"ပျော်စရာ ကိစ္စရှိလို့လား Noah"
မနက်ကတည်းက လန်းဆန်းနေတဲ့ သူ့မျက်နှာကို ကြည့်ရင်း Dean က မေးလာသည်။သူပျော်တာ အဲ့လောက် သိသာနေလား။
Noah ပြုံးရုံ ပြုံးကာ ညာဖက်လက်ချောင်းတွေကို ဆုပ်ချည်ဖြန့်ချည် ပြုလိုက်၏။Daddy က နောက်ခါ ဒဏ်ရာ မရစေနဲ့လို့ မှာလိုက်သေးသည်။သူကတော့ Daddy ဆီက နောက်ထပ် ဂရုစိုက်မှုကို မျှော်လင့်နေမိ၏။
"Guys...ဒီနေ့ Victor ရဲ့ မွေးနေ့"
ညဖက်ကျတော့ သူတို့ B1 မှာ Victor အတွက် မွေးနေ့လုပ်ပေးပြီး လူငယ်သဘာဝ သောက်ကြစားကြ ပျော်ကြသည်။Victor က သူ့ရဲ့ကောင်မလေးကို ခေါ်ပြီး မိတ်ဆက်ပေးတော့ ဂုဏ်ပြုရသည်။ချစ်ကြည်နူးနေတဲ့ စုံတွဲတွေကို မြင်လျှင် Noah ရည်းစားတစ်ယောက်မှ မထားဖူးတာ တွေးမိသည်။တက္ကသိုလ် တက်ခဲ့တဲ့ နှစ်တွေမှာလည်း ဘယ်မိန်းကလေးနဲ့မှ မနီးစပ်သလို ရင်လည်း မခုန်တတ်။သူငယ်ချင်းတွေက သူ့အား ရေခဲနှလုံးသားနဲ့ကောင်ဟု ပြောကြသည်။တကယ်တော့ သူ့နှလုံးသားကို အရည်ပျော်စေနိုင်မဲ့ လူ မတွေ့သေးတာ ဖြစ်မည်။
"Daddy က လက်ဆောင်ပို့လိုက်တယ်"
Gang ထဲက ဘယ်သူ့ မွေးနေ့မဆို Mansion ကနေ လက်ဆောင်ရောက်လာလေ့ရှိသည်။
သို့သော်.....
Noah မရဖူးပါ။
သူ တစ်ခါမှ မွေးနေ့ မလုပ်ဖူးပေ။
ဂေဟာကို ရောက်တဲ့နေ့ မှတ်တမ်းက လွှဲရင် သူဘယ်နေ့ မွေးသလဲ မသိပါ။
"မင်းတို့သိလား...Daddy က မြို့တော်ဝန်ရဲ့ညီမနဲ့ ညစာ ထွက်စားတာလေ"
"အရင်က Mansion ကို ဝင်ထွက်တဲ့ မိန်းကလေး မရှိဖူးဘူး"
"ငါတို့ မကြာခင် Mommy ရတော့မှာလား"
"Haha"
Noah မကြားချင်တဲ့ အကြောင်းအရာကို စိတ်ဝင်တစားပြောနေကြသဖြင့် Rumတစ်ပုလင်းဆွဲပြီး အပြင် ထွက်ခဲ့လိုက်သည်။
ဘာကြောင့် ရင်ထဲမှာ နေရခက်နေသလဲ။
ညလေ အေးအေးရယ်
ရေခဲစိမ်ထားတဲ့ အရက်ပြင်းပြင်းရယ်။
ဘယ်လောက်မူးနေပါစေ...
