((( بقلم الكاتبة رفل )))
(سولفلي على روحك يابعد هالروح)
يوم الي رحت ...
مني انخطف لوني ..
طلع دخان من كلبي..
وعمى عيوني ..
#تحن والليل
يتغنه بحزن #ونك
وتفز مرعوب ودموعك يغركنك .
المصيبه الحسبه ماتنگضي بجرة #ااخ
والبكلبك بقن بس # اليوجعنك .💔
رحمه : قبل العقد بيوم مهيوب جاب ممصم ديكور صمم كوشه للعرسان بالصاله مال بيتنه طلعت كلش حلوة وزينه الصاله بالنفاخ اني ومهيوب وماما
امل جانت طالعه وي رواء لصالون لان اليوم عرس رواء .
مهيوب : رحمممه وين النفاخ الاسود .
هديه : يمه لاتخلي لون اسود أحسه فال مو زين .
مهيوب : حجيه تفائلي شوي لون الاسود سيد الالوان وهم لون أمل المفضل
اذكر لمن جاننت صغيره توصيني ع دبدوب اسود..
صفن شوي وحجا ممصدك أمل كبرت وراح تزوج وتترك البيت احسهم بناتي مو خوااتي . انا مستعد اسوي كل شي حته اسعدهم بعد ما شفت رحمن شلون يعامل امل ويتعارك وياها عالمود مرته قررت اسوي شي يفرحها وخليها تحس انو عدها سند بالحياة وتحس انو أني اخوها وابوها وصديقها ولي يكسرها اكسر ركبته
يمكن اني اول شخص يحضر لخطوبة اخته بذاك اليوم ماعرف ليش ردت اسوي كلشي حته اشوفها سعيده اشتغل وافكر بيها ماعرف ليش حسيت بيومها انو امل راح تبعد لاكن جنت ابعد هالفكار من راسي ورجعت اتصلت برحمن الي صارله سبوع يم اهل مرته .
مهيوب : ول يابه شلونك شو انت هم زعلان
رحمن : هلا مهيوب الحمدلله بخير والله مهيوب ماكدرت ابلع الغلط والتجاوز من امل الي ول مرتي وقررت اطلع ابيت وحدي.
مهيوب : هسه دتعال امي تسأل عليك وشغله ثانيه انت ومرتك جاوزتوا على امل وعيب عليك النسوان تخربك على اختك احنه مو هيج متربين هما ثنين خواتنه لعد لو عدنه اربعه خمسه شسوي جان من زمان ذبيتهن وطلعت ابيت وحدك ع كلن خابرت اكلك شغله
رحمن : اخويه افهمني مو شغلة نسوان تخربني اصلا مرتي ماتحجي عليها بس هي تتمحرش بمرتي .
مهيوب : يعني هسه شحجي حته ماخليت شي ينحجي تتمحرش بمرتك شووف اكلك رحمن ولخالقك اذا سمعت بيوم انت او مرتك مزعلين امل ورحمه لاتلوم الا حالك واني خابرتك عبالي رجال واخو اخته بس مع الأسف طلعت طلي مرتك .
رحمن : انتم ليش تكرهون مرتي اصلا هي دائماً
تشكي منكم واني اسكت .
مهيوب : عوفنه من مرتك الضاهر فاره عقلك مضبوط المهم باجر عقد أحمد و أمل تعال حته العالم لاتستصغرك وتكول زعلان يم اهل مرته .
رحمن : ليش أمل انخطبت شوو ماعندي علم .
مهيوب : شيخصك مو جنت تريد تخلص منها وهاي راح تخلص انت ومرتك ها ووصي مرتك ورب الكعبة اذا سمعت بيها حاجيه شي وي امل ادفنها يم اهلها .
رحمن : جاي تعزم لو تهدد.
مهيوب: ماهدد طليان اني اهدد زلم بس جاي انبهك
سديته بوجهة ابد مو طبيعي هالرحمن جان خوش رحمن استغفرالله رفعلي ضغطي هالخنثه هذا .
رواء : ها ااموله شلوني .
وااوو عمري تخبلين شوو دوري روعه هالصالون شغلة كلش حلوو باجر راح اجي هنا هسه راح احجز .
رواء : شلووون ماراح احضر المهر مالتج وانتي بكل خطوة مشيتي وياي صح الله مارزقني اخت بس عوضني بيج ياحلا واطيب انسانه .
اوووي راح تبجيني والله اساسآ انتي بغلاوة رحمه والله ان شاء الله تبقين سعيده طول العمر ياعمري
حضنت رواء وصارن يبجن .
