مثلث الحب (الجزء الرابع من عشق الانتقام )

الخاتمه 💛

حين يسألونك عن الحب ...قل لهم هو الموت بالبطئ ...فلا يوجد عاشق الا وبكى 💔💔
شهاب وااااه من شهاب العاشق الميت كما يقولون كان يحسد جلال على الاقل هو مات مع حبيبته ولكن هو اين هي اين حياته قد أخذت روحه معاها وذهبت اين انتي يا عشقي متى سأذهب اليكي متى اريد أن أكون بجوارك بأسرع وقت !!

ليس الفؤاد محل شوقك وحده ..كل الجوارح في هواك فؤاد ❤️
يعشقها حد النخاع فهي بنسبه له كل شئ لا يوجد لدنيا قيمة من دونها لا يعلم على ماذا يعاتبها فبعدها عنه كان عشق فوق العشق أضعاف مضعفه ؛ أما هي فهو بنسبه لها الدرع الحامي مهما بلغت قوتها تبقى بجانبه ابنته تكون كالقطه التي تعرف مالكها وتجلس بأحضانه فهو فؤادها قلبها الذي ينبض بعشقه ويضخ دم شوقه لها !

لربما اكون كل شئ ماعدا أن أكون مرأه مهزومه ..هذا الذي سأموت من أجل أن لا يحدث !
ماهي وسليم يمكن قصتهم مكنتش احلى حاجه بس عدو مع بعض حاجات كتير يمكن ماهي كانت قويه ذياده الي شافته برضه مكنش شويه بس المهم انه هو كان دايما معاها
أما هو فهي بنسبه ليه كانت طوق نجاة رجعت قلبه ينبض تاني بس بحبها هي وبس فهي مسيطره على كيانه زي ماهو مسيطر على روحها سليم مكنش ضعيف لان في ناس قالتلي اني مقلله دور سليم جمب ماهي اوي لا والله ابدا بالعكس هو كان عارف كل حاجه ماهي بتعملها بس عشان واثق فيها وعارف أنها بتعرف تتصرف فبيسكت وكمان هي بتيجي تحكيله دايما وهو دايما في ضهرها مهما حصل هو كل الحكايه أنه هادي جدا وبيطلع مره واحده وقومته دي مش بساهل لأنها ساعتها بتقضي على كل حاجه

إن أرادت الحب تعلم أن تستحقه اولا
قصة آدم واسيل مع انها كانت عاديه جدا في الاول مش قصة حب بس كان عوض ليها عن الي حصلها مش سهل عليها أن صاحبة عمرها تيجي تقولها قبل الفرح بيومين انها حامل من خطيبها ومش بساهل انها تخلي الفرح الي كان بتاعها وفستانها في ثانيه يبقى لصاحبتها وفستانها وكل حاجه ....أما ادم هو حبها من وهي صغيره وكان مرقبها من بعيد بس متكلمش وحاول يلهي نفسه لما اتخطبت ولولا ان موضوع خطيبها دا حصل مكنتش هتجوز ادم ولا تعيش معاه احلى ايام حياتها ويعوضها عن كل حاجه

الي متى سنلتزم الصمت وبداخلنا براكين تحرقنا يوما بعد يوم !!!
حكايه ملك وسيف بسبب حاجه عبيطه أو انا شوفتها أنها عبيطه بصراحه لأن مفيش مبرر يخلي اي طرف أنه يشوف حاجه ويفهمها مع نفسه من غير ميسأل الطرف التاني عنها لا وكمان يعمل رد فعل على أساسها وبعد كده لما يعرف الحقيقه يندم سيف غلط بس قبل غلطه كانت ملك لأنها خبت عنه ودا الي خلاهم يضيعو تلات سنين من عمرهم على وهم المهم انهم رجعو ولولا المواجهه كانو هيفضلو طول عمرهم كل واحد شايف التاني مذنب وقاتل عشان كده احسن حاجه المواجهه ..

وبعض الود يصان بالبعد احيانا ..
عاصم ودارين
حكايتهم كانت مختلفه تماماااااا عاصم كان بيجرح نفسه قبل ميجرحها ويعمل الي عمله وسابها ست سنين عشان بس تبقى احسن انا مش ببرر الي عمله فيها وجرحه ليها بس في نفس الوقت دي كانت وجهه نظره وفعلا نجحت لو مكنش عمل كده كانت هتفضل زي ما هي مش هتتغير حبهم في النهايه انتصر مش مهم انك تغلط في العلاقه المهم انك تصلح الغلط دا ..

في الحب والحرب كل شئ مباح  ..
عشق يوسف ودانا كان بيكبر يوم بعد يوم احيانا بيكون الي قدامك بيحبك أضعاف مانت بتحبه بس للاسف احيانا اللسان يعجز عن النطق وتصريح بهذا الحب لو عشقت في يوم قول متكتمش جواك ..

العناد في الحب مطلوب احيانا وليس دائما
جومانا بطبعها عنيده جدا مغروره بس مجرد محبيت كسرت العند دا أو بمعنى أصح هو الي كسره كان ممكن ماجد يسيبها ويقول وانا مالي دي واحده مغروره بس هو حبها وحاول يغيرها وكسر غرورها بس بحب منه وعشقه ليها وقوة شخصيته وتمسكه بيها ..

أن أرادت الحب تعلم أن تستحقه اولا ..
قصه نورسين ومازن قصه تقريبا بتحصلنا كل يوم أن الواحد بيكون الطرف الضعيف أو المظلوم في العلاقه وبيتظلم كتير وفجأه ربنا يعوضه بحد احسن مليون مره وبعد كده الماضي بيرجع يطاردك بس انت بقوتك الي اكتسبتها من الطرف الجديد في حياتك وحبك ليه بتقدرو تحمو بعض وتحمو علاقتكو ببعض ..

لم يكن الحب يوما مجرد كلمه تقال لحظه صفاء أو لحظه حماس بل هي عهد في رقبتك ليوم تقابل ربك ..
اكمل ورحيق يعتبر علاقه هاديه جدا ورقيقه جدا وكان لازم يكون حاجه زي كده موجوده مينفعش أن كل الشخصيات تكون ليها قصه اوي أو مؤثره جدا في الروايه كانت هتكون اوفر اكمل حب في رحيق رقيتها وجمالها الهادي ..رحيق حبيت في اكمل أنه شبه ليث ابوها بقوته وذكائه ودا برضه بيحصلنا كتير أن كل طرف بيحب التاني عشان حاجه لاقيها فيه ودا مش عيب المهم تحافظ على العلاقه دي ..

في النهايه احب اقول اني بجد مكنتش متوقعه اني اوصل لكل دا أو اني اكون عندي خيال واسع كده انا مقدرش اقول على نفسي كاتبه أو روائيه خالص انا مجرد واحده خيالها واسع وبتحب تكتب شويه خواطر سواء اكشن أو رومانسي أو حتى كوميدي مقدرش احدد انا ايه بظبط بصراحه لان دي كانت اول خطوه أخدها وأكمل فيها ياريت تقولولي رأيكو بحب اسمعه اوي جدا وبنبسط من اي كومنت حتى لو صغير لانه بيحسسني اني مؤثره فعلا ❤️
دمتم بخير 💙
استنوني قريبا في (رب الصدفه )