدي شفته عمرر

رديت الووو هاا عمر لكيت مهيوب ...

عمر : خابري عمه فاطمة تجي يمكم للبيت

لكيت سيارة مهيوب براس الفرع مفتوحة والمحفظة ع الأرض..