حجت ام الصالون ليش هيج ياعيني مو يخرب المكياج .
رواء : مسحت دموعها وحجت وكفتج وياي ماراح انساها بعمري انتي اقرب الي حته من امي
واردها انشالله بس مقهوره شوي لان ماراح احظر وياج باجر .
هذا واجبي حبيبتي انتي بت عمي واختي وصديقتي
اذا ما اوكف وياج ويامن اوكف . ويلا كافي بجي اتصلي باحد يجي ياخذنه للبيت جوعانه كلش وبعد وراي فستان للعقد ما اشتريت .
ام الصالون : حبيبتي اذا تحبين اكو قسم تأجير فساتين فوك للحنه والمهر والزفاف طلعي شوفي .
ردت رواء اي والله تعاي نطلع أجري منا بدلة خاف متلحكين باجر .
امل : اي والله بس شلون طلعين انتي وفستانج لفوك .
رواء : همم صدك بس عندي فكره انتي طلعي واختاري كم فستان وجيبي هنا نقرر سوا .
امل : ماشي حبي راح اطلع .
رواء : طلعت امل لقسم الفساتين واني اتصلت بزوجي حته يجي ونروح للمصور . ناخذ صور ويرجعني لبيت اهلي ومناك تصير الزفه .
شوي ونزلت امل ونزلت وياها عامله شايلات كومه فساتين
امل : هاا يلا اختاري ياهووو احلا اني عجبني هذا
.
رواء : هذاا كلش حلوو فستان بيجي عباره عن تول
ردن طويل تول يصير لحد الصدر ميصعد فوك للكتف
وبي خرز كريستال ابيض وبنفسجي كلش حلوو
امل : تمام لعدد حجت وي العامله وكالت الها احجزيلي هذا ماراح اخذه للبيت لانو اني باجر اجي اتحظر هنا .
اخذته العامله لبسته للعابة يم المرايه بصالون .
شوي واتصل زوجي كال وصلت .
هنا تلخبطت مشاعري وماعرفت شسوي من ارتباكي سديته بوجها للجج امل اجوو .
امل : اشبيج ليش الزفه تجي لهنا .
لج لا بس اجو العرييس واخواته حته نروح للمصور
يا وانتي سديتي التلفون بوجها خل اطلع اشوفهم كعدي هنا .
طلعت امل وام الصالون طلعتني للممر لان اكو عرايس هواي شوي وشفته اجا يمشي بهيبه واخوته يغنن ويصفكن ورا باوعت لامل تمشي قبلهم ودموعها تصب وكانو راح نفترق .
محمد : شطالعه اليوم كمر وربي
اخذ ايدي باسها وكادني واني اباوع لامل حته اصيحها تشيل الفستان حته لا اوكع وفعلا قبل ماصحتها شفتها رافعتلي الفستان ومشت وياي ابتسمت ودعيت ربي يسعدها .
فتحلي الباب محمد حجيت بس اختي تصعد وياي .
محمد : بويا والله نصعدها وياج قابل نعوفها .
ابستمت وحجت امل حته اذا ميقبلون اصعد لتخافين
مشت السياره بينه شوي وكفت يم مصور قريب من منطقتنه كلش نزلنه تصورنه وكل شوي المصور يكلي ادني واني استحي ممتعوده على محمد لان هوو غريب وحته فترت الخطبه جانت قليله .
اخذنه صور وطلعنه للبيت حجت امل كلش عجبني الاستديو باجر اجي هنا اخذ صور .
رواء أن شاء الله حبيبتي .
رزان : طلعت فتحت الباب وتلكيت عمتي صبيحه
شو هي شافتني طاحتلي تبوس
صبيحه : هلا حبيبتي هلا عيوني بنت الغالي شونج شخبارج عمه .
الحمدلله تمام انتي اخبارج بوستها وياها بنت قصيره وحليوه .
حجت تعاي عمه تعاي اعرفج حبيبتي هاي مرت حسن اريج .
اهلا وسهلا ياعمري تفضلو تفضلو .
دخلتهم للاستقبال عاد عمه صبيحه حجت .
صبيحه : اني مو غرييبه ابيت اخوي كومي عمه أريج نشوف البيت .
رزان : طبعا غمه البيت بيتج تفضلو اشوفكم
صبيحه : ماشاء الله اخوي صارف صرفته ع البيت .
اريج : اي ماشالله حلو ومرتب .
فتحت غرفة ماماا وبابا حجت هاي غرفة احمد اكيد .
رديت لا عمه هاي غرفت ماما وبابا غرفة احمد فوك
شلووون وهذا الخشاب الجديد لامج ليش ناويه ترجع شبابها .
