مثلث الحب (الجزء الرابع من عشق الانتقام )

الفصل الاول

صباح الخير الاول دا اول فصل لقصه فؤاد وقسمت طبعا مستنيه رأيكو جدا جدا 😂 ❤️
***********************
في مبنى المخابرات
اللواء شاهين :يعني ايه يا سيادة النقيب المهمه مخلصتش دا اسمه استهتار مشغل شويه بهايم
محمد :يافندم السفاح دا ليه اكيد جاسوس عندنا هنا كل منخطط لحاجه تفشل اكيد في حاجه غلط يافندم
اللواء شاهين :انا الي غلطان من الاول اني اعتمد عليكو كان المفروض اوكل حد كفئ عن كده انت عارف عدد الضحايا بقو اد ايه دلوقتي اتفضل على مكتبك
رفع هاتف المكتب الخاص به :ايوه ابعتلي الجزار بأسرع وقت يعني ايه في مهمه لسه اول ميجي خليه يجيلي بسرعه مفيش وقت
اغلق الخط واغمض عينيه بهدوء تام وقال :مفيش غيرها هي الي هتحل المشكله دي

في مكان آخر بعيد كان قرع الحذاء هو الصوت المسموع فقط دخلت بهدوء الي مكان قذر بشده بارد جدا وقفت أمامه بشموخ تام وفي يديها سيكنها الحاد وله قبضه من الحديد اليدوي وفيه فتحه لتدخل يديها فيها فهي سلاحها المفضل لها وضعت قدميها على الكرسي امامه ببرود مخيف
هي :ها هتتكلم ولا تحب اتعامل وبرضه هتكلم
الرجل وهو يلهث من كثرة الضرب :انتي مش اده ابعدي عنه احسن
هي ببرود :تمام وانا بقا عايزه اعرفه مفيش مشكله خالص بس الاول لازم اسبله تذكار صغير وهديه مني ليك
الرجل :انتي مين بظبط
هي وهي تقترب منه ببطئ نزلت برأسها وعينيها يقسم أنه رأى الجحيم فيهما :انا ملاك الموت يا تارك الصلاه !!

في فيلا حديثة التراث كانت تنام بعمق صدع صوت المنبه الخاص بها فتحت عينيها بهدوء دخلت المرحاض لتجهز ليوم عمل جديد نزلت من غرفتها لتجد والدها يجلس يشرب قهوته وهو يقرأ الجرائد
قسمت بمرح :حبيبي صباح الخير يا قصى بيه
قصى :صباح الفل يا حبيبتي يلا اعدي افطري انا عارف انك مكلتيش من بدري
قسمت :ايه يا سيادة اللواء انت مش واثق في بنتك ولا ايه
قصى بضحك :ازاي بس يا سيادة الرائد دي الداخليه كلها بتتكلم عنك وعن اخر مهمه عملتيها
قسمت وهي تأكل :طبعا يا سيادة اللوا احنا دايما في خدمة الوطن امال فين ليلى هي مصحيتش لسه كل دا
لا صحيت اهو انا جييييت
كان هذا صوت ليلى الاخت الصغرى لقسمت وهي عكس قسمت تماما فهي رقيقه جدا وتدرس في كليه الفنون الجميله قسم العماره وتعتبر قسمت والدتها فهي حنونه عليها كثيرا وتعويضها عن والدتها التي ماتت
قسمت :يلا يا لولو كلي بسرعه عشان اوصلك قبل مروح الشغل
ليلى بمرح :ييييس سيادة الرائد بنفسها هتوصلني يا اهلا وسهلا
قسمت :اه ويلا ياختي بدال متكدر من سيادة اللوا
قصى :ازاي بس انتي اكتر واحده مظبوطه في مواعيدك اه صحيح اللوا شاهين كلمني وقاللي أنه عايزك اول مترجعي روحيله الاول لأن واضح أن في مهمه جديده
قسمت :عرفت وانا بالفعل هروح دلوقتي يلا يا عايز حاجه يا حبيبي
قصى وهو يقبل ليلى أيضا وقسمت :لا وخلي بالكو من نفسكو لا اله الا الله
قسمت وليلى :محمد رسول الله
خرجو ركبت قسمت سيارتها وبجانبها ليلى التي كانت تراجع دروسها كان قصى ينظر إليهم من خلف النافذه ويتنهد :لحد امتى يا قسمت هتفضلي قافله على نفسك اوي كده من يوم ما امك ماتت وانتي بقيتي واحده تانيه خالص الله يرحمك يا نهال ويسامحك
في مبنى المخابرات كانت تمشي بين الظباط بهدوء تام وهيبه كبيره كيف لا وهي الاشهر على مدار السنين التي مضت
طرقت باب مكتب اللواء شاهين
شاهين :تعالي يا قسمت واقفلي الباب وراكي
قسمت دخلت وجلست أمامه :خير يا سياده اللوا جالي خبر اني اول ما اجي من المهمه اجي لحضرتك خير
شاهين بهدوء :بصي يا قسمت من يوم مدخلتي كلية الشرطه وبعدين تثبتي كفائتك وعملتي ماجستير في القانون وبعدين هما الي رشحوكي للمخابرات هنا انتي مش بس بنت صديق ليا لا انتي اكتر من بنتي
قسمت :انا عارفه كل الكلام دا يا فندم بس ليه كل دا حضرتك بتمهد لايه بظبط ممكن افهم
شاهين :بصي يا قسمت طبعا انتي عارفه ناجي الكافوري
قسمت :مش دا رئيس المافيا الي ....
شاهين :بظبط المهم أنه مستهدف كذا حد بس للاسف خلص عليهم
قسمت :والمطلوب !
شاهين بترقب :هتحمي اخر واحد في القايمه
قسمت :حمايه بس دا مش شغلي انا شغلي
شاهين وهو يشير إليها :انا عارف شغلك كويس بس انتي اكتر واحده اقدر اعتمد عليها بكده اخر واحد في القايمه دي هو رجل اعمال مشهور اوي دا الملف بتاعه اقريه وقوليلي رايك وطبعا في اسرع وقت يا قسمت مفيش وقت خلاص
قسمت وهي تمسك من يديه الملف وتلقي عليه التحيه وتذهب الي مكتبها وتجلس عليه بعد أن خلعت جاكتها 
طلبت من البوفيه فنجان قهوه
جلست على الكرسي الخاص بها تفتح الملف الشخصي التابع لرجل الأعمال فؤاد الالفي !!