بقلم ((( الكاتبة رفل )))
( سولفلي على روحك يابعد هالروح )
رزان : فتت للمطبخ صباح الخير ،،
هديه : صباح النور يمه تعالي تريكي ويا هدى ،،
رزان : لعد اهلي وين ردت عمه هديه راحوا للبيت كعدوج بس ماكعدتي اخذو رحمه وراحوا ،،
ضجت كلش حسيت نفسي غريبه وامل ماكو ف كلت
لعمه هديه اريد اروح للبيت شلون ،،
هديه : مادري بلكت احد يجي عليج من اهلج تركي بنتي بين مايجون
رزان : كعدت اكل بدون نفس وعمه هديه تباوعلي.بنضرات ماعرف افسرها كملت ووشلت الصنينه عزلت الريوك وغسلت المواعين وعمتي هديه كاعده تلكط خضره وتباوعلي حجيت لعد كوثر وين وامل ،،
هديه : كوثر راحت لااهلها وخلت هدى هنا وامل طلعت لبيت خالج ابو عمر هسه تجي ،،
رزان : هاا تمام شنو حسوون غدا اذا تحبين اساعدج
هديه : ليش هم تعررفين اطبخين ،،
رزان : هسه هاي اشبيها يربي تحجي من ورا خشمها
رديت اي كلشي اعرف تحبين اساعدج بشي قبل ما اروح ،،
هديه : خوش دامج رايده ساعديني راح تجي اختي اخلاص وبنتها فرح ع الغده اريد اسوي فاصوليه ع لحم وتمن وسمج ،، شتعرفين منهم ،،
رزان : تمام هاي الفاصوليه ع نار راح اكملها واطبخ تممن بس سمج شون ،،
هديه : هسه اخابر مهيوب يجيب سمجتين ويا من يرجع ،
عفتها تكلب بالموبايل حته تخابر ورحت كملت الفاصوليه ،،
مهيوب : جنت طالع ويا وفد نشوف البضاعه سمعت تلفوني يرن اترخصت منهم ورحت على جها رديت الووو يمه الله يساعدج،،
هديه : ويساعدك وليدي ارريدلي سمتجين للغده يمه من تجي جيب وتعال من وكت خالتك غداها يمنه ،،
مهيوب : ياستار ذاك الاسبوع جانت يمنه ،،
هديه : هاا يمه شلك بهالحجي واذا جانت عدنه بعدين هاي بحسبة امك خالتك وليدي لاضيك عينك على خالاتك،،
مهيوب : يمه فهمتيني غلط كل الهلا بيها بأي وقت بس عبالي صاير وياهم شي تدللين حجيه حته كباب راح اجيبلج ،،
هديه / الله يرزقك وليدي ،،
مهيوب /أمين حجيه يلا مشغوول ترا مع سلامه ،،
هديه : مع سلامة بحفظه وليدي ،،
رزان : كملت الفاصوليه وحجيت عمه اطبك التمن لو بعد وكت...