اي عمه لامي وتستاهل .
نسوان اخر وكت دور غرف وكشخات مت عيني عليج يختي لاحضيتي برجل كشخات .
أريج : يا أخت عمه .
مو شغلج انتي لا دققين بسوالفي .
رزان : اذا تحبون ترتاحون هاي الغرفة الي ول شهد اخذو راحتكم رايحه اكمل الغدا .
صبيحه : اي دروحي منو لازمج واني اذا اريد ارتاح بالغرفة التعجبني مو الا اخذ اذنج .
رزان : سكتت ماجاوبتها هسه اذا اردلها تسحلني واضح متحمله على امي .
امل : بعد مامشت زفة رواء رجعت للبيت وعيوني ماشوف نتفخن من الدمع وامها خطيه مو اقل مني .
وصلت باب الحوش وشفت مهيوب شايل كراتين ذبها بالحاوية استغربت مال شنو هاي الكراتين كبار.
مهيوب : هاا اموله اشبيج منوو مزعلج .
ردت محد مزعلني
لعد ليش عيونج هيج وهاي سمكاره ماعرف شنو سايله .
ضحكت وحجت اليوم عرس رواء شنو ناسي
فتح اديه وعيونه وكال بس لانو رواء عرست هيج تبجين تعاي عمي فوتي ادعي الله يسعدها وشوكت متردين زوريها اني اوديج خله ايده ع كفتها وحظنها ومشا للبيت .
فاتت وشافت الكوشه والنفاخ وزينة البيت صارت تضحك بصوت عالي ودموعها تنزل باوعلها مهيوب وكال عجبج .
امل : هذا كله الي ومنو سوا تحجي وايدها ع حلكها .
مهيوب ' عود عايف دوامي وشغلي وردت افرحج شوو جاي تبجين لو ادري ماسوي كل هذا . كمل حجيه وحظنته وصارت تبجي ع صدره
ياعمري انت موو بس اخ الله يحفظك النه يا احلا اب واخ .
مهيوب : هسه كافي بجي شو شو احتركو اخلج توصخ التشيرت سمكاره . هسه منو راح يغسله .
ابتسمت وهي تمسح دموعها حجت رحمه تغسله .
رحمه واكفه حاظنه امها وتباوع لاخوانها حجت لا الله انتي سوي جرايم وذبي براس رحمه انتي تغسلي .
حجت امل بس كم يوم وتخلصين مني .
مهيوب : اشش لتكولين هيج مانخلص منج انتي بنتنه ومستحيل نبعد عنج .
هديه : عسا دوووم الفرحه والحب مايفاركم يمه .
مهيوب : راح باس ايد امه وراسها اني طالع لاتنتضروني ع العشا .
هديه : الله يحفظك وين مارحت وليدي .
رحمه : ضلت امل تحجيلي شسوت بصالون وشلون حجزت وشلون طلبت مكياج جنت اباوعلها تحجي وتضحك تروح وترجع يم الكوشه كعدت عليها
حجيت لاا لج كوومي صار كومه نعدل بيها خربتيها
وجع هي مالتي خليني متونسه تعاي ناخذ صور جبت التفلون وحده تصور لخ .
شوي وسمعنه صوت الباب يندك
هديه : ضلن يمه اني افتح
فتحت الباب واشافت ابنها حظنته وبوسته عاتبته لان عافها .
شوي ودخلت كوثر وجها ميبشر بخير تكول هديه من شفتها انعصر كلبي وخفت مادري ليش .
رحمه : كاعدين اني واملل نخطط للمهر وسمعنه صوت رحمن
كمت اني وحجت امل اليوم كل شي حلو جاي يصير وياي جانت كلش فرحانه عبالها راح يسلم عليها اخوها .
فات للصاله باوع معاجبه الوضع تقربت منه امل عافها وطلع فوك لغرفته بعدها فاتت كوثر تباوعلنه بستهزاء وصاحت رحمممن حبيبي عود فوت الجنط الباقيه .
باوعت لامل عيونها دمع .
حظنتها من ورا لاتهتمين حبيبتي هوا يعرفه غلطة ويجي ندمان ويسلم عليج .
امل : بس لو اعرف شسويتله ويعاملني هيج بس لان حاجيت مرته وهو بعمره ما وكف وياي حته هسه يوكف .
رحمه : ايي صح وهسه روحي غيري ملابس وتعاي نتعشى حته تنامين من وكت .
