"ဒီက လွှတ်ပေးလိုက်ရင်တောင် သူ့ကို ခိုင်းထားတဲ့ Gang က အရှင်ထားမှာ မဟုတ်ဘူး"
"ကျွန်တော် လုံခြုံတဲ့ နေရာကို ပို့လိုက်မယ်လေ"
"Noah.."
"Eric please...သူက ကျွန်တော့်ရဲ့ မိသားစုဝင်ပါ"
Noah အတတ်နိုင်ဆုံးတော့ သူ့ညီကို ကာကွယ်ရမည် ဖြစ်သည်။
Daddy ရဲ့ အမိန့်နဲ့ သူ Asher ကို ခေါ်ထုတ်နိုင်ချိန်မှာ စုတ်ပြတ်သတ်နေသော ဒဏ်ရာများကြောင့် လူက ခပ်ယဲ့ယဲ့သာရှိတော့သည်။ ဝန်မခံခဲ့လျှင် စစ်ဆေးမေးမြန်းခံ
ရတဲ့ အခန်းထဲမှာတင် သေသွားလောက်ပြီ။
"မြို့အထွက် ဂိတ်ရောက်ရင် မင်းကို လူတစ်ယောက် လာခေါ်လိမ့်မယ်... လောလောဆယ်တော့ Alexတို့နဲ့ မဆက်သွယ်သေးနဲ့"
ခပ်လေးလေး ခေါင်းငြိမ့်ရင်း တောင်းပန် တိုးလျှိုးသလို အကြည့်တွေ။
"ငါ စိတ်ချမယ်"
အရုဏ်မတက်ခင် မှောင်ရိပ်မပြယ်သေး
သည့် လမ်းပေါ်တွင် တရွေ့ရွေ့ ထွက်ခွာသွားတဲ့ကား။
Dean နှင့် Andrew တို့ နှစ်ယောက် လိုက်ပို့တာကြောင့် Asherကို ဘေးကင်းရာဆီ ရောက်သွားစေချင်သည်။
Noah မှာတော့ နောက်ဆက်တွဲရှင်းစရာတွေ ရှိသေး၏။
သူ တာဝန်ခံပါ့မည် ဆိုတဲ့အကြောင်း Max ကို ကတိပေးခဲ့ရသည်။
•°•°•°•°•°•°•°•°•°•°•°•°•°•°•°•°•°•°•°•°•°•°•°
"Noah ပြန်ရောက်ပါပြီ...Mission အကျအဆုံးမရှိဘဲ အောင်မြင်ပါတယ်...ဒါပေမဲ့..."
Eric ဖုန်းချကာ လုပ်လက်စ အလုပ်တွေကိုရပ်ထားခဲ့လိုက်သည်။ Mansion ကနေ ကုသဆောင်ဆီ သွားသည့်လမ်းက သိပ်ဝေးနေသလိုပင်။
ညဆယ်နာရီအချိန်မို့ တိတ်ဆိတ်နေသော်လည်း
Operation Room ရှေ့သို့ သူရောက်သွားသည့်အခိုက်မှာ Noah ရဲ့ နာကျင်စွာ ညည်းသံကို အရင်ဆုံး ကြားရတာ ဖြစ်သည်။ သေနတ် တစ်ချက်ထိလာကြောင်း သိပြီးဖြစ်ပေမဲ့ မြင်လိုက်ရတော့လည်း ပင့်သက်ရှိုက်မိမတတ်။
"ကိုယ်တွင်း အဂင်္ါတွေ မထိသွားပါဘူး"
Doctor Aaron က သေမတတ် ဝေဒနာအား ခံစားနေရသော Noahကို နှစ်သိမ့်လေသလား။ ဒါမှမဟုတ် သူ့ကို မစိုးရိမ်ဖို့ ပြောတာလား။ Eric ရဲ့ အကြည့်တွေကတော့ ပိုးသတ်ထားတဲ့ ဓါးတွေဆီမှာ။