هديه : هسه اني اطبكه روحي عزلي الصاله بنتي الله يرضى عليج هذا شغل رحمه وليوم راحت ويا اهلج ،
رزان : تمام رحت لصاله اخذت مكنسه كهربائيه كنست التخم ونضفت الكوشات والطبلات اكو طبله بالنص عليها خاتم فضه مال زلم بس كلش عجبني حرت وين اخلي اني بالعاده من انضف كلشي اشوفه اللبسه مثل سبحه او محبس او شال مرات اعزل بيت اهلي واشوف شالاتنه بالكاع كلهم اخليهم على راسي 3او 4 المهم ماروح وارجع اودي شي على مكانه شلت الخاتم باوعتله فضه وبي خرزه كريستال والخرزه بيها طير حر وشلال ماي لبسته ورجعت امسح الطبلات وكملت جبت سطل ماي وخليت بي عطر ومسحت الارضيه صارت تلمع رجعت فرشات التخم والطبلات على مكانهم وشغلت مبرده حته تبرد الصاله شويه شفت بخور شغلت شوي وطفيته اجت عمه هديه عاشت ايدج كلش مرتبه الصاله بنتي ،،
ابتسمت الها حجيت هيا مرتبه بس نضفت ،،
ابتمستلي حجيت اريد اسبح قبل ماتجي خاله اخلاص حجت اخذي راحتج بنتي البيت بيتج ،،
بعدها رحت طلعت جنطتي واخذت منها فستان بنفسجي من فوك واسود كلوش من جوا صاير فصال تنوره وبدي واخذت شال اسود فتت سبحت وطلعت
نشفت شعري وصليت لانو اذن ظهر كملت وخليت شوي مكياج برز ملامح وجي وكثفت رموشي
لفيت شعري وشالي لفيته عدل وطلعت صارت امل بوجهي هستوها جايه ،،
أمل : الله الله شنو هالجمال وين رايحه ،،
رزان : ابتسمت شكرا وين عايفتني ولج ،،
أمل : والله رحت لبيت عمو رواء جايينها خطابه اليوم ودت عليه ارتب حواجبها وجها هستوني خلصت ورجعت ،،
رزان: صددك رواء راح تنخطب ،،
امل / اي رواء بشحمها ولحمها اصغر مني ومنج راح تنخطب ماريد اجرح مشاعرج بس هذا الواقع ،
رزان: ههههه بيها الخير تستاهل كلش حبابه ،،
أمل : الله يتمم ع خير شنو هالريحه الطيبه اروح اكل جعت هاا يوم شونج ،
هديه : كاعده ع المصلايه تسبح هلا يمه شلونهم بيت عمج ،
أمل : تمام يسلمون عليج . هديه : الله يسلمهم ،،
رزان : أمل الباب يندك ،،
أمل : اي جااييه ،، رحت فتحت الباب وصارت بوجهي خاله اخلاص وفرح فتحت عيوني ورمشت متفاجأة
اخلاص : هلو حبيبتي شلونج ششخبارج انشالله بخير بعد خالتج صايره عروس ،،
رديت هلا هلا خاله وبوستها دفعتني وفاتت ،
فرح : هيلوو شونج حبي اففف متت حر وخري معت خلفوت ،،
فاتت وهي لابسه بنطرون وكعب عالي وحاله شعرها
وخاله شال كفيان شر
ضليت واكفه يم الباب مصدومه ،،
رزان : دخلت خالتهم اخلاص مره بالخمسينات لاكن مهمته بنفسها لا بسه جبه ومحجبه سلمت عليها ،،ودخلت على عمه هديه بعدها فاتت بنت ضعيفه وطويله لابسه بنطرون ضيك وتيشيرت شوي وتطلع بطنها وحاله شعرها ذبت الشال باب البيت وراحت ركض تمددت ع التخم مقابيل المبرده باوعت ل امل وهي مو اقل مني صدمه ،،،
اخلاص : ماما فرح تعاي سلمي على خالتج بنتي مو عيب ههههه خطيه تعبت مامتعوده ع تعب تعرفيها انتي نازكه وماتتحمل سيارات وحر،
فرح : جيت ماما هلوو خاله شلونج شخبارج بوستها وكعدت يمها باوعت عدهم بنيه غريبه منو هاي خاله ،،
هديه : هاي رزان بنت مريم حماتي ،،
اخلاص : هاا هلا بيج حبيبتي شلونها امج ،
رزان : الحمدلله بخير ،،
فرح : شنو تردين اطلعين شو مبدله ،،
رزان : اي والله اريد اروح لاهلي بس يجي احد ياخذني،،
هديه : امل يمه وصلي بنت عمتج على بيتهم خطيه مبدله ،،