طلعت امل تغير ملابسها واني حضرت العشا وصحتها اجت ماما كعدت ويانه تعشينا وغسلت المواعين طلعت لغرفتنه شفت امل دتخابر احمد عفتها تاخذ راحتها ونمت يم امي ،
احمد : واخيرا يافرحة عمري ممصدك باجر صيرين الي وحلالي .
امل : اصلا انت مو فرحان بكثري .
شلون مافرحان لج اني مادري شلون اصبر روحي لباجر كل شوي اريد اجيلكم بس تعبت اليوم خطار وسوك .
امل : حبيبي انت صبرنا هواي ونلنه الحمدلله .
احمد : اخخخخ يابعد كل صبري ياعمري انتي
الله يديم فرحتنه
امل : امين بس اني خايفه .
أحمد ؛ وانتي وياي لتخافين اكص راسه الي يتقربلج .
امل : شوكت يجي باجر .
احمد : هسه اكلج شوكت يجي باجر نامي ورتاحي وتكعدين تلكين باجر .
أمل : شنو تريد تنومني خاف عندك شي منا منا .
احمد : لج لشكين بحبي الج من جنت بعيد عنج ماعندي شي مو من جيت كابلتج يصير عندي شي غيرج ماعندي ولاحبيت ولا راح احب .
بس امولتي
أمل : بعد ماسمعت هذا الحجي راح انام واني مرتاحه ويمكن هذا اليوم احلا يوم بحياتي .
احمد : لالا جايه أيام احلا عمري شنوو هاي تثائبين
يلا سدي التلفون وغمضي عيونج الحلوة
ماشي تصبح على خير حبيبي .
وانتي بخير عرووستي .
سمعها ضحكت حجه فديت الضحكه
وثينهم مانو بعد يوم متعب .
ثاني يوم ساعه 1 م
الصالون ..
رحمه : لجج اموله كلش حلو الفستان واووو .
رزان : هذا وين جنتي ضامته اني اخت العريس اريد نفسه .
شهد : اي والله كلش حلو ماما هم مشترية الج واحد ودزته بس هذا احلا لبسي .
ردت امل لا لعد خل اللبس الجابته عمه مريم .
رزان : لا والله متلبسين غير هذا كلشش حلوو ونازك ولايك وي المكياج .
شهد كملتي اريد اسوي شعري .
شهد: مشوفين جاي تشتغل شوفي رحمه كامت كعدي بمكانها .
رزان : تمام ست شهد ع كيفج مو انتي العروسه
عوفوني براحتي اليوم اللعب لعب عرس حمدمد الغالي .
امل دفعت ايد العامله وباوعت لشهد لدلعي حمدمد اغار .
الكل ضحكت .
بعد شوي الكل كمل خابرت رحمه على علي اجا وصعدن وحده فوك الخ .
علي : والله عمي خوش طلع عدنه صاكات واني مادري زين ياهي محرمه عليه وياهي حلال .
شهد : بس رحمه حلال .
رزان : هههههه
رحمه : نجبي حيوانه .
وصلهم لبيت مهيوب ورجع خواته للبيت .
رحمه : اكلج اموله فوتي رأسآ كعدي ولاتخلين احد يبوسج البيت هوسه ترا يخرب المكياج .
هزت راسها ودخلت . هلهلت خالتها اخلاص .
اخلاص : اللهم صل على محمد وال محمد كمر ماشاءالله .
هديه : باستها وحظنتها وعيونها تجري
رحمه : المكياج يمعودين .
امل كاعده بالكوشه واجت هدى بنت رحمن وكفت يم الدرج وابتسمت فتحت ايدي وصحتلها حظنتها .
ليش ماتجين عليه .
هدى : بابا مايقبل
رحمه : رئسا باوعت ع امل عيونها صبت دمع حضنت هدى حيل وكعدتها يمها
شوي واجت المشيه والزلم الاستقبال انترس صاحو امل حته تعقد اخذناها بغرفة كعدت ع الكرسي ورا الباب سالها الشيخ موافقة بنتي . كالت موافقة
كللها كولي نعم قبلت وانت وكيلي ردتت ورا الشيخ شوي وتم العقد صارت الهلال تتعالى اخذنه امل لمكانها وشهد جايبه دي جي شغلته وصار الركص كدامها شوي وسمعنا عمه مريم تكول راح يدخل احمد يلبسها الذهب .
خلينه شالات ودخل .
احمد : واخيرا اليوم صرتي الي ماكو شي يوصف فرحتي .
امل : لزمت ايده احمد يعني خلاص زوجنه .
رد اي هسه صرتي مالتي .
فاطمة : تلحكون تسولفون اخذ الذهب لبس مرتك
اخذ الذهب احمد ولبسها الحلقه وباس ايدها لبسها الكلاده والسوارات .
