((( بقلم الكاتبة رفل )))
( سولفلي على روحك يابعد هالروح )
شهد : طبيت للمطبخ شفت عمر واكف وراجي ضهرا للكاونتر وهند واكفه يمه ويضحكون .
بقيت اباوع من الباب مادخلت صدت عينه لباب
المطبخ شافني باوعلي شوي وابتسم اني بالي كله يم
هند وشدسوي هنا وليش وحدهم شكيت اكو شي .
عمر : هلاااا والله شوشه الغاليه تعالي .
شهد : اجا سحبني من ايدي واخذ كرسي كعد واشرلي اكعد مقابيله .
عمر : كعدي شهد .
شهد : عمر شديصير .
عمر : تعاي شوفي احلام بت خالتج الوردية جاي تحلم بمهيوب يرجعلها ويتزوجون .
شهد : باوعت لهند بقرف شكلها صاير مقرف من كمية الحقد الي شايلته ..
هند : عمر لا تلعب وياي اندمك .
عمر : ولايكعد راحه ميسي .
شهد : كافي عمر معليك بيها اني رايحه اشوف امي حته نرجع للبيت .
عمر : الوقت تأخر راح اوصلكم .
شهد : بعد احسن صراحه تعبانه مابيه اروح مشي .
عمر : ارووح فدوة للتعبان يحجي وهو مركز بوجها .
شهد : عزه هذا اشبي خل اكوم اصيح ماما قبل ماتجي رزان وانسحل وطير الهيبه .
طلعت من المطبخ وهند بعدها واكفه وتباوع خزرتها وطلعت صحت ماما .
ماما يلا عمر راح يوصلنه .
مريم : ايي والله مابيه امشي نازك شلعت كلبي .
ام عمر : ضلوو نامووا هنا خيه متونسين بيكم .
مريم : حبيبتي والله ماكدر مناك الولد وخالد وهاي نازك كسرتلكم البيت اذا نبقى يمكم تطردونه .
ام عمر : يااا فدوة الها الله شاهد بغلاة رواء هالنازك .
شهد : واحنه خاله .
ام عمر : وهي تحضن شهد انتووا هم حبيباتي .
رزان : فدوة لكلبج خاله .
شهد : يلا نمشي اخذت نازك وطلعنه اني ورزان سلمنه ع رواء و امل ورحمه وطلعنه لسياره .
رزان : وييييين شفتتي عمر وليييش كتيله يوصلنه اني مو كتلج ابتعدي عنه .
شهد : اووي شكد تحبين السوالف لاكتله ولاشي هوو كال اغار ع رجلج من الشارع ماخليج تروحين تتمشين للبيت اني اوصلج .
رزان : فتحت حلكي وباوعتلها من عزه بعينج كون ولاكيتلها رجل ومشيته ع مايها والله ينخاف منج .
شهد : تعلمي ماما تعلمي وابشرج مهيوب راح يطير منج بح .
رزان : نجبي شكلولج ميته عليه خلي يطير
بس وين يطير .
شهد : لا مكلولي ميته عليه شفت بعيني المهم هند حاطته براسها تكول اسوي المستحيل واحصل ع كلبه .
رزان : معلينه بالعالم صعددي ذاك عمر اجا.
ولا رتاحيت ل هند كبر لفها ميحبج ميحبج شكوو لازكتله .
شهد : باوعتلها بخباثه وحجيت معلينه .
رزان : اي شعلينه معلينه .
اجت ماما صعدت واخذنه للبيت عمر .
نزلت رأسا سبحت وطلعت لافه شعري عزلت هوسه المكياج وفساتين الحفله والحذاءات رتبت كلشي .
ذكرت اني ممصليه العشاء رحت توضيت وصليت .
اجت ماما حجت ابوكم يصيحكم .
استغربت اشبي بابا . طلعت اني وشهد شفته كاعد ويمه كرتونين بيض .
رحت بست راسه وكعدت يمه منا وشهد من الجهه الخ.
خالد : الله يرضى عليكم بويه . شلونكم بناتي خوما ضايجات هنا .