رزان : ضليت فاتحه حلكي تمنيت الكاع تنشك وتبلعني هيج تفشلني كدام اختها هاي تعتبر طرده حته ماكلفت نفسها وكالت ضلي تغدي وروحي ،، اجاني صوت من وراي ،،
مهيوب : يممه صددك تحجين تدزين البنات بهالظهرية ليش مطرودات ،،
هديه : هلا يمه جيت لا والله بس هيا من الصبح متحظره خطيه واهلها ماجوي ،،
مهيوب : وااذا ماجوو يمه قابل هيا غريبه ،،
رزان : حسيتها راح تكبر حجيت لاا اني اريد اروح هسه اخلي امل توصلني ،،
مهيوب : انجبي انتي شنو طلعين بالظهر بكيفج هنا ريف وعالم تفتر شيكولون بناتنه يطلعن بكيفهن،،
إخلاص : اشبيك خاله جيتنه حامي شدعواك سلم ارتاح بعدين بلش عياط بعدين البنت من اجينه هي واكفه هنا تريد تروح ،،
مهيوب : هلا بيج خاله يلا سددوو الموضوع كافي
ووانتي نتغدا واوصلج ،،
هديه : يمه انت تعبان وخالتك جايه شوفك ،،
مهيوب : يمه هوا كم بيت بيناتنه مو رايح للموصل ،،
رزان : كللش تضايقت من كلام عمه هديه واختها بس مهيوب كان موقفه حلو وياي وماتركني اروح وحدي ويا امل ،،
مهيوب : فتت لبيت وسمعت امي تحجي هيج ويا رزان تعصبت شنوو تطلع وحدها وهي غريبه حته عيب من عمي خالد امي الله يسامحها مادري شبيها ورا شويه حسيت ع صوت حكيمة قصدي فرح باوعتلها هااي شنو شسمويه بروحها ،،
فرح : مهيوب شونك شخبارك ،،
الحمدلله ،، عفتها وطلعت لغرفتي بدلت تراك اسود وصليت ونزلت اتغدا شفتهم مكملين الغدى ،،كعدت ع الميز واجت فرح كعدت يمي استغفرالله هاي شبيها
خليت راسي بالصحن الكدامي ،، ماباوعت ابد،
أمل : رزان ماتاكلين اشبيج ،،
رزان : هستوني تريكت والله شبعانه ،
هديه : اكلي يمه فرح حته تسمنين ابني يحب المربربه ،،
مهيوب : غصيت بالكمه ،
هديه : الله يمه الله شبيك اسم الله ،،
مهيوب : سفره دايمه حجيه عاشت ايدج شبعت ،،
اخلاص / يااا خاله شكلت اكعد لاتستحي،،
.مهيوب : لويش استحي خاله بس اني شبعت يلا رزان كملي اكلج حته اوصلج ،،
رزان : ماعندي شي كمت من سفره غسلت ايدي وعدلت شالي وشلت جنطتي وسلمت ع الكل وطلعت شفت مهيوب صاعده بسيارة ينتظر وكفت يم باب السيارة الورى ،،
مهيوب : شنوو جاي تعبيلها بانزين ،،
باوعتله لا انتظر أمل غير تجي ويانه ررفع حاجبه وليش تجي بالله ،،
رزان : لعد نروح وحدنه ؟ رد ليش راح اخطفج صعدين لا ورب الكعبه انزل انام واما اوصل جدي
هسه هذا اشبي جيت افتح الباب الورى حجه مقفول
اصعدي هنا يأشر ع الكدام اهوو رحت صعدت وشغل ومشينه اجا ابالي من سمعت عمه تخابر تخطبله كل ضني يعرف حجيت مبرووك الخطوبه ،،
مهيوب : سحب نفس من الجكاره وباوعلي وهو يسوق الله يبارك بعمرج خطوبت ايش ،،
باوعتله بطارف عيني خطوبة امي ،،
حجه ليش هسه تذكرتي تباركين الي بخطوبة عمتي ،،
حجيت هااا تخاف تنحسد ماتعلم ،،
مهيوب : اشبيج بابا مأثره عليج حراره البصره خطوب ايش ،،
رزان : الصبح سمعت عمه هديه تكول اريد اخطب فرح لمهيوب وهوا موافق ماعرف ايش ترا ماكو داعي تضم عادي كلها تنخطب ،،
ساعه احجي قاطعني وهو يكول انزلي باوعتله وين انزل عاقد حاجبه وو الاورده مال ايده تبين واضح عليه العصبيه هذذا اشبي زمخ بيه نززلي هذا بيتكم
اخذت جنطتي ونزلت وضربت باب السياره حيل كبر حته كبر ماعنده ذؤؤق اصلا فرح هواي عليه ،
مهيوب : شخطت السياره ورجعت للبيت يصير خير يمه ،،،،،