وهي لبسته الحلقه .
غنت فاطمة حبها ولك حبها لتخاف من امها
احمد : والله خاله ماخاف من امها بس من مهيوب
الكل ضحك وباسها احمد . واخذ ايدها وصارو يركصون كلهم واحمد وامل بنصهم
فاطمة : باوعت لصبيحه تريد تطك وغنت على عناد عماته ذبن لحم خالاته والكل يرد وراها .
امل حجت وي احمد علمود المصور كللها بكيفج اذا تحبين نروح نروح عاد هيا طارت من الفرح باسته بخده
احمد ' عمي لو ادري هيج جان اخذتج قبل المهر للمصور شووي وبلشت العالم تروح بقوا بس اهل احمد
دخل مهيوب باس اخته ووصه احمد عليها كله من اليوم هاي امانه بركبتك واذا ماحافضت عليها اسحبها منك .
احمد : بعيوني اخليها شعندي غيرها .
امل : الله لايحرمني منكم .
احمد : يلااا منو يروح ياخذ صور
رحمه : اني
شهد : واني ورزان راح نصعد قبلك
احمد : ماشي . يلا
امل بس اصعد فوك اللبس شي ع كتفي
رحمه : خليج اني اصعد
امل : لا اني اريد اعدل حمرتي والبس شي انتضروني
احمد : اباوعلها شلون تصعد الدرج توقف يم اخر درجه واكنو دتحجي وي شخص بس ماركزت جنت احجي وي مهيوب .
ع شغل .
امل : صعدت وشافت كوثر يم اخر درجه ساده الطريق تروح منا كوثر تجي منا حجت شترييدن .
كوثر : شنوو طلعلج صوت وفرحانه بس لا تحلمين اخليج تتهنين .
امل : وانتي شنوو حته تمنعين فرحتي انتي مجرد سحاره ومتكدرين غير على اخوي .
كوثر : انجبي لج لاعبالج سككت الج مره راح اخليج تتمادين وربج اموتج بكاعج .
امل : وخري من طريقي اعدل مكياجي واروح اخذ صور وارجع اعلمج شلون تموتيني بكاعي .
كوثر : لزمت وجه امل وصارت تفرك بالمكياج وامل ع طارف الدرج فلتت ايدها من المحجر وكعت وسحبت كوثر وياها
احمد : ماعرف ليش بذاك اليوم ضليت واكف بمكاني ماعرف ليش ماطلعت لسياره ولاشفت ذيج الشوفه .
امل : مهييوووووووب .
وكعتها صارت ع راسها .
احمد : اااااامل
مهيوب : امممللل ركضو الها وهي فايض راسها بالدم
فستانها البيج صار احمر
حضنها مهيوب واحمد لازم ايدها صاح مهييوب امل مابيج شي امل فتحيي امللللل باوعتله وحجت بكلمات متقطعه
مم مهييوب اا اننت ااحسن اخ ااحم دد احب بك
مهيوب : املللل مابيج شي كومي كوومي متعوفيني كومي شالها وركض لسياره
واحمد يركض ورا شافتها رحمه صرخت اختتيييي اشبيها احد يكلي اشبيها امل .
مهيوب : فتحي الباب خلاها بسياره وصعد يمها حط راسها بحظنه واحمد ساق للمستشفى
مهيوب : امل تحملي والله مابيج شي يصرخ ودموعه تنزل ع وجها تتخالط دموعهم
حجت ممم مهيوب رااسي ددد دم .
مهيوب : لكككككك ستعجل يالله راح تروح
وصلوها للمستشفى ورأسا دخلوهها للطوارئ
الدكتور وين ممنوع تدخلون وياها تعارك ويا مهيوب
ودخل ضل لازم ايدها وهي تهذري باسم مهيوب .
شوي وضغطت ع ايد مهيوب وغمضت عينها للأبد
مهيووب : املللللل صار يضرب ع خدها والدكتور حجا للأسف فقدناها
مهيووب : لالاااااااا ياااالله اختيي لججج امل كومي ام طول الحلو مو هيج تعوفيني عبالي راح ازفج بيدي مو ادفنج لازم ايدها وخلا راسه ع صدرها وصار يبجي بكل قوته وكانه مره .
الدكتورر : تعالوو بسرعه انقلو هذا للطوارئ واكع هنا .
لو علمت مقدار حبك في قلبي مافارقتني لحظه💔🥺
من صدك الله يساعدهم هسه كتبت البارت وشبعت بجي الله يرحمها .
دمتم بخير حبايبي .