رزان : لا الحمدلله بابا متونسين .
شهد : لا بابا حياتي كلش فرحانين الله يديمك النه .
خالد : كلب ابوهن اميراتي . هاكم هاي هديه بسيطه .
رزان : ناوشني الكرتون ولشهد كرتون فتحته طلع فون كان تلفون اسمه j1 بوقتها جان هستوه نازل
واووو بابا شكرا . حضنته وباسني براسي .
شهد : يااي تلفون اخذته فتحته شفت ابوي مخليلي خط . وضليت اقلب بالتلفون نسيت اشكر بابا .
باوعت رزان حاظنه بابا وعايشة اللحظه دفعتها وحظنته ششكرا يا احله اب بالعالم .
مريم : احم احم ترا اغار .
خالد : هههههه الله يخليكم الي بس وخروو عني
خللي احظن مريومتي غارت كام من مكانه وحظن ماما وباسها براسها
طلع علبه صغيره من جيبه حمره فتحها وطلع منها كلاده مكتوب بيها اسم نازك بالنكليزي ومن صفحه مكتوب مريم لبسها لماما وباس راسها .
انتبهت ع نفسي عيوني تدمع وامي حظنته .
شهد : احم ياغيوره احنه هوون .
مريم : ههههههه لج رعنه شوكت تكبرين .
رزان : من اشوف اهلي فرحانين حته لو اني بنص
حزني افرح اني بالحياة ابد ماجان عندي هدف ولا
حته حلم كلشي جنت اتمنى وادعي انو الله يحفظ
الي اهلي ويسعدهم . دعيت ربي يديم الفرحه الي احنه بيها .
خالد : مريم شفتي تلفوني .
شهد : لااا اقصد اذا سالتني ماشفته .
ععززه نسيت ارجع تلفون بابا جنت احجي ويا عمر.
رزان : حجيت بكلبي اكطع ايدي اذا مو عندج ام المصايب.
مريم - لا والله ماشفته .
رزان : اخذذت التلفون وفتحت نت ع رصيد
مادري ليش جا ع بالي مهيوب كلت خلي اسوي فيس واراسله .
رحت ع كوكل نزلت الفييس لايت بقى ماعرف
اسوي حساب لمن دخلت وتبعت الخطوات شو هذا طلب اسم حرت شسمي ماريد احد يعرفني .
جا ع بالي اسم جاسم النجفي عاد كتبته وسويت رمز شو هذا كبل تم انشاء الحساب عاد هنا طلب صوره واني ماعندي صور .
رحت لليوتيوب بحثت ع صور واخذت صورتين قصيتهم وخليتهم طبعا خليت صور بنات ولاسم اسم ولد
ودور نت ضعيف خليت كل صوره نزلتها اربع خمس مرات واني عبالي ماصارت والله خلصت من الصوره
ورجعت ابحث ع اصدقاء اني ماعرف اسم حساب مهيوب
بس اعرف حساب احمد اخوي طبيت ع حسابه ادور
بالاصدقاء ع كيفي وارجف بذاك الوقت الله ذب عليه الرجف وخايفه كلش عاد هما 1000 صديق وين الكي مسحت الفيس لاحد يشوفه عاد شوي ونمت
كعدت ثاني يوم الصبح وهم نزلت الفييس ورجعت ابحث
عاد شفته معلق لاحمد كبل طبيت خاص عزه شكد جنت خفيفه كتبت هلووو ممكن نتعرف
عاد فتت ع سمايلات وسمايلات الفيس لايت كل
واحد وحد اني ردت ادز هذا 😊 شوووو ماحس
غير وهذا واصله 😘 عاد هنا كمت ارجف بزايد هذا
الاسمايل جانن فد شيي عيبب حته لو مايعرفني
رجعت حذفت الفييس وايدي ترجف شفت شهد تباوعلي عين مغمضه وعين مفتحه .
شهد : شكووو ترجفين شوو تعاي شدسوين .
رزان : ماكو شي شسوي قابل ..
