ကျောင်းတက်နေသည်မှာ လဝက်ကျိုးလာသည့်တိုင် သူ California တွင် နေသားမကျသေး။
ယူထားတဲ့ မေဂျာက Computer Science မို့
Project တွေကြောင့် ငြင်းခုံသူများကို ကြည့်ရင်း တစ်ခါတစ်လေ အာရုံနှောက်ရ၏။
သူ အတန်းမှန်မှန်တက်ပေမဲ့ Partyတွေ Night out တွေတော့ မသွားဖြစ်။
စိတ်ဝင်စားကြောင်း ပြကာ လာရောသည့် အလှလေးတွေကိုလည်း ခပ်တန်းတန်းသာ ပြောဆို ဆက်ဆံမိသည်။ဘာကောင်လဲ ဆိုပြီး ကိုယ့်အား အကဲခတ်နေကြသည့် မျက်လုံးတွေကို မသိချင်ယောင်ဆောင်ရင်း
ဘယ်သူနဲ့မှ မိတ်ဆွေ မဖွဲ့ဖြစ်။
Eric ပြောသလို ပိတ်ရက်တွေမှာ Surfing လုပ်ကြည့်သည်။
စိတ်မလေတော့ဘဲ ရေလှိုင်းတွေကြား သူ ပျော်လာ၏။အစကတော့ ခဏခဏ လှိုင်းပုတ်ခံရပေမဲ့ Board ပေါ် ဟန်ချက်ထိန်းနိုင်လာတဲ့အခါ ရေပြင်က သိမ်မွေ့လျက်။ကမ်းခြေဟာ သူ စိတ်အပန်းဖြေရာ ဖြစ်နေပြီ။အားတဲ့အချိန် ပင်လယ်ဖက်ပဲ ပြေးနေ၍ အသားအရည်ပင် ညိုချင်ချင်။ရံဖန်ရံခါ နေရောင်အောက်တွင် အပေါ်ပိုင်း ဗလာဖြင့် လှဲရင်း တရေးတမော အိပ်ပျော်သွားတတ်သေး၏။
အိမ်ပြန်ရောက်တဲ့အချိန်ဆို မှောင်လုလု။
Bodyguard တွေနှင့်အတူ ညစာ စားပြီးနောက် သူအရင်ဆုံး လုပ်တာက E-mail စစ်ခြင်းပင်။
ယံ့ဆီမှ တစ်ပါတ် နှစ်ကြိမ်ပဲ စာဝင်သော်လည်း အရင်က ပို့ထားတာတွေကို သူ ပြန်ဖတ်လေ့ရှိသည်။
တကယ်ကိုပဲ သူ ယံ့ကို သတိရ၏။
သူ မြန်မာစကားကိုပင် သေချာ လေ့လာနေပြီ ဖြစ်သည်။
•°•°•°•°•°•°•°•°•°•°•°•°•°•°•°•°•°•°•°•°•°•°•°
"Ray မသိသေးဘူး ထင်တယ်"
"အနှေးနဲ့ အမြန်တော့ သိသွားမှာပဲ"
"အာဏာပိုင်တွေက ပစ်မိန့်ထုတ်ထားတယ်"
"Ray က တည်ကြက် ဖြစ်လာနိုင်လို့ လုံခြုံရေး တင်းကြပ်ထားရမယ်"
အစိုးရက အရေးပေါ် ကြေညာသွားသည့် သတင်းတစ်ခုကြောင့် အိမ်တော်မှာ တပ်လှန့်လိုက်သလိုပင်။