شهد : الله اعلم كومي كومي اليوم المهر مال احمد وامل ماما اجت من ٧ كعدتنه وكالت حروح اشتري الذهب لانو آمل كالت خلي عمتي تشتري اني ماروح لسوك عندي هواي شغلات .
رزان : اي والله ساعه ٨ دووب نلحك نكمل شغل هسه يجون بيت عموو وسمعت عمتوو صبيحه صبووحه حتجي .
كمت غسلت وصليت شفت ماما مسويه الريوك بابا
وعلي طالعين واحمد ماخذ ماما لسوك كعدت نازك
ريكتها وتريكت وبلشنه بالشغل والتحظيرات شفت
ماما مخليه لحم ع نار ماعرف شسوي بيه خابرتها .
الوو هلو يوم الله يساعدج .
مريم : هلا ماما كعدتو .
رزان : اي من زمان شفت اللحم ع نار شسويله منو حيجي ع الغدا.
مريم : عمتج صبيحه وزوجها وبيت عمج همات حيجون هذا اللحم سوي ع باميه وخلي 3 دجاجات بالفرن بين كا ارجع .
رزان : ماشي حبيبتي شوكت تكملون .
مريم : والله ماعرف المهم كملو الغدا يلاا بااي اني بالشارع .
رزان : سديته من ماما وحمست اللحم وخليت
الباميه وضفتلها ماي شوي حته تستوي طلعت دجاج
نكعته شوي وسمعت صوت اغاني يجي من الاستقبال .
عاد اني هنا تحمست عرس اخوي ورحت اركص للاستقبال شفت شهد عالكه الجو
مشتغله اغنية هزي هزي بالتلفزيون تحمست وحليت
شعري وصرت اهف بشعري وجيبه منا يطخ
بالمزهريات الي ع ميز التلفزيون كلهم تكسرو بس
اني ولاهامني مندمجه واهز ع كولته شفت البزون
فات من يم باب الاستقبال يسحل بالدجاجه باوعتله وبالي ييم الاغنية ورا شوي طخت بالي انوو هاي دجاجة الغداا
يااااااا . ركضت ورا البزون شفته واصل الحدييقه
والدجاجه حالتها حاله كلها ثيل وتراب . شلتها ذبيها جواا حته لايتهنى بيها الحقير.
شهدد : خوفتيني عبالي شوو شكو .
رزان : باوعتلها ورفعت حاجب عبالج شوو شكو لعد
هايي شنووو تعاي شووفي النجانه واكعه ع الارض
والدجاجات الباقيات وحده جوا ميز الطعام وحده
جوه الطباخ والزناخه واصله للمدرسه .
لكطت الدجاجات وخليتهم بنجانه ورحت لفيت شعري الله ياخذج ياشهد ساعة سوده الي هزيت بيها وياج .
شهد : وجعع منو كلج تجين .
رزان : دنجبي وتعايي شطفي المطبخ اني معليه بسببج توصخ.
شهد : اني بعدني ممكمله الاستقبال ونوب انتي كسرتي الغراض منو حيشيلهم ساعه 10ونص حيوصلون الخطار.
رزان : اهووو دولي رجعت ذبيت زاهي ومعطر ارضيات بالكاع وفرجتها حته تروح الريحه .
تبلت الدجاج وخليته بالفرن وطفيت جوا الباميه بقى بس التمن وحشوته اسوي ب 12 حته يبقى حار .
جا ع بالي الفيس رجعت ثبته وهم شلعان كلب شفت جايه رساله من مهيوب .
كاتب ( ههههههه ليش لا ممكن )
هههه بعينك شكد خفيف يمووت ع البنات بس وين البنات بالموضوع واني مسميه الحساب جاسم النجفي بس معلي مخليه صورت بنت .
عاد كتبتله انت وين .
كبررر هسه شنو انت وين هسه يكول تعرفني .
شوي ودز صورة للمكتب كاتب بالشغل .
عرفينه اوو عرفنه عليك .
يااا هسه شكوله رجعت حذفت الفييس وايدي مشتغل هزاز بيها
سمعت صوت سياره باوعت وشفت عمتي صبوحه حييل صار هواي ماشفتها .